Balje tha se Kurti foli edhe për fe, edhe pse ai thotë se jemi shtet laik.

“Për mua personalisht, ka qenë deklaratë provokuese, asnjë fe nuk e lejon këtë. Kryeministri ka fol për fe, kur fola unë, ai ka thënë se nuk ke të drejtë, sepse jemi shtet laik”, tha Balje në “Debat Plus” të RTV Dukagjini.

Ajo tha se nuk do ta votojë Kodin Civil, nëse nuk hiqet neni për martesat në mes të gjinisë së njëjtë.

“S’mundem me pranu, ne kemi leju komunitetin LGBT pronare për kodin civil. Kur po flasim për kodin civil, po flasim për ta. Është ligji më i rëndësishëm në vend, është perfekt, pikën e dytë e konsideroj problematike. I kemi thënë qeverinë bëjeni një ligj të veçantë për LGBT. Hiqeni prej kodit civil, bëjeni një ligj të veçantë, ne e votojmë Kodin Civil”, tha ajo.
“Unë s’kam asgjë kundër tyre. Asnjë komunitet tjetër s’është specifiku si këta”, tha deputetja Balje.

Ndërsa, kryetari i Partisë së Drejtësisë, Ferid Agani, ka thënë se neni për martesat mes gjinisë së njëjtë, duhet të hiqet nga projektligji i Kodit Civil.

Ai tha se i gjithë Kodi Civil është bërë peng i një paragrafi dhe se tentimi për ta miratuar atë nen është një agjendë popullsitë e pseudoliberale.

“Tërë ai kod civil është bërë peng i një paragrafi, kjo është një agjendë, pseudoliberale, majtiste e popullsitë. Po tentohet të shtyhet në Kuvend dhe e cila, nuk ka fuqi me kalu. Këtu është baza irrituese”, tha ai.

Sipas tij kalimi i këtij ligji nuk është kusht për anëtarësimin në organizata ndërkombëtare.

“Kjo është agjendë politike nuk është kusht i demokracisë. Këshilli i Evropës është institucioni më i thirrur për të drejtat e njeriut, nëse aty nuk vendoset si kusht pse këtu”, tha ai.

The post Duda Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë appeared first on Prizreni Sot.

Balje ka shkruar në Facebook se nuk ka pasur të drejtë të votojë në emrin e saj, por këtë do ta bëjë kur të vijë Projektligji në Kuvend .

“Të nderuar qytetarë të Kosovës, vota ime sot në Komisionin për Buxhet dhe Transfere është vota e Grupit Parlamentar Multietnik, nuk kemi qenë kundër, në raport me votat 4 me 4 vendimi ka qenë abstenim. Shihemi për votat në Parlament në momentin e votimit, ku çdo deputet do të votojë në emrin e tij personal! Ps. Nuk kisha të drejtë të votoja në emrin tim sot”, ka shkruar Balje.

Pesë deputetë të pozitës votuan kundër, ndërkaq pesë të opozitës votuan pro, deputetja Balje abstenoi dhe u pamundësua kalimi i propozimit.

The post Duda Balje arsyetohet që s’e përkrahu dhënien e Trustit në Komision: Shihemi në Parlament appeared first on Prizreni Sot.

Por, fillimisht ai do të shkojë në Komisionin për Buxhet.

Këtë Projektligj po e përkrah opozita, por jo edhe partia në pushtet.

Ndryshe nga këta të fundit që janë kundër tërheqjes së mjeteve nga Trusti, deputetja Duda Balje njëherësh anëtare e Komisionit për Buxhet ka thënë se do ta përkrahë këtë Projektligj.

Balje media ka thënë se do ta votojë pro tërheqjes se këtyre mjeteve nga Trusti për t’i ndihmuar qytetarët në kohë krize.

“Unë personalisht do ta përkrahi dhe dua t’i jap qytetarëve të Kosovës vet me vendos për vete nëse donë me marr 30% po nëse jo nuk është e obligueshme. Edhe kur jam duke ecur në rrugë njerëzit po më ndalin dhe më lusin të votojnë për Trustin që të dalim nga kriza ekonomike dhe unë nuk kam biseduar me grupin, por unë personalisht do ta përkrahi dhe do të dalë në anën e qytetarëve”, u shpreh Balje.

