Siç e dijmë të gjithë, konkursi për Sekretar të shkollave i shpallur më 13.05.2022, për shkak të parregullësive dhe shkeljeve të mëdha ligjore është anuluar me datë 30.09.2022. Konkursi i anuluar me Nr. RN00009016 është duke u hetuar nga Prokuroria Themelore në Prizren, për të cilin ende nuk e kemi marrë një përgjigje se çka është duke ndodhur me të! 

 Mirëpo, konkursi i cili është duke u hetuar nga Prokuroria për shkak të parregullësive dhe shkeljeve ligjore për pozitën Sekretar në shkolla, është rishpallur për herë të dytë. Nga përzgjedhja e kandidatëve fitues vërejmë se janë pothuajse të njëjtit persona të cilët kanë qenë të përzgjedhur si kandidatë fitues në konkursin e parë i cili është anuluar. 

Kandidatë fitues në konkursin e rishpallur po del të jenë persona të afërt me PDK – në e cila udhëheqë me pushtetin komunal si dhe asambleistë te Kuvendit Komunal të cilët vazhdimisht kanë pretenduar se gjoja janë të pavarur në vendimet dhe veprimet e tyre, mirëpo vota e tyre e kushtëzuar pro pushtetit komunal po shpërblehet me favore dhe pozita të punës si Sekretar të shkollave. Të gjithë kandidatët e përzgjedhur i kanë nënshkruar kontratat e tyre dhe kanë filluar punën si sekretarë të shkollave. Kjo përzgjedhje e kandidatëve fitues është bërë në mostransparencë të plotë. Të gjithë kandidatët fitues e kanë filluar punën e tyre si sekretarë të shkollave ende pa u bërë publikimi i listës së kandidatëve fitues në konkursin e rishpallur për sekretarë të shkollave dhe ende pa e pasur një përgjigje dhe vendim final nga organet e drejtësisë për konkursin e parë më Nr. RN00009016. 

Lëvizja VETËVENDOSJE! kërkon nga organet e drejtësisë që të hetohet mënyra e përzgjedhjes së kandidatëve fitues në konkursin e rishpallur për Sekretar në shkolla të Komunës së Prizrenit. Gjithashtu, ftojmë të gjitha mediat lokale dhe nacionale të hulumtojnë dhe të publikojnë të gjitha shkeljet ligjore në konkursin e rishpallur për sekretarë të shkollave! 

Ne dënojmë kategorikisht këto praktika të mostransparencës, shkeljeve dhe parregullësive ligjore në përzgjedhjen e zyrtarëve publik, në këtë rast të “Sekretarëve të Shkollave” në Komunën e Prizrenit.  

The post Lëvizja VETËVENDOSJE: Të gjithë kandidatët fitues e kanë filluar punën e tyre si sekretarë të shkollave ende pa u bërë publikimi i listës së kandidatëve në konkursin e rishpallur  appeared first on Prizreni Sot.

Karanfil Haxillari shef i Grupit të Lëvizjes Vetëvendosje tha se me heqjen e kësaj pike po na e cenoni të drejtën e lirë të kuvendarëve.

“Definitivisht kjo është nje cenim i fjalëve të kuvendarëve. Ka shumë probleme në Komunën e Prizrenit, dhe nëse largohet kjo pikë, cili është kuptimi i qëndrimit tonë në seancë, prandaj neve si Grup I Lëvizjes Vetëvendosje e lëshojmë seancën”, tha ai dhe e lëshuan mbledhjen.

The post Kuvendarët e Vetëvendosjes e lëshojnë mbledhjen e Kuvendit Komunal në Prizren appeared first on Prizreni Sot.

“Ankesa e këtij subjekti është dorëzuar me kohë, në zyrat e postës publike me datë 24.11.2021, ndërsa në Gjykatën Supreme të Kosovës, përmes postës, është pranuar më 02.12.2021, në ora 9.30 minuta. Gjykata Supreme e Kosovës duke iu referuar dispozitës së nenit 127.2 të Ligjit mbi Procedurën Kontestimore, ku parashihet se “Në qoftë se parashtresa është dërguar me anë të postës me letër rekomande apo në rrugë telegrafike, dita e dorëzimit në postë konsiderohet si ditë e dorëzimit në gjykatën të cilës i është drejtuar..” e konsideroi si të afatshme ankesën dhe pasi vlerësoi ligjshmërinë e vendimit të kontestuar, në kuptim të pretendimeve ankimore, të përgjigjes në ankesë, pas shqyrtimit të shkresave të lëndës, gjeti se, është e pabazuar”, thuhet në njoftim.

Në arsyetimin e Supremes thuhet se PZAP-ja, e ka refuzuar si të pabazuar pjesën e apelit që të anulohet rezultati i publikuar në disa vendvotime për shkak të diferencës së daljes së votuesve për të votuar dhe fletëvotimeve në kutitë e votimit.

“Me vendimin e Panelit Zgjedhor për Ankesa dhe Parashtresa (PZAP), A.nr.1145/2021, të datës 23.11.2021, në pikën I të dispozitivit, refuzohet si e pabazuar pjesa e apelit, Anr.1145/2021 e datës 21.11.2021, i paraqitur nga Subjekti Politik Lëvizja Vetëvendosje, me seli në P., me të cilin ka kërkuar që në Vendvotimet: 2001A/02R, 2002A/05R, 2003A/07R, 2005X/04R, 2005X/06R, 2006A/01R, 2006X/01R, 2020A/01R, 2023A/01R, 2023A/02R, 2030A/02R, 2033A/04R, 2035A/02R, 2042A/02R 2042A/06R, 2042A/09R 2042A/11R, 2026A/01R, 2026A/02R, 2026A/03R, 2042A/03R, 2030A/01R dhe në Qendrën e Votimit të fshatit …, të anulohet rezultati i publikuar dhe të urdhërohet Komisioni Qendror i Zgjedhjeve, ta organizoi rivotimin, si shkak i diferencës së daljes së votuesve për të votuar dhe fletëvotimeve në kutitë e votimeve. Në pikën II të dispozitivit hudhet si e pasafatshme, pjesa apelit Anr.1145/2021, e datës 21.11.2021, i paraqitur nga Subjekti Politik Lëvizja Vetëvendosje, me seli në P., kundër vendimit me numër 3166- 2021 i datës 20.11.2021, të Komisionit Qendror të Zgjedhjeve (KQZ), për Shpalljen e Rezultateve Përfundimtare për Raundin e Dytë të Zgjedhjeve Lokale 2021, në pjesën që pretendon apeluesi për parregullsitë e paraqitura gjatë ditës së votimit të datës 14.11.2021”, thuhet në vendim.

Prizreni u fitua nga kandidati i PDK-së, Shaqir Totaj, pasi në balotazh mposhti tashmë kryetarin në largim nga VV-ja, Mytaher Haskukën. Ky i fundit e uroi për detyrën e re Totajn ditën e djeshme.

The post Supremja ia refuzon ankesën Vetëvendosjes për zgjedhjet në Prizren appeared first on Prizreni Sot.