Reagimi i plotë:

Si Shoqatë ESNAF e shohim të pa bazë vendimin e marrë nga Drejtoria Komunale në lidhje me orarin për hyrje të automjeteve furnizuese në Sheshin Shadërvan.

Edhe më herët e kemi treguar qëndrimin tonë për marrjen e këtij vendimi, se ky vendim do të krijoj shumë pakënaqësi.

Duke e ditur se shumë biznese (furnizuese) orarin e punës e kan nga ora 08:00 në mengjes deri ne 17 :00 në mbrëmje, andaj ky vendim është një vendim i pa bazë dhe në dëm të atyre bizneseve që janë pjesë e shadeërvanit dhe furnitorëve të tyre. Sipas ketij vendimi bizneset duhet të fillojnë punën shumë e shumë më herët. Po qka me ato biznese qe vijnë nga vendet tjera?

Andaj ,  Drejtoria e Shërbimeve Publike duhet të organizojë një takim sa më të shpejtë me bizneset e Shadërvanit dhe furrnitorët për rishikimin e  këtij vendimi.

The post Shoqata “Esnaf” kundër orarit të ri të furnizimit në Shatërvan appeared first on Prizreni Sot.

Pjesë e hapjes së panairit jubilar të 10-it me radhë të SHBZ ” Esnaf”  në hapësirat e  Parkut të Inovacionit dhe të Trajnimeve i cili këtë vit po organizohet në kuadër të edicionit të dytë të Forumit ” Invest in Prizren” në bashkëpunim me komunën, ishin drejtuesit përfaqësues të komuniteteve të biznesit nga Kosova e rajoni, drejtuesit më të lartë të pushtetit lokal të Prizrenit dhe kryetari i Edirnes së Turqisë dhe përfaqësues të partive politike lokale.

Kryetari i SHBZ ” Esnaf”, Varis Xhejlani, tha se panairi jubilar në këtë Forum, është një ndër organizimet më të fuqishme në përkrahje të ekonomisë vendore, si dhe apeloi që qeveria të mbështes bizneset në fuqizimin e tyre.

Kryetari i Prizrenit, Mytaher Haskuka, e vlerësoi të rëndësishëm këtë organizim, dhe  tha se ai është duke u angazhuar që institucionet përkatëse qeveritare të bëjnë largimin e shumë procedurave burokratike të cilët po e pengojnë zhvillimin e biznesit, sikurse është rasti i Zonës Ekonomike në Prizren. Një fjalë rasti në hapje të këtij panairi e mbajti edhe kryetari i qytetit të Edirnes në Turqi, Recep Gurkan, i cili kujtoi kohën e njohjes me drejtuesit e SHBZ “Esnaf”.

Pjesëmarrësit të cilët po i ekspozojnë prodhimet e tyre në këtë panair dhe janë pjesë e tij, e vlerësuan lartë mundësinë e promovimit të produkteve që ata i prodhojnë para qytetarëve prizrenas dhe vizitorëve të shumtë.

Përveç panairit, në kuadër të Forumit ” Invest in Prizren”, gjatë ditës do të organizohet konferenca “Potencialet ekonomike të Komunës së Prizrenit” dhe “Mundësia e bashkë-investimeve në Komunën e Prizrenit”, si dhe takimet B2B mes bizneseve vendore dhe përfaqësuesve të bizneseve nga jashtë./Tv Prizreni

The post U hap Panairi i 10-të jubilar i ShBZ ” Esnaf”, kësaj radhe në kuadër të forumit “Invest in Prizren” appeared first on Prizreni Sot.