Kosovën, historikisht, e kanë mbrojtë dhe do ta mbrojnë, bijtë dhe bijat e këtij nënqielli , që gjak e jetë e kanë atë tokë e ato shkrepa.

Të tjerët, që i kanë braktisë trojet e veta e janë strukë në Kosovë, pavarsisht “pushtetit” dhe misionit që kanë sot, nuk do t’ia arrijn kurr ta zhbëjn mëvetsinë tonë. 

Ata veç munden të vazhdojn me shërbesen e tyre,  në linjë të puthitur me Vuçiçin se, Pavarsia e  Kosovës, është projekt i “përkohshem”?!!

Agjenda serbe, gjithë shqiptarët ka dëshirë t’i shoh si ju: pa themele, pa çati e pa adresa në Luginë e Malësi, e me pasaporta të Shqiprisë!!

Të qenit patriot sot, është barrë e rënd që nuk mund ta bajë çdo kush. E më së paku Liburni e Albini.

Sepse, patriotët ku do që shkojn, nuk i braktisin vatrat dhe identitetin e tyre!

Patriotët, pavarsisht ku jetojn e zhvendosën, e ruajt lidhjen emocionale me vendlindjen dje atdheun.

Ata, me mjete legale të kohës moderne, e vazhdojn luftën e projektve të burrave e grave të kombit.

Ata janë të bindur se, “Bashkimi Kombtar” nuk është bashkimi fizik i një pjese të  Kosovës me Shqiprinë, por agjend për zhbërjen e Kosovës i shtet!!!

Bashkimi Kombtar,  është një tërsi shumë më e madhe territoresh etnike, që prek shumë shtete në rajon, sot, shumica dërmuese e tyre pjesë e NATO-s.

Andaj, nëse keni një plan konkret se si Shqiprisë me i’a bashkangjitë Qamërinë, Iliridën, Malsinë e Madhe, Tuzin, Ulqinin, Luginën e Sanxhakun edhe unë jam me ju!!

Pastaj, pa gajle, natyrshëm, në fund, edhe Kosova është aty!

Deri te ai moment, sot, patriotizëm është me pas edhe pasaportën e armikut!!!

E me këtë, ruhen themelet e shqiptarve në tokat e pushtuara në Luginë e Malësi. E sa herë që ka zgjedhje atje, lokale e qëndrore,   me shku e me votu. Sepse, kur je pak, një votë ka vlerë shumë të madhe!

Këtë gjë e bëjn shumë miq të mi, që kanë lindur e  jetojnë në Kosovë, por baballarët i tyre intelektual, jeta dhe puna në rini, i ka sjell në Kosovë.

Ata, me takatin e tyre, sa herë që shqiptarve ju duhet vota, shkojn dhe votojn në Iliridë, Luginë e Malësi.

Ti Liburn bashkë me Albinin, pse  jo?!

Sepse keni tjera agjenda. Nuk ju ha palla për Luginën e Malsinë !!

Ju shkoni në një linjë me agjendat e armikut.

Ju, me organizatën tuaj politike, shkoni e merrni pjesë në zgjedhje të Shqiprisë dhe i acaroni deri në armiqësi mardheniet zyrtare mes Shqipërisë e Kosovës!

Juve, tani më ju ka dalë boja.

Po ju lexohen letrat n’xhep.

Unë e kam ditë kush jeni me kohë.

E mira është se po i zhgënjeni edhe ata që besuan në përrallat tuaja “patriotike”!

Unë nuk habitem pse Kosova e pavarur ka kaq shumë armiq.

I habitshëm mbetet fakti se, pikrisht, ata që Pavarsinë e shtetit  tonë e shohin si “projekt të përkohshëm”,  janë njerzit më të paguar dhe privilegjuar në Kosovë ?!!

The post Ata që Pavarsinë e shtetit  tonë e shohin si “projekt të përkohshëm”,  janë njerzit më të paguar dhe privilegjuar në Kosovë ?!! appeared first on Prizreni Sot.

“Mos dorzohi, se liberalizimi do të ndodh”!

Shkruan: Abdullah Thaçi

Lëvizja e lirë pa viza, si faza e parë drejt integrimit Europian, para kritereve teknike, secili vend duhet të plotësoj kriteret strategjike.

Kriteri kryesor strategjik, për integrim në BE është pengimi i ndikimit të Lindor-Rus në një vend të caktuar dhe joshja e atij vendi për tu fut në kontrollin e Perendimit-Europës.

