Kosovaret Archives - Prizreni Sot

Kosovarët shumë skeptik, mbi 50% deklarojnë se nuk do të vaksinohen për Covid-19

ramiberisha — Wed, 16 Dec 2020 18:33:20 +0000

Në një anketë të publikuar nga Radio Evropa e Lire, del që mesatarisht 50% e të anketuarve në shtetet e Ballkanit Perëndimorë nuk duan të vaksinohen kundër koronavirusit.

Prej këtyre shifrave, shtetasit e Malit të Zi janë më të gatshmit që të marrin vaksinën anti-Covid.

Pas tyre vijnë shtetasit e Serbisë, Shqipërisë, Kosovës, Maqedonisë së Veriut dhe të fundit janë ata të Bosnjë e Hercegovinës.

56% e shtetasve të Kosovës kanë deklaruar se nuk do të vaksinohen, ndërsa vetëm 37% janë deklaruar pro vaksinimit.

Vetëm shtetasit e Bosnjës janë më skeptikë për vaksinën se ata të Kosovës.

Këto janë shifrat:

The post Kosovarët shumë skeptik, mbi 50% deklarojnë se nuk do të vaksinohen për Covid-19 appeared first on Prizreni Sot.

Kosovarët “harrojnë” koronavirusin, ia mësyjnë Shqipërisë për fundjavë

ramiberisha — Sat, 05 Dec 2020 10:23:59 +0000

Pika kufitare e Morinës ka pasur një fluks të lartë mjetesh duke krijuar edhe radhë të gjata mëngjesin e kësaj të shtune.

Sipas policisë kufitare të Morinës deri në orën 9 të mëngjesit kaluan rreth 1700 automjete dhe rreth 4700 qytetarë të Kosovës drejt Shqipërisë. Pika kufitare po punon me 4 sportele.

Me mijëra qytetarë nga Kosova kanë zgjedhur të kalojnë fundjavën në Shqipëri, duke përfituar edhe nga koha e mirë, por dhe nga masat kufizuese për pandeminë më të lehta, krahasuar me ato që ka marrë qeveria e Kosovës.

Kosova vazhdon të ketë numër të lartë të të infektuarve nga Covid-19 me 13 mijë e 561 raste aktive.

The post Kosovarët “harrojnë” koronavirusin, ia mësyjnë Shqipërisë për fundjavë appeared first on Prizreni Sot.