Marihuane Archives - Prizreni Sot

Konfiskohen mbi 33 kilogramë marihuanë në bjeshkët e Vërmicës, arrestohet një person – tjetri arratiset

ramiberisha — Fri, 23 Feb 2024 08:09:43 +0000

Policia e Kosovës, respektivisht Sektori i hetimeve nga Departamenti për kufi gjatë realizimit të një plani operativ, të enjten në bjeshkët e fshatit Vërmicë ka vërejtur dy persona të dyshuar duke hyrë nga Shqipëria në Kosovë përmes rrugëve malore në mënyrë të paligjshme, ndërsa më pas kanë sekuestruar mbi 33 kilogramë marihuanë.

Sipas një njoftimi për media, personat e dyshuar janë vërejtur se gjatë lëvizjes, në shpinë bartnin ngarkesa të dyshuara.

“Pasi të njëjtit kishin hyrë në zonën e Republikës së Kosovës, nga zyrtarët policor janë urdhëruar që të ndalohen, mirëpo të njëjtit kanë lëshuar ngarkesat që bartnin dhe kanë filluar që të ikin, njëri nga ta është arritur të ndalohet nga ana e zyrtarëve policorë”, thuhet në njoftim.

Tutje bëhet e ditur se ngarkesa e dyshuar ndodhej në dy çanta me 11 paketime në sasi prej 33.800 kg, substancë e dyshuar narkotike e llojit marihuanë.

Lidhur me rastin është konsultuar prokurori kompetent dhe rasti i kompletuar së bashku me substancën e dyshuar i dorëzohet Drejtorisë për Hetimin e Trafikimit me Narkotik Prizren për trajtim të mëtutjeshëm.

The post Konfiskohen mbi 33 kilogramë marihuanë në bjeshkët e Vërmicës, arrestohet një person – tjetri arratiset appeared first on Prizreni Sot.

Ndalohen dy persona në Prizren, u janë gjetur substancë narkotike të llojit marihuanë

ramiberisha — Wed, 24 Aug 2022 06:50:42 +0000

Në fshatin Nashec të komunës së Prizrenit, në një pikë kontrolli Policia ka ndalur një veturë brenda së cilës ishin dy persona.

Mësohet se gjatë kontrollit trupore, të rinjve u janë gjetur dy pako me letra që shërbejnë për mbështjelljen e cigareve me substancë narkotike të llojit marihuanë, që njihen si rizlla. Po ashtu te njëri nga ta është gjetur edhe një sasi e narkotikëve, që dyshohet të jetë marihuanë.

Ata janë shoqëruar në stacion policor, ku me urdhër të prokurorit, ndaj tyre është iniciuar rasti ‘Posedim i paautorizuar i narkotikëve, substancave psikotrope ose analoge’.

The post Ndalohen dy persona në Prizren, u janë gjetur substancë narkotike të llojit marihuanë appeared first on Prizreni Sot.

Arrestohet një 19-vjeçar në Prizren, kapet me marihuanë e thikë

ramiberisha — Thu, 30 Jun 2022 17:14:43 +0000

Konsumimi i drogës është një dukuri që po lulëzon në të gjitha qytetet dhe po prek në veçanti të rinjtë, duke e dëmtuar kështu shëndetin e tyre. Një rast i tillë është zbuluar edhe mbrëmë në mesnatë, ku gjatë patrullimit në një pikë kontrolli në rrugën “Tahir Sinani” në Prizren, Policia ka ndaluar një veturë, nën dyshimet për gjësende të kundërligjshme.

Gjatë kontrollimit të veturës, ku ishin disa persona, te njëri prej tyre zyrtarët policorë kanë gjetur dhe sekuestruar nga i riu disa qese me marihuanë, mulli për bluarjen e substancës narkotike, thikë e para të gatshme.

Për shkak të posedimit të drogës dhe mjeteve tjera, i dyshuari është arrestuar në flagrancë dhe është shoqëruar në stacionin policor në Prizren, ku është intervistuar nga hetuesit policorë për veprën për të cilën ngarkohet.

Burimet kanë bërë të ditur se Prokurori i Shtetit ka urdhëruar ndalimin e 19-vjeçarit për 48 orë dhe dorëzimin e kallëzimit penal brenda afatit ligjor së bashku me sendet e sekuestruara me rastin e kontrollit policor.

The post Arrestohet një 19-vjeçar në Prizren, kapet me marihuanë e thikë appeared first on Prizreni Sot.