The post Duda Balje: Do ta votoj Projektligjin për Trustin, do të jem me qytetarët appeared first on Prizreni Sot.

Ajo ka thënë se aq shumë ka kërkesa nga qytetarët e Kosovës që të votohet plotësim ndryshimi i ligjit për Trustin në Kuvendin e Kosovës, saqë e ka ndarë edhe një rrëfim që po i ndodh pothuajse çdo ditë.

”Po dal po eci me familjen, me burrin dhe shumë qytetarë po më thonë të lutem votoni për tërheqjen e 30 për qind për trustin… Dhe ne jemi deputet dhe nëse në jemi zëri i qytetarëve, unë vetëm po dua të respektoj shumicën, të cilët kanë nevojë për këtë 30 për qind edhe për shkak të qytetarëve dhe vullnetit dhe kërkesës së tyre unë jam për tërheqjen e 30 për qind të mjeteve nga Trusti”, ka thënë ajo,

The post Edhe Duda Balje është pro tërheqjes së 30% të Trustit appeared first on Prizreni Sot.

Deputetja Balje tha se nuk mund të dal kundër fesë dhe vlerave familjare me të cilat është rritur duke e votuar lejhimin e martesave mes gjinisë së njëjtë.

Sipas saj, lejimi i martesave mes gjinive të njëjta nuk i përket kulturës dhe traditës së vendit.

“Të dashur qytetar, Siç jeni në dijeni, nesër në rend të ditës në seancën plenare kemi në shqyrtim dhe votim Kodin Civil. Pikë e rendit të ditës është që ky Kod Civil përmban edhe lejimin e martesave të gjinisë së njejtë.  Unë si deputete nuk mund të dal kundër fesë të cilës i përkas, principeve në të cilat jetoj e as kundër vlerave familjare me të cilat jam rritur. Prandaj, vota ime do të jetë KUNDËR. Kundër, sepse nuk perketë me kulturen, traditen në të cilën kemi jetuar dhe jetojmë”, ka shkruar ajo në një postim në “Facebook”.

The post  Duda Balje kundër martesave të gjinisë së njëjtë: Nuk dal kundër fesë e vlerave familjare appeared first on Prizreni Sot.

“Realisht, nuk ka asnjë mundësi tjetër. Me ose pa Presidentin e Serbisë, Aleksandar Vuçiq, Kosova është një shtet i pavarur dhe është një proces që askush nuk mund ta kthejë,” tha ajo.

Ajo më tej theksoi se përpjekjet e mëparshme për negociata midis Kosovës dhe Serbisë nuk kanë qenë të suksesshme.

“Kurti ka një pozicion të veçantë për atë çështje. Ajo beson se nuk është prioritet për Kosovën që të vazhdojë negociatat menjëherë. Ne do të shohim zhvillimin e situatës, planeve dhe presioneve të Evropës dhe Amerikës në periudhën e ardhshme”, tha ajo për Al Jazeeran.

Kur u pyet se si i interpreton ajo deklaratat gjithnjë e më të shpeshta nga Serbia në lidhje me rrezikun e formimit të një “Shqipërie të Madhe”, Balje tha se ekziston një frikë e vërtetë.

“Është një frikë e vërtetë. Është një ide që ekziston prej disa vitesh. Është përcaktuar si radikale, por tani po bëhet gjithnjë e më e gjallë me Kurtin”, theksoi ajo.

Duke folur për formimin e Asociacionit të komunave me shumicë serbe, Balje theksoi se kjo çështje në Kosovë trajtohet si formimi i një shteti brenda një shteti.

“Përfaqësuesit serbë dëshirojnë pavarësi dhe lidhje më të madhe të komunitetit të atyre komunave me Beogradin. Nga ana tjetër, qeveria në Kosovë nuk është e gatshme t’u japë atyre më shumë të drejta krahasuar me komunat e tjera”, tha Balje.

E pyetur për të komentuar nëse shembulli i Republika Srpskas mund të jetë arsyeja pse Kosova nuk dëshiron ta krijojë Asociacionin, Balje tha se RS është shembull i keq që përmendet shpesh në Kosovë në kontekst negativ.

Ajo gjithashtu tha se për udhëheqësin e Vetëvendosjes, Albin Kurti, mundësia e shkëmbimit territorial me Serbinë nuk është opsion.

