Nga PDK-ja thonë se një vendim i tillë i Gjykatës Supreme është i ndikuar politikisht dhe se do t’i drejtohen Gjykatës Kushtetuese.

Kështu kanë thënë sot në një konferencë për media zëdhënësi i Partisë Demokratike të Kosovës, Faton Abdullahu dhe avokati, Faton Fetahu.

“Të dyja këto gjykata kanë qenë të një mendimi se kjo rritje është bërë edhe në kundërshtim me ligjin edhe në kundërshtim me përpjekjen tashmë të munguar – që qytetari i Kosovës të mbrohet nga shtrenjtimi i energjisë elektrike. Ne e kundërshtojmë ashpër këtë vendim të Gjykatës Supreme duke e konsideruar atë si vendim të ndikuar politikisht nga Qeveria aktuale. Gjykata Supreme duket se ka qenë e prirur nga interesa të tjera klanore, karieriste dhe posaçërisht politike.”, ka thënë Abdullahu.

Sipas zëdhënësit të PDK-së, po të mos ishte kështu e ndikuar, do të vendoste ashtu sikundër do ta udhëzonin normat dhe ligjet në fuqi dhe ashtu siç kanë vendosur tashmë Gjykata Themelore dhe Gjykata e Apelit.

“Në kohën kur çmimet e artikujve bazik janë rritur papërballueshëm dhe ato vazhdojnë të mos kenë të ndalur në rritje. Në kohën kur inflacioni po rritet ashtu si kurrë më parë në këto vitet e fundit, muajin e fundit që lamë, pra në maj, inflacioni është 12.5 %. Në kohën kur një pjesë e madhe e qytetarëve të Kosovës sidomos të rinjtë mendojnë më seriozisht se kurrë që në mundësinë e parë ta lënë Kosovën për të këkruar punë jashtë vendit, vendimi i Gjykatës supreme është vendim i padrejtë për nga mungesa e sensit për të kuptuar se si jeton qytetari i Kosovës, për nga mungesa e profesionalizmit, profesionalizëm ky që bije viktimë e politikës arrogante që mendon se drejtësia në politikë e qeveri është mbi drejtësinë në Gjykata”, ka thënë Abdullahu.

Më tej, ai ka shtuar se Partia Demokratike e Kosovës do ta vazhdojë angazhimin e saj rreth kësaj teme.

“Ne do të gjejmë forma të mundshme juridike për ta kundërshtuar këtë vendim të padrejtë.”, ka përfunduar Abdullahu.

Ndërkaq, në anën tjetër, avokati Faton Fetahu ka thënë se ky është një vendim i padëgjuar në vendimmarrjet gjyqësore të sistemit të Kosovës.

“Është kusht që Gjykata Supreme ti vlerësoj tri kushte para një vendimi dhe këtë nuk e ka bërë. Një prej këtyre kushteve është vlerësimi se a është ai vendim në dëm të interesit qytetar. Prandaj, Gjykata nuk e ka bërë punën e saj në pajtim me ligjin, duke rënë ndesh me disa parime të Gjykatës Kushtetuese. Gjykata Supreme, me keqardhje e them, duket se e kishte të gatshëm këtë vendim.”, ka thënë avokati Fetahu.

Më tej, ai ka njoftuar se Partia Demokratike e Kosovës tani do ta dërgoj këtë vendim për interpretim në Gjykatën Kushtetuese të Kosovës.

“Tashmë, i autorizuar nga PDK-ja, unë kam filluar procesin e shqyrtimit të këtij vendimi dhe të njëjtin do ta dërgoj në Gjykatën Kushtetuese brenda dy javëve të ardhshme.”, ka përfunduar Fetahu.

The post PDK do t’a çojë në Kushtetuese punën e shtrenjtimit të rrymës: Supremja u ndikua nga Qeveria appeared first on Prizreni Sot.

Shefi i Grupit Parlamentar të Partisë Demokratike të Kosovës, Abelard Tahiri, ka thënë sot në konferencë për media se pas një pune të madhe bashkë me ekipin e profesionistëve të PDK-së, është arritur një fitore e madhe për pezullimin e vendimit të padrejtë të ZRRE-së për shtrenjtimin 100 përqind të energjisë elektrike për qytetarët e Kosovës.

“Gjatë kësaj periudhe të krizës energjetike, kemi pasur një angazhim jashtëzakonisht të madh që ta argumentojmë para Gjykatës që vendimi i Qeverisë Kurti dhe ZRRE-së ishte i kundërligjshëm dhe i dëmshëm për qytetarët e Kosovës. Ky vendim i Gjykatës, dëshmon se kompetenca dhe dija triumfojnë ndaj  jo kompetencës dhe padijes”, ka theksuar Abelard Tahiri.

Deputeti i PDK-së, Ferat Shala, njëherësh kryetar i Komisionit Parlamentar për Ekonomi, Tregti, Industri dhe Ndërmarrësi, tha se ky vendim i Gjykatës dëshmon se Qeveria ka marrë vendime shumë të dëmshme për qytetarët në kohën e krizës energjetike, andaj ai paralajmëroi se shumë shpejt do të themelohet Komisioni Hetimor Parlamentar ku do të zbardhen të gjitha keqpërdorimet e qeverisë me fondet publike në kohën e krizës energjetike.

