Haradinaj ka thënë se rajoni i Hasit ka dhënë shumë për lirinë e Kosovës.

“Liria e atdheut, në themelet e saj ka sakrificën e të rënëve dhe kontributin e shumë heronive ndër breza. Rajoni i Hasit dha shumë për atdheun. Shumë burra nga kjo tokë ishin gjithmonë aty për të dhënë kontributin për liri e çlirim”, ka thënë Haradinaj.

Haradinaj ka bërë të ditur që po finalizohet edhe “Kulla e Qëndresës”, të cilës i kishte vënë gurthemelin.

“Kujtojmë sot 54 shqiptarë të kësaj ane që u ekzekutuan mizorisht mbi fshatin Lubishdë të Hasit, nga data 12 prill 1999 për shumë ditë me radhë, shumë nga ta të rinj në moshë. Derisa nderojmë dhe kujtojmë sakrificën e heronive, jam i lumtur që në këtë ditë, në Lubizhdë po finalizohet shtëpia muze “Kulla e Qëndresës”, të cilës i patëm vu gurthemel. Kjo kullë do të shërbejë si simbol i përkujtesës për sakrificën dhe kontributin e shumë brezave deri tek liria.

Urime hasjanë për Kullën! Sakrifica e të rënëve dhe luftëtarëve të lirisë, do të mbijetojë shekujt!”, ka përfunduar Haradinaj.

The post Në Lubizhdë të Hasit përurohet “Kulla e Qëndresës”, Haradinaj: Ky rajon ishte gjithmonë aty për të dhënë kontributin për çlirim appeared first on Prizreni Sot.

Sipas policisë, po ashtu është dëmtuar edhe ndriçimi në këtë memorial.

“Kushnin-Has, Prizren / 07.04.2024 – 09:00. Ankuesi mashkull kosovar ka informuar se persona të pa njohur kanë dëmtuar ndriçimin tek memoriali i dëshmorëve dhe në mure kanë shkuar fjalë banale. Rasti është duke u hetuar.”, thuhet në njoftim.

The post Shkruhen fjalë banale tek memoriali i dëshmorëve në Kushnin të Hasit, policia nis hetimet appeared first on Prizreni Sot.

 Pjesë e ceremonisë me rastin e përurimit të Memorialit kushtuar dëshmorëve, Nexhat Fanaj e Ajdin Rramanaj, ishin familjarë të dëshmorëve, invalidë e veteranë të UÇK-së, banorë të Kobajt dhe përfaqësues të institucioneve të ndryshme.

Për jetën dhe veprën e dëshmorëve, ka folur profesor Sabir Rramanaj, i cili tha se gjaku i tyre vendosi themelet e Kosovës, pasi që Nexhati e Ajdini e deshën vdekjen ndërsa e urrejten robërinë e popullit të tyre.

Drejtori i Administratës në Prizren, Osman Hajdari, tha se ky Memorial meritor kushtuar dëshmorëve do t’i shërbejë kujteses sonë kolektive për të përkujtuar veprën sublime të të rënëve për liri.

Ndërkaq, në një fjalë rasti, sekretari i degës së OVL të UÇK-së në Prizren, Isa Berisha, tha se dëshmorët sikurse Nexhati e Ajdini, janë vula dhe gurthemeli i pavarësisë së vendit tonë.

Për të gjithë të pranishmit u shfaq edhe një program i pasur artistik me këngë nga rapsodë të mirënjohur nga Kukësi si dhe një poezi nga një vogëlushe kobjane.

Ndryshe, projekti për ndërtimin e këtij Memoriali është financuar nga Drejtoria e Administratës në vlerë 17 mijë e 500 euro./Tv Prizreni

The post Përurohet në Kobaj, Memoriali kushtuar dëshmorëve, Nexhat Fanaj e Ajdin Rramanaj appeared first on Prizreni Sot.