The post Duda Balje për Al Jazeeran: Frikë reale për bashkimin e Kosovës me Shqipërinë, me Kurtin po bëhet e gjallë kjo ide appeared first on Prizreni Sot.

Në këto zgjedhje rruga drejt Parlamentit të Kosovës ishte më e vështirë për Baljen. Kjo pasi  PZAP dhe Gjykata Supreme konstatoi se votat e disa partive boshnjake e rome të fituara në zonat me shumicë serbe janë të pavlefshme, se nuk mund të sigurohet përfaqësimi i garantuar i një komuniteti me votat e një komuniteti tjetër.

Komunitetit të Bashkuar që udhëhiqet nga Adrijana Hoxhiq ju anuluan 4,205 vota që me rezultatet përfundimtare të zgjedhjeve kishte siguruar vende në parlament. 583 vota ju anuluan koalicionit Vakat, ndërsa, Unionit Socialdemorkat të Baljes, ju anuluan 165. Mbi 800 vota ju anuluan edhe një partie të re rome (Iniciativa Rome) e cila kishte siguruar dy vende në parlament me votat e fituara më ndihmën e siç thuhet Listës Srpska.

Për këtë Balje ka falënderuar të gjithë ata që ndihmuan siç thot ajo në ‘vënien e drejtësisë’. Ajo ka premtuar përkushtim të posaçëm në zbatimin e ligjit.

“Nga ana ime ju premtoj dhe zotohem para jush që mishërisht do të angazhohem në Kuvendin e Republikës të Kosovës për avansimin e ligjëshmëris për rrjedhat e ardhëshme të shoqëris civile dhe mediave në Kosovë’, shkroi ajo në Facebook.

Shkrimi i plotë i Balje në Facebook

DREJTËSIA KA EMËR

Ndjejë obligim njerëzor, moral dhe politik që nga thellësia e zemrës t’iu falenderohem të gjitha mediumeve dhe Institutit Kosovar të Drejtësis – IKD ( dhe shoqëris civile kosovare) për angazhimin dhe përkrahjen e pashoqë në arritjen e drejtësis me rastin e manipulimit të votave në këtë proces zgjedhor.

Mediumeve të shtetit tim Kosovës ju falenderohem për ngritjen e zërit të parreshtur kundër padrejtësis që u përpoq të bëhet. Pa zërin e juaj sot drejtësia do të ishte e mangët për të vërteten. Ju jeni shembulli më domethënës i liris dhe demokracis të shtetit tonë. Përkulem para jush dhe besimit tuaj se drejtësia do të ngadhnjej!

IKD i falenderohem për profesionalizmin e jashtëzakonshëm dhe kuptim plotë. IKD është sinonim i vlerave të demokracis së drejtësis dhe njohurive të ligjshmëris dhe kushtetushmëris së shtetit të Kosovës.

Shoqëris civile i falenderohem përjetësisht që mbrojti dhe kultivoj drejtësin deri në fund. Shoqëris tonë civile duhet t’ia ketë lakmi edhe shteti me demokracin më të avansuar në botë! Kosova jonë ka me çka të mburret.

Nga ana ime ju premtoj dhe zotohem para jush që mishërisht do të angazhohem në Kuvendin e Republikës të Kosovës për avansimin e ligjëshmëris për rrjedhat e ardhëshme të shoqëris civile dhe mediave në Kosovë.

Zoti i bekoft mediat e Kosovës!

Zoti e bekoft shoqërin tonë civile!

Zoti e bekoft shtetin e Kosovës!

The post U zgjodh deputete, Duda Balje ka dy fjalë për kosovarët appeared first on Prizreni Sot.

Pas Aktgjykimit të Supremes, Komuniteti i Bashkuar-Adrijana Hoxhiq nuk ka fituar mandat në Kuvend dhe një deputet i është hequr Iniciativës Rome parti këto që kishin fituar vota për komunitetet e tyre me ndihmën e Listës Serbe në komunat me shumicë serbe.

Në vend të Adrijana Hoxhiq në Kuvend është futur Duda Balje nga Unioni Social Demokrat.

