Gjatë fushatës janë shpërndarë mbi 20 mijë broshura informative e janë mbajtur ligjërata në shkollat e mesme.

Drejtori i IKD-së, Ehat Miftaraj tha se qëllimi i kësaj fushate ka qenë informimi i qytetarëve lidhur me të drejtat e tyre në rastet e dhunës në familje.

“Në kuadër të projektit me Institutin Clard kemi ofruar me qindra raste ndihma juridike falas. Edhe përkundër kampanjave fatkeqësisht ende gjyqtarët, prokurorët e policia nuk janë në gjendje të ushtrojnë kompetencat e tyre”, ka thënë Miftaraj.

Ndërkaq, Anton Nrecaj nga Instituti Clard ka njoftuar se vetëm për gjashtë muajt e parë të këtij viti janë raportuar në të gjithë Kosovën mbi 1300 raste të dhunës.

The post Mbi 1300 raste të dhunës vetëm për gjashtë muaj appeared first on Prizreni Sot.

Data kujton nëntorin e vitit 1960, kur tri aktiviste politike të Republikës Dominikane, motrat Mirabal, u përdhunuan dhe u vranë nga ushtarët e diktatorit Rafael Trujillo.

Në takim moren pjese femrat-gratë nga sferat të ndryshme siç ishin : Dr.Sc. Mybera Mustafa, profesoreshë në UBT, Dr. Albina Çuni ,Dr. Shpresa Llukaj-Goçaj, poete, Mirvete Kabashi Leku, si dhe pjesëmarrës tjerë nga shoqëria civile, znj. Indira Elshani drejtoreshë e OJQ-së ‘SAKUNTALA, znj.Xhyhere Maqkaj, kryetare e shoqatës ‘Gratë e Dëshmorëve, Znj. Erblina Kallabaku Koordinatore e zyrës së Handicap Kosova në Prizren, znj. Lumnije Rakaj mësimdhënësen SHMF ‘Abdyl Frashëri’, Znj.Afërdita Saramati ndërmarrëse dhe znj.Rita Drini, aktiviste.

 Në këtë takim njohës u diskutua rreth temave të ndryshme, ku u identifikua si problem kyç vëdijesimi dhe rastet të larta të veprave të padeklaruara, ku është e vështirë të që shumë gra kanë frikë të shkojnë në polici te raportojnë nëse sulmohen.

Për më shumë takimi përpos qe ishte dedikuar si simbol i sensibilizimit për ditën 25 nëntori e njohur si dite ndërkombëtare kundër Dhunës ndaj Grave, nga ky takim rezultuan shumë konkluzione ide dhe përkrahje sesi te veprojmë dhe te zbehim këtë dukuri ne shoqërinë Kosovare.

Por, për të luftuar dhunën kundër grave nuk mjafton kujtimi, pavarësisht se është kthyer në simbol botëror e sot, ku në anën tjetër, u duhet mësuar vajzave të jenë modele pozitive për bashkësitë, ku jetojnë, të impenjohen për barazinë ndërmjet burrit e gruas.

The post U shënua “Dita ndërkombëtare kundër dhunës ndaj grave” appeared first on Prizreni Sot.

Policia e Kosovës ka dhënë detaje për rastet në raportin 24-orësh.

“Rr. Nazim Gafurri 18.04.2021-14:00. Ankuesja femër kosovare ka njoftuar se ishte kanosur nga ish i fejuari i dyshuari mashkull kosovar. Pas intervistimit të  dyshuarit me vendim të prokurorit i është caktuar masa e ndalimit policor për 48 orë”, thuhet në raportin e policisë, ku bëhet e ditur se një rast i dhunës në familje ka ndodhur edhe në Fushë Kosovë.

