Në fshatin Romaj të Hasit, pas ndalimit të një të dyshuari dhe sekuestrimit të një pistolete, hetuesit kanë gjetur edhe një armë tjetër në shtëpinë e të njëjtit person, që po ashtu ishte përdorur gjatë festës.

Ndërsa në fshatin Semetisht të Suharekës, Policia ka ndërhyrë pas raportimeve për të shtëna gjatë një dasme. Në vendin e ngjarjes janë gjetur tri armë zjarri dhe 16 gëzhoja, thuhet në njoftimin e policisë në Facebook.

Të tre të dyshuarit janë intervistuar në prani të avokatëve dhe, me vendim të Prokurorit kujdestar, janë ndaluar për 48 orë.

Policia rikujton fushatën “Festo me zemër, jo me armë”.

The post Tre të ndaluar dhe 4 armë të sekuestruara për të shtëna në gazmende familjare në Prizren e Suharekë appeared first on Prizreni Sot.

Dikur u përdorën për të dalë nga okupimi në liri, e tash një pjesë prej tyre janë vetëm armë ilegale në duart e qytetarëve.

Shumica e armëve pa leje në duar tyre po mendohet që iu mbetën që nga lufta e fundit në Kosovë.

Tash, e 25 vite, Policia e Kosovës realizon vazhdimisht kontrolle dhe aksione për konfiskimin e tyre.

E vetëm deri me 15 tetor të 2024, policia “ka iniciuar 1333 raste nga neni 366 ‘Mbajtja në pronësi, kontroll, ose posedim të paautorizuar të armëve”.

The post Numër i lartë i armëve pa leje në Kosovë appeared first on Prizreni Sot.

Më datën 30.05.2023, policët hetues nga Sektori i Hetimeve të Stacionit Policor Prizren, gjatë ndërmarrjes së veprimeve të nevojshme hetimore (këqyrja e vendit të ngjarjes) në një rast “Vjedhje e Rende “ në fshatin Lubizhdë, Prizren, në shtëpinë e tij, një të dyshuarit i janë gjetur në posedim dy armë zjarri pa leje adekuate nga organet kompetente.

Armët janë gjatë nën kulmin e shtëpisë së të dyshuarit, më pas janë sekuestruar në cilësinë e dëshmisë materiale.
Në këtë janë sekuestruar 1 (një ) pushkë gjysmë automatike dhe një një pistoletë ngjyrë e zezë dhe njëzet e dy fishekë të kalibrave të ndryshme.

I dyshuari shoqërua në polici për intervistim lidhur me rastin.

Për të gjitha veprimet policore është njoftuar Prokurori i Shtetit ,me vendim të cilit rasti procedohet i rregullt.
Rasti do të trajtohet nga hetuesit e Stacionit Policor Prizren-Veri, thuhet në njoftimin e Policisë.

The post Sekuestrohen dy armë zjarri në Lubizhdë të Prizrenit appeared first on Prizreni Sot.

Sipas policisë te ky person u gjetë, “një Pistoletë, një karikator, një fishk dhe një Brisk”.

“Në lidhje me këtë rast i dyshuari E.GJ i lindur në vitin 2001 është shoqëruar në stacionin policor në Dragash , ku i njëjti është intervistuar. Lidhur me rastin është konsultuar Prokurori i Shtetit ku pas intervistimit i dyshuari lirohet, rasti shkon ne procedurë te rregullt”, tha ai.

Në vijim gjeni disa foto të dëshmive të konfiskuara në rast.

The post U ndalua për kontrollë rutinore, i gjendet arma pa leje appeared first on Prizreni Sot.

Në Kosovë, vetëm në vitin e kaluar nga armët pa leje, sipas Policisë së Kosovës, janë kryer 29 vrasje. Ndërkaq, po në të njëjtin vit, Policia e Kosovës ka konfiskuar 1.135 armë zjarri dhe mbi 32.700 municione të kalibrave te ndryshëm.

Policia e Kosovës ka treguar se konfiskimi i armëve është bërë në nivel vendi, duke mos u përgjigjur në pyetjen nëse ata kanë hasur në shitjen e këtyre armëve në treg të zi.

“Veprime ligjore janë ndërmarrë nga organet e drejtësisë ndaj personave të dyshuar të përfshirë në veprime të kundërligjshme, përfshirë edhe posedim ilegal të armëve dhe municionit”, thuhet në përgjigjen e Policisë së Kosovës për Radion Evropa e Lirë.

Dënimet për armëmbajtje pa leje

Dënimi për armëmbajtje pa leje përcaktohet sipas Kodit Penal të Kosovës.

