Tradita 90-të vjecare, bënë që vëmendja dhe interesi i publikut të sillet tek dhe rreth Lirisë, pavarësishtë statusit juridik.

Ka kohë që Liria (nga viti 2023) është privatizuar, e në ndërkoh me 2024 riprivatizuar (shitur apo stërshitur te disa aksionar), por pavarësishtë kësaj, klubi spo gjen qetësinë.

Liria, për herë të fundit është bërë kampion në vitin e largët 1995 (30-të vite më parë), në kohën e sakrificës, ku emrat si:Mirsad Collaku, Astrit Berisha,Ergjan Dana,Nehari Toska,Ali Maralusha, Genc Tamniku, Ilir Bytyqi, Sami Buqaj, Ismail Berisha, Alev Nush,Bekim Bakaj, Nurtin Colak, etj. ishin jo vetëm pjesë e lavdisë së asaj kohe të vështirë segregacioni por që dhan edhe spektakël e kënaqësi, në fushë në ato vite.

Pas luftës Liria, dy herë fitoi titullin (Kupa e Kosovës 2006 dhe 2010) por që qëndrueshmëri s’pati duke rënë nga elita (Superliga) e futbollit Kosovar, e duke u rikthyer në elitë, por pa patur stabilitet.

Nga 2008-2013 Klubi u adminsitrua nga Kompania ‘Drini”, qe riktheu filliishtë statusin e skuadrës elitare, fitoi dhe Kupën e Kosovës, 2010 por që më pas  shkaku i problemeve financiare, klubi u rikhtye tek Komuna.

Vitit 2015 deri më 2018 kohë kur Klubi drejtohej nga disa ish futbollistët e sakrificës, në krye me Mirsad Collakun, pati stabilitetin në Superligë dhe Liria ishte konkuruese. Madje, në edicionin 2017/2018, kur klubi drejtohej nga z.Mirsad Collaku, kryetar i klubit atëherë (aktualishtë kryetar i LRF-së dhe anëtar i KE të FFK-së), Liria kishte prekur pothuaj Europën (pas pranimit në UEFA e FIFA), por që pengesë qe ‘futja e duarve të politikës’ në klub dhe pengimi i këtij suksesi.

Ndërkoh, klubi u privatizua por ai s’po gjenë rrugën e suksesit dhe po përpëlitet në rangun e dytë.Urojmë që në pranverë të rikhthet tek rezultatet që i dëshironë publiku.

Privatizimi që u bë si u bë (herë tjetër për te) nuk zgjidhi asnjë telashe, pos asaj financiare.Organizimi profesional, është në fazë dëshirore !

Ndërkoh, problem në vetë mbetet Shkolla e Futbollit, që dikur njihej si Akademia e Lirisë. Emri, Akademi është përdorur e keqpërdorur nga ‘ekspertë’ të ndryshëm që veq të tillë s’ishin kurrë.

Vitit 2014/2015 mbetet si viti i artë për Shkollën e Futbollit, kur pas një kohe të gjatë nxori hiq më pak  9-të Juniorë që ishin anëtarë të përfaqësueses së Kosovës dhe Shqipërisë.

Suksesi i dedikohet në radhë të parë trajnerëve Agron Beseni e Enis Gashi, që me modesti flasin për atë kohë.

Emrat si :Flamur Gashi, Ilir Mustafa, Lumbardh Dellova, Almir Kryeziu, Fitim Susuri, Albin Memaj, Ibrahim Gavazaj,Ardian Gashi, Roni Gashi, (pjesë e kombëtareve të Kosovës), Diellor Beseni e Zenel Gavazaj (të Kombëtares së Shqipërisë) në grupmoshat U-17 e U-19, i takojnë historisë, të kaluarës së lavdishme të këtyre trajnerëve e futbollsitëve.

Disa nga ta janë sot duke bërë karrierë si Dellova (Bullgari) Kryeziu (Ballkani), Mustafa (Drita) etj.

Nga atëherë e nuk ka ndonjë përfaqësim në grupmoshat e Kosovës e as të Shqipërisë !

Tash e 10-të vite Shkolla e Futbollit Liris, ka vend numëruar. Madje Kadetët dhe Juniorët e saj, tash e tre vite janë pjesë e rangjeve më të ulëta , kadetët bëjnë gara në LRF të Prizrenit.

Ndërsa,  Juniorët në  Ligën e Parë, për dallim që këta dikur shkundinin Superligën dhe tmerronin skuadrat me lojë e gola.

Eksperimentet e shumta, me ndërrimin e trajnerëve bashkë me statusin juridik të klubit, u treguan të kundër efektshme.

Ndërsa, kemi të bëjmë me një klub puro privat nga 2023 dhe më pas me aksionar nga 2024, Liria dhe interesi i saj mbetet publik.

Liria, ka qenë brend në vete që nga  vitet 70-ta.

Interesi institucional (pa amrrë parasysh spektrin politk) duhet të kthejë vëmendjen në rimëkëmbjen e klubit dhe sidomos Shkollës së Futbollt, për t’i kthyer namin Lirisë dhe për të nxjerrë futbollsitë,që vitet e fundit kanë munguar.

Duhet kthyer koha e lavdisë e të lartëpërmendurve, bashkë me yllin e Majorkas dhe Kombëtares, Vedat Muriqi ( I shëndrruar tash në legjendë të gjallë), Lumbardh Dellovës etj. /PrizreniSot

P.S.

Në foto janë disa nga lojtarët e kësaj gjenerate të artë

The post Aktuale te Klubi i futbollit Liria appeared first on Prizreni Sot.

Sipas kërkesës, më datë 14 qershor 2025, rreth orës 21:35 min në rrugën “Ekrem Rexha” në Prizren, i pandehuri R.P., në cilësinë e personit zyrtar – zyrtar policor – dyshohet se duke vepruar së bashku me kolegun e tij N.B., gjatë ushtrimit të detyrës zyrtare, ka keqtrajtuar të dëmtuarin S.F. Ngjarja ka ndodhur pasi zyrtarët policorë i kanë shqiptuar një gjobë për kundërvajtje të dëmtuarit për shkak të parkimit të palejuar, duke e vendosur tiketën e gjobës në xhamin e veturës. Në atë moment, i dëmtuari, i cili ndodhej brenda një kafiterie afër vendit të ngjarjes, ka dalë jashtë dhe ka hedhur gjobën në tokë. Pas kësaj, zyrtarët policorë i kanë kërkuar të dëmtuarit të paraqesë dokument identifikimi, por ai nuk i është bindur urdhrit të tyre. Si pasojë, ata kanë tentuar ta arrestojnë. Gjatë përpjekjes për arrestim, i dëmtuari ka rezistuar, dhe në një moment, i pandehuri i ka vendosur këmbën të dëmtuarit me qëllim të neutralizimit të rezistencës së tij, me ç’rast kolegu i tij, zyrtari policor N.B., është rrëzuar së bashku me të dëmtuarin, duke rënë mbi të. Ndërsa i dëmtuari ndodhej në pozitë të shtrirë përtokë, dhe gjatë tentativës për ta vënë nën kontroll, i pandehuri e ka goditur disa herë me grushte në pjesën e kokës, përkatësisht në zonën e syrit dhe të veshit të majtë, duke i shkaktuar lëndime trupore. Me këto veprime, R.P., ka kryer veprat penale të lartëcekura.

Prokuroria Themelore në Prizren, vazhdon të mbetet e përkushtuar në luftën ndaj kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin.

The post Prokuroria e Prizrenit kërkon paraburgim për zyrtarin policor appeared first on Prizreni Sot.