“Vendimi i Gjykatës ka rilegjitimuar të gjitha kërkesat e Grupit Parlamentar të PDK-së për ndërhyrjet politike dhe pabarazinë në procesin e faturimit. Ky vendim I Gjykatës është argument shtesë për themelimin sa më parë të Komisionit Hetimor Parlamentar për ta hetuar gjithë keqmenaxhimin e qeverisë gjatë krizës energjetike”, tha Shala.

Anëtari i Kryesisë së PDK-së, Blerand Stavileci tha në konferencë se Qeveria e udhëhequr nga Albin Kurti nëpërmjet diktatit dhe presioneve në institucionet e pavarura po i detyron ato të marrin vendime të kundërligjshme dhe në dëm të qytetarëve.

 “Mbase qytetarët mund edhe t’ia falin Qeverisë koston e gabimeve si rezultat i jokompetencës dhe paaftësisë, por assesi nuk mund t’ia falin bakshishin për deformimin e skajshëm të vullnetit të tyre që të kenë furnizim të rregullt me energji dhe çmime të përballueshme”, tha Stavileci.

PDK, në cilësinë e Paditësit pranë Gjykatës Themelore në Prishtinë, më datë 18 mars 2022, ka dorëzuar Padinë për shfuqizimin e vendimit Nr. 077/22, të datës 16 shkurt 2022, të Zyrës së Rregullatorit të Energjisë, me të cilin ky institucion kishte aprovuar tarifat me pakicë të energjisë elektrike për konsumatorët me të drejtë të furnizimit me shërbim universal.

The post PDK: Arritëm ta pezullojmë vendimin e padrejtë të ZRRE-së për shtrenjtimin 100% të energjisë elektrike appeared first on Prizreni Sot.

Ky lajm u bë i ditur në një konferencë për media të mbajtur sot nga Partia Demokratike e Kosovës, dega në Prizren ku të pranishëm ishin të sapo aderuarit.

Kandidati për kryetar të Prizrenit, Shaqir Totaj së bashku me shefin e shtabit, Kujtim Gashi dhe përfaqësuesin e nëndegës së PDK-së nga lagjja “Bajram Curri”, Albrim Badallaj kanë prezantuar aderimin në PDK të 14 antarëve të kryesisë së VV-së të nëndegës “Bajram Curri”.

“Jam shumë i nderuar, i lumtur dhe falenderues ndaj këtij besimi të madh që po marr çdo ditë nga qytetarët e Prizrenit pa dallim partie. Prania këtu me neve sonte e anëtarëve të kryesisë së nëndegës së Lëvizjes Vetëvendosje në lagjen “Bajram Curri”, që tashmë janë anëtarët më të rinj të ekipit tonë fitues, është dëshmi e mbështetjes gjithnjë në rritje për vizionin tonë për Prizrenin zhvillimor. Është tashmë e qartë që programi dhe vizioni jonë ka depërtuar tek çdo lagje, familje e shtëpi të komunës së Prizrenit. Ne do të qeversim për qytetarët dhe bashkë me qytetarët” është shprehur Totaj në deklarimin e tij në këtë konferencë për media.

Aktivistëve të VV-së u ka uruar mirëseradhje në Partinë Demokratike të Kosovës edhe shefi i shtabit zgjedhor, Kujtim Gashi. Ai i ka falendëruar për besimin dhe mbështetjen duke ftuar edhe të tjerët që ta braktisin kryetarin në ikje dhe të dëshuar të Prizrenit.

Ish-kryetari i nëndegës së VV-së në lagjen “Bajram Curri”,  Qëndrim Kryeziu, ish-nënkryetari, Shkodran Kryeziu, ish-sekretari organizativ Visar Xhoxhaj dhe 11 ish-anëtarë të kryesisë së VV-së kanë falendëruar Kryetarin Totaj që e hapi derën dhe i mirëpriti.

Ata u shprehën të zhgënjyer me kryetarin në ikje të Prizrenit, i cili jo vetëm që nuk përmbushi asnjë premtim të tij, por ka degraduar qytetin dhe veçmas dështimi është i dukshëm në lagjen “Bajram Curri”. Ata janë shprehur optimist se me kryetarin e ardhshëm të Prizrenit, Shaqir Totaj, do të kthehen edhe punët e mira dhe investimet në lagjet e Prizrenit.

The post PDK: Komplet nëndega e VV-së në lagjen “Bajram Curri” del në mbështetje të Shaqir Totaj për kryetar të Prizrenit appeared first on Prizreni Sot.

Shprehja e përdorur e Haskukës në sallën plenare “rrugaçe” është fyese në rend të parë ndaj një kolegeje të Kuvendit Komunal, por mbi të gjitha e përdorur ndaj një kandidate femër e cila edhe në bazë të shumë monitorimeve të organizatave jo qeveritare është vlerësuar si kuvendarja më aktive.

Ne e dënojmë fuqishëm si subjekt politik këtë veprim sepse më së paku kjo duhet të jetë gjuha parlamentare e një kryetari i cili u lëshua në fyerja pas fjalimit të Balajt që po kritikonte komunën për anashkalimin nga investimet e rajonit të Hasit.

Arroganca, fyerjet dhe akuzat e një kryetari në ikje që është udhëhequr për katër vite nga një grup i ngushtë i njerëzve, flasin më shumë për karakterin e tij dhe mbi të gjitha frikën nga humbja që po e pret këto ditë. 

