Lamir Thaçi, zëdhënës i Agjencisë së Ushqimit dhe Veterinarisë në një intervistë për Telegrafin ka thënë se për sot kanë parë aktivitete që të japin sa më shumë informata për qytetarët mbi rëndësinë që ka siguria ushqimore.

“Ne sot kemi paraparë që të japim sa më shumë informata për qytetarët, përmes juve mediave që sensibilizojnë mbi rëndësinë që ka siguria ushqimore për shëndetin dhe jetën e qytetarëve. Secili kudo që është në kontakt me ushqimin të ushtrojë kujdes, sepse në këtë formë kujdeset, në radhë të parë për vetveten dhe për të gjithë ata që do ta konsumojnë ushqimin që ai ka qenë në kontakt, përveç neve që kemi përgjegjësi për kontroll gjatë gjithë kohës”, u shpreh ai.

Tutje, ai shtoi se “të gjithë mund të kontribuojnë që të kemi ushqime sa më të sigurta, sa më cilësore, që ne qytetarët, konsumatorë të kenë shëndet më të mirë dhe të rritet jetëgjatësia e qytetarëve”.

Gjatë intervistës, ai shtoi se ushqimet në vendin tonë kontrollohen sikurse në vendet e rajonit dhe të BE-së.

“Ushqimet në Kosovë mund të themi se janë të kontrolluara njëjtë sikurse në shtetet e rajonit dhe në Bashkimin Evropian, sepse kemi procedura të njëjtë të kontrollit; kemi rregullore dhe ligje mbi bazën e të cilëve ushtrojmë detyrat në punë dhe këto kontrollohen në nivele të njëjta të kontrollit. Pra, kontrollet bazohen në planet nacionale të kontrolleve, të cilat parashohin edhe frekuencën apo shpeshtësinë e kontrolleve që ushtrohen tek bizneset, kjo pastaj varet edhe nga numri i kapacitetit të inspektorëve që kemi aktivë në terren”.

Në intervistë, Thaçi bëri të ditur se mundohen që të gjitha produktet që dalin në treg të jenë të kontrolluara, pavarësisht numri të vogël të inspektorëve që kanë.

“Dhe po mundohemi që edhe planet t’i përshtatim në bazë të kapaciteteve që kemi dhe mundohemi që gjitha produktet që dalin në treg të jenë mirë të kontrolluara dhe të garantohet siguria e tyre. Aktualisht kemi numër shumë të vogël, janë rreth shtatëdhjetë inspektorë aktiv, të cilët mbulojnë tri sektorët: veterinarët, fito-sanitarët dhe sigurinë ushqimore. Me këtë numër ne kontrollojmë të gjitha pikat kufitare, kontrollojmë terminalet doganore dhe është numër ta quajmë minimal që kemi, dhe nevojat janë shumë të mëdha dhe janë urgjente që ne të kemi inspektorë tjerë”, nënvizoi ai.

Gjithashtu, ai tha se mbështetën edhe nga inspektorët sanitarë të Ministrisë së Shëndetësisë, derisa tha që shpreson që sa më shpejt t’i marrin inspektorët e sigurisë ushqimore dhe të plotësohen mungesat.

Ndryshe, siguria e ushqimit dhe të ushqyerit e drejtë janë parakushte themelore për shëndet dhe mirëqenie të popullatës së një vendi.

Më 20 dhjetor 2018, Sekretari i Përgjithshëm i Kombeve të Bashkuara miratoi Rezolutën 73/250 për caktimin e Ditës Botërore të Sigurisë së Ushqimit./Telegrafi/

The post AUV thotë se ushqimet në Kosovë kontrollohen njëjtë si në vendet e rajonit dhe të BE-së, por sfiduese mbetet numri i vogël i inspektorëve appeared first on Prizreni Sot.

Përmes një komunikate për media, AUV bën me dije se janë angazhuar angazhuar për ndërmarrjen e veprimeve parandaluese të përhapjes se sëmundjes në Kosovë.

Ndër të tjera, në komunikatë thuhet se është ngritur kontrolli veterinarë kufitar në nivel të mbikëqyrjes se detajuar të importeve të ngarkesave me shpezë.