Shkruan: Abdullah Thaçi

Ishin vitet e 90-ta në shekullin e kaluar, ku s’kamja nuk e ndalonte dot që rrita jonë të përcillej me lumturi e soldaritet krah njëri tjetrit.

Lumturia e fëmijve, të gjeneratës time, arrinte kulmin kur binte borë e bllokoheshin rrugët!

Në njërin nga këta dimra, kur drejtori i dhunëshëm i shkollës vendosi një njoftimi, në çirilicë, se, shkolla nuk punon për shkak të një “feste” (sllave)!

Babi im, duke respektu kalendarin shkollor të Institucioneve të shtetit të Kosovës, thirri nxënësit e tij në shtëpinë tonë dhe vazhdoi mësimin, pasi që për ne shqiptarët ishte ditë mësimi.!

Pas kësaj, sigurisht, nga spiunët shqipfolës u spiunua dhe për këtë u thirr në “bisedë informative” në SUP-in e Prizrenit.

Në këtë moment reagimi solidar nuk mungoi. Të parët ishin axhallarët dhe fqinjët tanë.

Mbaj mend që, inxhja Gjanije, gruaja e bacit Izet, kojshisë tonë të parë, nana e shokut të gjeneratës, Nysretit, erdhi te na.

Ajo, me vete kishe sjell një qese, e aty brenda, për mua kishin qenë një pal çizme të “Conasport”-it, prej atyre me “lesh”!

Unë fëmij, 12-13 vjeç, nga lumturia e çizmeve, harrova babën.!

Pas disa orëve mbajtje në “bisedë informative”, në orët e mbrëmjes, në shtëpi mbërrin edhe baba, e unë atij ju hodha në përqafim bashkë me çizmet.

Atë natë fjeta shumë pak, e nata mu dukë shumë e gjatë. Dita, dyqysh, vonoi së zbardhuri!

Nejse, dikur, më më fund u bo dritë.

E unë, i pari “rrugaç” në rrugë me çizmet e reja duke e shiju borën e pashkelun. Të tjerët erdhën më vonë. Me ta, kështu si me rutinë, s’bashku i mbyllnim ditët e javët në Dimër, sigurisht, deri sa shkrihej bora!

Kur bora filloj të shkrihej, çizemet me lesh, filluan të bëheshin të padurueshme nga nxehtësi që thithej nga këmbët!

E unë, morra gërshërët nga gjyshja , nana Fatë, dhe me me to preva leshin. E në shkollë shkoja po me të njejtat çizme.

Me tu afru pranvera edhe moti filloj të ngrohej, e me çizme, edhe pse pa lesh, u bë nxeht edhe ishin të pa përshtatshme për stinën!

Krijsa e njëres çizme, mu te zogu i këmbës, ishte shkaku që unë vendosa ti shkurtoj te dyjat tek e njejta masë dhe nga ato të i fitoj një palë këpucë të reja për të shkuar në shkollë, në pjesën e fundit të vitit shkollor, para pushimeve të verës!.

Edhe ashtu bëra. Pa vra mendjen për asgjë tjetër, vazhdova me to deri në përfundim të vitit shkollor.

Sigurisht, falë Zotit, dashurisë së prindërve dhe lidhjes mes njëri tjetrit, atë kohë, ishim shumë tē fortë dhe mbi të gjitha të lumtur.

Nuk e di sakt, nga ku buronte gjithë ajo lumturi?!

Ndoshta, nga shpresa dhe ëndrra për liri?!

Sinqerisht, nuk e di!

Ajo që di është kjo: në sytë e mi, prindërit e mi dhe gjithë mësuesit e tjerë shqiptar, të asaj kohe, ishin dhe mbeten heronjët e mi.

Sot, tre dekada pas, falë tyre, unë tek vetja gjej një energji që rigjenerohet brenda meje, kur në pyetje është atdheu, familja dhe solidariteti mes njëri tjetrit e përtej saj.

Paqi bekimet e Zotit.

The post ÇIZMET appeared first on Prizreni Sot.

Rastet e tilla, pastaj punësimi i nuses së djalit të kryetarit, Shaqir Totaj, mungesa e mësimdhënësve në shkolla, honoraret e shumta, si dhe mbajtja e mësimit me nga 30 minuta, shkaku i investimeve gjatë procesit mësimor në objektet shkollore, janë vetëm disa nga dështimet e shumta të këtij pushteti abuzues.

Kjo situatë padyshim se është reflektim i procesit të komprometuar të përzgjedhjes së drejtorëve të shkollave, duke vënë në udhëheqje, njerëz jo kompetentë, me mungesë integriteti, të dënuar për shkelje, si dhe anëtarë e militantë partiak, sikur është rasti i përzgjedhjes për drejtoreshë, të kryetares së Forumit të Gruas dhe zëdhënëses së degës së PDK-së.

Një paradoks tjetër, është fakti se, derisa ka shumë të rinjë duke pritur punë, e sidomos femra të kualifikuara, nëpër shkollat e Komunës, sidomos në rajonin e Hasit, me muaj të tërë ka mungesë të mësimdhënësve. Kjo po ndodh për shkak të konkurseve të kundërligjshme ose mos shpalljes me kohë të tyre. Zëvendësimet dosido që po bëhen përmes honorarëve të shumta, madje deri në gjysmë norme, ua pamundësojnë mësimdhënësve të rinj kyçjen në proces, duke i detyruar të mendojnë për rrugën e migrimit.

Gjendja e rënduar në arsim vjen pasi periudhën dyvjeçare të qeverisjes së Totajt e ka karakterizuar një përzgjedhje jomeritore, klanore e partiake e mësimdhënësve, pastaj konkurse të kurdisura dhe investime sipas preferencave shoqërore. Përkundër premtimeve, jo që nuk u ndërmor asgjë për depolitizimin e arsimit, por shkaku i parregullsive të shumta, tashmë po vërehet një demotivim tek mësimdhënësit.
LDK ia kujton kryetarit Totaj premtimin e tij për moslejimin e mësimdhënësve të sillen nëpër gjykata, në realizimin e të drejtave të tyre për shujtat dhe pagat jubilare. Derisa punëtorët e arsimit po “sorollaten” nëpër gjykata, Komunës së Prizrenit, brenda dy vitesh i kanë tepruar hiq më pak se 15 milion euro.

Ndaj parregullsive të shfaqura, e sidomos mënyrës së punësimeve dhe nepotizmit në arsim, LDK ka reaguar me kohë, duke ndërmarrë veprime konkrete para selisë së Kuvendit Komunal, ku ndodhet edhe zyra e Kryetarit, siç janë aksionet me moton “Shaqa Farm” dhe ky i fundit “Shtëpia e punësimeve – Totaj Family”.

Një format i tillë i menaxhimit, çfarë ka treguar drejtoresha komunale e Arsimit, është tejet i dobët dhe degradues, andaj kërkojmë përgjegjësi morale dhe institucionale! Veprimet abuzuese të pushtetit lokal, Lidhja Demokratike e Kosovës në Prizren, i konsideron jo vetëm të papranueshme, por duhet të jenë edhe të dënueshme nga instancat e drejtësisë!

Prizreni meriton arsim cilësor dhe qeverisje që i shërben qytetarëve e jo klaneve përfituese dhe dashakeqe!

The post LDK në Prizren reagon ndaj gjendjes në arsimin e Prizrenit, kërkon përgjegjësi institucionale! appeared first on Prizreni Sot.

