Petrit Kllokoqi, nga shoqata e Gastronomëve të Kosovës, ka thënë se e përkrahin këtë vendim. Ai ka shtuar se mbetet të shihet një detaj sa i përket vendimit.

“E përkrahim si gastronomë. Mbetet të shihet a vlen vendimi vetëm për shërbim në banak. Uji është e drejtë elementare”, tha ai.

Ai shtoi se ligje të njëjta ka edhe në vende të tjera të botës perëndimore.

“Ky vendim vlen edhe në vende të tjera, përshembull edhe në Londër është obligative.”, shtoi ai.

Ndryshe, në shkurt të vitit 2018, Komisioni i BE-së rishikoi Direktivën e Ujit të Pijshëm që mandaton disa ndërmarrje në Evropë që janë të detyruara, me ligj, të ofrojnë ujë të pijshëm falas për klientët. Evropianët sugjerojnë se kërkesa që restorantet të shërbejnë me ujë mund t’i kursejë familjeve më shumë se 600 milionë euro vetëm nga kostot e ujit në shishe. Më tej, qasja në ujin e pijshëm falas mund t’i ndihmojë qytetarët të përdorin më pak shishe plastike, duke reduktuar “25 milionë tonë mbeturina plastike” të prodhuara aktualisht nga evropianët çdo vit.

Direktiva thotë se të gjithë evropianët duhet të kenë akses në një furnizim të pastër me ujë të pijshëm. Kjo nënkupton ngritjen e shatërvaneve të ujit të pijshëm në hapësirat publike, por gjithashtu sugjeron “inkurajimin e vendeve dhe restoranteve publike” për të siguruar akses në ujë falas në vend. Por çfarë do të thotë “inkurajoj” në praktikë?

Në Angli, Uells dhe Skoci, do të thotë që vendet e licencuara duhet të ofrojnë ujë të pijshëm falas sipas kërkesës. Çdo ndërmarrje që shet alkool – nga klubet dhe baret në restorante dhe kinema – ka një detyrim ligjor për të ofruar ujë të pijshëm pa pagesë. Në Irlandë, megjithatë, nuk ekziston një ligj i tillë dhe kështu klientët duhet të blejnë ujë. E njëjta gjë vlen për të gjitha vendet në Mbretërinë e Bashkuar që nuk shesin alkool; as ata nuk kanë obligim të ofrojnë ujë falas.

Në Holandë, nuk ka asnjë ligj që detyron restorantet të ofrojnë ujë të pijshëm falas. Kjo ka shkaktuar një peticion që bën thirrje për “ujin e çezmës kudo, të lutem”, i cili mblodhi mbi 100,000 nënshkrime për të ndaluar restorantet që t’u mohojnë klientëve një nevojë themelore.

Deri më sot, Bashkimi Evropian nuk ka miratuar asnjë ligj që kërkon që ndërmarrjet në vendet e tij anëtare të ofrojnë ujë nga rubineti pa pagesë. Pronarët e restoranteve evropiane dhe objekteve të tjera mund të zgjedhin nëse e ofrojnë atë apo jo.

The post Ujë për mysafirët në kafiteri e restorane, ky është reagimi i gastronomëve për vendimin e Kurtit appeared first on Prizreni Sot.

Petrit Kllokoqi, si kryetar i saj, ka konfirmuar se kërkesa që kanë për deputetët lidhet me masat e marra nga qeveria për luftimin e pandemisë së COVID-19, të cilat, sipas tyre, janë të përshtatshme.

“Masat i kemi respektuar. Më e dhimbshmja është që kanë refuzuar të takohen me ne. Do t’u drejtohemi deputetëve që të na nxjerrin nga kjo situatë – pozitë e opozitë”, është shprehur Kllokoqi, në Klan Kosova FM.

“Masat i kemi kundërshtuar sepse na është ndaluar e drejta për punë. Nuk jemi sunbvencionuar ekonomikisht, si pagat e punëtorëve, qiraja apo ulja e TVSH-së, e cila nga tetë përqind u rrit në 18 përqind. Është e padrejtë që të shkurtohet orari i punës pa subvencionim. Masat e fundit janë të ekzagjeruara”.

Sipas tij, bizneset e gastronomisë do të duhej të përkraheshin financiarisht, duke u arsyetuar me rritjen ekonomike që ka pasur gjatë vitit 2021.

The post Gastronomët vazhdojnë të kundërshtojnë masat: Do t’i drejtohemi parlamentit appeared first on Prizreni Sot.

Kllokoqi ka thënë se me këtë vendim gastronomët do të “fundosen”.

“Morre RRENC,  ne tavolin me ke premtu mu e atyre qe ishin me mua qe tvsh-ne ki me vazhdu ne 8% sa te egziston pandemia. Jo që nuk na ndihmuat por edhe po na fundosni”, ka shkruar ai në Facebook.

Kllokoqi thotë se është i zhgënjyer me këtë vendim pasi që Murati i kishte premtuar atij në sy se TVSH-ja nuk do të lëvizë.

“Eshte hera e parë qe nje politikan me rren ne sy , mfalni per shprehjen RRENC po pernime jom ZHGENJY”, shtoi ai.

Ndryshe, prej datës 1 janar gastronomët do të detyrohen të paguajnë 16% TVSH. Vendimi që ata të paguajnë 8% ishte marrë si masë lehtësuese për këtë sektor që po përballet me pandeminë.

The post “More rrenc”, Kllokoqi thotë se Murati e kishte shikuar në sy dhe i kishte premtuar që TVSH do të mbetet 8% appeared first on Prizreni Sot.

Pra, nga data 01.01.2022, furnizimet e mallrave dhe shërbimeve në veprimtarinë hoteliere, restorante dhe shërbime të ushqimit, tatohen sipas normave të përcaktuara me Ligjin Nr. 05/L-037 për Tatimin mbi Vlerën e Shtuar.

Po ashtu, të gjithë tatimpaguesit e regjistruar për TVSH, bazuar në Ligjin Nr. 07/L-016 për Rimëkëmbjen Ekonomike – COVID 19, për transaksionet e sigurimit dhe ri-sigurimit në bujqësi, për policat e sigurimeve bujqësore për kulturat bujqësore, me rastin e furnizimit të tyre nuk aplikojnë TVSH vetëm deri me datë 31.12.2021, me kusht që të kenë plotësuar kriteret e përcaktuara me vendim nga Ministri i Bujqësisë. Pas kësaj date këto furnizime tatohen sipas normave të përcaktuara me Ligjin në fuqi për Tatimin mbi Vlerën e Shtuar.

Pra, nga data 01.01.2022, transaksionet e sigurimit dhe ri-sigurimit në bujqësi, për policat e sigurimeve bujqësore për kulturat bujqësore, tatohen sipas normave të përcaktuara me Ligjin Nr. 05/L-037 për Tatimin mbi Vlerën e Shtuar.

The post Lajm i rëndësishëm për gastronomët, nga 1 janari kthehet TVSH-ja në 18 përqind appeared first on Prizreni Sot.

Sipas tij, nëse hapja bëhet në janar ose në shkurt do të jetë e kotë.

“Kërkoj që së paku për këto 3 javë të punojmë, kur edhe mundemi ne, por edhe shteti me përfitu sepse nëse na lironi me punu në janar ose shkurt gjithçka është e kotë”, shkroi ndër të tjera ai në Facebook.

Kllokoqi vlerëson se kushtet për hapje tani janë shumë më të mira sesa gjatë stinës së verës, kur nuk kishte masa dhe kur numri i të vaksinuarve ishte shumë më i vogël.

Ai kërkoi nga Qeveria që të mundësojë edhe hapjen e klubeve të natës dhe sallave të dasmave.

“Tani me vaksinim edhe frekuentimi i klubeve të natës/dasmave është 70% ma i ulët se verës, thjesht nga kjo po kërkoj me punu edhe sektori i vetëm që është i mbyllur (klubet e natës dhe vendet për ahengje) me dëshmi të vaksinimit sikurse gjithë bota që po punon”, shkroi Kllokoqi.