Njoftimi i plotë:

Duke u bazuar në raportin e OIE ( Organizata Ndërkombëtare për Epizooti ) me numër reference D381-1-1-22, për lajmërimin e paraqitjes se sëmundjes Gripi i Shpezëve- Avian Influenza tipi H5N8 në zonën e Durrësit Shqipëri. Agjencia e Ushqimit dhe Veterinarisë sot me datë 21.03.2022 nxjerrë ‘’Vendim’’ me nr.03/205/22, Për masat e ndalesës se importit të shpezëve të gjalla nga zona qe është konfirmuar prezenca e sëmundjes. Vendimi është nxjerrë bazuar në Ligjin Nr. 2004/21 për Veterinarinë dhe udhëzimin administrativ Nr. 2005/24 për Luftimin e Sëmundjes Zoonotike të Shpezëve” Gripi i Shpezëve”. Bazuar në vlerësim të situatës epizootiologjike paraqitjes se disa rasteve në shtetin fqinjë.

Jemi në kontakte të vazhdueshëm me autoritetin e veterinarisë se Shqipërisë, për shkëmbim informatash lidhur incidencën e mundësisë se përhapjes se sëmundjes. Si autoritet me i lartë i veterinarisë në Republikën e Kosovës, me të gjitha kapacitete jemi të angazhuar për ndërmarrjen e veprimeve parandaluese të përhapjes se sëmundjes në vendin tonë. Kontrolli veterinarë kufitar ngritët në nivel të mbikëqyrjes se detajuar të importeve të ngarkesave me shpezë.

The post AUV ndalon importin e shpezëve të gjalla nga zona e prekur me gripin H5N8 në Shqipëri appeared first on Prizreni Sot.

Përmes një komunikate drejtuar mediave, IPK’ja ka bërë me dije se ndaj tij është iniciuar rast penal me dyshimin se i njëjti ka kryer veprën penale “Keqpërdorim i informatës zyrtare”.

“Pas disa veprimeve hetimore, hetuesit e IPK-së kanë identifikuar se një zyrtar i AUV-it (inspektor i Agjencisë së Ushqimit dhe Veterinës)  dyshohet se është duke lajmëruar bizneset të cilat ishin duke punuar jashtë orarit respektivisht në kundërshtim me vendimin e Qeverisë.

Lidhur me këtë rast është njoftuar Policia e Kosovës dhe ndaj këtij zyrtari të AUV-it nga ana e hetimeve rajonale të Drejtorisë Rajonale të Prizrenit është iniciuar rast penal me dyshimin se i njëjti ka kryer veprën penale “Keqpërdorim i informatës zyrtare””, thuhet në raport.

The post Identifikohet zyrtari i AUV-it që i informonte pronarët e kafeneve për operacionet e Policisë appeared first on Prizreni Sot.

Lajmin e ka bërë të ditur zëdhënësi i Agjencisë së Ushqimit dhe Veterinarisë, Lamir Thaçi.

“Agjencia e Ushqimit dhe Veterinarisë përmes inspektoratit Sanitar zyra Regjionale në Prizeren sonte gjate nates ka ndeshkuar 3 lokale me gjoba, ndaj njerit ka iniciuar proceduren per gjykate. Nje lokal eshte mbyllur, dhe po ashtu janë zbrazur nga klinetet 4 lokale. Te gjitha keto veprime me qellim të zbatimit të masave antiCOVID-19. Mos krijimi i kushte për ruajteje të distancës dhe mbajteja e organizimeve ahengje, ishin arsyet e ndeshkimeve”, ka deklaruar ai.

Thaçi tha se bashkë AUV dhe Policia e Kosovës janë të koordinuar për të penguar grumbullimet e njerëzve në hapësira të mbyllura.

“Inspektorati i AUV do te veprojë ne secilin rast qe bie në kundërshtim me ligjin dhe masave të vendosura nga Qeveria e Kosovës. Bashkë me Policinë jemi te koordinuar për të penguar grumbullimet e njerëzve, kudo në hapsira te mbyllura. Per shkak te numrit të madh te infektuarve ne do t’i ndermarrim të gjitha veprimet ligjore për t’i ndaluar veprimet qe e perhapin semundjen”, tha Thaçi.

The post Mbyllen e gjobiten lokale në Prizren – AUV paralajmëron aksione në krejt Kosovën appeared first on Prizreni Sot.