Me 64 vota, deputetët miratuan projektligjin që, siç thotë Ministria e Drejtësisë, “parasheh disa risi që vijnë si përgjigje ndaj nevojave bashkëkohore për të targetuar çështjet e pasurisë së zyrtarëve publikë”.

“Projektligji ndër të tjera mundëson deklarimin e pasurisë online me qëllim që të evitohet çdo gabim potencial, të kontribuojë në ngritje të transparencës dhe do të mundësojë përcjelljen e trendëve të pasurisë së zyrtarëve publikë”, thuhet në një komunikatë të MD-së.

Të dhënat e regjistruara në këtë data-bazë se do të jenë të transferueshme edhe në regjistrat e institucioneve tjera ligj-zbatuese për “qëllime të hetimit penal apo administrativ”, siç thotë Ministria,

MD-ja e ka bërë një rikategorizim të zyrtarëve publikë që do të duhet ta deklarojnë pasurinë që “përfshinë zyrtarët e lartë dhe zyrtarët publikë si dhe kandidatët për gjyqtarë dhe prokurorë”.

Ministria e Drejtësisë thotë se projektligji është punuar në bashkëpunim të ngushtë me të gjitha institucionet relevante vendore dhe ndërkombëtare, duke përmendur Zyrën e UNDP në Kosove, Zyrën e BE në Kosovë, Ambasadën e SHBA-së, Këshillin e Europës dhe organizatat jo-qeveritare.

The post Miratohet Projektligji për Deklarimin, Prejardhjen dhe Kontrollin e Pasurisë appeared first on Prizreni Sot.

Dhënia e betimit të kuvendarëve dhe betimi i kryeatrit. Në vazhdim u formua komisioni 3 anëtarësh për verifikimin e mandateve.

Kujtim Gashi anëtarë i Komisionit i  ftoi të gjithë anëtarët që të nënshkruajnë.

Më pas  u betuan kuvendarët dhe kryetari I cili e mbajti një fjalë rasti.

Kryetari i ri i Prizrenit, Shaqir Totaj tha se detyrën e kryetarit e sheh më shumë si përgjegjësi se si privilegj.

Nga sot qeverisja e Prizrenit do të thotë sundim I ligjit dhe transparencë. Për mua është nder për t’I shërbyer qytetit më ikonik të shqiptarëve.

The post U betuan kuvendarët dhe kryetari Shaqir Totaj appeared first on Prizreni Sot.

Në mungesë të Kuroumit nuk u shyrtuan pikat e rendit të ditës…

1. Shqyrtimi dhe miratimi i propozim-buxhetit të Komunës së Prizrenit për vitin 2022, si dhe parashikimi për vitet 2023 dhe 2024;

2. Shqyrtimi dhe miratimi i propozim-vendimit për anulimin e vendimit Nr. 01/011-3257 të datës 30 prill 2009, për ndryshimin dhe plotësimin e vendimit të planit detal urbanistik të lagjes “Jaglenica” në Prizren.

3. Shqyrtimi dhe miratimi propozim-vendimit për ndryshimin dhe plotësimin e vendimit Nr. 001/011-141370 të datës 09 shtator 2021, për rialokimin e mjeteve të pashpenzuara nga investimet kapitale, nga Granti Qeveritar dhe të hyrat vetanake për vitin 2021;

Me 17 tetor do të mbahen zgjedhjet lokale, dhe pritet që përbëreja e re e Kuvendit t’I miratojë këto pika.

The post Dështoi mbledhja e jashtëzakonshme e Kuvendit Komunal të Prizrenit ku do të votohej buxheti appeared first on Prizreni Sot.

Vetëvendesje e propozoi formimin e Komisionit për përzgjedhjen e drejtorëve të shkollave, ndërsa opozita e kamkundështuar.

Në fund kryesuesi i ka hëdhur në votim pikat e rendit të ditës pa këtë pikë.

