Në shtëpinë e tij u gjet e mitura që ishte raportuar e zhdukur, arrestohet një burrë në Prizren

Policia e Kosovës ka njoftuar se ka arrestuar një burrë në Prizren, pasi që në shtëpinë e tij është gjetur një e mitur e cila ishte raportuar e zhdukur më 5 dhjetor.

Përmes raportit 24 orësh, Policia ka bërë me dije se viktima me dëshirën e saj është kthyer tek prindërit e saj, derisa i dyshuari është dërguar në mbajtje.

“BASHKËSIA JASHTËMARTESORE ME PERSONAT NËN MOSHËN 16 VJEÇ – Prizren,07.12.2023-14:00. Është arrestuar i dyshuari mashkull kosovar pasi që në shtëpinë e tij është gjetur e mitura femër kosovare e cila më 05.12.2023 është raportuar si person i zhdukur. Pas intervistimit, me dëshirën e saj viktima është kthyer tek prindërit e saj, ndërsa me urdhër të prokurorit kujdestar, i dyshuari është dërguar në mbajtje”, thuhet në raport.