Vendet të cilat  përkdhelën nga Perendimi për t’ia kthy shpinën Rusisë, mbeten vende kryesisht sllave që historikisht vendimet politike i kanë marr në Moskë.

Ky fakt është një kartë e fortë në dorën e këtyre shteteve për t’i realizu qëllimet e tyre ekonomike dhe politike.

Këtë kartë, mjeshtrisht, po e përdorë shumë mirë edhe Serbia, e cila po përfiton nga rasti duke vjelë investime dhe fonde, në emër të integrimit dhe orientimit, nga Perendimi e në anën tjetër vazhdon të ruaj  lidhjet e forta tradicionale me Moskën.

Këtë fat nuk e Kosova!

Perendimi, duke e ditë se nuk jemi sllav e me këtë as pro rus, nuk ka pse ngutet e të na jep diçka që nuk merr një kundërvlerë prej saj!

Perendimi e ka kuptu drejt faktin se, vetëm një ditë pas shuplakës, e mjaftushme për ne është të na ndrrohet vetëm polici, të na vije ai i “miri” dhe të na thot, ai dje ishte pak nervoz, se ju jeni të mirë dhe meritoni shumë !.

 Eh, ne mashtrohemi ma lehtë se fëmiu në qerdhe.

Na kanë goditë e coptu ndër shekuj. Njejtë si sot, pas një dite nga dje, na kanë pajtu me përallat e njejta të Kusulkuqës.

The post Na kanë goditë e coptu ndër shekuj. Njejtë si sot, pas një dite nga dje, na kanë pajtu me përallat e njejta të Kusulkuqës. appeared first on Prizreni Sot.

Gurbet o plagë e rënd shekullore
Që zemrat tona po i bënë copë copë
Në vendin ku kem lind e rritë
Si çdo ditë, unë mungoj dhe sot !

Gurbetqari mungon n’dasma e gëzime
Akoma më rënd kur mungon në morte!
Për me u përqafu fort me njerzit e familjes
Për t’ngushëllu njëri tjetrin me zemër të thyer.

I ndodhur mes katër muresh
Shumë e rënd kjo barrë o Zot !
Që nuk përshkruhet me fjalë
Pse unë s’jam aty sot,
Për ta belbëzu fjalinë që e urrej :
Lamtumirë o dajë !

Dikur isha shumë i ri,
E nuk i kuptoja mirë sinonimet e fjalëve.
Aty ku nuk ishe prezent ti
Të gjithë pajtoheshin me një fjali,
Asllan mes nesh nuk lind më nana !

Sot kur shpirti yt ju dorzua Krijuesit,
Kujtimet e mia mi kthejnë shumë momente
Me zërin tënd të ëmbël e të butë
Unë nipi yt “jetim” flas me fotografinë tënde !

Në secilin moment t’dhimbjeve e derteve t’mia
Nuk e di se e ndjeje nevojën time
Kur papritmas pranoja thirrjen tënde
Për të ma shkarku secilin hall të jetës,
E për ta ngarku atë mbi supet tua të vuajtur !

Përkundër sprovës me sëmundjen tënde,
Eh si nuk dite o burr të ankoheshe një herë ?!
Qetsisht e pranove jetën ashtu si e shkroi Zoti
Jetove ndershëm me hallet e gjithë neve,
Lumturia e të tjerve ishte pasuria jote e vetme !

Tash kur fizikisht nuk je mes nesh,
Do të jetojmë me kujtimet dhe amanetet tua
E një premtim publik pe nisë nga vetja :
Përjetsisht, krenar që të patëm,
Mos na raftë me ta koritë nderin dhe emrin!

Lamtumirë shpirtbardh.

Bühl, Gjermani
12 Tetor 2021

The post LAMTUMIRË SHPIRTBARDH appeared first on Prizreni Sot.

Shkruan: Abdullah Thaçi

Për vetën nuk kam pse shkruaj e flas, miq e armiq, të gjithë më njihni në mënyrën tuaj. Unë jam fëmiu i parë, prej katër fëmijve të prindërve tanë mësues të respektuar që nga vitet 70-ta të shekullit që shkoi. Të gjithë u shkolluam me mundin e prindërve tanë, që punuan pa u ndal që nga atëherë.

Deri sa unë studiova dhe magjistrova në Shkencat Ekonomike, dy motrat e mia ndjekën rrugën e nanës dhe u diplomuan në Shkencat Ekzakte me notë mesatare pak në 10.

