Këto janë dhjetë fjalëkalimet më të dobëta për vitin 2020

Sipas një studimi të ri, ka ende njerëz që përdorin në rrjete sociale fjalëkalimet më të lehta për tu hakuar si “123456789”, fjalën “fjalëkalim” dhe “iloveyou”.

Nga 200 fjalëkalimet më të këqija, “123456” është më e përdorura për vitin 2020, me 2,543,285 njerëz që e zgjodhën atë. Për ta thyer, duhet më pak se një sekondë, tregon hulumtimi nga NordPass, një kompani e menaxhimit të fjalëkalimeve.

Përkundër nga këshillat e ekspertëve të sigurisë kibernetike, NordPass thotë se pasi krahason listën e fjalëkalimeve më të zakonshme të vitit 2020 me atë të vitit 2019, ka pak ose aspak ndryshim.

Në total, ata shikuan një bazë të dhënash me 275,699,516 fjalëkalime ku të reja në 10 më të përdorurat janë “picture1” dhe “senha” që do të thotë “fjalëkalim” në portugalisht.

Ndërkohë 10 fjalëkalimet kryesore më të zakonshme ishin:

1-123456
2-123456789
3-picture1
4-fjalëkalimi
5-12345678
6-111111
7- 123123
8-12345
9-1234567890
10- senha

Ekspertët këshillojnë që nëse fjalëkalimi juaj është në listë, ndoshta është koha për të bërë një ndryshim. Mundohuni të shmangni kombinimet e parashikueshme të numrave ose vargjeve të kombinimeve të tastierës ngjitur, tha NordPass.

Megjithatë, në asnjë rrethanë nuk duhet të përdorni një fjalëkalim bazuar në ndonjë detaj personal si numri juaj i telefonit, data e lindjes ose emri.
NordPass sugjeron të ndryshoni fjalëkalimet tuaja çdo 90 ditë me një përzierje të shkronjave të mëdha dhe të vogla dhe të krijoni një fjalëkalim të ndryshëm për secilën nga llogaritë tuaja.

Leave a Reply

Your email address will not be published. Required fields are marked *