“Subvencionim jo, me punu jo, dikah po duhet me ja majtë edhe na… Me na lon mbyll nuk o zgjidhje! Nuk ishte menaxhim! Mos këqyrni veç bardh e zi. Hajde gjejmë zgjidhje.”

The post Gastronomët kërkojnë që të punojnë pa masa kufizuese deri në janar appeared first on Prizreni Sot.

Përmes një postimi në Facebook, kryetari i kësaj shoqate, Petrit Kllokoqi, ka thënë se Qeveria e Kosovës dhe institucionet relevante, për asnjë moment të vetëm nuk e përkrahën gastronominë, megjithatë, sipas tij, pa fije turpi i shfrytëzojnë shërbimet e gastronomëve.

“Nuk e di se si atyre u shijon kafeja që shërbehet nga një kamerier, i cili tash e sa kohë e merr rrogën me zbritje! Ishim ne, Shoqata e Gastronomëve, ata që ndihmuam me fushatat tona, në vaksinimin rekord dhe pas gjithë kësaj, si na falënderoni JU?! Na keni mbyllur, na keni poshtëruar, na keni nëpërkëmbur dhe në fund na keni dënuar, pa mbarim.

Në çdo vend të botës, vaksinimi nënkupton funksionim të lirë të jetës, përveç në Kosovë, ku vaksinimi nuk nënkupton ASGJË, ama bash ASGJË! Nejse, nuk ka mbetur edhe gjatë siç duket, që gastronomia të shuhet si fushë ekonomike dhe atëherë hiperinflacioni ekonomik do të jetë problem më i madh, sesa vet virusi, ndaj te cilit asnjëherë nuk fituat! Bëhuni gati ta korrni atë që mbollët!”, ka shkruar Kllokoqi në Facebook.

The post Gastronomët paralajmërojnë Qeverinë: Bëhuni gati të korrni atë që mbollët appeared first on Prizreni Sot.

Kjo shoqatë, përmes një statusi në Facebook ka thënë se rastet pozitive me koronavirus kanë rënë për tokë, dhe se kjo duhet të bëjë që Qeveria t’i lejojë të punojnë klubet e natës e sallat e dasmave e po ashtu tu zgjatet orari i muzikës dhe të rritet kapaciteti i punës në hapësirat e brendshme të bizneseve të gastronomisë.

“Të punojmë me strategji dhe eksperiencën me pandemi e kemi tash e 609 ditë, ndërsa punën që po e shohim në këtë drejtim po lë shumë për të dëshiruar! Për fund, me pak fjalë po e shohim që duke u marrë me zgjedhje na keni harru neve, ato takimet që i kemi pasë me të gjithë kandidatët për kryetarë të komunave nuk do të kenë ndikim përderisa kur duhet dhe mund të veproni, ju nuk bëni asgjë. Prandaj KUJDES SE JEMI SHUMË! Pra, PRESIM VENDIMIN TUAJ NESËR, DHE JU TREGOJMË VENDIMIN TONË ME 14 NËNTOR!”, thuhet në reagimin e Gatronomëve në Facebook.

Sipas tyre, Qeveria duhet të miratojë masa financiare për t’i ndihmuar këto biznese, nëse nuk ua lejon punën.

“Rrjedhimisht, ose i hapni bizneset që nuk po lejohen të punojnë (klubet e natës dhe sallat e dasmave) në pajtushmëri me protokolet shëndetësore të bazuara në teknologji duke i lejuar vetëm të vaksinuarit dhe të pajisurit me dëshmi të futen brenda, ose të miratoni masa financiare për ti ndihmuar këto biznese të cilat fare nuk po punojnë! Bizneseve të gastronomisë të ju zgjatet orari i muzikës në përputhje me atë të punës; Të rritet kapaciteti i punës në hapësira të brendshme në shërbimet e HORECA-s; Të hiqet ora policore, ose të mos ketë për personat e vaksinuar dhe ata që kanë dëshmi”, thuhet në reagim.

The post Gastronomët kërcënojnë me votë Qeverinë Kurti appeared first on Prizreni Sot.

Për shfrytëzimin e hapësirave të brenshme, klientët pranë lokaleve duhet të jenë të pajisur me njërën nga dëshmitë im ë poshtë:

“Certifikatën e vaksinimit për vaksinimin e plotë ose marrjen e një doze të vaksinës kundër COVID-19;

Testi RT-PCR negativ për COVID-19, jo më i vjetër se 72 orë;

Dëshmi se personi ka kaluar COVID-19 (test RT-PCR pozitiv i lëshuar jo më pak se 21 ditë dhe jo më shumë se 180 ditë ose rezultat pozitiv i testit të antitrupave serologjik – IgG, i lëshuar më së shumti para 30 ditëve;

Testi shpejtë antigjen negativ jo më i vjetër se 48 orë.

Kurse për shfrytëzimin e terasave nuk nevojititu ndonjë dëshmi nga ato që janë të lartë cekura!

Vaksionohu, sigurohu #mbrojeKosovën”, thuhet në njoftimin e tyre.

The post Gastronomët kanë një njoftim për të gjithë klientët e kafeterive appeared first on Prizreni Sot.

Veton Zuka nga Shoqata e Gastronomëve të Kosovës ka thënë për Ekonomia Online se për çdo vendim të marrë nga Qeveria edhe përkundër takimeve të shumta, nuk janë konsultuar fare.

Ai tha se koha po ftohet dhe kufizimi i hapësirave të brendshme në lokale do ta dëmtojë shumë gastronominë.

Zuka theksoi se kanë kërkuar takim me ministrin e Financave dhe atë të Shëndetësisë që në koordinim t’u ndihmojnë financiarisht.

“Si çdo vendim ka qenë moskonsultim edhe me gastronomët dhe është marrë njëanshëm edhe përkundër takimeve që kemi pasur na kumtim i vendimit jo si konsultë edhe sigurisht që na ka dëmtuar shumë. Koha veç po ftohet dhe përkundër që kemi kufizimet në lëvizje gjithçka është në dëm të ekonomisë, gastronomeve gjë që prapë na ka dëmtuar shumë dhe po na dëmton”.

“Na kemi disa prej kërkesave që kemi parashtruar edhe më herët financiare që mund të aplikohen në mënyrë që të tejkalohet si krizë dhe mund të jetë opsioni më i mirë me filluar me kërkesë të vaksinimi çdo klienti në mënyrë që të mundësohet puna brenda edhe në hapësira të mbyllura. Kjo si kërkesë do të shkojë në Qeveri dhe kemi kërkuar takim me ministrin e Financave dhe ministrin e Shëndetësisë që në koordinim me ta të ndihmojnë financiarisht dhe me i liruar masat në kuptimin e shfrytëzimit të hapësirave të brendshme”.

I mllefosur, Zuka thotë se është mbushur kupa dhe krejt ky kufizim është i papranueshëm për ta.

Ai madje paralajëmron edhe heqjen e arkave fiskle, nëse nuk ka lirim të masave nga ana e institucioneve për këtë sektor, raporton EO.

“Tash është mbushur kupa dhe krejt ky kufizim i punës dhe mos me u diskutuar për asnjë ndihmesë është e papranueshme për neve dhe bizneset. Nëse vazhdohet kështu këtë javë po presim takim edhe me gastronomët dhe do të vendosim për hapat e mëtutjeshëm përndryshe një prej opsioneve është edhe largimi i arkave fiskale nga lokalet”.

The post Gastronomët paralajmërojnë largimin e arkave fiskale: Është mbushur kupa appeared first on Prizreni Sot.

Gastronomët e Kosovës duan që Qeveria të bëjë një ndryshim në masat e reja, që janë vendosur më 28 gusht, pas përkeqësimit të situatës me Covid-19.

