Islam Ukimeri pjesë e Kuvendit Komunal, falenderon votuesit

Islam Ukimeri është pjesë e përbërjes së re të Kuvendit Komunal. “Falenderim, respekt dhe mirënjohje të pafund, ndaj të gjithë votuesve në Komunën e Prizrenit!” shkruan ai.

Postimi i plotë:

Falenderim, respekt dhe mirënjohje të pafund, ndaj të gjithë votuesve në Komunën e Prizrenit!

Në bazë të rezultateve zyrtare të publikuara dhe të çertifikuara nga KQZ, unë në listën e PDK-së, rezultoi që të jem më i votuari me 837 vota.

Andaj, të dashur anëtarë të familjes, anëtarë të kryesisë e të shtabit të nëndegës sime “Korishë” aktivistë, dhe votues gjithandej në Komunën e Prizrenit: i’u falenderoj nga zemra të gjithëve pa dallim, për besimin e dhënë, që për herën e dytë në garën për Kuvendin Komunal të Prizrenit, më dhatë mundësinë që të jem përsëri, pjesë e organit më të lartë legjislativ, dhe të jem zëri i juaj edhe në këtë mandat.

Publikisht i’u premtoj se asnjëherë në karrierën time politike nuk do të i’u zhgënjej, ndërsa votën dhe besimin tuaj ndaj meje, do të mundohem maksimalisht që të u’a kthej me punë, angazhim dhe rezultate konkrete, për të gjithë qytetarët e Komunës së Prizrenit pa dallim.

PDK177
BashkëpërPrizrenin
ShaqirTotajKryetar