Kosovarët për të udhëtuar drejt vendeve evropiane gjatë muajit janar kanë shfrytëzuar rrugët përmes kufijve tokësorë si dhe linjat ajrore.

Disa të dhëna të Policisë së Kosovës të dërguar për RTV21 tregojnë se përmes kufijve tokësorë, numri i qytetarëve që kanë dalur jashtë Kosovës në muajin janar është 845 mijë e 973 udhëtarë.

Gjithashtu, këtu të dhëna tregojnë se, 695 mijë e 345 qytetarë kanë hyrë në Kosovë.

Ndërsa, Aeroporti Ndërkombëtar i Prishtinës “Adem Jashari” ka njoftuar se në muajin janar 2024 janë shërbyer 287 mijë e 205 udhëtarë apo 21.9 për qind më shumë se sa në muajin janar 2023 dhe 996 fluturime apo 23.3 për qind më shumë krahasuar me janar 2023.

The post Mbi 8 mijë kosovarë dolën jashtë Kosovës përmes kufijve tokësorë gjatë janarit appeared first on Prizreni Sot.

Inicim disiplinor ndaj FC “Ballkani”. Motivi: Nuk e ka vendosur logon në krahun e djathtë të fanellave të lojtarëve, ndonëse logot e gatshme i kanë marrë në FFK gjashtë (6) ditë para fillimit të ndeshjes. Sipas fotove dhe xhirimit televiziv”, shkruan në njoftimin e FFK-së për kampionin aktual të Kosovës.

“Inicim disiplinor ndaj FC “Liria”. Motivi: Banerin kryesor të ligës nuk e ka vendosur në mes por mbi reklamen e Pontes. Baneri qendror duhet të vendoset në mes meqë është emri i ligës. Sipas rregullores së UEFA-s hapësira e mesme i takon emrit të ligës dhe jo sponzorëve të klubeve. Sipas fotove dhe xhirimit televiziv”, shkruan tutje në vendimin e Komisionit të Garave

Ndërkaq, Prishtina është në procedurë disiplinore ka përfunduar edhe FC Prishtina.

“Motivi: Në min 5, 20 dhe 47 tifo grupi “Plisat”, fyejnë kryesinë e FC “Prishtina“, ndërsa në min 88 ndezin shtatë flakadanë dhe i hedhin në fushën e lojës, me ç’rast dëmtohet fusha në disa vende, po ashtu në fushë hedhin dy shishe qelqi dhe një PVC, por fatmirësisht nuk është goditur askush. Sipas raportit të delegatit të ndeshjes Prishtina – Feronikeli 74 dhe xhirimit televiziv”, vazhdon njoftimi i shtëpisë së futbollit kosovar.

The post Ndodh edhe kjo në futbollin kosovar, qe pse përfunduan në disiplinor Ballkani e Liria ! appeared first on Prizreni Sot.

Kampionia Peja ka rikthyer në radhët e saj, Lis Shoshin, ndërsa ka transferuar prishtinasin Meriton Ismajli, si dhe Dion Sheqirin dhe Malcolm Armstead, si dhe tre basketbollistë të huaj për të mbrojtur titullin dhe për tu paraqitur sa më mirë në garat evropiane.

Nënkampionia Trepça, ka vazhduar me vendorët, përveç Musab Malës, i cili është transferuar te Ponte Prizreni, ndërsa u përforcua me qendrën e Kosovës, Dardan Kapiti.

Sigal Prishtina ka transferuar nga Peja, Arti Hajdari dhe Devoe Joseph, ndërsa ka rikthyer në skuadër Alban Veselin, Fisnik Rugovën, Muhamedali Janjevën dhe Daniel Lekndreaj, si dhe mori dy basketbollistët e talentuar Visar Ejupi dhe Jon Ismajli.

Golden Eagle Ylli transferoi Rrezart Memedin, Besnik Bekteshin, i cili vjen nga Gjermania, ashtu si edhe Etnik Pecin nga SHBA. Arbër Berisha dhe Artin Gashi u rikthyen te therandasit.

Bashkimi mori Samir Zekiqin nga Peja e Valmir Kakrukin nga Sigal Prishtina, kurse skuadra tjetër prizrenase, përveç Malës siguroi shërbimet e Ivan Koljeviqit, Arbër Sinanit dhe Edmond Kryeziut, si dhe dy lojtarëve të huaj.

Vëllaznimi edicionin e kaluar u rikthye në elitë, kurse për edicionin e ri transferoi lojtarët vendorë Ardit Pepaj, Bardh Rexha, Donat Rexhepi, Jon Ukaj, Ergin Grosha, si dhe një basketbollist nga Luksemburgu, kurse skuadra e promovuar në elitë, Istogu transferoi Dardan Maxharraj dhe Ardian Ibishi, si dhe dy basketbollistë të huaj.

PEJA
CALLOWAY JACOB DALTON HUNGARIA

BECK TERVELL TYSHAWN

EDLER DAVIS JUSTIN PARKER

LIS SHOSHI GOLDEN EAGLE YLLI

MERITON ISMAJLI PONTE PRIZRENI

DION SHEQIRI

MALCOLM ARMSTEAD GOLDEN EAGLE YLLI

TREPÇA
DARDAN KAPITI EASTERN KENTUCKY

SIGAL PRISHTINA
JON ISMAJLI BORA

VISAR EJUPI RAHOVECI

ARTI HAJDARI PEJA

MUHAMET JANJEVA PONTE PRIZRENI

FISNIK RUGOVA BASHKIMI

ALBAN VESELI PEJA

DANIEL LEKNDREAJ BASHKIMI

DEVOE JOSEPH PEJA

GOLDEN EAGLE YLLI
BESNIK BEKTESHI GJERMANI

ARBER BERISHA TURQI

RREZARD MEHMED SIGAL PRISHTINA

ETNIK PECI SHBA

ARTIN GASHI

BASHKIMI
ALTIN GASHI NEW BASKET

SAMIR ZEKIQI PEJA

VALMIR KAKRUKI SIGAL PRISHTINA

DREN DEDUSHAJ SIGAL PRISHTINA

VËLLAZNIMI
ARDIT PEPAJ GOLDEN EAGLE YLLI

BARDH REXHA RAHOVEC

JON UKAJ GISSEN GJERMANI

ERGIN GROSHA RAHOVEC

DONAT REXHEPI KERASAN

JALLEN TERREL RAY LUXEMBURG

PONTE PRIZRENI
MUSAB MALA TREPÇA

EDMOND KRYEZIU RAHOVECI

ARBER SINANI VËLLAZNIMI

KELLY ISAIAH JOSHUA SHBA

HUGHES RYAN CHRISTOPHER SHBA

IVAN KOLJEVIC PEJA

ISTOGU
DARDAN MAXHARAJ PEJA

DAVONTE CARRIER SHBA

MATTHEW CHARLES LANG SHBA

ADRIAN IBISHI PRISHTINA E RE

The post Përfundon afati i transferimeve, shumë ndryshime në klubet e basketbollit appeared first on Prizreni Sot.

Sipas studiuesve të sigurisë kibernetike në kompaninë Cyfirma, virusi instalohet në telefon pas shkarkimit të aplikacionit nga Google Play Store.

Bëhet fjalë për aplikacionin “SafeChat”, që tashmë nuk ndodhet në Play Store, pasi u zbulua aktiviteti dashakeqës. Megjithatë aplikacioni mund të vijojë të mbetet në telefonat që e kanë shkakruar më parë.

Gjithashtu kjo është një thirrje e rëndësishme për përdoruesit e Android, se jo çdo aplikacion që gjendet në Play Store është i sigurtë për t’u shkarkuar.

