Sipas njoftimit, akademia përkujtimore do të mbahet të premten nga ora 11:30 në Amfiteatrin e madh në Kampusin e Universitetit.

“Universiteti “Ukshin Hoti” Prizren, do të mbajë akademi përkujtimore me rastin e vdekjes së Prof. Dr. Yll Zajmi dhe Prof. Dr. Vedat Kiseri. Akademia përkujtimore do të mbahet të premten më 16.09.2022 prej orës 11:30 në Amfiteatrin e madh në Kampusin e Universitetit”- thuhet në njoftim.

Profesor Kiseri ishte mësimdhënës dhe anëtar i Këshillit Drejtues të Universitet “Ukshin Hoti” në Prizren. Kiseri më herët ishte Shef i Degës Gjuhë dhe Letërsi Angleze në Fakultetin e Filologjisë në UP, Dekan i Fakultetit të Edukimit dhe Drejtor i Shkollës së Lartë Pedagogjike në Prizren, mbi themelet e së cilës është ngritur Universiteti “Ukshin Hoti”.

Profesor Zajmi ishte profesor i Shkollës së Lartë Pedagogjike dhe njëri ndër themeluesit e saj. Në disa mandate ishte zëvëndësdrejtor kurse në një mandat edhe drejtor i shkollës. Disa mandate ka qenë udhëheqës i katedrës (degës) së gjuhës dhe letërsisë shqipe. Punoi edhe në Fakultetin e Edukimit.

Edhe Yll Zajmi edhe Vedat Kiseri njihen si doajenë të arsimit jo vetëm në Prizren, por edhe në tërë Kosovën dhe për shkak të punës, angazhimit dhe veprave të tyre kanë gëzuar respekt të lartë në qarqet akademike dhe ato arsimore. Vdekjen e tyre, qytetarët e Prizrenit e kanë quajtur si humbje të madhe.

The post Universiteti i Prizrenit të premten mban akademi përkujtimore për profesorët Yll Zajmi dhe Vedat Kiseri appeared first on Prizreni Sot.

Postimi i plotë:

SHVA u shpreh ngushëllimet ma tē sinqerta familjes miqëve ,kolegēve dhe të gjithë të të njohurëve të Prof. Vedat Kiserit

Bashkë me lajmin po e japim një biografi te shkurtër të Prof. Vedat Kiserit !

Prof. Dr. Vedat Kiseri

Prof. Dr. Vedat Kiseri u lind më 04 Maj 1946.

Fakultetin Filologjik të Prishtinës në Degën e Gjuhës dhe Letërsisë Angleze e përfundoi më 1970, magjistroi në Zagreb më 1980 dhe mbrojti tezën e doktoraturës më 1986 në Prishtinë.

Profesor Vedat Kiseri punoi si ligjërues dhe më vonë profesor në SHLP nga 1972-2004.

Ai ishte bashkëpunëtor i jashtëm në Fakultetin Filologjik në Prishtinë 1986-2004; si Docent më 1989; profesor inordinar më 1999 dhe profesor ordinar në Fakultetin e Filologjisë.

Gjatë karrierës së tij ai pati funksione të ndryshme ndër të cilat edhe Shef i Degës Gjuhë dhe Letërsi Angleze në Fakultetin e Filologjisë, anëtar i Këshillit Drejtues të UPZ-së, Dekan i Fakultetit të Edukimit dhe Drejtor i SHLP-së në Prizren.

Ai gjithashtu mori pjesë në trajnime, seminare, vizita institucioneve dhe konferenca në vende të ndryshme evropiane, Shtete te Bashkuara të Amerikës dhe Kanada.

Profesor Dr. Kiseri ka përkthyer më se 60 poezi nga poetët anglo-amerikanë të cilat janë botuar në “Rilindje” dhe në “Bujku”.

Sipas njoftimit të familjarëve varrimi i të ndjerit bahet sot mē 01.9.2022 me ikindi nē varrezat e Prizrenit.

The post Ndahet nga jeta, prof. Vedat Kiseri appeared first on Prizreni Sot.