Ne jemi duke konsultuar edhe me ekspertët ligjorë për të ushtruar padi për fyerje dhe dëmtim të personalitetit publik të kuvendares tonë, Sherife Balaj.

Ftojmë edhe partitë e tjera politike, aktivistet gra e shoqërinë civile që ta dënojnë këtë gjuhë fyese të përdorur në sallën e Kuvendit Komunal.

The post PDK, dega Prizren: Shprehja “rrugaçe” e Kryetarit në ikje Haskuka ndaj kuvendares tonë është fyese dhe e papranueshme appeared first on Prizreni Sot.

Fillimisht para të rinjve ka folur Kujtim Gashi, i cili në pika të shkurtra e ka shpalosur programin, ku në mes tjerash ka thekuar se rifunksionalizimi i Qendrës Rinore është më se e nevojshme për të rinjtë e Prizrenit, sepse të rinjtë nuk kanë vend ku t’i shprehin brengat dhe idetë e tyre për të ardhmen e tyre. Por krahas funksionalizimit të kësaj qendre parashihet edhe krijimi i Fondit për të rinjtë, që do të jetë një arsye më shumë që të rinjtë t’i besojnë PDK-së.

Kandidati për Kryetar të Komunës Shaqir Totaj, i’u ka premtuar bashkëqeverisje të rinjve për ndryshimin e Prizrenit.  

 “Rinia rrezaton shpresë e vullnet për ndryshime. Nga përkrahja e fuqishme që mora sot nga ta, kuptova që të rinjtë e Prizrenit kanë motivin e gatishmërinë për ta ndryshuar udhëheqjen e keqe të Haskukës. Në bashkëbisedimin me të rinjtë, e ku na nderoi me prezencën e tij miku im, Enver Hoxhaj, u shpjegova se me mua në krye të Prizrenit, do të themelohet Fondi Rinor e do të rifunksionalizohet Qendra Rinore si hapa të domosdoshëm për përkrahjen e munguar ndaj tyre. Zotohem se në mandatin e ardhshëm do të fuqizojmë rininë duke u ofruar perspektivë e të ardhme në Prizren. Bashkë për Prizrenin e të gjithëve” ka thënë ai.

Enver Hoxhaj, më pas ka kërkuar nga të rinjtë e pranishëm, që të angazhohen më shumë që fitoren e PDK-së në Prizren ta bëjnë realitet, sepse me këtë program që ka PDK-ja për rininë, nuk e ka asnjë parti politike dhe në këtë mënyrë oferta e PDK-së është ofertë serioze, që duhet të proklamohet, sepse Prizreni nuk e meriton një qeverisje siç e ka pasur këto katër vite.

Të rinjtë pjesëmarrës, janë zotuar se do të jenë më të angazhuar, sepse siç u shprehën ata, shumë të rionjë  prizrenas po na afrohen pasi janë zhgënjyer nga modeli demagogjik i VV-së.

The post Shaqir Totaj takon të rinjtë, u premton bashkëqeverisje për ndryshimin e Prizrenit appeared first on Prizreni Sot.

Kryetari i ardhëm i Prizrenit z. Shaqir Totaj, së bashku me kandidatët  për Kuvendin e Prizrenit, sot kanë mbjellë disa fidanë në Marash, ku përmes këtij veprimi kanë dëshmuar përkushtimin e PDK-së për ambientet e hapura publike dhe për shëndetin e qytetarëve. “Marashi si vend më atraktiv për kalimin e kohës së lirë, në vend që të jetë ruajtur dhe të ishin vazhduar investimet, është bërë një vend jo i mirë për sy, sepse është degraduar. Ne këtë vend të bukur të qytetit do ta shndërrojmë në një park modern me standarde evropiane. Andaj, mbjellja e sotme e fidanëve nënkupton korrjen e suksesshme më 17 tetor, me fitoren e PDK-së, që do të jetë fitore për qytetarët e Prizrenit”-, ka shtuar mes të tjerave z. Totaj, kandidat për kryetar të Prizrenit.

Bashkë për Prizrenin

The post Mbjellja e sotme e fidanëve nënkupton korrjen e suksesshme me 17 Tetor, me fitoren e PDK-së appeared first on Prizreni Sot.

Në takimin me strukturat tona dhe qytetarë në Vlashnje dhe Kobaj morrëm përgjigjen më të mirë, mobilizim dhe vendosshmëri deri në fitore.

Pas takimit Totaj u shpreh: “Së bashku me Kujtim Gashin, bartës i listës sonë fituese dhe dy kandidatët tonë për asamble, Alban Bislimaj e Elona Hoxha, takuam strukturat tona në Kobaj e Vlashnjë. PDK është unike e po punon fortë për fitoren e 17 tetorit. Me vullnetin e strukturave e përkrahjen e qytetarëve do ta ndërtojmë bashkërisht Prizrenin. Sepse Prizreni meriton më mirë e më shumë se keq qeverisja në ikje e Haskukës. Bashkë për Prizrenin”

The post Të gjitha fshatrat e lagjet e Prizrenit tashmë kanë vendosur për fitoren e madhe të PDK-së appeared first on Prizreni Sot.

