Në njoftimin e policisë bëhet e ditur se njëri rast ka ndodhur mesditën e së martës, dhe në lidhje me këtë është arrestuar një 21-vjeçar.

“Pas veprimeve operativo – taktike që policia i ka bërë rrethanave të ngjarjes e për mes sigurimit te incizimeve te kamerave te sigurisë sot me 13.08.82021, ka identifikuar të dyshuar, M.S, 21 vjeç, ndaj të cilit me rekomandimin e prokurorit të shtetit ka iniciuar rastin “Zjarr vënie”, “Shkaktimi i Rrezikut te Përgjithshëm”. Me urdhër te Prokurorit te Shtetit I dyshuari dërgohen ne mbajtje për 48 orë”, thuhet në njoftim.

Ndërkaq rasti tjetër i zjarrvënies ka ndodhur mëngjesin e sotëm në fushat e Mamushës, në drejtim të fshatit Nepërbisht të komunës së Suharekës.

Lidhur me këtë rast është arrestuar një 57-vjeçar.

“Po ashtu, sot 13.08.2021, rreth orës 09:17, policia ka marrë informatën se ne fushat e Mamushes e ne drejtim te fshatit Neperbisht komuna e Suharekës ka një zjarr fushor, të gjitha njësitë relevante kanë dalë në vend ngjarje. Veprimet e para hetimore të policisë kanë rezultuar me identifikimin e një të dyshuari, K H 57 vjeç, i cili ka ndezur një zjarr në shkurre dhe përkundër që zjarri ka dalë nga kontrolli, fatmirësisht është lokalizuar shpejt”, thuhet në njoftimin e policisë.

Në njoftimin e policisë bëhet e ditur se ndaj të dyshuarit është iniciuar rasti “Shkaktimi i Rrezikut te Përgjithshëm” dhe i dyshuari shkon në procedurë të rregullt për shkak te gjendjes shëndetësore të tij.

Policia ka apeluar te qytetarët që të jenë të kujdes dhe të mos ndezin zjarre në natyrë.

“Policia e Kosovës, ju bën apel të gjithë qytetarëve të Kosovës që të kenë kujdes, që në asnjë rast mos të ndezin zjarre dhe të jenë të kujdesshëm për mënyrën se si do të sillen ndaj ambientit me rrezik për përhapje të zjarreve. Në të kundërtën, Policia e Kosovës do të jetë e pa kompromis ndaj zjarrvënieve të qëllimshme, apo nga neglizhenca”, thuhet në apelin e policisë.

The post Zjarret në rajonin e Prizrenit – kapen dy persona të dyshuar appeared first on Prizreni Sot.

Nga kjo ministri kanë thënë se tashmë jemi në sezonin e verës i cili karakterizohet me temperatura të larta të cilat ndikojnë në rritjen e rrezikut për shfaqjen dhe zgjerimin e vrullshëm të zjarreve në sipërfaqe të hapura, malore dhe fushore.

MPB ka publikuar edhe disa numra të cilët mund t’i kontaktojnë qytetarët në raste të tilla.

Njoftimi i plotë:

Apel për kujdes nga zjarret

Qytetarë të nderuar, tashmë jemi  në sezonin e verës, që karakterizohet me temperatura të  larta, e të cilat ndikojnë në rritjen e rrezikut për shfaqjen dhe zgjerimin e vrullshëm të zjarreve në sipërfaqe të hapura, malore dhe fushore.

Me qëllim të evitimit të rrezikut nga zjarri, mbrojtjes të jetës së qytetarëve, të pronës, shtazëve dhe ambientit, APELOJMË që të jemi të gjithë të kujdesshëm dhe vigjilent për shmangien e të gjithë shkaktarëve të mundshëm të zjarrit, vërejtjen dhe lajmërimin me kohë, si dhe të ndihmojmë në shuarjen e zjarrit në fazën e parë të shfaqjes, kudo që ai mund të paraqitet.

Reagimi në rreziqe dhe kërcënime është detyrë dhe obligim qytetarë i secilit nga ne!

Në situata kur nuk keni mundësi të veproni- reagoni, atëherë pa asnjë hezitim duhet të lajmëroni rrezikun, duke ndjekë hapat si më poshtë.

•Informimin mund ta bëni në Qendrën Operative Emergjente, nëpërmjet numrit unik ( integruar) emergjent – 112 (këtë numër emergjent – 112 mund ta thirrni dhe merrni, pa prefiks,  nga secili vend apo pozitë në Republikën e Kosovës).  Gjithashtu mund të thirrni edhe në këta numra:

•Njësinë më të afërt Profesionale te Zjarrfikës dhe  Shpëtimit në numrin e telefonit 193,

•Policinë e Kosovës, në numrin e telefonit   192,

•Ndihmën e shpejtë , në numrin e telefonit   194.

Të gjitha thirrjet janë pa pagesë.

ZJARR- VËNIET E QËLLIMTA,  SI  DHE  ATO TË SHKAKTUARA NGA PAKUJDESIA,

JANË VEPËR PENALE DHE SANKSIONOHEN ME LIGJ.

Ju falënderojmë për mirëkuptim dhe bashkëpunim.

The post Ministria e Punëve të Brendshme apelon te qytetarët për kujdes nga zjarret appeared first on Prizreni Sot.