“Shkronja gj. pika 34 e këtij vendimi parasheh që kuptimi i shprehjes ‘hapësirë e mbyllur’ dhe ‘hapësirë e hapur’ ka të njëjtin kuptim me Ligjin për Kontrollin e Duhanit, ku sipas këtij Ligji, hapësirë e mbyllur është çdo hapësirë e mbuluar me kulm ose tavan, që është i lëvizshëm apo i palëvizshëm, dhe të rrethuar me dy apo më shumë anë, pa marrë parasysh llojin e materialit të përdorur dhe pa marrë parasysh nëse struktura është e përhershme apo e përkohshme”, thuhet në njoftimin e gastronomëve.

Më pas, shoqata thotë se me këtë pikë i bie që shumica e lokaleve të mos punojnë, sepse kanë terraca të mbyllura.

“Bazuar në këtë pikë, dhe bazuar në terrasat që i kanë të ndërtuara një numër shumë i madh i lokaleve të gastronomisë, i bie që NUK MUND TË PUNOJNË! Rrjedhimisht, një pikë e tillë, siç është e paraparë në këtë vendim, propozojmë që të largohet, dhe të lejohen të punojnë lokalet që kanë këto terrasa, sipas pikave të tjera të këtij vendimi. Përndryshe, kërkojmë që urgjentisht të iniciohet dhe ideohet një masë për mbështetje financiare nga Ministria e Financave, për gjysmën e qirasë së lokaleve dhe gjysmën e pagës së punëtorëve për sektorin e gastronomisë”, thuhet në njoftim.

The post Gastronomët kërkojnë që të ndryshohet kjo pikë nga masat appeared first on Prizreni Sot.

Në Shoqatën e Gastronomëve të Kosovës thonë se masat e reja kufizuese janë të papranueshme.

‘Me largimin e diasporës dhe me kufizimet e tilla të cilat janë bërë të ditura mbrëmë janë të dëmshme për sektorin e gastronomisë. Duke mos pasur një plan strategjik se si do të jetë mbështetja në përputhje me mbylljen e cila po pritet të ndodh’, tha për RTV 21, Arian Vranica.

Tashmë është bërë e ditur se do të punohet vetëm në hapësirat e jashtme ku do të shfrytëzohet deri në 75 për qind të kapacitetit mirëpo ne pa një vizion për mbështetje ekonomike ne nuk i pranojmë masat”, shtoi Vranica.

“Kërkesat do të jenë mbështetja financiare që duhet t’i shqyrtojmë bashkë me Ministrinë e Financave dhe është evidente që një kërkesë e tillë të jetë legjitime shto faktin se asnjëra nga masat e marra që nga fillimi i pandemisë rreth 33 për qind e biznesit s’kanë përfituar”, tha ai.

Ditëve të fundit në vendin tonë është shënuar rritje alarmuese e numrit të të vdekurve dhe të infektuarve me Covid-19 që bën që Ministria e Shëndetësisë të paralajmëroj ashpërsim të masave.

The post Gastronomët thonë se masat e reja kufizuese janë të papranueshme appeared first on Prizreni Sot.

Ata thonë se është papërgjegjësi shumë e madhe vonesa e Ministrisë së Shëndetësisë dhe Qeverisë së Kosovës në marrjen e Vendimit mbi lehtësimin e veprimtarive ekonomike në gastronomi, përkatësisht për mundësimin e organizimit të ahengjeve familjare.

Njoftimi i plotë:

ZGJOHUNI!! ERDHI VERA!!

Është papërgjegjësi shumë e madhe vonesa e Ministrisë së Shëndetësisë dhe Qeverisë së Kosovës në marrjen e Vendimit mbi lehtësimin e veprimtarive ekonomike në gastronomi, përkatësisht për mundësimin e organizimit të ahengjeve familjare.

Sipas dakordimit të të gjithë hisedarëve dhe bashkëpunëtorëve nga organizatat jo qeveritare dhe institucioneve publike, ka qenë data 15 Qershor kur është pritur për tu marrë ky vendim. Tanimë jemi me datën 21 dhe kjo tregon për mospërgjegjësinë dhe pakujdesinë e institucioneve në raport me gjendjen e jashtëzakonshme ekonomike që po kalon vendi ynë. Duke theksuar edhe mospërmbushjen e zotimeve të të gjitha qeverive që janë marrë me menaxhimin e pandemisë në kuptim të mbështetjes financiare, ku çdoherë ka numër të konsiderueshëm të bizneseve që nuk përfitojnë nga to, përkundër faktit që kualifikohen për të përfituar nga pakot emergjente.

Jemi duke kërkuar sqarim dhe vendimmarrje efikase në këtë periudhë të ndjeshme për sektorin e gastronomisë, por fatkeqësisht roli i institucioneve të vendit është jokonstruktiv në këtë drejtim.

Çdo ditë është esenciale, dhe çdo vonesë është kritike për ne!

Andaj, urgjentisht ju bëjmë thirrje që të mirret një vendim i tillë!

Vendim që do ti hapë rrugët e shterrimit të diskutimeve sa i përket organizimit të festivaleve, funksionimit të klubeve të natës, pishinave, etj. ZGJOHUNI!! ERDHI VERA!!

The post Gastronomët i shkruajnë ministrisë për hapjen e klubeve të natës: Më 15 qershor ka qenë data e fundit appeared first on Prizreni Sot.

Ata kanë ironizuar me sloganet e partive politike që garuan në zgjedhjet e fundit nacionale, raporton EO.

Në pankartën e tyre shkruhej “Krejt dhe Padrejtë”, “Me gastronomët”, “Nëpërkëmbje”, si dhe “Padrejtësia, padrejtësi”, slogane këto të deformuara në shenjë protestimi të subjekteve politike kryesore me të cilat garuan në zgjedhjet e fundit parlamentare.

Gastronomët kanë kërkuar lirimin e masave dhe heqjen e kufizimit të lëvizjes. Ata thanë dje në konferencë se Qeveria aktuale dhe ministri i Shëndetësisë, Arben Vitia kanë premtuar lehtësim të masave nëse bie numri i rasteve, por një gjë e tillë nuk ka ndodhur.

The post “Krejt dhe Padrejtë”, gastronomët protestë para objektit të Qeverisë appeared first on Prizreni Sot.

Ata thonë se po rrezikojmë që të përsërisim gabimet.

“Duke bashkërenduar politikat shtetërore me shoqatat dhe odat e sektorit privat, mund të marrim vendimet më të përshtatshme për menaxhimin e pandemisë dhe ekonomisë, në të kundërt humbës do jemi të gjithë dhe e vetmja zgjidhje mbetet dalja në rrugë”, thuhet në reagim.

Reagimi i plotë:

Jemi jashtëzakonisht të shqetësuar me rolin e shtetit dhe politikat e tij lidhur me menaxhimin e ndikimit të pandemisë në ekonomi!

Edhe më shumë shqetësues është fakti se po rrezikojmë t’i përsërisim gabimet që kemi pasur mundësi ti kuptojmë nga viti 2020, për vitin 2021.

Kosova është ndër vendet që ka bërë kompromiset më të mëdha në rajon sa i përket humbjes së punëtorëve dhe mbylljeve të bizneseve në vitin 2020. Paradoksalisht, pas masave të aplikuara të cilat kanë qenë ndër më të ashprat dhe shtrëngueset, të fundit në rajon arritëm të bëjmë sigurimin e dozave modeste të vaksinave Anti-Covid.

Krahasimisht me disa nga vendet në rajon, padrejtësisht ende qëndrojmë me masat të ashpra. Përderisa temperaturat kanë filluar të rriten dhe po shkelim në pjesën e dytë të vitit apo sezonën e verës (më të rëndësishmen për ekonominë e secilit vend në rajon), dhe shohim që vendet tjera garojnë me njëra-tjetrën që të sanojnë problemet e shkaktuara nga pandemia, Kosova nuk i’a ka as idenë më të vogël rreth strategjisë së Turizmit në këtë periudhë i cili ka rënie mbi 93%.

Shumica e vendeve të rajonit këtë garë e bëjnë për një arsye shumë të thjeshtë, sepse sektori i prodhimit vjen pas sektorit të tregtisë dhe shërbimeve, ashtu siç është edhe në Kosovë. Është evidente që ndikimi i pandemisë duke prekur sektorin e fuqishëm të shërbimeve, në mënyrë zingjirore edhe më shumë prekë edhe sektorët e tjerë shumë të rëndësishëm të ekonomisë.