Në rast se instaloni aplikacione interesohuni më parë dhe shikoni me kujdes emrin e publikuesit. Shpesh aplikacione që s’kanë lidhje me Facebook, për shembull, hiqen si të kompanisë “Meta” duke imituar logot e ngjashme dhe emrin

The post Ky aplikacion po ju vjedh mesazhet nga WhatsApp dhe Facebook appeared first on Prizreni Sot.

E marta e 11 prillit është ditë pushimi për të gjitha institucionet e Kosovës, si zëvendësim i ditës së ashkëve.

Megjithatë, kjo bartje e festës nga vikendi në ditët e javës iu konvenon shumë prej kosovarëve, që janë të angazhuar si zyrtarë në sektorin publik.

Përjashtim këtu bën Gjykata Speciale që edhe pse selinë e ka në Hagë të Holandës, ajo funksionon si institucion brenda shtetit të Kosovës.

Pikërisht sot do të nisë procesi i dëgjimit të dëshmitarëve dhe paraqitjes së provave nga Prokuroria Speciale ndaj ish-udhëheqësve të UÇK-së, Hashim Thaçit, Kadri Veselit, Jakup Krasniqit dhe Rexhep Selimit.

Sipas kalendarit të festave zyrtare, deri në fund të vitit do të jenë edhe gjashtë festa të tjera gjatë së cilave do të pushohet.

The post Deri në fund të vitit, do të jenë edhe gjashtë festa zyrtare në të cilat pushohet appeared first on Prizreni Sot.

Gashi, sikurse të punësuarit tjerë në këtë sektor, nuk ka marrë ndihmën prej 50 eurosh, të ndarë nga Qeveria e Kosovës për muajin janar, me qëllim të, siç është thënë, përballimit më të lehtë të inflacionit.

Qeveria ka ndarë ndihma të ngjashme katër herë nga shtatori i vitit të kaluar, por vetëm për punonjësit e sektorit publik.

“Kjo është e padrejtë. Inflacioni na ka prekur edhe neve. Tatimin në pagë e paguajmë njëjtë si unë që punoj në sektorin privat, si ata që marrin pagë nga buxheti i shtetit”, thotë Gashi për Radion Evropa e Lirë.

Kosova e ka mbyllur vitin 2022 me normë mesatare vjetore të inflacionit 11.6 për qind, krahasuar me 3.1 për qind sa ka qenë në vitin 2021.

Rritja e çmimeve ka nisur në fakt nga viti 2021, si pasojë e çrregullimeve në tregje që ka shkaktuar pandemia e koronavirusit, ndërsa ka vazhduar edhe gjatë vitit 2022, sidomos pasi Rusia ka nisur pushtimin e Ukrainës, në fund të shkurtit.

Gashi thotë se në kompaninë ku punon tash e 16 vjet, paguhet rreth 300 euro në muaj dhe se nga kjo pagë varet gati e gjithë familja e tij 4-anëtarëshe.

“Nuk janë vetëm çmimet e rritura që nuk po i përballojmë, është edhe qiraja, uji, rryma. Po e kemi problem t’ia dalim. Kam pasur nevojë jo vetëm për 50 euro, por edhe për më shumë”, thotë ai.

Nga pakot mbështetëse të Qeverisë së Kosovës, punëtorët e sektorit privat me pagë mujore nën 1.000 euro kanë marrë në maj të vitit të kaluar nga 100 euro.

Paga mesatare në Kosovë, vitin e kaluar, ka qenë rreth 480 euro.

Agjencia e Statistikave të Kosovës ka publikuar në muajin dhjetor një raport për kushtet e jetesës në vitin 2020, në të cilin është konstatuar se 52 për qind e ekonomive familjare kanë pasur vështirësi në kryerjen e pagesave të nevojshme, ndërsa 57 për qind e ekonomive familjare nuk kanë mundur të mbulojnë me mjete vetanake një shpenzim të papritur prej 100 eurosh.

Për shkak të rritjes së inflacionit, këto shifra tani mund të jenë edhe më të larta.

Kryetari i Sindikatës së Punëtorëve të Sektorit Privat në Kosovë, Jusuf Azemi, thotë se vendimi i Qeverisë për t’i ndihmuar vetëm të punësuarit në sektorin publik është i padrejtë.

Duke folur për Radion Evropa e Lirë, ai thotë se sindikata ka kërkuar vazhdimisht nga Qeveria që të ndihmohen edhe të punësuarit në sektorin privat, por se nuk ka marrë ndonjë përgjigje.

“Inflacioni ka prekur më shumë të punësuarit në sektorin privat, pasi që pagat janë më të ulëta. Në sektorin privat, punëtorët vazhdojnë të paguhen me pagë minimale. Janë në situatë të vështirë e të diskriminuar nga shteti”, thotë Azemi.

Vlera e pagës minimale në Kosovë, që sillet nga 130 deri në 170 euro, nuk ka ndryshuar që nga viti 2011 dhe është më e ulëta në Evropë, sipas Agjencisë Evropiane të Statistikave, Eurostat.

Projektligji që do t’i hapte rrugë rritjes së saj është miratuar në lexim të parë në qershor të vitit të kaluar dhe, nga ajo kohë, nuk ka pasur ndonjë lëvizje tjetër.

Në shtator të vitit të kaluar, kur Qeveria e Kosovës ka nisur të ndajë ndihma prej 50 eurosh për punëtorët në sektorin publik, ajo ka miratuar edhe një pako mbështetëse për bizneset që u rrisin pagat punëtorëve.

Qeveria ka thënë se do të subvenciononte 50 për qind të rritjes së pagës për punëtorët – maksimumi 100 euro për tre muajt e parë.

Por, tash për tash, nuk ka të dhëna se sa punëtorë të sektorit privat mund të kenë përfituar nga kjo pako.

Ministri i Financave, Pumës dhe Transfereve i Kosovës, Hekuran Murati, tha në një konferencë për media më 27 janar se punëtorëve në sektorin publik u është ofruar ndihmë, sepse punëdhënës e kanë shtetin.

Nisur nga kjo, sipas tij, edhe punëtorët në sektorin privat duhet të ndihmohen nga punëdhënësi.

“Kam bërë thirrje që punëdhënësit t’i rrisin pagat [e punëtorëve], sepse ka mundësi dhe ne do ta mbështesim këdo që rrit pagat”, tha Murati.

Kryetari i Odës Ekonomike të Kosovës, Lulzim Rafuna, ka thënë më herët për Radion Evropa e Lirë se në sektorin privat ka pasur lëvizje të pagave, sipas mundësive që kompanitë kanë pasur.

“Diku më shumë e diku më pak. Por, Qeveria është dashur ta ndihmojë edhe më shumë sektorin privat që të rriten pagat deri në normën e inflacionit”, ka thënë Rafuna.

Në Kosovë, punëdhënësi më i madh është sektori privat, me më shumë se 220 mijë të punësuar. Paga mesatare bruto në këtë sektor është rreth 380 euro.

Në sektorin publik janë të punësuar mbi 80 mijë persona, me pagë mesatare bruto rreth 620 euro.

Muajve të fundit, sektori privat është përballur vazhdimisht edhe me mungesa punëtorësh dhe shumë prej ankesave që kanë raportuar ata në Inspektoratin e Punës, kanë pasur të bëjnë me pagat e ulëta, me orar të stërzgjatur të punës, me mohim të pushimit vjetor e të tjera./rel

The post Sektori privat “i diskriminuar” nga ndihma e shtetit appeared first on Prizreni Sot.

