Disa nga komunat nuk e falën tatimin me këtë shumë.

Prishtina 75 euro e Vitia 50 euro ua fali qytetarëve ndryshe nga disa komuna që ua falën nga 100 euro.

23 komuna nuk e kanë falur borxhin në tatimin në pronë për qytetarët ndërsa 12 prej tyre e kanë falur.

Disa nga komunat që nuk e kanë falur tatimin kanë marr një vendim për lehtësimin e pagesës për qytetarët.

Sazan Ibrahimi nga Asociacioni i Komunave ka folur lidhur me këtë çështje për Front Online.

Ibrahimi ka bërë të ditur se disa nga komunat i kanë zbritur normat tatimore për 5 %.

Ai ka treguar në detaje se çfarë vendimi kanë marrë komunat.

“Shumë prej komunave i kanë zbrit normat tatimore nga 0.15 % e vlerës së pronës në 0.10%, këtë e kanë menduar komunat që do të jetë lehtësi për qytetarët. Duke marr parasysh vitin e kaluar kjo normë tatimore e vlerës 0.15% ka qenë nëse është vlerësuar në 1000 mijë euro një pronë tatimpaguesi ka paguar 150 mijë euro. Pasi i kanë zvogëluar normat tatimore komunat këtë vit në vend se të paguajnë 150 euro do të paguajnë 100 euro, lehtësim për qytetarët”.

Arsyeja se pse komunat nuk e falën tatimi në pronë është bllokimi i projekteve kapitale sipas Ibrahimit.

“Shumica e komunave që nuk e kanë falur tatimin në pronë nuk e kanë futë në rend dite në kuvendet komunale se është vlerësuar prej komunave që nëse bëhet një vendim i tillë nuk do të zbatohen shumë projekte kapitale këtë vit”, tha ai

Janë deklaruar disa nga komunat që nuk e kanë falur tatimin për hapat e tjerë lidhur me lehtësimin e pagesës së tatimit në pronë për qytetarët.

Nga 23 komunat që nuk e kanë falur tatimin në pronë është edhe ajo e Fushë Kosovës.

Nga AAK-ja thanë se kanë dalë më një iniciativë për lehtësimin e pagesës por e njëjta nuk është përkrahur nga partitë e tjera.

Asamblisti i AAK-së, Hasan Ismajli tha për Front Online se ka kërkuar që të ulët norma e vlerës për 5%.

Ismajli thotë se kur ka ndodh propozimi Vetëvendosja ka dalur nga salla dhe s’ka marr përkrahje.

“Unë si AAK në foltore e kam kërkuar që të zbritët norma e vlerës së tatimit në pronë por nuk kam marr përkrahje nga askush që të ulët për 5%. Kur e kam propozu VV-ja ka dalë jashtë sallës, falja e tatimi ka qenë politik të gjitha partitë që kishin me qenë në pushtet kishin me vepru njëjtë”, thotë Ismajli.

Ai deklaroi se falja e tatimit në pronë prej 100 eurove ka qenë çështje politike.

“Nuk është dashur të rritët tatimi hiç në momentin që e kanë parë që e kanë bërë gabim tani kishe po i falim nga 100 euro njerëzit e kanë paguar edhe unë e kam pagu për disa prona që i kam qysh me i kompensu tash”, u shpreh ai

Nga PDK-ja e thonë të kundërtën e AAK-së.

Shefi i grupit të PDK-së në Fushë Kosovë, Mirsad Qyqalla thotë se s’ka ardhur asnjë iniciativë.

Qyqalla tha se Partia Demokratike është pro çdo vendimi të mirë për qytetarët.

“Ende nuk ka asnjë iniciativë e kërkesë as prej mazhorancës. Cila do parti që beson që duhet me ndërmarr diçka për të mirën e qytetarëve ne jemi për”, tha Qyqalla.

Komuna jonë ka pasur mjete për faljen e tatimit, thotë Qyqalla.

“Ka ardh kërkesa nga VV ne si grup kemi apstenu sepse iniciuesi i saj nuk është konsultuar me ne. Ne kemi besuar që komuna e jonë ka pasur mjaftë mjete për me ju dalë në ndihmë qytetarëve”, theksoi ai.