Postimi i plotë:

Pasdite me shumë takime në Has. Në Kushnin bashkëbiseduam me kryefamiljarë të cilët janë të vendosur për ta përkrahur ndryshimin e qeverisjes në Prizren.

Me 17 tetor, Partia Demokratike e Kosovës dhe kryetari Shaqir Totaj do të jenë ndryshimi i nevojshëm.

#BashkëPërPrizrenin #ShaqirTotaj #PDK177

The post Kujtim Gashi: Me 17 tetor, Partia Demokratike e Kosovës dhe kryetari Shaqir Totaj do të jenë ndryshimi i nevojshëm appeared first on Prizreni Sot.

Totaj në këto vizita u shpreh: “U mahnita nga puna plotë me bereqet e bujkut Haki Hasani, babait të dëshmorit Nazmi Hasani. Në vizitën që i bëra babait të dëshmorit Nazmi Hasani në fermën e tij në Randobravë ku kultivon trangujë dhe perime tjera, premtova që si kryetar fermerët e Prizrenit do ta kenë përkrahjen e pakursyer të komunës.

Fermerët janë krenaria e Prizrenit. Historia e fermës së Aqif Hajredinit është histori e suksesit përkundër veshtirësive të mëdha. U zotova që si kryetar i ardhshëm i Prizrenit do t’i përkrah fermerët vazhdimisht.

Në mungesë të investimeve në projektet e trajtimit të ujërave të zeza, e vizituam fermerin në Piranë, Afrim Elshani i cili është goditë kohë më parë nga një fatkeqësi por që nuk është mbështetur fare nga komuna. Me PDK-në në udhëheqje, blegtoria e Prizrenit do të ndihmohet shpejt dhe drejpërdrejt.”

The post Kandidati i PDK-së, Shaqir Totaj viziton fermerët e braktisur nga Komuna e Prizrenit appeared first on Prizreni Sot.

Postimi i plotë:

U mahnita nga puna plotë me bereqet e fermerit Haki Hasani. Në vizitën që i bëra babait të dëshmorit Nazmi Hasani në fermën e tij në Randobravë ku kultivon trangujë dhe perime tjera, premtova që si kryetar fermerët e Prizrenit do ta kenë përkrahjen e pakursyer të komunës.

Fermerët e Prizrenit janë punëtorë e të zotë e nën udhëheqjen time, ata do ta kenë afër komunën dhe mbështetjen. Bashkë për Prizrenin #PDK

The post Shaqir Totaj: Fermerët do ta kenë përkrahjen e Komunës appeared first on Prizreni Sot.

Vetëvendosja në krye me Z. Haskuka kanë ardhur në pushtet duke proklamuar ndryshimin dhe po vazhdojnë të fokusojnë gjithë daljet e tyre publike dhe fushatën në emër të ndryshimit, ndryshimi në Prizren është fakt që ka ndodhur, por NDRYSHIM NEGATIV; degradim, dështim dhe dëmtim i imazhit të qytetit tonë historik, mbi të gjitha dhe mohim i shfrytëzimit të afër 30 milion EURO-ve të komunës që i’u takojnë qytetarëve të Prizrenit.

Prizreni në këtë verë të vitit 2021, në fund të mandatit të Kryetarit e Qeverisjes Lokale të dështuar, është i mbuluar nga mbeturinat, shumë projektet kapitale të filluara para më shumë se 4 vitesh nga PDK-ja janë akoma të pambaruara, rrugët janë në gjendje skandaloze, lagje të ndryshme në qytet kanë probleme me ujë e kanalizim e shumë problematika me nepotizëm e korrupsion e karakterizojnë qytetin e Prizrenit – e “qershia mbi tortë” janë paratë e tepruara në komunë, thuase qyteti është duke lulëzuar e nuk i duhen investime, paratë e Prizrenit kthehen në Prishtinë!

Keqqeverisja e Haskukës, mungesa e kapaciteteve menaxhuese financiare e Kryetarit dhe stafit të tij dhe jofleksibiliteti që i karakterizon duke qenë jobashkëpunues me opozitën; ka sjell gjendjen alarmante financiare, duke mos ditur të shfrytëzohen kapacitetet financiare që i posedon komuna.

Kësaj qeverisjeje lokale të lajthitur po i vjen fundi, në Tetor 2021 qytetarët e Prizrenit duhet të ndëshkojnë degraduesin dhe ekipën e tij duke e dërguar në shtëpi, pasiqë Prizreni dhe qytetarët e këtij qyteti meritojnë qeverisje të dinjitetshme, transparente dhe efikase.  

The post PDK: Shkatërrimi i Prizrenit në emër të “NDRYSHIMIT” appeared first on Prizreni Sot.

Z.Shaqir Totaj, Kryetar i PDK-së në Prizren sot në një konferencë për media, tek vendi i ngjarjes aty ku ka ndodhur tragjedia e vdekjes e të miturës Xhenetës në vitin 2016, ka folur për mos interesimin e Qeverisjes Lokale për rregullimin dhe restaurimin e këtij objekti. Para 4 vitesh ky objekt ka qenë në këtë gjendje, sot është njësoj, por sot protestat nuk ekzistojnë më, apo duhet të përsëriten tragjeditë që VV-ja të reagoj përsëri.