KONKURS LETRAR PËR TREGIM TË SHKURTË DHE POEZI

Kushtet e konkursit:
Të drejtë pjesëmarrje kanë të gjithë krijuesit e mbarë trojeve shqiptare si dhe nga diaspora, përfshirë edhe letrarët nga komunitetet në gjuhët përkatëse që jetojnë në Kosovë.

Çdo autor mund të konkurrojë vetëm me një në tregim të shkurtër ose poezi.

Tregimet e shkurtra dhe poezitë duhen të jenë të pa publikuara;

Poezitë nuk duhen të jenë më të gjata se 30 vargje, ndërsa tregimi jo më i gjatë se dy faqe A4, lloji i shkronjave Times new roman 12;

Poezitë mund të dërgohen nëpërmjet postës elektronike: revista_fidani@hotmail.com: ose edhe në tri kopje fizike në zyrën e shtëpisë botuese “Fidani”, rruga “Rifat Krasniqi”- p.n. (afër shtëpisë së kulturës “Xhemajli Berisha ” në Prizren);

Afati për konkurrim është i hapur deri më 12 shkurt 2023;

Juria do të ndajë këto çmime:
Çmimi tradicional “Xhemil Doda”, për tregimin e shkurtër si dhe për tri poezi më të arritura.
Tema është e lirë.

Poezitë dërgohen me emër dhe me mbiemër, sepse do të botohen në librin e përbashkët, i cili do të përurohet ditën e mbajtjes së manifestimit më 17 shkurt 2023 kur edhe do të shpallen rezultatet.

Punimet letrare për vlerësim juria do t’i ketë me shifër.

Ky aktivitet letra mbështet nga Drejtoria për Kulturë, Rini dhe Sport e Prizrenit.
Për informata shtesë mund të na shkruani në adresën e lartcekur
si dhe në tel: 045-277-633.

The post KONKURS LETRAR PËR TREGIM TË SHKURTË DHE POEZI appeared first on Prizreni Sot.

Vërtetimi merret në zyrat e Drejtorisë së Punës dhe Mirëqenies Sociale, në rrugën “Wilian Walker” p.n. në Prizren.

Njoftimin zyrtar mund ta gjeni në vegëzën në vijim:

https://kk.rks-gov.net/…/Njoftim-nga-Drejtoria-per-Pune…

The post Ka filluar pajisja me vërtetim për furnizim me dru për familjet e dëshmorëve, invalidëve të luftës dhe për rastet në asistencë sociale në Komunën e Prizrenit appeared first on Prizreni Sot.

Në procesin e hartimit të projektit, përmes analizave të zonës dhe diskutimeve publike janë përfshirë banorët, komuniteti i biznesit dhe komuniteti profesionist, në mënyrë që prezantimi final i Lokalitetit Arkeologjik të jetë reflektim i një zgjidhjeje të përbashkët.

Gjatë muajit tetor lokaliteti arkeologjik është pastruar nga vegjetacioni dhe aktualisht po pastrohet dhe bëhet gati për konservim.

Pjesa e parë e konservimit do të bëhet gjatë muajit nëntor kurse pjesa përfundimtare konservuese për prezantim do të bëhet në fillim të pranverës. Zbatimi i dizajnit të hapësirë së lokalitetit arkeologjik do të filloj të zbatohet gjatë muajit Dhjetor dhe do të ekzekutohet në tri faza, pjesa e strukturës mbajtëse të lokalitetit në muajin Dhjetor, pjesa e materializimit dhe shtrimit të hapësirës në linjë të njejtë me sheshin e lidhjes gjatë muajit Janar-Shkurt.

Prezantimi dhe promovimi i Lokalitetit Arkeologjik si një lokalitet me rëndësi historike, shkencore, kulturore dhe edukative, synon që të ngre vetëdijen për rëndësinë e këtij lokaliteti si dhe të promovojë vlerat kulturore nëpërmjet zhvillimit të turizmit kulturor.

Ky projekt i financuar nga Ministria e Kulturës, Rinisë dhe Sportit, dhe i mbështetur nga UN-Habitat Kosovë, përmes Programit të Zhvillimit Gjithëpërfshirës të financuar nga Qeveria e Suedisë, synon integrimin e trashëgimisë kulturore në kuadër të planifikimit hapësinor për zhvillim të qëndrueshëm, të gjelbër dhe gjithëpërfshirës.

The post Lokaliteti Arkeologjik në Sheshin e Lidhjes në Prizren po bëhet gati për konservim appeared first on Prizreni Sot.

The post Festivali për fëmijë “Fluturat” mbahet me 18 nëntor në qendrën sportive “Sezai Suroi” appeared first on Prizreni Sot.

Ata në finale fituan nga Kozyatagi Idmanyurdu me rezultat 3 me 1.

Të tri golat për Kabashin i dha Neari Toska.

The post Veteranët e klubit “ Kabashi” fitues të turneut “Masterler Atatürk Bahar Turnuvası” që u mbajt në Antalia të Turqisë appeared first on Prizreni Sot.

Në atë rast viktimës-femër i kanë rënë parat (1050 euro) në tokë, pas saj vijnë një çift, burrë e grua, gruaja i merr parat dhe ata largohen, njofton policia.

“Sektori i hetimeve ka bërë përpjekje maksimale në ndriçim të veprës penale dhe ka siguruar fotografi dhe video të dyshuarave, mirëpo deri tani nuk ka rezultuar në identifikim e tyre.

Andaj Policia e Kosovës – Stacioni Policor në Prizren, bazuar në ligjin për publikimin e fotove me shënime tjera të personave të kërkuar, me Autorizim të Prokurorisë Themelore në Prizren, me qëllim identifikimit, lokalizimin dhe rrjedhimisht arrestimin e tyre, lëshon:

Kërkesë për bashkëpunim me qytetarët.

Personat e kërkuar janë të panjohur, kërkohen për veprën penale :

-“Shpërdorim i pasurisë së huaj”

Policia e Kosovës kërkon nga qytetarët e Republikës së Kosovës që kushdo që ka informacion për identitetin apo vendndodhjen e personave të dyshuar në fotot e bashkangjitur, të lajmërojë Policinë e Kosovës apo të lajmërohet në stacionin më të afërt policor.

Numrat e telefonit dhe adresat elektronike kontaktuese për të kontaktuar Policinë e Kosovës:

– 192 dhe 080019999 (pa pagesë)

– 029 244 740- Stacioni Policor Prizren

– E-mail adresa: info@kosovopolice.com”, thuhet në njoftimin e policisë.

The post I mori mbi 1 mijë euro që i gjeti në tokë, policia kërkon ndihmë për kapjen e gruas appeared first on Prizreni Sot.

Me titull ’We love MMA60”, zhvillohet meqi në Barclaycard Arena në Hamburg. Për këtë ngjarje premierë, e njohur si : ’Liga Premierë e Gjermanisë’, po përgatiten takime  dhe lufta të mëdha.

Vëmendje  këtyre meqeve e në veqanti, interesim ka zgjuar meqi  ndërmjet Gjoni Palokaj (Fightscholl Hannover) dhe Sulltan Hussain (Gladiators MMA Duisburg), që do të luftojnë për titullin e lakmuar në peshën pupla deri  në 66 kg.

Palokaj, që është me prejardhje nga (Prizreni, fshati Velezhë) konsiderohet nga talentët më të mirë në këtë kategori (në peshën pupla).

Pas titullit të tij në RESPECT.FC ai tani synon edhe rripin e dytë të skenës MMA në Gjermani.

