Komuna e Prizrenit njofton për iftarin e shtruar ditë më parë

Përmes një njoftimi të botuar në faqen e Komunës thuhet se në iftar kanë qenë të ftuar përfaqësues të Institucioneve.

Njoftimi i plotë:

  Të nderuar qytetarë të Komunës së Prizrenit,

Pas disa reagimeve joparimore e kemi vlerësuar të drejtë të ju informojmë lidhur me çështjen në vijim:

Me qëllim të respektimit të Muajit të Shenjtë të Ramazanit, Komuna e Prizrenit ka shtruar një iftar tradicional.

Ku të ftuar kanë qenë:

* përfaqësues të Bashkësisë Islame,

* përfaqësues të institucioneve; si Policia e Kosovë dhe FSK-ja,

* përfaqësues të KFOR-it Turk,

* përfaqësues të Konsullatës Turke në Prizren,

* përfaqësues të partive politike,

* të gjithë ish kryetarët e Komunës së Prizrenit,

* deputetët e Prizrenit në Kuvendin e Republikës së Kosovës,

* ekzekutivi i Komunës së Prizrenit,

* kuvendarët e Kuvendit të Komunës së Prizrenit,

* përfaqësues të Universitetit të Prizrenit “Ukshin Hoti”,

* shoqatat e dala nga lufta,

* shoqatat humanitare,

* përfaqësues të shoqatave të biznesit dhe

* qytetarë të tjerë të respektuar të Komunës së Prizrenit.

Reagimet e individëve nuk janë të argumentuara dhe e kanë dezinformuar opinionin publik.

Është traditë që gjatë festave të tilla, të respektohen qytetarët, gjë që ka munguar gjatë viteve të kaluara.

Me respekt,

Komuna e Prizrenit