VV-ja në vitin 2016 ka akuzuar në mënyrat më të rënda qeverisjen e atëhershme për tragjedinë e ndodhur, ka premtuar se me ta në pushtet këto gjëra do të parandalohen dhe do të zgjidhen, por realiteti po tregon ndryshe. Objekti në fotografitë e paraqitura dhe në prapavijë të konferencës duket akoma njësoj si në vitin 2016!

Rregullimi i këtij objekti duhet të shtyhet para nga Qeverisja Lokale pasiqë është objekt me rrezikshmëri të lartë për qytetarët e Prizrenit dhe kemi rrezikun permanent për rrënim dhe humbje jete. Për më tepër tashmë Qeverisja Lokale dhe ajo Qendrorja janë të së njejtës parti, kanë ngritur kauzë e kanë ftuar protesta në vitin 2016, por sot asnjë lëvizje për restaurimin e këtij objekti!

Z.Shaqir Totaj ka ftuar institucionet relevante që të marrin masa të menjëhershme dhe të parandalohet të ndodh tragjedi për të dytën herë.

Qeverisja Lokale në Prizren ka qëndruar në heshtje, për pothuajse 4 vite në pushtet, për këtë çështje sa të ndjeshme poashtu dhe të dhimbshme e të rrezikshme për qytetarët.

The post Çfarë po ndodh në Rr.Marin Barleti? appeared first on Prizreni Sot.

Ne, përfaqësuesit e Forumit Rinor të Partisë Demokratike të Kosovës, jemi duke ngritur zërin sot, për të mos u ndalur çdo ditë, deri kur ky objekt, pra biblioteka e qytetit të Prizrenit, do të jetë i përfunduar dhe i gatshëm për shfrytëzim nga të gjithë të rinjët e qytetit, studentët e Universitetit të Prizrenit dhe qytetarët që e duan leximin.

Prizreni është qytet i kulturës dhe qytet Universitar, mungesa e bibliotekës në qytetin tonë, është turp për imazhin e qytetit, fatkeqësi për rininë dhe e dhimbshme për dashamirët e librit dhe leximit.

Ne, si Forum Rinor i PDK-së, do të jemi zë i pashterrshëm i nevojave të rinisë së qytetit. Biblioteka është nevojë esenciale, të cilën kërkojmë të realizohet sa më shpejtë, duke qenë se është projekt i cili ka filluar 5 vite më parë. Rinia e Prizrenit nuk është e asnjë partie politike.

Biblioteka nuk është kauzë dhe projekt i luftrave politike. Është projekt që i duhet rinisë, ku rinia e shkolluar është pjesa më e rëndësishme për një shoqëri të emancipuar dhe të zhvilluar.

Qeverisja e Lëvizjes Vetvendosje, është duke lënë anash projekte të cilat kanë ndikim kolateral në të ardhmen e vendit tonë. Keqmenaxhimi i projekteve të rëndësishme, ose thënë më mirë, mos menaxhimi i tyre, po na e ul kualitetin e jetës sonë studentore dhe jetës sonë në përgjithësi, si qytetarë të Prizrenit dhe si e ardhmja e këtij qyteti.

Projekti i bibliotekës ka filluar në vitin 2016 nga qeverisja lokale e PDK-së, është premtuar se do të përfundohet nga VV-ja gjatë fushatës elektorale, ndërsa sot pas 4 vitesh ne akoma nuk kemi ku të lexojmë dhe të mësojmë.

Ne, Rinia Demokratike e Kosovës, zotohemi se do të punojmë fuqishëm që ky projekt të përfundoi dhe të realizohet sa më shpejtë, do të jemi zëri i të rinjëve që kanë kërkesë esenciale për nevojat e tyre studentore dhe për lexim rekreativ, përfundimin e projektit të bibliotekës së qytetit.

Këtë projekt në mos deri në fund të mandatit të qeverisjes së VV-së që gjithsesi e dimë se nuk do mbaroi, në mandatin e ardhshëm pas zgjedhjeve të tetorit, do ta shtyejmë përpara me PDK-në në pushtet, ata që dhe e kanë nisur këtë projekt të rëndësishëm për ne, për qytetarët dhe për imazhin e përgjithshëm të qytetit tonë.

Mos pyesni pse rinia nuk lexon, por pyesni pse qeverisja lokale e VV-së në Prizren, nuk po i’a mundëson e nuk po i’a krijon kushtet e leximit dhe mësimit rinisë së qytetit tonë!

The post Rinia e PDK-së në Prizren: Projekt i dështuar i bibliotekës së qytetit të Prizrenit! appeared first on Prizreni Sot.

Projekti i inicuar nga PDK-ja në vitin 2016, për ndërtimin dhe funksionalizimin e Shtëpisë së Pleqve, si një nevojë esenciale për qytetarët e Prizrenit, edhe pas 5 vitesh, akoma nuk është funksionalizuar.

Shtëpia e Pleqve si një ndër premtimet elektorale të VV-së gjatë fushatës parazgjedhore, projekt i papërfunduar si shumica e projekteve të premtuara, është ndërtuar por ka mbetur e pafunksionalizuar. Akoma më e pakuptimtë është arsyeja e mos funksionalizimit, pasiqë nuk paska pasur koordinim mes qeverisjes lokale dhe asaj qëndrore, përkundër faktit se qeverisja qëndrore udhëhiqet nga VV.