Komunitetet pakicë pas certifikimit të rezultateve do të kenë këtë përbërje në Kuvend,

Lista Serbe ka 10 deputetë, Partia Demokratike Turke e Kosovës- 2 deputetë kurse  Koalicioni Vakat, Partia e Re Demokratike e Kosovës, Partia Gorane, Iniciativa e Re Demokratike e Kosovës, Partia e Ashkalinjëve për Integrim, Iniciativa Rome, Lëvizja Përparimtare e Romëve të Kosovës dhe Unioni Social Demokrat nga një deputet.

The post Duda Balje në Kuvend, Adrijana Hoxhiq jashtë appeared first on Prizreni Sot.

Balje, me anë të ‘Facebook’-ut, ka thënë se me anë të këtij vendimi, u vërtetua se shteti i Kosovës është demokratik dhe ligjor.

Ndër të tjera, ajo ka falënderuar edhe institucionet që u ndërmorën për korrigjimin e parregullsive në vota.

Adrijana Hoxhiq i janë anuluar në tërësi 2276 fletëvotime ndërkaq pjesërisht i janë anuluar 1929 fletëvotime.

Hoxhiq në rezultatet preliminare të publikuara nga KQZ ka marrë 5183 vota, ndërsa nga fletëvotimet e anuluara për partinë e saj figurojnë gjithsej 4205 të tilla që ia pamundësojnë futjen në Kuvend.

Postimi i plotë:

KRENARE ME SHTETIN TIM KOSOVËN !

U vërtetua dhe konfirmua nga shteti ligjor i Kosovës që askush nuk mundet të shkelë  dinjitetin e asnjë komuniteti me vota të një komuniteti tjetër.

Tash e tutje çdo kush kur të aplikon për mandate të rezervuara e ka të kjart që nuk mund të luaj me vullnetin e askujt!

Shteti i Kosovës është shtet demokratik dhe ligjor, kurse ata që deklarojn se Kosova është shtet jo ligjor kanë probleme serioze me demokracin dhe drejtësin. Kur dikush që ka dashur të dhunoj demokracin e Kosovës flet për jodemokraci atëherë nuk do shumë koment.

The post Duda Balje pas vendimit të Supremes: Krenare me shtetin tim, Kosovën appeared first on Prizreni Sot.

Arrestimi i tij vjen veç një ditë pasi që deputetja Duda Balje përmes një shkrimi në Facebook tha se partisë së saj iu janë humbur disa vota pikërisht në Kllokot.

Ajo ka bërë të ditur se partia e saj në fakt kishte 147 vota në Kllokot e kjo është vërtetuar pas rinumërimit të urdhëruar nga PZAP-ja.

The post Policia arreston kreun e Kllokotit një ditë pasi Duda Balje denoncoi dallavere me vota appeared first on Prizreni Sot.

Balje beson se pas vendimit të Supremes, do të sigurojë një vend në Kuvend.

‘’Ne thirremi në emrin e Kushtetutës për me i mbrojt të drejtat tona. Po besoj që do të sigurojmë një ulëse.’’, ka thënë ajo.

Në ndërkohë PZAP’ja dje e ka pranuar si pjesërisht të bazuar apelin e partisë së Baljes, që apeloi kundër vendimit të KQZ’së për shpalljen e rezultateve përfundimtare të zgjedhjeve të 14 shkurtit.

“PRANOHEN pjesërisht të bazuara apelet Anr.656/2021. A.nr.733/2021 dhe A.nr.735/2021 të paraqitura nga subjektet politike Nasha Iniciativa, Unioni Social Demokrat dhe Nova Demokratska Stranka të datës 05.03.2021 kundër vendimit të KQZ-së nr.860-2021 të datës 04.03.2021, për shpalljen e rezultateve përfundimtare të zgjedhjeve të parakohshme për Kuvendin e Kosovës të mbajtur me 14 Shkurt 2021”, thuhet në vendimin e PZAP’së.

The post Duda Balje dorëzon ankesë në Supreme, beson se do të bëhet deputete appeared first on Prizreni Sot.

Cakolli në një shkrim në Facebook ka thënë se në vend të saj, ulësen do ta fitojë ish-deputetja Duda Balje.

“Nëse vendimi i PZAP-së për anulimin e një pjese të votave të subjekteve politike nga komuniteti boshnjak, nuk apelohet apo ndryshohet nga Gjykata Supreme, atëherë Adrijana Hodzic, përkatësisht subjekti i saj, do të mbetet jashtë Kuvendit. Në vend të saj, ulësen do t’a fitojë Socialdemokratska Unija, me kandidaten Duda Balje – si më e votuara në radhët e këtij subjekti”, ka thënë Cakolli.

