Postimi i plotë:

Sot gjatë ditës jemi njoftuar për shembjen e gurëve dhe bllokimin e rrugës në fshatin Zym të Hasit, si pasojë e reshjeve të vazhdueshëm të shiut në ditët e fundit.

Drejtoria e Shërbimeve Publike me anë të operatorik ekonomik ka reaguar menjëherë dhe ka pastruar rrugën, tashmë rruga është e kalueshme.

Falenderojmë qytetarët për njoftimin dhe apelojmë për kujdes në vozitje në këto ditë me shi.

Bashkë mund të punojmë më shumë dhe më mirë!

The post Gurët shemben dhe bllokojnë rrugën në Zym ta Hasit – rruga tashmë është e kalueshme appeared first on Prizreni Sot.

Ky projekt po realizohet në zbatim të programit “Masat Preventive – Intervenimet Emergjente” të Ministrisë së Kulturës, Rinisë dhe Sportit për ndërhyrje në asetet e trashëgimisë kulturore në rrezik.

Kulla e gurit e familjes Pjetër Prenkpalaj e ndërtuar në shekullin XIX nga aspekti arkitektonik, i përket shtëpi-kullave me çardak të punuar prej druri. E vendosur mbi kodër ka pozitë dominuese mbi fshatin Zym, duke u shndërruar në pjesën përbërëse të peizazhit të fshatit. Kjo kullë prej guri veçohet për nga teknika e ndërtimit të muratimit të thatë (pa llaç) të mureve mbajtëse, teknika tradicionale e muratimit me thupra të mureve ndarëse në etazhe, punimet të drugdhendjes të jastëkëve (kapiteleve) të shtyllave të çardakut, rafteve, dyerve, dritareve, parmakëve prej druri të dritareve, etj.

Si rezultat i vjetërsisë së ndërtesës, mungesës së ndërhyrjeve konservuese dhe braktisjes, kulla e familjes së Pjetër Prenkpalaj është në gjendje shumë të keqe fizike dhe rrezikohet nga dëmtimet e mëtutjeshme që mund të rezultonin edhe me rrënimin e tërësishëm, andaj është bërë pjesë e këtij programi emergjent ka theksuar drejtori Hoxha.

Dëmtimet e përgjithshme të kësaj kulle kanë të bëjnë kryesisht me destrukturimin dhe humbjen e pjesëve të strukturës ndërtimore, sidomos të çatisë e cila ka ndikuar në dobësimin e stabilitetit të gjithë ndërtesës.

Drejtori i QRTK Prizren Samir Hoxha, thekson se pas përfundimit të punëve përforcuese në këtë ndërtesë, si pjesë e programit të punës së institucionit që drejton është edhe hartimi i projektit për restaurim dhe konservim të kësaj kulle me tipologji të veçantë.

QRTK- Prizren

26 shkurt 2022

The post Nisin ndërhyrjet emergjente në kullën e Pjetër Prenkpalaj në fshatin Zym të Hasit appeared first on Prizreni Sot.