Ndryshe nga Fushë Kosova ka vepruar komuna e Rahovecit.

Kryetari Smajl Latifi thotë se normat tatimore i kanë standardizu.

Ai ka treguar se disa qytetarë gjatë 2024 do të paguajnë tatimin në pronë e disa jo.

“Ne e kemi miratuar një rregullore mbi tatimin në pronë, normat tatimore i kemi standardizu është dekretuar në Kuvend dhe është në fuqi. Këtë vit 7 mijë e 800 do të paguajnë nga asnjë ngarkesë tatimore, ndërsa 8 mijë e 200 do të paguajnë më pakë në këtë vit sesa vitin 2023”, ka thënë Latifi.

Shefi i grupit të AAK-së në Rahovec, Alban Bajrami ka folur për Front Online lidhur me çështjen e tatimit në pronë.

Bajrami tha se Rahoveci ka ulur normën tatimore për 5%.

Falja e 100 eurove nuk ka qenë hap i mire, sipas Bajramit.

“Rahoveci ka shkuar në mënyrë të tjera jo për falje në mënyrë që qytetarët me pas lehtësira të tjera për 2024 e ka ulë normën tatimore për 5 %, por MF-ja e ka rritë vlerën e pronës për ata ka rritje, këtë rritje jemi munduar me zbutë duke e ulë normën tatimore. Për faljen e 100 eurove nuk kemi menduar që është diçka e mirë se ka qenë ndihmë e vogël e rritja e madhe”, deklaroi Bajrami.

Nga LDK-ja në Rahovec janë deklaruar ndryshe nga partia në pushtet.

Shefi i GP-së të Lidhjes Demokratike, Lirigzon Kastrati tregon se kjo parti ka kërkuar që të bëhet falja e tatimit.

Ai thotë se ka bërë edhe një kërkesë tjetër në Kuvend por s’ka pasur përkrahje.

“Ne si LDK i kemi bërë një ftesë kryesuesit që me mbajtë një seancë të jashtëzakonshme për me pa mundësin e faljes së tatimit të paktën ndonjë pjesë, për këtë skam pasur mbështetje. Në seancë të rregullt pas afatit kemi votuar normat e tatimit, kam kërkuar që të jetë 0,1 % nuk kam gjetur mbështetje nga shumica tash normat janë më të larta se sa kanë qenë në vitin e kaluar me arsyetimin e kryetarit komunës se zbritja është më e madhe sa i përket bazës tatimore”.

Se disa qytetarë do të paguajnë tatimin e disa jo për këtë nuk është pajtuar , asamblisti Kastrati.

Ai e ka quajtur padrejtësi këtë ndarje.

“Në zonat e para dhe të dyta për Rahovecin tatimi në oborre rritët prej 20-40% varësisht zonave të caktuara, kjo është në rritje. Rahoveci një pjesë të qytetarëve ka leju që mos me pas tatim që kanë shpi më të vogël se 140 m4. Në seancë e kemi thënë që kjo është padrejtësi por partia në pushtet e ka shumicën dhe po bënë si donë”, theksoi Kastrati.

Ish-ministri i Financave, Haki Shatri në një prononcim për Front Online ka folur lidhur me vendimin e disa komunave që nuk u falën qytetarëve tatimin në pronë.

Shatri ka kritikuar komunat.

Ai thotë se ato nuk shprehen gatishmëri më ju ndihmu qytetarëve.

“Kjo për faljen e tatimit në pronë nga komunat është situatë e ndërlikuar. Shumica e komunave u ka pëlqyer të kenë më shumë të hyra dhe nuk e kanë falë tatimin në pronë dhe nuk e kanë ulë koeficientin e kanë lënë ashtu siç ka qenë”, tha Shatri.

Sipas Shatrit ani pse vendimi i Ministrisë të Financave ishte jo profesional, komunat është dashur të pranojnë.