Unë si i pari fëmij,  kisha barrën dhe privilegjin të jem pjesë e shumë zhvillimeve të kohës. Vitet e pushtimit, si gjimnazist isha pjesë e organizimit paralel në logjistikën e rezistencës  dhe protestat e organizuara nga Unioni i SHLP-së së atëhershme!

Paslufta na gjeti student e aktivist politik. Jo pse e doja politikën dhe lojrat e saj, më tepër ishte formë refuzimi ndaj atyre që i njihja si bashkpunëtorë të regjimit serb, e përqudi pasluftës u bënë “patriot” duke u bashku atyre që vetën e quanin parti të krahut të luftës !

Kështu vazhduam ndaras me ta. Deri në 2007, ne në pushtet e ata në opozitë, pastaj, secili në punën e tij, i ndërruam rrolet.

Avazi i urisë për pushtet, e solli një standard të ri të sistemimit të militantëve, në shumë sektor erdhën njerëz pa dinjitet. Njejt ndodhi edhe në Arsim. Pushteti i asaj kohe, në krye të Arsimit solli një grup matrapzësh me në krye Nexhat Çoçaj, që shisnin vende pune e vjedhnin ku do ku i jepej rasti i parë.  E unë si i ma budallai edhe ju shpalla luftë të hapur dhe i zura në hajni të pastër të paras publike! Por, për këtë rast në një moment tjetër në detale!

Pasi s’mund të më bënin gjë mua, ai pushtet atëherë filloi hakmarrjen e hapur ndaj familjes time. Nga ai moment, motra ime u bë me “pikë të kuqe” , ndonëse aspekt formal, as që kualifikohej për testim !

Kështu kaluan dhjet vite, për  të ardh një shpresë para katër vitesh. Por e kotë. Asgjë pos emrave të hajnave dhe matrapazëve nuk ndryshoi.

Në konkursin e fundit, për dallim prej atye para këtyre, motra ime u ftua në testim dhe intervistë. Të dyjat i kaloi me me sukses. Të Premtën lista e fituesve ishte gati, aty ishte edhe emri i saj. Por, të Shtunën në mesnatë u ndryshua lista dhe në vend të saj u fut një tjetër, që nuk ishte as pjesë e procesit regrutues!

Sigurisht, unë u intersova dhe provova të kërkoj sqarime nga Kryetari i Komisionit. Por kotë, ai nuk mu përgjigjë mua por një shoku tonë të përbashkët, e atij i tha: për besë nuk kam pas asgjë në dorë, ma kanë hjek prej listës duke më ofru di dëshmi profilin e Facebookut të Dullës e më thanë, hiqe këtë prej liste sepse a nuk pe sheh se ç’ka shkruan ky kundër nesh a ?!

Tash po vazhdojm me procesin e ankimimit, për të vazhdu pastaj me organet e drejtësisë, me shpresë që ato do ta parandalojnë më të keqen e domosdoshme.

Më fal motër që jam vllai yt !

The post MË FAL MOTËR QË JAM VLLAI YT ! appeared first on Prizreni Sot.

Po du me të pa,

Me të thirrë me zâ,

E ti me fjalën e parë me më “sha”!

Edhe pse të njoha për njeri të fjalës

Kjo ishte hera e parë që ti “tradhëtove”!

Kur nga dritarja e dhomës së pritjes,

Pasi zgjate kokën ka oborri, më the:

Mirë se na paske ardh o “pis” në mëmdhe!

E unë kur thash se erdha me të marr për kafe ?!

Ti më the:

Me lalin veç nja dy tre ditë sa ta marr vetën,

Se do ikim me kismet ka mali e do ç’mallemi!

Vërtetë nuk shkuan dy-tre ditë,  e ti ike!

Ike fshehuraz e pa u ç’mallë!

E unë i rrethuar me plot shok e miq,

Mbeta i heshtur e i pafjalë !

S’po kam më shok në mramje me u “përlah”

E në mengjes me u taku e mos me folë për dje !

Eh po …. !

Sikur të ishe i zakoshëm,

Si zakonisht do t’harroheshe si shumë të tjerë.

E di që s’ke qef me na pa tu mërzitë,

Por lotët vazhdojnë me na lagë jastakun !

E unë kur zgjohem n’mëngjes

Nuk e di a kam kajt a jam djersitë!

Aman,nuk ka ditë që se nisë dhe e mbyllë me ty

Pa të kujtu e me të thonë:

Mirëmengjes e natën e mirë .. …. !

The post PO DU appeared first on Prizreni Sot.