“Fushë Kosovë 18.04.2021-15:30.Viktima femër kosovare ka njoftuar se në vazhdimësi është duke u kanosur dhe fyer nga bashkëshorti i saj (i dyshuari) mashkull kosovar. Me vendim të prokurorit, i dyshuari pas intervistimit dërgohet në mbajtje”, thuhet në raport.

Një grua në Prishtinë ndërkaq është sulmuar fizikisht nga burri i saj dhe e njejta është detyruar që së bashku me fëmijët të largohet nga banesa.

“Prishtinë 18.04.2021-19:20.Viktima femër kosovare ka raportuar se pas një mosmarrëveshje është sulmuar fizikisht nga i dyshuari (bashkëshorti i saj) mashkull kosovar. Viktima me dy fëmijët e saj ishte larguar nga banesa e tyre dhe kishte shkuar tek familja e saj pasi që ndihet e sigurt. Viktimës i është ofruar ndihma mjekësore por e njëjta nuk ka pranuar  tretman mjekësor. Nuk raportohet për arrestimin e te dyshuarit”, thuhet në raport.

Një person ndërkaq është arrestuar në Hajvali pasi që i njëjti dyshohet për dhunë në familje.

“Hajvali, Prishtinë 16.04.2021-11:30.Lidhur me rastin me datë 18.04.2021 rreth orës 10:00 i dyshuari mashkull kosovar është vetë paraqitur në stacion policor dhe me vendim të prokurorit është arrestuar dhe është dërguar në mbajtje”, thuhet në raportin 24-orësh.

Raste të dhunës në familje ka pasur edhe në Prizren dhe Suharekë.

” Prizren 17.04.2021-13:20.Viktima femër kosovare ka njoftuar se ishte sulmuar fizikisht nga bashkëshorti i saj i dyshuari mashkull kosovar. Viktima ka pranuar tretman mjekësor. Me vendim të prokurorit rasti shkon në procedurë të rregullt.

 Suharekë 16.04.2021-18:00.Viktima femër kosovare ka raportuar se është sulmuar fizikisht nga bashkëshorti i saj mashkull kosovar. Viktima nuk ka pranuar tretman mjekësor. Lidhur me rastin është intervistuar i dyshuari dhe urdhër të prokurorit kujdestar është liruar në procedurë të rregullt”, thuhet në raport.

 Raste të dhunës në familje ka pasur në Klinë dhe në Gjakovë.

“Klinë 18.04.2021-16:00.Viktima femër kosovare ka raportuar se pas një mosmarrëveshje në familje është sulmuar fizikisht nga i dyshuari (bashkëshorti i saj) mashkull kosovar. Viktimës i është ofruar ndihmë mjekësor dhe e njëjta me kërkesën e saj dërgohet në familjen e saj. Lidhur me rastin është arrestuar i dyshuari  dhe me vendim të prokurorit kujdestar, te dyshuarit i është caktuar masa e ndalimit për 48 orë.

Gjakovë 18.04.2021-23:40.Është arrestuar i dyshuari mashkull kosovar pasi që i njëjti kishte ushtruar dhunë fizike ndaj bashkëshortes së tij. Viktimës i është ofruar ndihmë mjekësor si dhe strehimi, mirëpo  e njëjta ka refuzuar strehimin dhe me dëshirën e saj është kthyer tek shtëpia e bashkëshortit. Me vendim të prokurorit kujdestar, te dyshuarit i është caktuar masa e ndalimit policor për 48 orë”, thuhet në raport.

Në Mitrovicë ndërkaq është raportuar një rast i kanosjes.

 “Mitrovicë 18.04.2021-17:00. Është arrestuar i dyshuari mashkull kosovar pasi që i njëjti përmes sms-ve  ka kanosur ish bashkëshorten (viktimën) femër kosovare. Me vendim të prokurorit pas intervistimit i dyshuari lirohet në procedurë të rregullt”, thuhet në raport.

The post Shifra shqetësuese: Për 24-orë tetë raste të dhunës në familje, një kanosje appeared first on Prizreni Sot.