“Mirë ka qenë që komunat me marr vendim ashtu siç ka qenë propozimi për vitin 2023 me kthy vendimin e 2022 ose me falë 100 euron ashtu siç e propozoi MF edhe pse s’ka qenë në mënyrë profesionale. Komunat nuk shprehen gatishmëri me ju ndihmu qytetarëve ju ka konvenuar me marr të hyra më shumë nga tatimi në pronë”, deklaroi Shatri.

Se a do të merr ndonjë veprim Ministria e Financave për komunat që nuk e falën tatimin në pronë, Front Online ka dërguar pyetje por nga MF-ja deri në publikimin e këtij artikulli nuk janë përgjigjur.

Gjykata Kushtetuese ka marrë vendim me 22 nëntor që komunat duhet të vendosin vetë për faljen e tatimit në pronë dhe se ligji i kontestuar nga komunat nuk është në kundërshtim me ligjin e pushtetit lokal.

The post Komunat me vendime ndryshe për faljen e tatimit, opozita i akuzon se kishin buxhet por nuk i ndihmuan qytetarët appeared first on Prizreni Sot.

Sebep për këtë u bë rivlerësimi i pronave të tyre nga ana e Ministrisë së Financave, Punës dhe Transfereve

Si rezultat, të hyrat e komunave nga mbledhja e tatimeve në pronë janë rritë dukshëm.

Pa i konsultuar fare komunat, Ministri i Financave, Hekuran Murati përfshiu në Projektligjin për ndryshimin dhe plotësimin e Ligjit për Tatimin në Pronën e Paluajtshme, idenë që qytetarëve t’u falen deri në 100 euro të vlerës së tatimit për këtë vit.

Ligji ka shkuar në Kushtetuese. Pezullimi i vendimit për ndryshimet në Ligjin për Tatimin në Pronë, nga Kushtetuesja rrezikon që të humb afatet që janë paraparë për faljen e 100 euro tatim për qytetarët.

Kjo pasi sipas vendimit më 30 shtator 2023 është afati i fundit për pagesën e këstit të dytë të tatimit në pronë

E Kushtetuesja më 4 shtator vendosi që vendimi për ndryshimet në këtë ligj të pezullohet deri në nëntor të këtij viti. Verdikti nuk është bërë publik akoma.

Fitimet e komunës së Prishtinës, Gjilanit dhe Prizrenit

11.2 milionë euro nga tatimet mblodhi komuna e Prishtinës nga janari e deri në shtator të këtij viti.

Kurse gjatë gjithë vitit të kaluar 2022, shuma e mbledhur, ishte 7.1 milionë euro. Kurse më 2021, 8.7 milionë sosh.

Trashja e buxhetit nga kjo kategori vërehet edhe tek komunat tjera.

Prizreni ka arkëtuar 3 milionë euro sivjet deri në shtator, kurse vjet gjatë gjithë vitit 2 milionë.

2.6 milionë i grumbulloi më 2021.

Gjilan ka trashë buxhetin më 2023 sa i përket tatimit në pronë, duke përfituar 2.6 milionë, mbi gjysmë milioni më shumë se në vitin 2022 dhe 2021.

Fitimet e Ferizajt, Pejës, Mitrovicë dhe Rahovecit

Në mesin e komunave të mëdha hyjnë edhe Ferizaj, Peja, Mitrovica dhe Rahoveci.

Ato korrën fitime të mëdha nga tatimi në pronë.

Ferizaj rrafsh 1 milionë euro më tepër më 2023 sesa më 2022 dhe 900 mijë më tepër sesa më 2021

Peja fitoi 2.2 milionë nga janari deri në shtator të këtij viti.

Mitrovica preku shifër milionëshe për herë të parë në tri vjetët e fundit, duke arkëtuar 1 milion euro më 2023.

900 mijë i përfitoi edhe Rahoveci. Të dyja këto komuna kishin arkëtuar më pak më 2022 dhe 2021.

Asociacioni i Komunave: Mirëpresim rritjen, të hyrat përkthehen në investime kapitale

Kryetari i Asociacionit të Komunave të Kosovës, Sazan Ibrahimi tha për Front Online se e mirëpresin rritjen e të hyrave komunale nga tatimi në pronë.