Me trendin që është duke vazhduar qasja e institucioneve tona, pa vizion dhe pa plan për sezonën e verës, po rrezikojmë që të humbim mundësinë më të mirë që ekonomia jonë të këndellet deri në një shkallë nga goditjet që i janë shkaktuar.

Në rajon gastronomia është duke u këndellur, janë duke planifikuar për t’i hapur edhe domenet tjera të saj që janë sallat e dasmave, klubet e natës, dhe organizimin e festivaleve.

Në Kosovë në vitin e kaluar mbi 100 milion euro kanë humbur vetëm si rrjedhojë e mosorganizimit (me të drejtë) të ahengjeve familjare, ku shumica prej tyre janë shtyer për vitin tjetër.

Në këtë vit situata ka ndryshuar, sepse këto 100 milionë euro të pezulluara në vitin paraprak, nuk do të humbin këtë vit. Nuk do të shtyhen organizimet e këtyre ahengjeve siç kanë ndodhur në vitin e kaluar, ato do të mbahen në vendet ku është i mundur organizimi i tyre.

Për këtë të fundit e kemi shembull Shqipërinë, e cila jo vetëm se arriti të sigurojë doza shumë të mëdha të vaksinave, por ka filluar me vaksinimin e gastronomisë dhe hotelerisë. E njëjta së bashku me Malin e Zi (i cili pësoi një rënie të theksuar ekonomike në vitin e kaluar) mundësuan që në këtë vit të organizohen ahengjet familjare, të hapen festivalet dhe klubet e natës. Sepse për t’i hapur të njëjtat kërkohet kohë dhe përgaditje. Pra, këto dy vende janë duke e shfrytëzuar çdo rast për të evituar dhe zbutur dëmet në ekonomi, ndërsa Kosova po rrezikon që të thellohet edhe më tepër në gropën që e ka krijuar!

Duke bashkërenduar politikat shtetërore me shoqatat dhe odat e sektorit privat, mund të marrim vendimet më të përshtatshme për menaxhimin e pandemisë dhe ekonomisë, në të kundërt humbës do jemi të gjithë dhe e vetmja zgjidhje mbetet dalja në rrugë!

The post Gastronomët: Po rrezikojmë të përsërisim gabimet, jemi të shqetësuar me rolin e shtetit appeared first on Prizreni Sot.

Murati ka shkruar se pritet që grupi tjetër të subvencionohet të premten.

“Sot, një ditë pas mbylljes së afatit për aplikim për masën mbështetëse të ekonomisë, është ekzekutuar pagesa për grupin e parë të punëtorëve që përfitojnë nga subvencionimi i pagave. Komisioni është duke shqyrtuar aplikacionet në vazhdimësi, ashtu që edhe grupi tjetër të procesohet të premten”, ka shkruar Murati në Facebook.

The post Bëhen pagesat e para për punëtorët e gastronomisë, pjesa e dytë të premten appeared first on Prizreni Sot.

Megjithatë, nga kjo shoqatë thanë se këto premtime nuk po mbahen, ndërsa paralajmërojnë protesta në qoftë se nuk do të ulen së bashku me ekzekutivin për shqyrtimin e masave të reja.

Kryetari i Shoqatës së Gastronomeve, Petrit Kllokoqi thotë se qeveria nuk përmbushi kërkesat e tyre si dhe nuk mbajti premtimet, ndërsa shton se nuk iu dhanë as subvencionet e premtuara pas mbylljes dyjavore.

“Kur u vendos qeveria e re me një formë u dakorduam për mbyllje 12 ditore të gastronomisë, e cila ishte shumë e rëndë për ne, mirëpo pasi kishte subvencionim të pagave dhe të qirave ne e pranuam ku u premtua dhe u betua që do të jetë në fund të muajit prill në fillim të muajit maj ky subvencionim, kjo nuk ndodhi edhe në tani jemi me 10 maj dhe ende nuk kemi diçka konkrete më pas u bashkuam për të krijuar vet masat e reja ku u betuam ne si gastronomë që do t’i respektojmë edhe jemi duke i respektuar, më pas ishte premtim që nëse ne do i respektonim edhe do të binin numrat atëherë ministria do të lirojë masat që i bie në këtë rast orarin edhe distancën, ose diçka tjetër, mirëpo kjo nuk ndodhi prapë”, tha ai

Kllokoqi kërkon nga Qeveria e Kosovës një plan të qartë për verën, pasi vendet e rajonit kanë filluar të hapen dhe vendi ynë po ngelet mbrapa.

Sipas tij, duhet që vaksinimi të ndodhë më shpejtë, pasi nuk mjafton respektimi i masave kur kufijtë janë të hapur dhe njerëzit orientohen drejt vendeve fqinje.

“Nuk ka ende Kosova ose Qeveria e Kosovës një plan për verën, kjo është duke na dëmtuar më së shumti. Ne jemi këtu duke kaluar në fazën më të keqe të Ballkanit si Kosovë po flas, sepse po shohim se Shqipëria ka hapur klubet e natës dhe është duke organizuar festivale për 10 mijë persona, njëjtë Serbia, njëjtë Mali i Zi të cilat vetëm kanë filluar kurse ne ende jemi duke pritur kontingjentin e dytë të vaksinave dhe kuptohet që ne i themi qeverisë që të orientohet drejt vaksinimit të popullit dhe jo ndaj metodave klasike të respektimit të masave sepse këto më nuk do të kryejnë punë sepse kufijtë janë të hapur edhe ti veç mundesh të më ndalosh një dasmë në Kosovë, por ne vetëm do t’i marrim këta njerëz dhe do të shkojmë të organizojmë dasmë në Shqipëri dhe paret do t’ia lëmë Shqipërisë dhe do të importojmë virusin në Kosovë”, tha ai për KosovaPress.

Kllokoqi i bën apel Qeverisë së Kosovës që të ulën dhe të bisedojnë dhe të gjejnë një zgjidhje edhe për klubet e natës dhe për sallat e dasmave.

“Ne nuk është që nuk kemi organizuar protesta edhe në qeverinë e kaluar veç ja kemi marrë dorën kësaj pune, nuk është punë me dëshirë që e bëjmë ne tërë kohën i provojmë të gjitha rrugët alternative demokratike, kuptohet që ne e ftojmë prapë qeverinë që të bisedojmë dhe bashkërisht të ulemi t’i vendosim masat e reja, nuk po themi me i hap klubet e natës dhe sallat e dasmave pa asnjë distancë apo pa asnjë kontroll thjesht le të merr Instituti përsipër, ne do t’i mbulojmë ato shpenzime si biznese, për të kontrolluar sikur në vendet e rajonit siç po ndodh le të bën Instituti me ‘rapid test’ kontrollin e personave që hyjnë në klub ose në sallë dasmave dhe inspektorat e AUV-it le të na tregojnë për distancën ku duhet me u mirëmbajt këto. Po shpresoj që kanë me i hap sytë edhe veshtë me pa që edhe ekonomia është duke vuajtur edhe thjesht mos t’ia mësojnë diasporës një rrugë tjetër, mos ta humbim remitancën e vendit”, tha ai

The post Gastronomët duan lirim të masave: S’jemi paguar ende për dy javët që u mbyllëm appeared first on Prizreni Sot.

Derisa vera po afrohet janë shtuar kërkesat e gastronomëve për më shumë lehtësira në biznesin e tyre. Kryetari i kësaj shoqate, Petrit Kllokoqi, ka kërkuar plan urgjent për veprimtarinë e tyre lidhur me atë se si do të zbatohen masat gjatë këtij sezoni.

“Shqipëria po shkon drejt hapjes totale dhe nuk na ka lënë neve mundësi tjera kreative për me bo. Për ne e drejt më është veç hapja totale. Duke pasur parasysh që s’jemi të vaksinuar sikurse Shqipëria atëherë po kërkojmë prej qeverisë që së paku të fillojmë të hapim terracat për klubet e natës dhe sallat e dasmave. T’i shikojmë se si do të shkojnë numrat për tre javë dhe pastaj të shkojmë për hapjet edhe brenda’, tha Kllokoqi për RTK’në.

