Shpronësimi i “Damperit” i kalon në pronësi Ministrisë së Mbrojtjes, punëtorët e ish “Ballkanit” do të marrin 20 përqindëshin

Qeveria e Kosovës ka miratuar vendimin për shpronësim të “Damperit” në Therandë si dhe ndarjen e 20 përqindëshit për punëtorët e “Ballkanit”.

Tashmë ish-hapësira e “Damperit” i kalon tashmë Ministrisë së Mbrojtjes dhe Forcës së Sigurisë së Kosovës.

Kryeministri i vendit, Albin Kurti tha se me përfundimin e procedurës së shpronësimit do të kompensohen në vlerën prej 20 përqindëshit punëtorët e ish-fabrikës së Ballkanit.

Ndërkaq, ministri i Mjedisit dhe Planifikimit Hapësinor, Liburn Aliu tha se pas shpronësimit për interes publik të pronës së paluajtshme Ballkan, Njësia Damper –ish kampi Kasabllanka do t’i kalojë në pronësi Ministrisë së Mbrojtjes dhe Forcës së Sigurisë së Kosovës.