Sot Paneli Zgjedhor për Ankesa dhe Parashtresa (PZAP) ka pranuar pjesërisht ankesat e paraqitura nga subjektet politike Nasha Iniciativa, Unioni Social Demokrat dhe Nova Demokrastska Stranka lidhur me rezultatet përfundimtare të shpallura nga KQZ për zgjedhjet e 14 shkurtit.

PZAP ka marrë vendim që të anulohen në tërësi votat për subjektet politike boshnjake në këto komuna: Zubin Potok, Shtërpcë, Ranillug, Garaqanicë, Partesh, Kollokot dhe Novobërdë.

Po ashtu PZAP ka anuluar pjesërisht votat për subjektet politike Ujedinjena Zajednica Adrijana Hodzic dhe Koalicionit VAKAT.

The post “Duda Balje bëhet deputete nëse Supremja nuk e ndryshon vendimin e sotëm për votat e komunitetit boshnjak” appeared first on Prizreni Sot.

Por, sipas saj ky nuk është i vetmi rrezik për Kosovën që po vjen nga Lista Serbe.

Balje po thotë se Adrijana Hoxhiq bashkë me koalicionin VAKAT kanë për qëllim të kërkojnë krijimin e komunave boshnjake që më pas ato të bashkohen në Asociacionin e Komuna me Shumicë serbe duke u bërë sistem paralel i shtetit të Kosovës.

“Adrijana Hoxhiq ka thënë se kusht për votimin e qeverisë është themelimi i disa komunave boshnjake. Në këtë drejtim ne kemi punuar shumë. Por, plani është që pas krijimit të këtyre komunave boshnjake ato t’i bashkëngjiten Asociacionit të Komunave me Shumicë Serbe. Unë besoj që edhe koalicioni VAKAT është pjesë e këtij plani. Këto komuna do të jenë pjesë e strukturave paralele. Në Dragash, për shembull, nëse një lind një djalë mund të nxjerrin certifikatë me vulë të Serbisë dhe mësojnë në gjuhën serbe. Të njëjtën do ta bëjnë edhe në Reçan (Prizren) dhe në Vitomiricë”.

Balje në Klan Kosova tha se pret që këtë çështje ta marrin seriozisht partitë shqiptare dhe të mos luftojnë mes vete për pushtet.

“Shpresoj që shteti do të ndihmojë në këtë drejtim. Ajo çka mund të bëjmë ne është që të përdorim mënyrat ligjore. Jemi në fazën e përgatitjes së ankesës që do të dorëzohet në PZAP, Gjykatë Supreme dhe në fund në Gjykatë Kushtetuese”.

Balje është e bindur që Hoxhiq ka pasë marrëveshje paraprake me Listën Serbe, prandaj edhe mori shumë vota në komunat ku ka shumicë serbe e pak boshnjakë.

“Ne në Graçanicë ndoshta i kemi veç 10 vota, në Novobërdë asnjë. Hoxhiq ka marrë shumë vota atje. Ka serbë që më shkruajnë në Facebook dhe thonë se nuk e njohin e as nuk e kanë parë kurrë Hoxhiq, por se iu kanë thënë ta votojnë atë.

Balje thotë se ka përvojë dhe se ka punuar seriozisht për komunitetin boshnjak dhe se s’mendon që Hoxhiq do t’i mbrojë boshnjakët sikurse unë.

“Ajo ka qenë shumë afër serbëve dhe i ka ndihmuar ata. Shumica e boshnjakëve s’kanë dëgjuar për atë. Edhe në momentin kur Haradinaj e ka bërë ministre s’ka qenë vendim i boshnjakëve. Partitë shqiptare duhet ta mbrojnë shtetin ku po jetojnë. Kjo me komuna është shumë e rrezikshme. Boshnjakët do të largohen nga sistemi i Kosovës po u krijuan strukturat paralele”.

The post Duda Balje: Po tentohet të krijohen komuna boshnjake që t’i bashkohen Asociacionit të Komunave Serbe appeared first on Prizreni Sot.