Njësoj po kërkohet që këtë sezon të hapen sa më shpejt edhe sallat e dasmave.

Ministria e Shëndetësisë nuk ka dhënë përgjigje lidhur me këtë çështje.

The post Në prag të sezonit të verës gastronomët zbulojnë kërkesat për qeverinë appeared first on Prizreni Sot.

Masat e Qeverisë së Kosovës për parandalimin dhe luftimin e Coronavirusit, të cila janë në fuqi nga data 7 prill, përfshijnë pezullimin e aktiviteteve në shërbimet e gastronomisë, përveç shërbimeve “merr me vete” dhe atyre me porosi. Po ashtu është e ndaluar veprimtaria e qendrave të mbyllura tregtare, përveç shërbimeve esenciale në kuadër të tyre.

Drejtori ekzekutiv i Klubit të Prodhuesve, Astrit Panxha, në një intervistë për Ekonomia Online tha se mbyllja do të ketë ndikim në uljen e qarkullimit dhe të konsumit, duke shtuar se për të dal nga kjo gjendje duhet të kompensohet dëmet nga Qeveria.

 “Për të dalë nga vështirësia duhet të kompensohet mbyllja. Vitin e kaluar kemi pasur rënie ekonomike 6% dhe kemi qëndruar keq për nga vendet e rajonit dhe ajo ka ndodhur për shkak se patëm krizë politike ku dy qeveri nuk janë funksionale dhe nuk mundën me pas ndikimin në ekonomi sa duhet”.

“Sa do të ketë ndikim varet prej qeverisë sa do të investojë në ekonomi sepse ka rënie të hyrave në buxhet”, shtoi Panxha.

Ndërsa, sipas kryetarit të Aleancës Kosovare të Bizneseve (AKB), Agim Shahini, tha se trendi aktual i humbjeve në Kosovë sa i përket operatorëve ekonomik dhe sektorëve që janë të mbyllur është rreth 30 milionë.

Madje, ai tha se në këto përkufizime duhet të përfshihen shtyrja e borxheve, ndëshkimeve dhe kredive.

“Sipas analizave tona trendi aktual i humbjeve në Kosovë mund të faturohet rreth 30 milionë aktual dhe ishte vendim i pa llogaritur mirë, që do të duhet të korrigjohet dhe të përcillet me disa vendime të tjera shtesë duke i mbuluar të gjitha shpenzimet e operatorëve ekonomik, të sektorëve që janë të mbyllur në mënyrë që ata sa më lehtë të kalojnë këto ditë të mbylljes duke përfshirë shtyrjen e borxheve, ndëshkimeve, interesit qoftë të tatimeve të ndryshme dhe kredive prandaj një gjë e tillë nuk ka ndodhur dhe ato duhet të faturohen e gjithë tek biznesi dhe biznesi e ka të vështirë që ato t’i kompensojë kohën e humbur”, shtoi Shahini.

Në anën tjetër, Panxha theksoi se Qeveria nuk duhet të kursejë kur është në pyetje ekonomia sepse duhet të fuqizohen prodhuesit vendës.

“Shkaktar kryesor është mbyllja sepse ndikon në uljen e konsumit për shkak se njerëzit nuk dalin të shpenzojnë në lokale dhe kjo ka ndikim në ulje të aktivitetit ekonomik. E dyta është vaksinimi sepse jemi shumë vonë me vaksinim. Nëse nuk fillon me lëvizë në këtë aspekt kemi problem edhe me vizitat nga jashtë sepse Kosovën do ta prezantojmë si një vend që nuk është vaksinuar ka ende virus është me rrezikshmëri të lartë dhe nuk sugjerojnë me vizituar”.

Sipas tij, Kosova duhet të jetë e fokusuar në gjetjen e tregjeve të reja, ani pse problemet janë të mëdha sa i përket licencave.

Madje Panxha thotë se së pari Kosova duhet të ketë një plan të rimëkëmbjes, raporton EO.

“Ne jemi të fokusuar në gjetjen e tregjeve të reja në mënyrë që të mos varemi vetëm nga tregu i Kosovës. Për të pasur mundësi për të eksportuar duhet të kesh fuqi punëtore të kualifikuar që na për momentin e kemi problem të madh”.

“Ne kemi problem me licenca të shumta. Janë shumë pika që duhet të fokusohemi por së pari duhet të kemi një plan të rimëkëmbjes. Është ligji i rimëkëmbjes që skadon në fund të vitit dhe ende nuk është bërë asgjë. Duhet të rritet kreditimi me norma prefericiale për sektorin e prodhimit që është shumë me rëndësi dhe duhet të asistojmë të gjejmë tregje të reja”.

Tutje, sipas Shahinit, dy çështje me rëndësi që Qeveria duhet të ketë prioritet është sigurimi i sa më shumë vaksinave dhe rimëkëmbja ekonomike.

Shahini theksoi  se Kosovës do t’i duhet katër vjet rikuperimi dhe kthimi në gjendjen e vitit 2019.

“Janë dy probleme që ne ende nuk e dimë strategjinë e qeverisë së vendit se si do t’i qaset. Është problemi i vaksinimit dhe rimëkëmbjes. Në trendin aktual që është duke shkuar vaksinimi në Kosovë nuk do të përfundojë së paku për tri deri në 4 vjetët e ardhshme. Dhe nëse nuk bëhet strategji për rimëkëmbje zhvillimore dhe strategji për ekonominë e vendit, për nxitje të investimeve dhe marrje të fondeve nga institucionet dhe klubet e ndryshme financiare botërore Kosovës do t’i duhet 4 vjet rikuperimi dhe kthimi i një gjendje të vitit 2019″.

“Po dyshoj se Qeveria e vendit nuk ka njerëz të mjaftueshëm të ekspertëve ekonomik dhe shëndetësor për të bërë strategji të përbashkët në mënyrë që të jetë sa më e shkurtër koha e vaksinimit dhe dalja nga kriza. Gastronomia është një nga sektorët në ekonomi që merr pjesë. Këto ditë ata nuk kanë ku t’i shesin prodhimet vendore qoftë edhe bulmetet dhe ka rënë çmimi i tyre dhe kjo do të varfërojë bizneset familjare”, tha ai./EO

The post Trendi aktual i humbjeve llogaritet të jetë rreth 30 milionë euro, bizneset kërkojnë pako të rimëkëmbjes appeared first on Prizreni Sot.

Kryetari i Shoqatës së Gastronomëve të Kosovës, Petrit Kllokoqi ka folur rreth efektit negativ që pandemia COVID-19 i ka sjell bizneseve kosovare, më konkretisht sektorit të gastronomisë.

Përmes një shkrimi në Facebook, Kllokoqi ka thënë se së bashku me kryetarin e Odës së Hotelierëve të Kosovës dhe kryesinë e Shoqatës kanë zgjedhur rrugën e bashkëpunimin me institucionet, me shpresën se edhe 4 ditë do të dalin nga kjo krizë.

“Që 400 ditë tu e ngritë zanin e gastronomëve për padrejtësi, që një muaj tu punu me e gjetë zgjidhjen për t’ardhmen që do t’na gjejë këtë vit… Asgjë s’ka ndodhë çka pritet të ndodhë në qoftëse nuk e hapim verën! Plazhet mërgata do t’i bëj në Kroaci, Mal të Zi, Shqipëri, etj. Dasmat në Shëngjin e Kuks. Nejat dhe klubet do t’i orientojmë në Durrës e Dhërmi. Infuzionin tonë kryesor do ta humbim: R E M I T E N C Ë N”, ka shkruar Kllokoqi.

Shkrimi i plotë i Kllokoqit:

Që 400 ditë tu e ngritë zanin e gastronomëve për padrejtësi, që një muaj tu punu me e gjetë zgjidhjen për t’ardhmen që do t’na gjejë këtë vit… Asgjë s’ka ndodhë çka pritet të ndodhë në qoftëse nuk e hapim verën!

