U gjet i shtrirë në rrugë, Policia nis hetimet për vdekjen e 68-vjeçarit në Prizren

Policia e Kosovës ka nisur hetimet lidhur me një rast vdekje në Prizren, ku viktima është gjetur i shtrirë në rrugë.

Përmes raportit 24 orësh, Policia ka bërë me dije se trupi i pajetë është dërguar për obduksion.

Rasti ka ndodhur në rrugën “Ismet Jashari”.

“HETIM I VDEKJES- Rr. Ismet Jashari, Prizren 29.03.2024 – 15:17. Raportohet se viktima mashkull kosovar, është gjetur i shtrirë në rrugë. Në vendngjarje kanë dalë njësitë përkatëse policore dhe njësiti i emergjencës ku mjeku kujdestar ka konstatuar se është pa shenja jete. Me vendim të prokurorit trupi i pajetë është dërguar në obduksion”, thuhet në raport.