Paradoksale por e vërtetë, VV-ja nuk janë të gatshëm dhe të aftë të gjejnë rrugë bashkëpunuese dhe bashkëvepruese as mes vete!

Ne si opozitë jemi të shqetësuar për keqmenaxhimin, mos veprimet adekuate në situata konkrete, uljen e kualitetit të jetës së qytetarëve tanë për këto 4 vite dhe mbi të gjitha jemi të shqetësuar për menaxhimin jo serioz që i bëhet financave të qytetit tonë, duke pasur suficit buxhetor vit pas viti e duke mos përfunduar projektet kapitale, të cilat janë të një rëndësie të veçantë për qytetin e Prizrenit dhe qytetarët e saj.

The post Shtëpia e Pleqve, domosdoshmëri për qytetarët, e anashkaluar nga Qeverisja Lokale appeared first on Prizreni Sot.

Dje në ditën ndërkombëtare të fëmijëve, pamjet e servirura nga lidhja zingjirore pushtetare Kryeministër-Ministër dhe Kryetar të dështuar, dolën pa pikë turpi duke kapitalizuar projektet e PDK-së, të filluara qysh në vitin 2015.

Sqarim për qytetarët e Prizrenit se projekti i çerdhes ‘’11 Marsi’’ bashkë me projektin e çerdhes ‘’Bajram Curri’’ kanë filluar para marrjes së mandatit të VV-së dhe Haskukës.

Në projektligjin e buxhetit për vitin 2017, janë ndarë mjete nga buxheti i shtetit dhe pjesa tjetër nga IPA-2, ku kostoja finale ka qenë 1 milion e 800 mijë euro për ndërtimin e kopshteve, çerdheve publike në Prizren, për të cilën është arritur edhe një memorandum bashkëpunimi mes Ministrisë së Arsimit dhe Komunës së Prizrenit në atë kohë të udhëhequr nga PDK.

Të dyja këto projekte kanë filluar së realizuari gjatë mandatit 2014-2018 të PDK-së, që i bie se përveç kapitalizimit të këtyre projekteve të PDK-së, z. Haskuka krejt çka ka premtuar për ndërtimin e çerdheve, kujdesin e shtuar ndaj edukimit të hershëm, janë vetëm premtime fushatash e asgjë tjetër më shumë.

Nëse z. Haskuka me eprorin e tij do të kishte vetëm një pikë ndërgjegjje, dje duhet të kërkonte falje të gjithë qytetarëve të Prizrenit, e në veçanti fëmijëve për dështimet e tij dhe mos realizimin e asnjë premtimi, e në veçanti ato të çerdheve publike, për të cilat kishte premtuar me shumë pompozitet se gjatë mandatit 4 vjeçar do të ndërtoj 4 çerdhe publike të fëmijëve, që do të kenë kosto të përballueshme për qytetarët.

Edhe tani në përfundim të mandatit ky mbetet vetëm një premtim, që u keqpërdor besimi i tyre politik, duke manipuluar qytetarët për të drejtën e tyre për edukimin e hershëm të fëmijëve të tyre, e drejtë fundamentale që i takon secilit fëmijë në një vend normal e demokratik.

Hipokrizia juaj, mungesa e kapaciteteve profesionale, skandalet e qeverisjes suaj, dështimet dhe shkatërrimin që i bëre qytetit, nuk mund të fshihesh pas prerjes së disa shiritave.

Qytetarët jo vetëm që e dijnë, por tanimë e kanë konstatuar se projektet e mira për Prizrenin, gjithmonë kanë filluar dhe janë realizuar nga qeverisja e PDK-së, si në nivelin lokal po ashtu edhe në atë qendror.

The post PDK-ja në Prizren: Projekti i çerdhes ‘’11 Marsi’’ bashkë me projektin e çerdhes ‘’Bajram Curri’’ kanë filluar para marrjes së mandatit të VV-së dhe Haskukës appeared first on Prizreni Sot.

Hartat zonale të Prizrenit 2021:

Gjatë analizës së hartave zonale kemi hasur në shumë mangësi sa i përket strategjisë së zgjerimit të qytetit nëpër zonat e reja sidomos shtrirjes së qytetit me banim individual. Dendësia, përmbajtja e zonave, sipërfaqja e ndërtimit të tokës në përdhesë, rregullat e ndërtimit mbrenda këtyre zonave si dhe shumë detale tjera i bëjnë këto harta shumë problematike dhe të pazbatueshme. T’i shiqojmë në detale:

Dendësia

Strategji e padiskutueshme sot në të gjitha vendet e zhvilluara është që dendësia e banorëve është më ekologjike dhe më ekonomike sesa shtrirja e pafund e qyteteve. Fakti që Prizreni ka qenë historikisht qytet shumë i dendur, sot këto harta nuk e dëshmojnë një gjë të tillë.

Në kundërshtim me këtë trend, zona e banimit në këto harta është 14 herë më e madhe sesa Prizreni i vitit 1954. Kjo rritje marramendëse e qytetit është pa kurrfarë baze studimore dhe tejet jorealiste.

Nëse do të bëhej planifikimi i duhur, Prizrenit do t’i liroheshin mbi 650 hektarë tokë e cila mund të ishte ruajtur si tokë bujqësore, hapësirë e gjelbërt dhe hapësira të mjaftueshme për sport dhe rekreacion etj.