Plazhet mërgata do t’i bëj në Kroaci, Mal të Zi, Shqipëri, etj. Dasmat në Shëngjin e Kuks. Nejat dhe klubet do t’i orientojmë në Durrës e Dhërmi. Infuzionin tonë kryesor do ta humbim: R E M I T E N C Ë N

Në mes të protestës, fyerjes, penalizimit, ne po e zgjedhim bashkëpunimin dhe konsultimin.

Si kryetar i Shoqatës së Gastronomëve të Kosovës, ftova për të na u bashkuar në kërkesat tona, kryetarin e Odës së Hotelierëve të Kosovës, Hysen Sogojeven, dhe kryesinë e Shoqatës. Të bashkuar për me çu përpara dhe mbrojt interesat e përbashkëta.

Krejt bashkë drejtuar Qeverisë, që së bashku të dalim nga kjo krizë që padrejtësisht më së shumti na dëmtoi dhe vazhdon të na dëmtojë ne.

Urojmë që këto 4 ditë do të gjejmë një rrugë të përbashkët me Qeverinë e Kosovës për të dalë nga kriza, në të kundërtën virusin e “parandaloni”, veç në fundvit mos vajtoni për zbrazjen e vendit nga rinia, sikur ikja e dikurshme nga stacionët e autobusëve!.

Kujtojmë, që nga data 7 deri në 18 prill, shërbimet e gastronomisë obligohen të pezullojnë aktivitetin e tyre. Këto biznese do të lejohen të punojnë vetëm me shërbimet “merr me vete”, “dërgesë me porosi”, apo marrjes së porosive pa u larguar nga makinat.

Sipas këtij vendimi, po ashtu do t’u ndalohet veprimtaria qendrave të mbyllura tregtare, përveç shërbimeve esenciale në kuadër të tyre, siç janë dyqanet ushqimore dhe farmacitë.

The post Paralajmërojnë gastronomët: Asgjë s’ka ndodhur çka pritet të ndodhë appeared first on Prizreni Sot.

Me qëllim të uljes së rasteve pozitive me COVID-19, javën e kaluar Qeveria ka ndërmarrë masa të reja kufizuese duke ndaluar punën e gastronomisë dhe të qendrave tregtare deri më 18 mars, por se kjo mbyllje ka ndikuar që mbi 29 mijë qytetarë të Kosovës vikendin ta kalojnë në Shqipëri.

Kjo për Arian Vranicën nga Shoqata e Gastronomëve të Kosovës, është dëshmi se masat e fundit kanë ndikuar që të ketë eksport të parasë dhe import të virusit.

Vranica thotë se vendimi i Qeverisë për të mbyllur gastronominë në Kosovë duke lënë të hapur kufijtë, është një vendim që i dëmton më së shumti gastronomet.

“Duke e ditur që nuk ka pasur asnjë lloj dokumenti që është kërkuar apo një lloj (testi) PCR apo një lloj vetizolimi dhe një lloj kontrolle sa i përket luftimit të pandemisë, natyrisht që për neve ka qenë shqetësuese, sepse një sektor i cili po mbyllet tek ne po lejohet në vendin tjetër, andaj kjo po stimulon qytetarët e vendit të Republikës së Kosovës që më shumë të frekuentojnë vendet tjera sesa vendin tonë. Për neve ka qenë shqetësuese sepse duke i ditur edhe kapacitetet buxhetore të Republikës së Kosovës nuk janë të mjaftueshme për të mbështetur bizneset në raport me humbjet të cilat i kanë shkaktuar. Natyrisht ne duhet t’i evitojmë sa më shumë këto humbje, mirëpo me këtë vendim ne e kemi krijuar një eksport të parasë dhe një import të virusit”, tha ai.

Sipas tij, vendimi i Qeverisë që gastronomia të punojë vetëm me shërbim “merr me vete” dhe “dërgesë me porosi”, vetëm sa e thellon edhe më tepër gjendjen e rëndë të këtij sektori.

Ai thotë se shumica e lokaleve të gastronomisë nuk i ofrojnë këto shërbime, e që thotë se humbja për to është edhe më e madhe.

“Këto masa e thelojnë edhe më tepër gjendjen e rëndë të sektorit të gastronomisë, sepse gastronomia ne e dimë që nga mbyllja totale që ka ndodhur përkatësisht në tre mujorin e dytë të vitit të dytë të vitit të kaluar ka pasur një përshkallëzim të jashtëzakonshëm sa i përket dëmeve të shkaktuara nga pandemia dhe masat shtrënguese të qeverisë. Kemi pasur 64 përqind rënie të qarkullimit dhe e cila ka treguar që ka pri në raport me çdo industri tjetër sa i përket dëmeve”, thotë ai.

Një vit më parë për shkak të mbylljes në sektorin e gastronomisë, Vranica thotë se mbi 11 mijë punëtorë kanë humbur punën, e që një gjë e tillë shton se do të ndodh edhe për shkak të masave të fundit.

“Natyrisht që po, siç e ceka edhe më herët barra për të gjitha këto shpenzime të likuiditetit i ka rënë gjithmonë pronarëve dhe nuk kanë mundur të njëjtit të subvencionohen mjaftueshëm me para të buxhetit tonë edhe është dashur të largohen nga puna edhe për shkak të mos lejueshmërisë së funksionimit të rregullt të biznesit…Kështu që, veçse ka një largim të punëtorëve edhe me masat paraprake e tani natyrisht që do të ketë një thëllim edhe më të madh, ku siç e ceka edhe më herët numrat janë mjaftë shqetësues sa i përket punëtorëve të larguar. Arritja në normalitet vetëm po tejzgjatet dhe po bëhet edhe më e vështirë duke marrë parasysh edhe tkurrjen e rezervave dhe humbjet e mëdha të cilat po shkaktohen”, u shpreh ai.

Përfaqësuesi i Shoqatës së Gastronomëve të Kosovës, thotë se sektori i gastronomisë duhet të mbështetet sa më shpejt nga Qeveria e vendit.

Ai bëri të ditur se javën e kaluar kanë pasur takim me përfaqësues të Qeverisë, e me të cilët thotë se kanë diskutuar se gastronomët duhet të mbështeten.

Ndërsa, kujtojmë se nga Qeveria e Kosovës është bërë e ditur se sektori i gastronomisë do të mbështetet me pagesë të pagave të punëtorëve dhe të qirave.

“Kemi diskutuar që duhet të ketë një mbështetje sa më të shpejtë financiare edhe pse është e vonshme, sepse paraprakisht do të duhej të ishte një takim me Ministrinë e Financave duke vlerësuar gjendjen e bizneseve dhe duke evidentuar ato biznese që do të duhej të përfitonin në rast të një mbyllje konkrete siç është duke ndodhur tani, e më pastaj të ndodhin paralelisht të dyja vendimet pas një aplikimi të bizneseve për subvencionim të qirave dhe të pagave. Kjo pritet të ndodh në fund të këtij muaji apo në fillim të muajit të ardhshëm, natyrisht që pritet të bëhet një vlerësim më i saktë sa i përket numrit të punëtorëve dhe të bizneseve”, tha ai.

Masat kufizuese do të vlejnë deri më 18 mars, e që Vranica deklaron se nëse do të ketë tentim që mbyllja të zgjatet ata do të protestojnë.

“I kemi analizuar këto vendime për mbyllje dhe vendimi i Këshillit drejtues të Shoqatës së Gastronomëve të Kosovës ka qenë që në rast se nuk do të ketë hapje, natyrisht se ne do të protestojmë. Do të protestojmë me padëgjueshmëri dhe me organizim të protestave në rrugë, ku nuk jemi të vetëm, do të thotë ka edhe Oda dhe shoqata të tjera përkrahëse në këtë aktivitet”, thotë ai.

Më 7 prill kanë hyrë në fuqi masat e reja kufizuese, ku gastronomisë dhe qendrave tregtare i është ndaluar puna deri më 18 prill.