Ai siguroi se të hollat përkthehen në investime kapitale, që janë në dobi të qytetarëve.

“Ka miliona euro rritje. Kjo është pozitive, sepse po tregohet gatishmëria e qytetarit me pagu tatimin. Parët kthehen në investime kapitale”, u shpreh Ibrahimi

Ai tha se tash për tash tatimi në pronë, paguhet më të shtrenjtën, teksa koment pati edhe për Ligjin e Tatimit në Pronën e Paluajtshme, që është në Kushtetuese.

Ligjin për tatimin në pronë të paluajtshme parasheh faljen e 100 eurove të tatimit për qytetarët.

Kjo është kundërshtuar nga komunat.

“Po e presim vendimin final të Kushtetueses. Të shohim çka po ndodh. Tatimi në pronë paguhet ashtu qysh ka vendos Ministria kur e ngriti tatimin në pronë. Komunat i kanë mbledh deri tash 95 % të të hyrave”, theksoi Ibrahimi

Ekonomistët për fitimin e komunave nga rritja e tatimeve në pronë: Po dëmtohen qytetarët

Ekonomistët vlerësojnë se rritja e tatimit në pronë është e papërballueshme për qytetarët, meqë sipas tyre pagat nuk është se janë ngritur në Kosovë.

Sipas ish-ministrit të Financave, Haki Shatri trashja e buxhetit komunal po bëhet në kurriz të qytetarit.

“Janë rritë të hyrat komunale nga tatimi në kurriz të qytetarëve. Cfarë miri kush po të thotë që është mirë. Kur vijnë zgjedhjet qytetarët duhet me mendu mirë kënd e sjellin në krye”, u shpreh Shatri.

Ekonomisti Erzen Hyseni thotë se tatimi u rrit, por jo edhe pagat.

“Duke e parë se kemi një rritje të çmimeve dhe duke e ditur që pagat kanë mbetur të njëjta e nuk janë rritur fare, kjo ngritje e tatimit në pronë është një kosto shtesë për qytetarët, të cilët do ta kenë shumë të vështirë ta përballojnë edhe këtë rritje të tatimit”, pohoi Hyseni

Ligji për tatimin në pronë hyri në fuqi më 14 gusht.

The post Rritja e tatimit në pronë: Komunat dyfishojnë të hyrat në kurriz të qytetarëve appeared first on Prizreni Sot.

Në fund të muajit të ardhshëm, përfundon afati për pagesën e këstit të parë të tatimit vjetor në pronë. Për këstin e dytë, ka kohë deri në fund të shtatorit.

Sivjet çmimi do të jetë më i lartë, pas rivlerësimit të pronave që është bërë nga ana e Ministrisë së Financave, Punës dhe Trasnfereve. Kjo ka ndikuar që shumë qytetarë të hezitojnë ta bëjnë pagesën, meqë ende po shpresojnë se do të anulohet rivlerësimi dhe se do të paguajnë “me të vjetrën”.

Me një kërkesë të tillë, komunat i janë drejtuar edhe zyrtarisht Ministrit Hekuran Murati. Kryetari i Asociacionit të Komunave të Kosovës, Sazan Ibrahimi, i ka thënë Gazetës Express se komunat kanë kërkuar që gjithçka të kthehet në pikën zero.

Por, edhe për këtë kërkesë, Ibrahimi thotë se kanë hasur në injorim nga ana e Ministrit, edhe pse i njëjti para një muaji shprehej i gatshëm të mbështe “çfarëdo kërkese që kanë komunat për uljen e tatimit të vitit aktual.”

“Komunat kanë kërkuar që mos të ketë ndryshim sa i përket tatimit në pronë. Kanë kërkuar që gjithçka të kthehet në pikën 0 dhe në asnjë mënyrë mos të ketë ngritje të tatimit në pronë. Ministri Murati, nuk është hera e parë, përsëri i injoron komunat duke mos i kthyer përgjigje AKK sa i përket kërkesës për pezullim të vendimit për ngritjen e faturave për tatim në pronë si dhe mos ngritjes së tatimit në prone”, ka deklaruar Ibrahimi.

