”Pfizer” dhe ”BioNTech” depozitojnë autorizimin për vaksinën antiCOVID-19

Grupi farmaceutik ”Pfizer” dhe kompania gjermane ”BioNTech” konfirmuan sot se do të depozitojnë sot në Agjencinë amerikane të Medikamenteve (FDA) një kërkesë për autorizimin e hedhjes në treg për vaksinën e tyre kundër COVID-19, duke u bërë prodhuesi i parë që e bën këtë në SHBA, raporton ATSh.

Njoftimi ishte pritur që prej disa ditë, pas publikimit të rezultateve të provës klinike, kryer që prej korrikut tek 44 000 vullnetarë në shumë vende dhe sipas të cilëve vaksina do të ishte efikase me 95% për të frenuar COVID-19 pa efekte anësore të rënda.

FDA nuk dha detaje se sa kohë do të duhet për të shqyrtuar të dhënat, por qeveria amerikane ka dhënë dritën jeshile për gjysmën e parë të dhjetorit.