Kryetari e lëshon mbledhjen e Kuvendit.

The post Në Kuvendin e Prizrenit, nuk kalon pika për formimin e Komisionit për përzgjedhjen e drejtorëve appeared first on Prizreni Sot.

Duke mos llogaritur kompensimet për pjesëmarrje në seanca dhe komisione parlamentare, paga bazë e deputetit në Kuvendin e Kosovës është 1.547 euro.

Organizatat që monitorojnë punën e Kuvendit të Kosovës po kërkojnë që të rishqyrtohet ligji dhe kompensimi për deputetët të bëhet deri në gjysmë page për një vit pas mandatit.

Qysh moti deputetët e Kuvendit të Kosovës janë kujdesur për përfitimet e tyre pas përfundimit të mandatit.

Aktualisht, në bazë të kornizës ligjore te gjithë deputetët që përfundojnë mandatin, dhe nuk marrin pagë tjetër nga buxheti i Kosovës, e gëzojnë pagën e deputetit edhe për një vit.

E kjo ndërpritet kur ata fillojnë një tjetër marrëdhënie pune apo rizgjidhen deputet në legjislaturën e re.

“Bazuar në nenin 14 dhe nenin 16 të Ligjit për drejtat dhe përgjegjësitë e deputetit dhe Rregulloren e Kuvendit, Shtojca nr. 4, Rregulla 2., deputeti, deri në 12 muaj nga dita e përfundimit të mandatit, ka të drejtë në pagën bazë, nëse nuk ka të hyra financiare nga ndonjë burim tjetër”, thuhet në një përgjigje të Kuvendit të Kosovës, dhënë KosovaPress-it.

Por në Institutin Demokratik të Kosovës vlerësojnë se një vit kalendarik është periudhë e gjatë dhe sipas tyre për ish deputetët duhet të ketë kompensim deri në gjashtë muaj.

“Ne si KDI vlerësojmë që çështja e pensioneve apo çështja e kompensimit të deputetëve pas për përfundimit të mandatit, është praktikë e cila është pothuajse e përhapur në gjithë Evropën dhe në vendet me sisteme edhe më të konsoliduar se ne mirëpo që do të duhej që deputetët, përkatësisht legjislatura e re të tentonte ta shkurtonte këtë kohë meqenëse një vit kalendari është periudhë e gjatë kohore dhe krijon kosto të madhe për buxhetin e vendit sidomos duke marrë parasysh nivelin e pagave të cilat gëzojnë deputetët, andaj do të ishte mirë të merren modele të tilla si gjashtë muaj maksimalisht qe të kompensohen”, thotë Eugen Cakolli nga KDI.

Ani pse ishin deputetë vetëm një vit, ata të legjislaturës së fundit, e cila përfundoi në janar te këtij viti me shpërbërjen e Kuvendit, do të paguhen nga shteti për plot 12 muaj.Legjislatura e shtatë e Kuvendit të Kosovës ka zgjatur vetëm një vit, dhe për shkak të përhapjes se koronavirusit ne Kosovë, punimet e Kuvendit nuk janë zhvilluar normalisht.

Albana Rexha nga Demokracia Plus thotë se për shkak të situatës me pandeminë, deputetët është dashur mos të pranojnë kompensimin e plotë, duke kontribuar kështu në ndihmë të qytetarëve që u goditën nga pandemia.

“Ne vlerësojmë që është e domosdoshme të rishqyrtohet ky kompensim kalimtar prej 12 muajsh dhe në këtë mënyrë të shkurtohet kohëzgjatja prej 12 muajsh në të paktën gjashtë muaj ose të shkurtohet paga, jo të ipet e plotë por të ipet vetëm gjysma e saj. Meqenëse kjo nuk ka ndodhur në mënyrë vullnetare nga ana e deputetëve, edhe pse mbase mund të shihet si një simbolikë por kjo por do të përçonin një mesazh shumë të mirë pasi që deputetët do të solidarizoheshin me popullin në mënyrë që të kalohet sa më lehtë kjo pjesa e gjendjes ekonomike për shkak të pandemisë”, thotë ajo.

