Ministria e Shendetesise Archives - Prizreni Sot

Sqarimi i Ministrisë së Shëndetësisë në lidhje me rritjen e numrit të të infektuarve me COVID

ramiberisha — Tue, 04 Jan 2022 14:08:55 +0000

108 raste të reja të infektuara me COVID-19 janë raportuar në 24 orët e fundit në vend nga ana e Ministrisë së Shëndetësisë.

Megjithatë, në njoftimin e sotëm, MSH ka bërë të ditur se në kuadër të 108 rasteve të reja, 39 prej tyre janë raste të mbledhura gjatë tre ditëve të fundit.

“Ju informojmë, se në kuadër të rasteve të raportuara sot, ka raste të akumuluara për 3 ditë nga laboratori Olive. Gjithsej janë 1,006 testime dhe 39 raste SARS CoV-2 pozitiv të raportuara me vonesë. Kjo ka ndikuar në rritjen e numrit të rasteve të raportuara sot”, është bërë e ditur nga Ministria e Shëndetësisë.

The post Sqarimi i Ministrisë së Shëndetësisë në lidhje me rritjen e numrit të të infektuarve me COVID appeared first on Prizreni Sot.

MSH: Planifikoni më herët blerjet me qëllim që të shmangni turmat, mbrohu nga COVID-19 dhe festo shëndetshëm

ramiberisha — Thu, 30 Dec 2021 09:26:27 +0000

Ministria e Shëndetësisë përmes një shkrimi në rrjetin social Facebook, ka kërkuar nga qytetarët që të respektojnë masat Anti-COVID gjatë festave të fundvitit dhe gjatë tërë pandemisë.

Nga kjo ministri kanë kërkuar nga qytetarët që të planifikojnë mëherët blerjet me qëllim që të shmangin turmat dhe grumbullimet e panevojshme.

MSH ka kërkuar nga qytetarët që të festojnë shëndetshëm.

“Edhe nëse jeni plotësisht të vaksinuar praktikoni respektimin e masave kundër COVID-19 gjatë sezonës festive dhe gjatë tërë pandemisë. Planifikoni më herët blerjet me qëllim që të shmangni turmat dhe grumbullimet e panevojshme. Mbrohu nga COVID-19 dhe festo shëndetshëm”, është thënë nga MSH.

The post MSH: Planifikoni më herët blerjet me qëllim që të shmangni turmat, mbrohu nga COVID-19 dhe festo shëndetshëm appeared first on Prizreni Sot.

Pas identifikimit të variantit Omicron në Kosovë, Ministria e Shëndetësisë del me apel për qytetarët

ramiberisha — Mon, 27 Dec 2021 10:09:14 +0000

Ministria e Shëndetësisë edhe njëherë u ka bërë thirrje qytetarëve që të vaksinohen kundër COVID-19 e t’i zbatojnë masat mbrojtëse të cilat janë në fuqi, në mënyrë që të mbrohen nga ky virus.

Nga MSH kanë thënë se imuniteti i krijuar nga infektimi me COVID-19 mund të mos jetë i mjaftueshëm për t’ mbrojtur nga ri-infektimi.

“Kosova disponon me vaksina të miratuara për përdorim nga trupat më relevant botërorë. Vaksinimi mund të bëhet kurdo, pa termin, pavarësisht vendbanimit e shtetësisë”, është thënë nga MSH.

Njoftimi i plotë:

Imuniteti i krijuar nga infektimi me COVID-19 mund të mos jetë i mjaftueshëm për t’u mbrojtur nga ri-infektimi, prandaj vaksinimi mbetet mënyra më efektive për t’u mbrojtur nga COVID-19.

MSh u bënë thirrje që t’i zbatoni masat në fuqi dhe të të vaksinoheni. Inkurajoni edhe të tjerët për vaksinim të plotë.

Kosova disponon me vaksina të miratuara për përdorim nga trupat më relevant botërorë. Vaksinimi mund të bëhet kurdo, pa termin, pavarësisht vendbanimit e shtetësisë.

#Vaksinohu

#Festoshëndosh

#Bashkëiadalim

The post Pas identifikimit të variantit Omicron në Kosovë, Ministria e Shëndetësisë del me apel për qytetarët appeared first on Prizreni Sot.