Lidhur me meqin e tij që ka zgjuar interesim, shkruan edhe BILD  (gazeta më e madhe gjermane)  që do të transmetojë ngjarjen nga ora 22.00 me datë 29.10.2022.

Gjoni ,siq shihet edhe në foto në çdo fitore kremton me flamurin kombëtarë, duke mos harruar asnjëherë prejardhjen.

‘Prizreni Sot’, i uron suksese Gjonit !

The post Djaloshi nga Prizreni që po shkatërron gjithëçka para vetes-Gjoni Palokaj synon majat e luftës në kafaz appeared first on Prizreni Sot.

Por, duket se një lokal e ka gjetur zgjidhjen për “klientët që e kanë pirë kafen” më parë. Taverna La Solía ​​de Liaño, në Spanjë, ka vendosur që të tarifojë me 1,5 euro të gjithë klientët që ulen në tavolinë dhe nuk konsumojnë. Kjo ide ka lindur sidomos për grupet që ulen në tavolinë dhe jo të gjithë porosisin.

Pronari i lokalit, Óscar Solana, shprehet: “Industria ka ndryshuar pas COVID. Ne kemi nevojë që njerëzit të konsumojnë. Inflacioni po ndikon shumë tek puna jonë. Ne nuk jemi qendra sociale e qytetit. Ne kërkojmë vetëm pak respekt”.

“Nëse grupi është i madh, duhet të bashkojmë dy tavolina. Nëse do të konsumonin vetëm 4 nga 6, do t’i kishim vendosur në një tavolinë për katër persona. Njerëzit duhet të kuptojnë se ky është një biznes dhe se ne kemi nevojë që ai të jetë fitimprurës. Përndryshe, do të ishte e pamundur”, shton pronari i lokalit.

Ai ka saktësuar se një nga arsyet e vendimit për të tarifuar me 1,5 euro personin që nuk porosit është se “ka pasur raste kur praktikisht 23% e vendeve në lokal nuk kanë konsumuar”.

Gjithsesi, Óscar Solana thekson se në shumicën e rasteve, “gjoba” nuk është mbledhur, pasi klienti e ka mirëkuptuar dhe ka porositur një kafe./A2news.com

The post Ulen në tavolinë dhe nuk konsumojnë asgjë, lokali “gjobit” klientët që nuk porosisin appeared first on Prizreni Sot.

Lajmin e ka konfirmuar zëdhënësi i policisë për rajonin e Prizrenit, Shaqir Bytyqi, i cili tha se nuk dihet ende gjendja e të lënduarve.

“Ka ndodhur një aksident trafiku në hyrje të Prizrenit, ku janë lënduar tre persona. Ende nuk dihet nëse ata kanë marrë lëndime të lehta apo të rënda”, tha Bytyqi.

The post Tre persona të lënduar në aksidentitn në autostradën “Ibrahim Rugova” appeared first on Prizreni Sot.

Sipas tyre kjo mund të ndodh për shkak të largimit të rinjve nga vendi, por kërkojnë që mësimdhënësit që do të jenë tepricë të sistemohen në profesione të tjera.

Edmond Hajrizi, rektor në kolegjin UBT, tha se me zvogëlimin e numrit të rinjve në vend mund të ketë teprica pak më shumë të mësimdhënësve.

Sipas tij, në disa nivele duhet të rritet numri i mësimdhënësve, prandaj përmes trajnimeve ata mund të jenë të gatshëm të marrin përgjegjësi për mësimdhënie në nivele të tjera.

“Mund të jetë që numri i të rinjve është zvogëluar dhe me zvogëlimin e numrit të të rinjve dhe formimit të grupeve të klasave mund të ketë që ka teprica pak më shumë të mësimdhënësve. Unë mendoj që kjo mund të jetë e vetmja arsye kur ndoshta formimi i shkollave dhe numri i mësimdhënësve nuk është i nevojshëm për disa nivele”.

“…ndërsa unë mendoj që në disa nivele duhet të rritet numri i mësimdhënësve, kështu që përmes trajnimeve apo transformimeve këta mësimdhënës mund të jenë të gatshëm të marrin përgjegjësi për mësimdhënie në nivele tjera, më lëndë të tjera, me praktika të tjera e kështu me radhë”, tha ai.

Hajrizi shtoi se Ministria e Arsimit duhet të ruaj punësimin e mësimdhënësve, pasi sipas tij, nëse nuk ka nevojë për mësimdhënëses në shkolla ata të punësohen në profesione të tjera.

“Ministria do të kujdeset që të kemi një transformim pozitiv duke rritur cilësinë po të njëjtën kohë edhe duke e ruajtur punësimin e mësimdhënësve. Kur një funksion apo profesion mbyllet apo nuk ka nevojë, atëherë është mirë që ata të kenë një politikë apo strategji për transformim të tyre që ata të jenë të nevojshëm për diku tjetër nëse jo për mësimdhënie ndoshta për këshilla apo punë në veprime të tjera”.

“Ma merr mendja që ata kanë potencial të ri-organizohen, ri-pozicionohen edhe mandej mund që të mos largohen nga puna. Arsimi ende ka nevojë për profesorë të funksioneve të caktuar që mungojnë nëpër shkolla dhe kjo tepricë mund të kthehet si benifit mi alokuar këto resurse njerëzore të vendet e duhura në momente të duhura”, tha ai.

Njohës i arsimit, Argjend Osmani tha se zvogëlimi i numrit të popullsisë është shqetësues për vendin.

Prandaj sipas tij, si shkak i kësaj vjen edhe të rënia e natalitetit dhe emigrimi i popullsisë, duke ndikuar edhe në zvogëlim numrit të nxënësve e që në të ardhmen do të ndodh që një numër i mësimdhënësve të mbesin pa punë.

Ai po ashtu shtoi se Qeveria duhet të krijoj politika zhvillimore të favorshme për rritjen e numrit të popullsisë, raporton EO.

“Fenomeni që është paraqitur në Kosovë kur kemi zvogëlim të numrit të nxënësve është pa dyshim shqetësues, duhet ta kemi parasysh që në të kanë ndikuar rënia e natalitetit por në mas të madhe ka ndikuar emigrimi nga Kosova dhe ne rrezikohemi si shoqëri që në të ardhmen të kemi edhe me tutje zvogëlim drastik të nxënësve”.

“Krejt çka mund të bëjë qeveria është të krijoj politika zhvillimore të favorshme për rritjen e numrit të popullsisë, në këtë mënyrë të përkrah fëmijët më shtesa dhe ato shtesa natyrisht dhurohen edhe në Kosovë por është një shumë shumë e vogël e tyre dhe jo për të gjithë. Duhet ta dimë se numri i madh i mësimdhënësve që tashmë janë të inkuadruar në sistemin e arsimit në Kosovë duhet të jetë vështirë që të mbahen në këtë nivel në të ardhmen duhet të jemi realist dhe ta kuptojmë dhe pranojmë atë që do të shkohet nga zvogëlimi i tij”, tha ai.

The post Kosovës vitin e ardhshëm do t’i teprojnë mbi 2 mijë mësimdhënës appeared first on Prizreni Sot.

Postimi i plotë:

Djali i kryetarit të Komunës së Prizrenit punësohet në Ekoregjion.

Komuna e Prizrenit është 60% aksionar në këtë ndërmarrje publike!

Talent i vërtetë.

The post Dafina Alishani: Talent i vërtetë! Djali i kryetarit të Komunës së Prizrenit punësohet në Ekoregjion appeared first on Prizreni Sot.