The post Gastronomët: Masat e reja krijuan një eksport të parasë dhe import të virusit appeared first on Prizreni Sot.

Të gjitha institucionet publike dhe private të arsimit parauniversitar nga data 12 deri më 18 prill janë të obliguara që të organizojnë mësimin online.

Po ashtu, nga data 6 deri më 18 prill mësimin online janë të obliguar ta organizojnë edhe institucionet publike dhe private universitare.

Sipas këtij vendimi, institucionet parashkollore do të vazhdojnë aktivitetin normalisht, duke i respektuar masat dhe rekomandimet kundër COVID-19.

Ndër vendimet tjera që janë marrë nga Qeveria është edhe mbyllja e gastronomisë dhe qendrave tregtare në 12 ditët e ardhshme, si dhe kufizimi i lëvizjes së qytetarëve nga ora 22:00 deri në orën 5:00 të mëngjesit.

Nga 7 prilli institucionet publike dhe private, sipas vendimit të Qeverisë, obligohen të punojnë vetëm me staf esencial.

Po ashtu janë ndaluar rreptësisht organizimi i ceremonisë së ngushëllimeve, ndërsa në ceremonitë e varrimit do të lejohen vetëm anëtarët e ngushtë të familjes.

Me këtë vendim ndalohet grumbullimi i qytetarëve me rrezikshmëri të lartë të shpërndarjes së infeksionit me më shumë se 10 persona, derisa transporti publik do të punojë me 50 për qind të kapaciteteve.

Ndërsa të gjithë ata qytetarë të cilët hyjnë në Kosovë duhet të kenë një test negativ brenda 72 orësh, në të kundërtën ata duhet të vetizolohen për 7 ditë.

The post Mbyllje e pjesshme në Kosovë, ndalohet qarkullimi i qytetarëve nga ora 22:00 deri në 05:00 appeared first on Prizreni Sot.

Në një lidhje direkte në Klan Kosova, ai ka bërë të ditur se sot në ora 14:00 do ta mbajnë një mbledhje së bashku me Këshillin Drejtues dhe do të vendosin se si do të vazhdojnë tutje.

“Gastronomia nuk ka qenë shpërndarëse e virusit, por fushatat zgjedhore. Pas fushatës ka ndodh rritja e numrit të rasteve – partitë politikë janë fajtore për këtë situatë”.

“Vendimi me u mbyll për 12 ditë, s’mund të kryejë punë asgjë. Mund t’i ashpërsojmë masat në kuptimin e higjienës, por jo me mbyllje sepse nuk kanë fuqi bizneset me i përballu as 12 orë, lere më 12 ditë”.

“Ne sot si shoqatë e kemi në orën 14:00 mbledhjen me Këshillin Drejtues dhe me vendos çka më tutje”.

“Si shoqatë i kundërshtojmë ashpër këto masa sepse nuk është fer me u blloku sërish – e kemi edhe kundërshtimin nga kryetarët e komunave. Ne presim reflektim të qeverisë që t’i rishqyrtojë këto masa”.

The post Gastronomët në mbledhje urgjente, kundërshtojnë paralajmërimin për mbyllje appeared first on Prizreni Sot.

Përmes një postimi në Facebook, aktori Jeton Zogiani thotë se është informuar për vendimin e mbylljes së Gastronomisë, Qendrave tregtare, palestrave sportive, dhe Shkollave, nga data 06 deri me datën 18 të këtij muaji.

Sipas tij, ky vendim është arbitrar, i njëanshëm dhe jo i pranueshëm për gastronominë e Kosovës, e cila çdo ditë e më shumë po rrëzohet për toke.

Postimi i plotë:

Sot, Shoqata e Gastronomëve të Kosovës ka zhvilluar një takim me Ministrin e Shëndetësisë Arben Vitia, Ministren e Industrisë, Ndërmarrësisë dhe Tregtisë Rozeta Hajdari, dhe Ministrin e Financave Hekuran Murati.

Përkundër faktit që ne ishim të ftuar për konsulltim, ne nuk u konsultuam por u informuam për vendimin e mbylljes së Gastronomisë, Qendrave tregtare, palestrave sportive, dhe Shkollave, nga data 06 deri me datën 18 të këtij muaji.

Ky vendim është vendim arbitrar, i njëanshëm, dhe jo i pranueshëm për gastronominë e Kosovës, e cila çdo ditë e më shumë po rrëzohet për toke. Ne kundërshtojmë fuqishëm këtë vendim dhe do të vazhdojmë të kundërshtojmë edhe më tutje çdo vendim që mirret njëanshëm pa konsultim.

Të hënën, në ora 14:00, mbahet mbledhja e Këshillit Drejtues të Shoqatës së Gastronomëve të Kosovës, ku do të vendosim bashkarisht për hapat e mëtutjeshëm dhe do i përgjigjemi Qeverisë së Kosovës për vendimin e marrë!

The post Këto aktivitete priten të mbyllen nga data 6 prill deri më 18 prill appeared first on Prizreni Sot.

Ky propozim i Ministrit të Shëndetësisë ka ardhur për shkak të rritjes së numrit të të infektuarve me Covid-19.

Kryetari i Shoqatës së Gastronomisë në Prishtinë, Veton Zuka theksoi se nuk janë pajtuar për një mbyllje të tillë, por siç thotë ai duke parë numrin e lartë të vdekshmërisë për shkak për Covid-19 dhe zvogëlimit të kapaciteteve spitalore, do ta respektojnë këtë propozim.

Megjithatë, Zuka thekson për KosovaPress se hapja duhet të ndodhë pas 12 dite, sepse sipas tij bizneset nuk mund të mbijetojnë.

Më tej Zuka tha se presin mbështetjen nga shteti për këtë mbyllje, për paga dhe qira.

“12 ditë është mbyllje, e brenda këtyre ditëve ne veç kemi me formuar një Grup punues për me shikuar që kur të vjen koha e hapjes, me qenë një hapje më e kontrolluar dhe me rregulla strikte për me mundur me punuar verës[…]Ne kundërshtuam aty për aty në takim, mirëpo nuk e di sa mundemi të ndikojmë për ta ndaluar këtë mbyllje, sepse numrat me të vërtet janë shqetësues edhe spitalet janë në gjendje të rënduara, kështu që nuk e di sa kemi hapësirë për ta kundërshtuar ose për të bërë diçka tjeër. Po presim 12 ditë, po sakrifikohemi në një mënyrë edhe ne si biznese, dhe të shikojmë çka po ndodhë pas 12 dite. Përndryshe, hapja pas 12 ditësh gjithqysh duhet me ndodhë, sepse nuk munden me mbijetu bizneset. Kemi me bërë një hapje në bashkëpunim me Ministrinë e Shëndetësisë, ministrinë e Financave dhe të Tregtisë që të kompensohet ky dëm 12 ditësh për rroga dhe qira”, thotë Zuka.

Për këtë mbyllje, Zuka theksoi që nuk janë pajtuar por që situata e rënduar me Covid-19 i ka shtyrë që të sakrifikohen si biznese.

“Ne sigurisht që nuk pajtohemi për mbyllje dhe s’jemi pajtuar asnjëherë, edhe është një persekutim i radhës si zakonisht tek gastronomët, pa e pasur fajin në këtë rast gastronomët. Por, si do që të jetë numrat nuk po tregojnë mirë, po ka raste të vdekjes më shumë, si dhe shumë më shumë janë rritë edhe rastet e të infektuarve. Kjo është si pasojë e fushatës që vet[…]e bënë partitë politike. Kështu që ne sigurisht që e kundërshtojmë. Janë diskutuar shumë tema, edhe çështja ekonomike e bizneseve dhe për gjendjen në të cilën janë. Dhe kështu erdhi propozimi me bërë një mbyllje 12 ditëshe, mbyllje totale edhe për qendrat tregtare, gastronomisë edhe shkollat”, thekson ai.

Sipas këtij propozimi, Zuka tha se është lejuar që të bëhen porositë me “delivery”. Në këtë takim ka qenë i pranishëm edhe ministri i Financave, Hekuran Murati.