“Në zgjedhjet e fundit të 2019, Lista Serbe kishte 10 mijë vota të tepërta që u përkasin serbëve. Pra, duke pasur parasysh që këto vota nuk i kishin të nevojshme, ata bënë plan për t’i përdorur këto vota për të “sulmuar” pakicat kombëtare. Ata zgjodhën Adriana hoxhiq nga iniciativa “Komuniteti i Bashkuar”, e cila ka qenë edhe nënkryetare në Komunën Veriore të Mitrovicës”, ka thënë Duda Balje.

Ajo thotë se sipas informacioneve që kanë marrë, nga votat që janë numëruar, Hoxhiq ka arritur që të marr dy nga tre vendet në Kuvend të Kosovës që u përkasin boshnjakëve.

Duda Balje thotë se Hoxhiq tashmë do të marrë një pozitë që nuk i përket, sepse nuk përfaqëson vullnetin real zgjedhor të pakicave.

“Kjo është edhe në kundërshtim me Kushtetutën e Kosovës që thotë se pakicat duhet të përfaqësohen nga njerëz të zgjedhur nga anëtarët e po atyre pakicave”, ka shtuar tutje.

Ajo theksoi se ishte veçanërisht e trishtuar nga fakti që ish partia e saj, koalicioni “Vakat”, ka shumë të ngjarë të merrte pjesë në këtë “lojë”.
Balje ka thënë se Lista Serbe ka për qëllim që t’i ketë nën kontroll 14 nga 20 vendet e rezervuara për pakicat, e që do të mund të shfrytëzohen në momentin kur do të zgjidhet presidenti i ardhshëm i Kosovës.

The post Duda Balje: Përfaqësuesit e boshnjakëve në Kuvendin e Kosovës u zgjodhën me votat e serbëve appeared first on Prizreni Sot.

Balje në Facebook ka shkruar se frikën Beogradi mos ta lidh me komunitetet tjera joshqiptare në Kosovë.

“Për komunitetin boshnjak flasim ne në emër tonin e jo zyrtarëve të Serbisë që as nuk jetojnë në Kosovë. Ne jemi për bashkëjetesë dhe rrugëtim së bashku me popullin shqiptar dhe komunitetet tjera në shtetin tonë. Liria është për të gjithë dhe si e tillë nuk duhet ti pengoj askujt përveç popujve që ja kanë frikën Lirisë”, thotë ajo.

Postimi i plotë:

Reagim ndaj deklaratës së të ashtëquajturit drejtor i zyrës për Kosovë në Qeverin e Sërbis !

LIRIA KA EMËR !

Zyrtarit dhe zyrtarve të Sërbisë që kanë shprehur frikën nga jehona e banerve ” Liria ka emër” si deputete e parlamentit të Republikës së Kosovës dhe kryetare e partise SDU ( Unioni social-demokratik) ju them që frikën e tyre mos ta ndërlidhen edhe me komunitetet tjera jo shqipëtare në Kosovë.

Për komunitetin boshnjak flasim ne në emër tonin e jo zyrtarë të Sërbis që as nuk jetojn në Kosovë. Ne jemi për bashkëjetesë dhe rrugëtim së bashku me popullin shqipëtar dhe komunitetet tjera në shtetin tonë.

Liria është për të gjithë dhe si e tillë nuk duhet ti pengoj askujt përveç popujve që ja kanë frikën Lirisë!

The post Thanë se komunitetet janë të rrezikuar në Kosovë, Duda Balje i reagon ashpër Beogradit appeared first on Prizreni Sot.

Deputetja ka shkruar se Jakup Krasniqi është vet liria, teksa ka kërkuar falje që ka votuar formimin e Speciales.

“Baca Jakup është vet LIRIA. Jam thellësisht e tmerruar me format e veprimit të sotëm ndaj Baces Jakup dhe familjes së tij! Kërkoj falje publike që atëherë e votova këtë ” gjykatë speciale”! Më vjen shumë keq, sinqerisht që votuam atë botë”, ka shkruar ajo në Facebook.

Ndryshe, hetuesit e Speciales kanë arrestuar sot Jakup Krasniqin, arrestimi ka ndodhur pas bastisjes që është bërë në shtëpinë e tij, e cila ka zgjatur rreth dhjetë orë.

The post Duda Balje kërkon falje që votoi Gjykatën Speciale: Baca Jakup është vet liria appeared first on Prizreni Sot.