Naim Frashëri lindi në vitin 1846 në Frashër të Përmetit dhe u nda nga jeta më 20 tetor 1900. Ai ishte ndër shkrimtarët dhe aktivistët kryesore të Rilindjes Kombëtare. Bagëti e bujqësi, Endërrimit, Histori e Skenderbeut janë disa prej veprave të tij letrare që kanë mbetur në fondin e artë të letërsisë kombëtare shqiptare.

Naim Frashëri lindi në vitin 1846 në Frashër të Përmetit. Në vendlindje ai mori edhe mësimet e para. Më 1865 familja u shpërngul në Janinë, ku bashkë me vëllanë më të vogël Samiun, mbaroi gjimnazin grek “Zosimea”.

Më vonë punoi pak muaj në Stamboll, si nëpunës në zyrën e shtypit, por iu shfaq tuberkulozi dhe u kthye në vendlindje për klimë më të mirë. Në Stamboll, Naimi ishte ndër botuesit kryesorë të revistës “Drita”, më pas “Dituria” (1885), ku ai botoi edhe shumë prozë e vjersha të tij.

Gjatë rikthimit në Shqipëri ishte nëpunës në Berat e më pas doganier në Sarandë (1872-1877). Në këtë periudhë Naim Frashëri shkroi edhe pozitë e para në shqip. Nën ndikimin e ngjarjeve historike, sidomos të Lidhjes Shqiptare të Prizrenit – njëri nga udhëheqësit e së cilës ishte Abdyli, vëllai i tij më i madh, dhe nën ndikim e veprimtarisë kulturore patriotike të Shoqërisë së Stambollit, në krye të së cilës ishte Samiu – Naim Frashëri iu kushtua tërësisht letërsisë shqipe.

Bagëti e Bujqësi, Endërrimit, Histori e Skenderbeut janë disa prej veprave të tij letrare që kanë mbetur në fondin e artë të letërsisë kombëtare shqiptare.

Naim Frasheri u nda nga jeta me 20 tetor 1900.

Veprat:

Ëndërrimet, 1885, në gjuhën persiane

Shqipëria (1880, botuar më 1897)

Bagëti e Bujqësi [2], 1886

Dëshira e vërtetë e shqiptarëve (O alithis pothos ton Alvanon)

Vjersha për mësonjtoret e para

E këndimit të çunavet këndonjëtoreja, në dy vëllime, me poezi, lexime të ndryshme, njohuri të para shkencore humanitare.

Histori të përgjithshme

Lulet e verës, 1890

Mësimet, (proza patriotike dhe të moralit)

Fjala fluturake, (vjersha) 1894

Historia e Skënderbeut, (poemë epike) 1898

Qerbelaja (poemë fetare)

Perëndia, 1890.

Fjalët e Qiririt (publikuar për herë të parë në numrin e parë të revistës “Drita”)

The post Sot, 122 vjet pa Naim Frashërin appeared first on Prizreni Sot.

Postimi i plotë:

Formohen listat për pacient

Për herë të parë ne Kosovë MSh në bashkëpunim me DKSH dhe QKMF -Prizren do të ju mundësoj çdo banori të komunes sonë përzgjedhjen e mjekut familjar në zonën ku ai jeton.

BAZA LIGJORE

Çdo qytetarë dhe banorë me vështërsi shëndetësore është i obliguar të lajmërohet fillimisht te mjeku në prejashtim të rasteve emergjente.

Prej çdo qytetari dhe banori do të kerkohet të percaktohet për një mjek familjar .Çdo qytetar dhe banor ka të drejtë të përzgjedh mjekun familjar në komunën ku jeton ,brenda zonës së përfshirjes, të percaktuar nga komuna dhe ka të drejtë ta ndërroj atë.

Qytetari apo banori ka të drejtë që të konsultohet dhe të trajtohet nga mjeku, të cilin e zgjedh vetë ,me pëlqimin e institucionit shendetësor, brenda kufijve të përcaktuar me ligj dhe rregullat operative të institucionit. (Ligji Nr.2004/38 për të drejtat dhe pergjegjësitë e qytetarëve në kujdesin shëndetësor Neni 5).

The post Së shpejti pritet të bëhet fomimi i listave për pacientë në Prizren appeared first on Prizreni Sot.

Shumë besëtytni burojnë nga i njëjti tipar njerëzor që na bën të besojmë te përbindëshat dhe fantazmat: Kur truri ynë nuk mund të shpjegojë diçka, ne sajojmë gjëra.

Në fakt, një studim vitin e kaluar zbuloi se besëtytnitë ndonjëherë mund të funksionojnë, sepse të besosh në diçka mund të përmirësojë mënyrën e të perceptuarit.

Ka edhe nga ato besëtytni që njerëzit edhe i besojnë por edhe i kanë frikë.

Por a e dini se cilat janë besëtytnitë më të përhapura në vend?

Kur macja e zezë “të pret” rrugën

Nëse duke e kaluar rrugën, qoftë në këmbë apo me makinë, një mace e zezë ua ‘pret’ rrugën, atëherë ju duhet ta ndryshoni drejtimin apo të ktheheni, pasi kjo është një shenjë e fatkeqësisë. Në mesjetë, macet konsideroheshin kafshë të shtrigave, kështu për të mos pësuar ndonjë fatkeqësi, ato edhe vriteshin.

E marta ‘e zezë’

Mendohet se e marta është dita kur Zoti krijoi të ligën, kështu, sipas më të vjetërve, nuk është mirë që të pastroheni natën e martë, të punoni punë dore apo punë të tjera.

Prerja e thonjve natën

Besëtytnia ndoshta më e çuditshme që ende besohet është për prerjen e thonjve të dorës dhe të këmbës natën ose përnjëherë. Sipas këtij besimi, nëse ju i prisni thonjtë e këmbës dhe të dorës përnjëherë, dikush do të vdesë në ditën tuaj të dasmës – apo do të ketë edhe dasmë edhe vdekje për një ditë.

Paratë

Besohet se nëse të kruhet dora e djathtë do të japësh para, por nëse të kruhet e majta, do të marrësh para.

Akrepat e orës

A thua me të vërtetë mendon dikush për ju nëse kur shikoni orën akrepat e saj janë një mbi një? Por, tani në kohën e smartphone, disa besojnë në fatin e numrave të orës në celular, p.sh kur ora është 11:11, 15:15 etj.

Pasqyra e thyer

Romakët e lashtë besonin se tek pasqyrat ka fragmente të shpirtit tonë, kështu që me thyerjen e saj, “thyhej” mirëqenia apo shëndeti i dikujt. Fatmirësisht, ata gjithashtu besonin se shpirti i njeriut rigjenerohet pas 7 vitesh, prandaj keni dëgjuar numrin 7 të lidhet me pasqyrën e thyer.

Fjala “shëndet” pas çdo here që teshtijmë

Teshtima konsiderohej si aktivitet fiziologjik me risk të lartë nga romakët dhe grekët e lashtë. Shumë prej tyre besonin në “ndarjen e shpirtit” për pak sekonda. Prandaj, thuhet “shëndet” sa herë që dikush teshtin, si një bekim që të ruan nga e keqja.

Çadra e hapur brenda

Egjiptianët e lashtë besonin se çadrat ishin aksesor shumë mbretëror dhe se hija që krijonin ishte e frikshme. T’i hapje ato në ambiente të brendshme, konsiderohej si ofendim ndaj Zotit dhe Diellit.