Ky kod parasheh gjobë deri në 7.500 euro ose dënim me burg deri në pesë vjet për armëmbajtje pa leje. Aty parashihet edhe dënim dy deri në dhjetë vjet burg për posedim ilegal të katër ose më shumë armëve ose më shumë se 400 fishekëve.

Sipas kryetarit të Gjykatës Supreme, Enver Peci, Kosovës po i mungon politika ndëshkimore për veprat e armëmbajtjes pa leje.

“Dënimet me 200 apo 500 euro për armëmbajtje pa leje nuk kanë logjikë, duhet të ndryshohet politika ndëshkimore për armë. Për mendimin tim, nuk kemi asnjë arsye që një rast me armëmbajtje pa leje të dënohet me të holla, duhet të kalohet në dënime më të ashpra”, thotë Peci në një deklaratë për Radion Evropa e Lirë.

Vrasja e grave nga armët

Armëmbajtja pa leje po kërcënon edhe sigurinë e grave. Në vitin 2020, janë vrarë gjashtë gra nga burrat e tyre. Rasti i fundit ka ndodhur më 14 mars, 2021 kur është vrarë Sebahate Morina, 42-vjeçare, nga ish-burri i saj.

Profesori i shkencave të sigurisë, Avni Islami thotë për Radion Evropa e Lirë se për vrasjet e tilla që po bëhen duhet të merren hapa urgjentë për largimin e armëve ilegale nga duart e qytetarëve.

Sipas Islamit, duhet të bëhet përpjekje shtetërore që të legalizohen armët.

“Me këtë identifikohen armët në rast se kryhet ndonjë vepër penale, por edhe gjatë marrjes së lejes për posedim të armës kryhen kurset, aftësohen, dihet si të mirëmbahet arma dhe të ruhet në vende të sigurta për t’i ikur sekondës psiqike dhe të në fund aftësohet se arma nuk guxon të përdoret ashtu siç po përdoret tash në disa raste”, thotë ai.

Legalizimi i armëve

Në Ministrinë e Punëve të Brendshme, në një përgjigje dërguar Radios Evropa e Lirë thonë se përmes fushatave kanë ndikuar që armët ilegale të legalizohen. Në periudhën e legalizimit nga 17 dhjetori 2018, deri 17 shtator 2019, janë paraqitur rreth 2.000 kërkesa për legalizim të armëve.

MBP-ja thotë se në periudha tjera të legalizimit presin të kenë më shumë kërkesa për legalizim.

Ligji për armët rregullon kushtet për blerjen, posedimin, armëmbajtjen, ruajtjen, prodhimin, çaktivizimin, riparimin, e shumë çështje tjetra. Armët ndahen në kategorinë A, B, C dhe D varësisht prej karakteristikave të tytave, gjatësisë së armës, mekanizmit qitës etj.

Që një person të posedojë armë, sipas ligjit, duhet të posedojë aftësi të plotë ligjore për veprim, të posedojë aftësi psiko-fizike, të mos paraqesë rrezik për vetveten, për rendin publik dhe sigurinë publike, të ketë të kryer testin teorik dhe praktik për përdorimin e armës e shumë kushte tjera që përcaktohen me ligj.

Kostoja për legalizim, rreth 300 euro

Sipas Ministrisë së Punëve të Brendshme, janë rreth 16 kompani të cilat merren me trajnimin për përdorim të sigurt të armës.

Kostoja totale për legalizim, përfshirë kontrollet shëndetësore, vërtetimet, trajnimin dhe lejen, sipas MPB-së, varion nga 150 deri 250 euro për pistoletë, ndërsa 80 deri 150 euro varion çmimi i trajnimit për armët e gjata për gjueti.

Shpenzimet tjera për t’u pajisur me armë janë certifikata mjekësore, e cila sipas MPB-së, ka koston 50 euro sipas një udhëzimi administrative nga Ministria e Shëndetësisë dhe certifikatat tjera kanë kosto nga 5 euro.

Qendra Kosovare për Studime të Sigurisë në ‘Barometrin Kosovar të Sigurisë – Sfidat e sigurisë publike’, raport që është publikuar në vitin 2020, kishte theksuar se armëmbajtja pa leje paraqet një rrezik të lartë të sigurisë publike në Kosovë.

Të anketuarit në zonat urbane ishin shprehur më të shqetësuar për këtë dukuri sesa të anketuarit në zonat rurale.

Sipas këtij raporti, burrat kishin tendencë të ndihen më të kërcënuar se gratë nga armëmbajtja pa leje.

QKSS-ja i kishte rekomanduar institucioneve se duhen të zotohen në largimin e armëve ilegale nga duart e qytetarëve.

The post Rreth 250 mijë armë ilegale gjenden në posedim të qytetarëve të Kosovës appeared first on Prizreni Sot.