The post Gastronomët kërkojmë kompensim nga shteti, nëse mbyllin lokalet për 12 ditë appeared first on Prizreni Sot.

“Diku rreth 3.3 milionë janë ndarë për gastronomi dhe deri më sot ne i kemi marrë dënime mbi 6 milionë euro. Që i bie se as me subvencionim nuk mund t’i paguajmë. Të ndalet dora për dënimet dhe një pjesë e dënimeve të falen sepse jemi në gjendje të rëndë ekonomike”, deklaroi ai.

Kllokoqi ka thënë se tashmë numrat e rritur të të infektuarve me COVID-19 nuk është faj i tyre, por i fushatave zgjedhore, të mbajtura për zgjedhjet parlamentare të 14 shkurtit.

The post Gastronomët kërkojnë t’iu falen një pjesë e dënimeve për shkelje të masave, thonë se janë në gjendje të rëndë ekonomike appeared first on Prizreni Sot.

Ata përmes një postimi në rrjetin social “Facebook”, përkujtuan ditën e 13 marsit ku u shkaktuan shumë viktima, shumë biznese falimentuan si dhe shumë punëtorë që mbetën pa punë si pasojë e kufizimeve të shumta që shkaktojë përhapja e virusit.

Njoftimi i plotë i Gastronomëve:

FTESË PUBLIKE

Të dashur gastronomë, punonjës, qytetarë të vendit,

Sot me 13 mars, po bëhet një vit që po përballemi me pandeminë Covid-19.

Shumë punëtorë të papunë, shumë biznese të falimentuara, e mbi të gjitha, shumë viktima të shkaktuara.

Për nder të të gjithë atyre që ishin në vijë të parë të frontit duke u përballur me të padukshen e të dukshmen, Shoqata e Gastronomëve të Kosovës ju fton të gjithëve, që sonte në ora 20:00, T’I NDALIM DRITAT DHE MUZIKËN PËR 5 MINUTA në të gjitha lokalet e gastronomisë, në të gjitha hotelet, marketet, butiqet, shtëpitë, banesat, pra në tërë Kosovën.

Së bashku deri në fundin e kësaj beteje!

The post Gastronomët bëjnë thirrje që sonte në ora 20:00 të fiken dritat dhe muzika nëpër lokale appeared first on Prizreni Sot.

Kllokoqi thotë se heshtja e tyre ndaj politikës nuk është frikë por maturi e çdo gastronomi

Ai ka thënë se edhe gastronomet do të mund të organizojnë protesta, të hapin klubet, të organizojnë festivale dhe se gjitha këto nuk kanë asnjë dallim nga fushatat, por që një gjë të tillë nuk e bëjnë dhe se do të ndjekin vetëm rrugët demokratike.

Por Kllokoqi thekson se në rast se mendohet që pas zgjedhjeve të mbyllet vendi me arsyetimin e rritjes së numrit të infektuarve, atëherë protesta nuk do të ketë të ndalur. Me këtë ai ka bërë thirrje që të mendohet për shumë sektorë të cilët luftën e kanë me ekzistencën e jo me pushtetin.

“Heshtja jonë ndaj politikës nuk është frikë, besoj se është maturi e çdo Gastronomi, edhe ne mundemi me organizu protesta, edhe ne mundemi me i hapë klubet, edhe ne mundemi me organizu festivale, edhe ne mundemi me i nisë dasmat, se asgjë dallim nga fushatat eketorale të partive politike nuk kanë. Ne thjesht po dojmë me u kënaq me pak, me na lon me punu edhe me jetu … subvencionet që janë nda janë shumë joserioze, mirëpo vetës jeni t’u ia bo, se populli VOTON, na gjykojmë. Duke besuar në demokraci ne do t’i shtjerrim të gjitha rrugët demokratike të diskutimit me çdo institucion përgjegjës shtetëror, për me e ngrit zërin për hallet tona, veç për një gjë të jeni të bindur, po ju shkoj mendja me na mbyll pas zgjedhjeve me arsyetimin e rritjes së numrave ku vetë politika është shkaktari më i madh, protestat nuk do t’kenë të ndalur. Andaj, mendoni edhe për neve dhe plot sektorë tjerë që luftë e kanë ekzistencën, jo pushtetin, kur i bëni kalkulimet për vete”, ka shkruar Kllokoqi.

The post Kryetari i gastronomëve: Mos t’iu shkon mendja të na mbyllni pas zgjedhjeve appeared first on Prizreni Sot.

Sekrerari i kësaj shoqate Arian Vranica tha se si pasojë e pandemisë dhe masave të qeverisë gastronëmët kanë pësuar humbje të mëdha

“Kemi pasur 64% rënie në qarkullim, 89% e bizneseve kanë pasur humbje dhe këto janë këto statistika shqetësuese”, u shpreh Vranica.

Në anën tjetër kryetari i kësaj shoqate Petrit Kllokoqi tha që ne kemi vendosur pikërisht moton “Na bosh, ju plot” me qëllim që masat duhet të jenë për të gjithë.

“Kërkojmë një politikë më aktive edhe për ruajtjen e shëndetit publik dhe pikërisht kemi vendosur këtë moto”, tha Kllokoqi, raporton eo. Tutje ai bëri thirrje që prioritet të jetë gastronomia dhe masat kategorikisht të hiqen sidomos heqja e orarit dhe kufizimet.

The post “Na bosh, ju plot”, gastronomët shprehin pakënaqësitë ndaj masave anti-covid appeared first on Prizreni Sot.

Mbi 5.000 denime per gastronomt e asni denim per politikanet!!! Dasmat e diskotekat i keni mbyll, e edhe kafiterit po denohen se po l lejojne 5 persona ne nje tavoline.

Kjo ska fjal tjeter qe e pershkrun pervec se Çka bon i Forti i ligi quditet , kjo ka te bej me Organet e rendit, kjo ka te beje me inspektorat e Avukit, kjo ka te beje qe NE prej tash e tutje bejme thirje qe ASNJE denim mos te paguhet!!!

PLOT denime na kane ardhe ne shoqat per tavolina qe i kane mbi 5 persona bashke, e ne anen tjeter vetem ne foto qka po shohim jane qindra persona krah per krah njeri tjetrit ne fushata zgjedhore, jo 5 por 500.

MARRE DUHET ME JU ARDHE!

MARRE NGA KREJT GASTRONOMT QE MENZI KAN MBIJETU E PO MBIJETOJNE!

MARRE QE DISKOTEKAT E SALLAT E DASMAV I KENI MBYLL KOMPLET!

MARRE QE MBI 10.000 puntor shkaku juaj jane largu nga puna!

Gastronome, te marten ejani ne mbledhje urgjente! Jemi nje! Jemi bashke! Do vendosim per hapat e metutjeshem.

Shoqata e Gastronomëve të Kosovës

The post Mbi 5.000 denime për gastronomt e asnjë denim për politikanët!!! appeared first on Prizreni Sot.

Petrit Kllokoqi përfaqësues i kësaj shoqate tha se kërkesa e tyre është e drejtë në këtë kohë festash.

“E kemi pa të arsyeshme që për këtë fundvit të marrim një infuzion duke i relaksuar masat. Kur them duke i relaksu masat, mendoj duke e zgjatur orarin e punës, mirëpo asnjëherë duke mos e humb kontrollin ndaj gastronomisë dhe të gjitha bizneseve”, tha Kllokoqi.

“Pasi jemi në prag të festave ka mundësi Kosova me përfituar në këtë rast atëherë kemi kërkuar që të bëhet zgjatja e orarit”, theksoi ai.

“Kryeministri është qe dy herë tu na ftuar edhe po takohemi në sallat e qeverisë ku po bisedojmë. I thamë se Kosova e ka mundësinë me përfituar ekonomikisht pasi e kemi mërgatën këtu. Me u mbyll bizneset s’po shohim kurrëfar përfitimi”, shtoi Kllokoqi.

The post Festat e fundvitit, gastronomët kërkojnë zgjatje të orarit të punës appeared first on Prizreni Sot.