Megjithë sfidat dhe krizën e shkaktuar nga pandemia në ekonomi, deputetët i kanë marrë të plota pagat e tyre.

Ndërsa për legjislaturën e gjashtë, për deputetët qe kanë realizuar pagën kalimtar janë paguar 1,342,161 euro.

The post Edhe pa mandat, deputetët përfitojnë nga shteti appeared first on Prizreni Sot.

“Me kërkesë të Kryeministrit të Republikës së Kosovës, z. Avdullah Hoti, sot prej orës 18:00 do të mbahet një Seancë e Jashtëzakonshme e Kuvendit të Kosovës, me një pikë të vetme të rendit të ditës. Marrja e vendimit për bashkë-dërgimin e kontingjentit të Forcës së Sigurisë së Kosovës në misione jashtë vendit me Gardën Kombëtare të Ajovës”, thuhet në komunikatën për media nga zyra e kryeminsitrit.

“Në bazë të ftesës së Shteteve të Bashkuara të Amerikës, Qeveria e Republikës së Kosovës me 31 dhjetor 2021, ka miratuar vendimin për bashkë-dërgimin e kontingjentit të Forcës së Sigurisë së Kosovës në misione jashtë vendit me Gardën Kombëtare të Ajovës. Ky vendim i është dërguar Kuvendit të Republikës së Kosovës me propozimin për dërgimin e kontingjentit të FSK-së në misione për mbështetje të stabilitet rajonal dhe operacioneve paqeruajtëse, nën Komandën Qendrore Amerikane. Vendimi mbështetet në memorandumin që Qeveria e Republikës së Kosovës e ka nënshkruar me Ambasadën e Shteteve të Bashkuara të Amerikës, për dërgimin e Forcës së Sigurisë së Kosovës në misione jashtë vendit bashkë me Gardën Kombëtare të Ajovës”, thuhet tutje në komunikatën për media.

Ndërkohë që Lidhja Demokratike e Kosovës dhe Aleanca për Ardhmërinë e Kosovës kanë deklaruar se mbështesin angazhimin e FSK në misione paqeruajtëse.

Ndërsa ditë më parë, Gjenerallejtënant, Rrahman Rama në intervistën dhënë për KosovaPress ka treguar se Forca e Sigurisë së Kosovës në pranverë të këtij viti pritet t’i bashkohet ushtarëve amerikanë në misione paqeruajtëse.

The post Mblidhet Kuvendi në seancë e jashtëzakonshme appeared first on Prizreni Sot.

Pro miratimit të projektligjit për buxhetin ishin 85 deputetë, ndërsa nuk kishte abstenim dhe as vota kundër.

Buxheti është miratuar me procedurë të shpejtë me një mocion procedural të propozuar nga deputetët.

Në këtë formë, amendamentet nga 1 deri 13 janë votuar si pako, teksa si pako janë votuar edhe amendamentet nga 13 deri në 150, të cilat janë pa përkrahjen e komisionit funksional. Të njëjtat nuk janë miratuar përveç njërës.

The post Kuvendi miraton buxhetin 2021 appeared first on Prizreni Sot.

Pas një debati të ashpër mbi ndarjet buxhetore mes pozitës dhe opozitës, Projektbuxheti ka kaluar me 64 vota për.

Partia Demokratike e Kosovës i ka dhënë mbështetje projektligjit të Buxhetit, ndërkaq Vetëvendosje ka votuar kundër.

Nesër në ora 14:00 do të mbahet seanca e ardhshme që Projektbuxheti të vendoset në pikën e ditës për lexim të dytë.

The post Kuvendi miraton me 64 vota për, ndarjet buxhetore për buxhetin e vitit 2021 appeared first on Prizreni Sot.