Banorët e lagjes ” Arbana”, Shahe Kasolli dhe Hashim Kelmendi, e kanë vlerësuar tejet të rëndësishëm vënien në funksion të objektit të ri të QMF-së në lagjen e tyre, dhe kanë patur një kërkesë konkrete që në këtë objekt atyre të iu mundësohet edhe marrja e infuzioneve.

Në përurimin solemn të objektit të ri, ishin të pranishëm drejtuesit më të lartë të komunës së Prizrenit, ministrisë së Shëndetësisë si dhe deputetë të Kuvendit të Kosovës. Kryetari i Prizrenit, Mytaher Haskuka, tregoi për arsyet e ndërtimit të këtij objekti të ri shëndetësor në këtë lagje, duke shtuar ky objekt posedon standarte të larta për shërbime cilësore për qytetarët.

Zv/ministri i Shëndetësisë, Arsim Berisha, gjithashtu e vlerësoi të rëndësishëm realizimin e këtij projekti, dhe ka vlerësuar angazhimin e drejtuesve të komunës së Prizrenit për të ngritur kapacitetet e Kujdesit Parësor Shëndetësor në shërbim të qytetarëve.

Ndërkaq, drejtoresha e Shëndetësisë, Narqize Arënliu- Hoxha dhe drejtori i QKMF-së, Xhevat Elezkurtaj, thanë se në këtë objekt të ri do të ofrohen shërbime efikase me aktivitete shtesë nga pofesionistët shëndetësor.

Këtë projekt e vlerësoi të rëndësishëm për përmirësimin e cilësisë së shërbimeve, edhe deputeti i Kuvendit të Kosovës, Haxhi Avdyli, i cili jeton në këtë lagje.

Ndryshe, punimet në ndërtimin e objektit të ri i cili është ndërtuar në vendin ku ka qenë objekti i vjetër, kanë filluar me 30 shtator të vitit 2020, ndërsa kostoja e realizimit të tij kap shumën e 183 mijë eurove./Tv Prizreni

The post Përurohet objekti i ri i QMF-së në lagjen ” Arbana” appeared first on Prizreni Sot.

Shaqir Bytyçi, shef i hetimeve pranë stacionit policor ” Veri” në Prizren, njofton se gjatë ditës së sotme, policia është njoftuar nga kompania e kontraktuar nga komuna e Prizrenit për shërbimin e varrimit të qytetarëve, se gjatë hapjes së një varri në varrezat e lagjes ” Arbana” ata kanë hasur në trup të njeriut të varrosur në mënyrë të pazakonshme, mbështjellur me batanije dhe rroba.

Sipas informacioneve të para, trupi është i dekompozuar, dhe dyshohet se i përket luftës së fundit në Kosovë, njoftoi ai.

Trupi i gjetur dhe i paidentifikuar është dërguar për analiza në Institutin e Mjekësisë Ligjore në Prishtinë.

The post Gjenden mbetje mortore të një personi në varrezat e lagjes ” Arbana” appeared first on Prizreni Sot.