Lulja e tërfilit

Tërfili konsiderohet si gjetje e rrallë dhe shumë fatsjellëse, por pse? Sipas legjendave, kjo gjethe është këputur nga Eva, gruaja e dërguar nga parajsa. Ajo zgjodhi këtë, për të mos harruar kurrë kopshtin e Edenit. Prandaj lulja e tërfilit përfaqëson fat të mirë dhe prosperitet.

The post Nga pasqyra te macja e zezë: 9 besëtytnitë që shqiptarët i kanë tepër frikë dhe përsëri i besojnë appeared first on Prizreni Sot.

Personi Behamir (Ruzhdi ) Gavazaj , lindur me datë 17.01.1973 nga Fshati Zhur, KK Prizren, Republika e Kosovës, i cili për here të fundit është parë nga familjarët e tij me datë 10. Shtator 2022 ka dalë nga shtëpia dhe familjarët më nuk kanë asnjë kontakt me të.
Sipas ankuesit viktima është i gjatë rreth 170 cm, 70 kg, flokët e thinjura.

Personi i raportuar si zhdukur deri me sot nuk është gjet, andaj kërkojmë bashkëpunim nga të gjithë qytetarët, që nëse e shohin personin e njëjtë apo din diçka për vendndodhjen e tij të raportojnë Policin Rajonale në Prizren , apo në cilin do stacion të policisë në Kosovë, thuhet në njoftim.

The post Policia në Prizren kërkon ndihmë për ta gjetur 49-vjeçarin nga fshati Zhur appeared first on Prizreni Sot.

Ai shpesh ironizon me tema të ndryshme të cilat janë aktuale në Kosovë.

Së fundi, ai ka ironizuar me pagat në Kosovë.

Pagat ai i ka krahasuar me vezët e ziera.

“Rrogat në Kosovë janë pak a shumë si veza e zier. E qëron 15 minuta, e han per 3 sekonda.”, ka shkruar ai në ‘Facebook’.

The post Bufi: Rrogat në Kosovë si veza e zier, e qëron 15 minuta e han për 3 sekonda appeared first on Prizreni Sot.

Fushata do të realizohet nga grupi avokues i të rinjëve me sindromën Down, të cilët do të udhëtojnë gjatë muajit tetor në shtatë [7] qendrat më të mëdha të Kosovës për të avokuar për nevojat dhe të drejtat e komunitetit.

Aktivitete si këto do t’i shërbejnë kauzës që përçon fushata vetëdijësuese për muajin e ndërgjegjësimit për sindromën Down. Gjithashtu, aktiviteti do t’i kontribuojë ngritjes së vetëdijës dhe prioritizimit të personave me sindromën Down, nisur edhe nga fakti që Qeveria e Kosovës ka shpallur vitin 2022 si vit të personave me aftësi të kufizuara.

Fushata avokuese dhe aktivitetet për nder të Ditës Ndërkombëtare të Fëmijës Vajzë mbështeten nga agjensitë e UN në Kosovë @UNKT, @UNDP, @UNFPA, @UNICEF, @UN Ëomen.

Faleminderit që mbështetni gjithmonë aktivitetet e Shoqatës Down Syndrome Kosova, ju ftojmë të na bashkoheni në ngjarjen e radhës.

Shoqata Down Syndrome Kosova dhe Organizata IPKO Foundation kanë kënaqësinë që t’ju ftoj të na bashkoheni në aktivitetin e fushatës “ Gjithpërfshirje” për të shënuar muajin Tetor si muaji i ndërgjegjësimit për sindromën Down.

Data: 19 Tetor, 2022
Dita: E mërkurë
Ora: 11:30
Vendi: Shadërvan, Prizren

The post Fushata “ Gjithpërfshirje” shënon muajin Tetor si muaji i ndërgjegjësimit për sindromën Down appeared first on Prizreni Sot.

Ai ne tryezën me temën “Agjenda Evropiane 2022”, organizuar nga Komisioni për Integrim Evropian, shtoi se Kosova ka bërë progres në funksionimin e gjyqësorit.

 “Procesi i zgjerimit të BE-së duhet të jetë në krye të agjendës të liderëve Evropian. Raporti mbulon periudhën nga viti 2021-2022 dhe fokusohet në fakte, shohim edhe progres të jashtëzakonshëm që kanë ndodhur jashtë kësaj kornize ju keni merita për progresin”.

“Para se të diskutojmë për gjërat specifike duhet të them që raporti kujton propozimin për heqjen e vizave dhe kjo ende nuk është zgjidhur dhe nga viti 2018 e kemi vlerësimin që Kosova i ka përmbushur të gjitha kriteret për liberalizim të vizave. Në sundimin e ligjit Kosova ka bërë progres në funksionimin e gjyqësorit dhe krimit të organizuar dhe rasteve korruptive”.

The post Raporti i BE-së: Kosova ka plotësuar kriteret për heqjen e vizave që në vitin 2018 appeared first on Prizreni Sot.

Aktgjykimi është shpallur nga gjykatësi Refki Piraj, raporton “Betimi për Drejtësi”.

Berisha ka deklaruar se pranon fajësinë për veprën penale për të cilën akuzohet.

Ndryshe, Prokuroria Themelore në Prizren më 18 korrik 2022 ka ngritur aktakuzë ndaj të akuzuarit Zafir Berisha për veprën penale të “Kanosjes”.

Sipas aktakuzës, më 23 qershor 2022, në ora 18:27, në Prizren i akuzuari Berisha me qëllim të frikësimit dhe shkaktimit të ankthit, seriozisht e kanos personin zyrtar në lidhje me punën e tij zyrtare, ku përmes telefonit i dërgon sms të dëmtuarit Shaqir Totaj me përmbajtjen “Do gjëra është dasht me koh mi sqaru jo tash mu sjell “ kalova lumin …. spom duhet kali”, se jeta është me e gjate se sa pe llogarit”.

Tutje, në aktakuzë thuhet se i akuzuari Berisha tek i dëmtuari Totaj kishte dërguar sërish sms përmes telefonit më 24 qershor 2022, në ora 18:56, me përmbajtjen“me kan than qe je pis dhe i paftyr po skam besu sot ma vërtetove, ti po mendon qe me ke përdor si salvet një perdorimshe po dije pa ti q* r*** met ngre zhag neper Prizren nuk e prishi koalicionin si pot mesij mercenaret e vv dhe hajnat qe i ki i ke afër, dije këtë”.

Me këto veprime, sipas aktakuzës tek i dëmtuari Totaj ka shkaktuar ndjenjën e frikës, ankthit dhe pasigurisë për jetën e tij, me çka akuzohet se ka kryer veprën penale të “Kanosjes” nga neni 181, par.3 lidhur me par.2 të KPRK-së, vepër kjo e sanksionuar me burgim prej gjashtë muaj deri në pesë vjet

The post Zafir Berisha dënohet me 600 euro, pranoi se kanosi kryetarin e Prizrenit, Shaqir Totaj appeared first on Prizreni Sot.

Arsyeja e shtyerjes, sipas Ministrisë, është aplikimi i shtesës prej 100 euro sipas vendimit të Qeverisë në kuadër të Pakos për Përballje me Inflacionin, për të cilën ka qenë i nevojshëm një proces shtesë verifikimi.

“Duke shpresuar në mirëkuptim të të gjithë përfituesve, ju sigurojmë se stafi i ministrisë është duke punuar intenzivisht ashtu që ekzekutimi i pensioneve me shtesën prej 100 euro të bëhet nesër që në sesionin e paradites”, thuhet në njoftimin e ministrisë.

The post Vonohen pensionet, Ministria e Financave del me njoftim appeared first on Prizreni Sot.