Sipas Ibrahimit, kjo ka shkaktuar edhe huti te qytetarët, të cilët s’po i paguajnë faturat.

“Ky mos-reflektim i Ministrit Murati ka shkaktuar huti te qytetarët të cilët nuk janë duke e paguar tatimin në pronë. Pra, ministri Murati duhet të shpjegojë se a do ketë ndryshim qëndrimi sa i përket kërkesave të komunave apo jo”, thotë Ibrahimi.

Nga AKK thonë se është në vullnetin e ministrit Murati se a duhet të vazhdohet me pagesën e faturave të dërguara për vitin 2023 apo jo, meqë vetëm ai mund të marrë vendim për pezullim.

“Ministri Murati me një vendim të ri mund ta pezullojë komplet procesin deri sa të amandamentohet ligji aktual për tatim në pronë. Pra, është në vullnetin e ministrit Murati se a duhet të vazhdohet me pagesën e faturave të dërguara për vitin 2023 apo jo. Ai mund të marrë një vendim për pezullim”.

Ibrahimi ka paralajmëruar qytetarët se nëse nuk e paguajnë faturën e tatimit në pronë sipas afatit ligjor, atëherë pasojnë edhe gjobat me kamata.

“Nëse qytetarët nuk e paguajnë faturën e tatimit në pronë sipas afatit ligjor, atëherë pasojnë edhe gjobat me kamata. Si konkluzion, institucioni i cili e shkaktoi problemin e që është MFPT nëse ka vullnet edhe mund ta zgjidh”, thuhet në përgjigjen e Ibrahimit.

Gjoba e interes për ata që s’paguajnë me kohë

Sipas Ligjit për Tatimin në Pronë, nëse pagesa për tatimin në pronë nuk bëhet në kohë, aplikohet interes për secilin muaj që vonohet pagesa dhe gjobë prej 10 për qind të tatimit të papaguar.

“1. Interesi aplikohet mbi tatimin e papaguar në një normë e cila është e barabartë me mesataren e normës vjetore të përcaktuar dhe publikuar nga Ministria e Financave, për vitin para vitit tatimor. 2. Interesi llogaritet në baza mujore nga data kur duhet të paguhet tatimi deri në muajin kur paguhet tatimi”, thuhet në Nenin 25 të këtij Ligji.

“Tatimpaguesi i cili nuk e paguan tatimin në pronën e paluajtshme në datën ose para datës së fundit për pagesë i vendoset gjobë në një shumë që është e barabartë me dhjetë përqind (10%) të tatimit të papaguar”, parashihet me Nenin 35 të këtij Ligji.

Edhe komunat fajtore për shtrenjtimin e tatimit

Komunat ishin në dijeni që nga tetori i vitit të kaluar se çmimet e tatimit në pronë do të rriteshin, por që shumica kishin heshtur.

Të vetmet komuna që kishin ngritur pakënaqësi për këtë raport dhe kishin kërkuar korrigjime janë ajo e Gjakovës dhe Kaçanikut.

Drejtori për Buxhet dhe Financa në Komunën e Gjakovës, Durim Halilaj, i kishte thënë Gazetës Express se këtë raport e kanë pranuar më 31 tetor të vitit 2022.

Lidhur me pakënaqësitë për këtë raport, ai thotë se i ishin drejtuar me shkresë Ministrisë së Financave.

Gazeta Express e kishte siguruar këtë shkresë, ku ndër të tjera, thuhej se vlerësimi nëpër zona nuk është i saktë.

“Lidhur me Raportin mbi vlerësimin e përgjithshëm për vitin 2022 e tutje, mendoj se vlerat janë shumë më të larta në raport me vlerësimin e kaluar (të vitit 2019) dhe se ka diskrepancë të madhe në nivelin e vlerave sidomos në Zonën 201, 202 dhe 203.  Në takimin që kemi pasur me grupin vlerësues të Departamentit të Tatimit në Pronë kemi dhënë mendimet tona për vlerësim të cilat i kemi përcjellë edhe përmes postës elektronike. Propozimet tona nuk korrespodojnë me Raportin mbi Vlerësimin e Përgjithshëm për Prona Rezidenciale”, thuhet në shkresë.