% e okupimit të tokës në përdhesë

Këto harta zonale janë trajtuar pa asnjë kriter ngase 95% e sipërfaqeve ndërtuese në përdhesë është vetëm 40% si në banimin individual ashtu edhe në atë të përzier dhe këtë përqindje e kanë vazhduar në të gjitha zonat.

Prizreni i sotshëm kalon në ilegalitet

Aktualisht, zonat kryesore të Prizrenit kanë koeficient ndërtimi 60-85%, kurse hartat propozojnë që i tërë qyteti të kaloj në koeficientin 40% që i bie automatikisht që të gjitha ndërtimet janë jashtë ligjit. P.sh nëse keni parcellë me shtëpi që okupon 60% të tokës momentalisht, nëse kërkoni leje të re, e drejta juaj e ndërtimit bien në 40%. Pra prona juaj humb automatikisht 20% të vlerës ndërtimore.

Përmbajtja e zonave

Përmbajtja e zonave është e gabuar. Pesë zona të banimit-individual, të mesëm dhe kolektiv kanë mundur të ndahen në 3 zona (Ndërtime të larta, ndërtime të mesme dhe ndërtime të ulta).

Shpërndarja e zonave

Shpërndarja e zonave është arbitrare dhe jo e arsyetuar. Në disa akse me trafik të dendur dhe me pozitë atraktive komerciale është e pakuptueshme insistimi në zonë banimi të ulët?!

E pakuptueshme pse banimi është ndarë në 10 nënzona? Ku qëndron dallimi në mes të zonës së veçantë të mbrojtur dhe zonës së banimit të mbrojtur?

Rregulloret për zona:

Detalet e rregullimeve mbrenda zonave janë shumë të diskutueshme e shpeshherë të paaplikueshme.

Këto harta zonale janë të gabuara në thelb. Duhet të rishqyrtohen rishtazi me strategji të re bashkëkohore dhe në vijë me zhvillimet dhe trendet e pranuara të urbanizmit. Këto harta nuk kanë marrë asnjë strategji të mirëfilltë. Këto nuk janë as adaptime të planeve sipas gjendjes ekzistuese. Këto harta do të jenë burim i konflikteve në 20 vitet e ardhshme.

Si përfundim do të duhej të ndryshohen kater aspekte:

1. Përmbajtja e zonave.

2. Organizimi i zonave në qytet.

3. Dendësia e zonave si dhe koeficienti i shfrytëzimit të përdhesës të ndryshohen.

4. Rregulloret mbrenda zonave të rimendohen.

1) Pyes drejtorin e urbanizmit zotin Kizolli dhe kryetarin e komunës zotin Haskuka se a e kanë të qartë se qfarë projekti madhorë janë hartat zonale?

2) Cila ka qenë ekipa nga komuna e Prizrenit, të cilët e kanë monituruar hartimin e hartave zonale (duke e ditur se drejtoria e urbanizmit nuk ka kapacitete për mbikqyrjen e projekteve të tilla)?

3) Cila ka qenë ekspertiza e tyre?

4) Dëgjova në konferencë për shtyp që e mbajtët ju z.Haskuka me drejtorin e urbanizmit që keni mbajtur 13 diskutime publike për 5 vite sa kanë zgjatur hartat zonale. A e dini që 13 diskutime publike për një projekt madhorë të qytetit të Prizrenit janë shumë pak sepse pas planit hapësinor të Kosovës është plani i dytë më i rëndësishëm për komunat e Kosovës, apo këto diskutime kanë qenë sa për sy e faqe?

Lus të gjithë arkitektët- urbanistët, shoqërinë civile, të gjthë ata të cilët i’a dëshirojnë të mirën qytetit, urgjentisht të reagojnë në këtë propozim-projekt sepse këto harta zonale nuk janë për të mirën e qytetit por për interesa të klanit Haskuka dhe grupeve të interesit te tij.

Zona Historike e Prizrenit

Zona historike dita-ditës po na degradohet. Qyteti i vjetër po shkatërrohet para syve të pushtetarëve, për kundër reagimit të vazhdueshëm të IMMK-së ( Instituti për Mbrojten e Monumenteve të Kulturës), zyrtarët përgjegjës, inspektoriati i ndërtimit ose nuk vepron fare ose vepron me shumë vonesë që efekti është minimal për të mos thënë krejt pa efekt.

Partia Demokratike kërkon urgjentisht nga pushteti aktual që sa me parë të vë në kontroll këtë pjesë të qytetit, pjesë e cila mbrohet me ligj të veçantë që fatkeqësisht ky ligj ka mbetur në letër. Ky ligj na obligon që sa më parë të bëhen projekte detale, siç është projekti në rrugën Marin Barleti, që për çudi ka disa vite që është hartuar si projekt por implementimi i tij po vonon.

Ne mendojmë që është momenti i fundit që të ndahen fonde dhe të fillohet me renovimin, rekonstruimin dhe rivilitarizimin e objekteve monument, le të ruhet zona historike që Prizrenit t’i kthehet panorama e bukur dhe historia arkitektonike- kulturore e saj.

