A mund ta shihni se cili numër fshihet në këtë imazh?

Një numër i iluzioneve optike interesante kanë bërë xhiron në rrjet muajve të fundit, varësisht prej sfidës që ato paraqesin.

Por, së fundmi një truk që mori hov me të madhe në internet është një nga më të vështirat që kemi parë ndonjëherë, transmeton Telegrafi.

Përdoruesja @thefigen ka shpërndarë një imazh mjaft interesant në Twitter ku në sfond gërsheton një ngjyrë të kuqe dhe brenda është i fshehur një numër.

“Testimi i syrit, çfarë numri shihni në këtë imazh”, shkroi ajo derisa postoi testin në Twitter.

I fshehur mjaft mirë, do t’ju duhet durim dhe ndoshta një xham zmadhues për ta parë.

Më shumë se 573 mijë njerëz e kanë parë tani iluzionin.

Njëri tha se përgjigjja është 7, derisa një tjetër sugjeroi se ishte 574.

Sidoqoftë, përgjigjja e saktë është sigurisht 571.

Nëse ende nuk keni arritur ta shihni atëherë provoni t’i mbyllni sytë në gjysmë dhe do t’ju shfaqet numri magjik.