Me shkresë të ngjashme, Ministrisë i ishte drejtuar edhe Komuna e Kaçanikut. Edhe kjo komunë e cilësonte vlerësimin si jo real, e të paarsyeshëm.

“Ngritja e çmimeve sipas vlerësimit të ri për mendimin tonë është e lartë dhe e paarsyeshme ngase fillon nga +4.8% deri 42.9% më e lartë për objekte rezidenciale (shtëpi familjare) dhe nga +38.10% deri në 80.00% më e lartë për apartment, e poashtu edhe çmimet për parcela për shtëpi familjare dhe apartment në 4 zona ka zbritje nga -16/675 deri në -20%, ndërsa zonat tjera ngritje nga 0% deri në 166/67% që është e njejtë edhe për parcelat për apartment dhe parcelat për objekte tjera rezidenciale”, thuhet në shkresën që Komuna e Kaçanikut i kishte dërguar MFPT’së, në nëntor të vitit 2023.

LDK’ja propozoi rezolutë kundër shtrenjtimit, pushteti ia rrëzoi

Lidhja Demokratike të Kosovës kishte dalë me një rezolutë pas rritjes së çmimit të tatimit në pronë, që erdhi pas rivlerësimit të pronave nga ana e Ministrisë së Financave, Punës dhe Transfereve.

Përmes kësaj rezolute, LDK’ja kërkoi që Ministria e Financave të pezullojë rivvlerësimin e pronave dhe faturat e tatimit në pronë për vitin 2023 të llogariten sipas vlerësimit paraprak.

“Ministria e Financave të pezullojë rivvlerësimin e pronave dhe faturat e tatimit në pronë për vitin 2023 të llogariten sipas vlerësimit paraprak. Kjo është plotësisht e realizueshme dhe nuk ka asnjë ndikim te komunat sepse buxhetet e komunave janë të planifikuara me ngarkesat e vjetra tatimore të tatimit në pronë”, kishte thënë deputeti Avdullah Hoti, kur e kishte propozuar këtë rezolutë,

Pika e dytë parashihte që Ministria e Financave të sjellë në Kuvend Ligjin për Tatimin në Pronë.

“Ministria e Financave të sjellë në Kuvend Ligjin për Tatimin në Pronë, i cili duhet të përmbajë amandamentet që do të mundësojnë dy gjëra. E para të jep mundësi që të përshtasë ngarkesën tatimore në përputhje me situatën ekonomike dhe këtu mund të nxjerrim indikatorë konkret se kur mund të bëhen këto përshtatje dhe e dyta të lejojë mundësinë që të mund të ndryshohet pragu tatimor, ndoshta të ulet norma minimale”, kishte deklaruar Hoti.

Kërkesa e fundit ishte që Ministria e Financave në bashkëpunim me komunat, gjatë vitit 2023 fillinisht të bëjë rivlerësimin e pronave dhe zonimin e ri.

“Ministria e Financave në bashkëpunim me komunat, gjatë vitit 2023 fillinisht të bëjë rivlerësimin e pronave, e ndoshta të kalohet edhe te vlerësimi individual i pronave, e jo të bëhet vlerësimi për gjithë zonën, sepse ka lagje, ka zona të qyteteve, me një zonë ka banesa që janë ndërtu para 60 vjete dhe ka banesa që janë ndërtu para tri vjetëve. Vlera e tyre smund të jetë e njëjtë. Pra gjatë këtij viti të bëhet zonimi i ri dhe vlerësimi i ri”, kishte thënë deputeti i LDK’së.

Por, Kuvendi i Kosovës kishte dështuar ta miratojë këtë projekt-rezolutë.

Kundër kësaj rezolute kanë votuar 48 deputetë, prej 77 sa kishin marrë pjesë në procesin e votimit.

The post Qytetarët të hutuar për tatimin në pronë, komunat thonë se s’po paguajnë appeared first on Prizreni Sot.