Drejtoria për katastër dhe gjeodezi

Ka kohë që kjo zyrë është uzurpuar nga drejtoresha e ardhur nga Prishtina sikurse Prizreni të mos kishte ekspertë të kësaj lëmie dhe sot kjo zyrë në vend që të ishte në shërbim të qytetarëve, ajo është barikaduar nga drejtoresha të cilën na e solli kryetari Haskuka. Sinqerisht është për të të ardhur keq sesi ka mundësi një institucion siç është komuna, që ligjerisht duhet të jetë në shërbim të qytetarëve, të kthehet në një zyrë jotransparente dhe është izoluar për shërbime të cilët kanë nevojë qytetarët e Prizrenit.

Të dashur qytetarë të Prizrenit, ne e dijmë se edhe ju jeni mërzitur nga ky pushtet mospërfillës i kërkesave të juaja, ngriteni zërin e juaj qytetarë dhe thuani stop degradimit urban të qytetit të juaj.

The post PDK: Degradimi urban i Prizrenit appeared first on Prizreni Sot.

Telegrafi nga burime brenda Partisë Demokratike të Kosovës ka siguruar emrat e 19 deputetëve të kësaj partie.

Enver Hoxhaj

Uran Ismajli

Bedri Hamza

Mërgim Lushtaku

Memli Krasniqi

Elmi Recica

Ferat Shala

Ardian Kastrati

Xhavit Haliti

Bekim Haxhiu

Hajdar Beqa

Eliza Hoxha

Abelard Tahiri

Fadil Nura

Ganimete Musliu

Blerta Deliu

Ariana Shoshi Musliu

Adelina Granica

Floretë Zejnullahu.

The post Këta janë 19 deputetë e PDK-së në Kuvendin e Kosovës appeared first on Prizreni Sot.

Komisioni Qendror i Zgjedhjeve ka publikuar formularët me rezultatet për kandidatët për deputet të subjekteve politike në vend.

Tashmë janë publikuar edhe emrat e 20 më të votuarve nga këto zgjedhje, derisa vazhdon rinumërimi për qindra vendvotime dhe mbetet të dalin edhe rezultatet e votave të diasporës dhe atyre me kusht.

Kandidati për kryeministër nga radhët e PDK-së, Enver Hoxhaj është më i votuari me mbi 75 mijë vota.

Lista e 20 kandidatëve më të votuarit të PDK-së:

1.Enver Hoxhaj 76092

2.Uran Ismaili 20193

3.Bedri Hamza 17163

4.Memli Krasniqi 11700

5.Mërgim Lushtaku 11545

6.Elmi Reçica 11542

7.Ferat Shala 11444

8.Ardian Kastrati 9927

9.Hajdar Beqa 7620

10.Xhavit Haliti 7536

11.Eliza Hoxha 7392

12.Rashit Qalaj 7273

13.Abelard Tahiri 7185

14.Bekim Haxhiu 7181

15.Hisen Berisha 7139

16.Blerta Deliu 6608

17.Ganimete Musliu 6429

18.Ariana Musliu 6064

19.Adelina Grainca 5915

20.Kosovare Murseli 4973

The post Këta janë 20 më të votuarit e PDK-së në zgjedhjet e 14 shkurtit appeared first on Prizreni Sot.

Nëse trendi i votave mbetet i njëjtë, grupi parlamentar i PDK-së për këtë legjislaturë do të përbehet nga: Enver Hoxhaj, Uran Ismaili, Bedri Hamza, Memli Krasniqi, Elmi Reçica, Mërgim Lushtaku, Ferat Shala, Ardian Kastrati, Rashit Qalaj, Hajdar Beqa, Petrit Hajdari, Abelard Tahiri, Bekim Haxhiu, Eliza Hoxha, Blerta Deliu Kodra, Ganimete Musliu, Adelina Grainca, Ariana Musliu Shoshi dhe Floreta Zejnullhu.

PDK’ja mori rreth 17.41% të votave, e që përkthyer në deputetë i bie t’i ketë marrë 20 ulëse në Kuvend.

Ndërkohë, Lidhja Demokratike e Kosovës ka siguruar 15 ulëse në Kuvend.

Express merr vesh emrat e 15 deputetëve të LDK-së që kanë siguruar vende në Kuvendin e Kosovës.
Në krye të listës (pa votat e diaspores) është Avdullah Hoti, Kujtim Shala, Lumir Abdixhiku, Anton Quni, Armend Zemaj, Ekrem Hyseni, Agim Veliu, Hykmete Bajrami, Arben Gashi, Marigona Geci, Besian Mustafa, Lirije Kajtazi, Vlora Dumoshi, Valentina Bunjaku Rexhepi dhe Behgjet Pacolli.

Kandidatët për deputet më të votuar nga LDK’ja është Kujtim Shala dhe Lumir Abdixhiku që kanë marrë nga 25 mijë vota, ndërsa Anton Quni 12mijë vota.
Në Qendrën e Numërimit dhe Rezultateve është duke u proceduar me futjen e të dhënave nga formularët e rezultateve të subjekteve politike dhe kandidatëve, të cilat janë plotësuar në vendvotime nga anëtarët e këshillave të vendvotimit në ditën e zgjedhjeve pas numërimit të fletëvotimeve.

The post Kandidatët e PDK-së dhe LDK-së që kanë siguruar ulëse në Kuvend appeared first on Prizreni Sot.

Bora që ka ra dje dhe sot, ka bllokuar disa fshatra siç janë: fshatrat e Zhupës, Hasit, Vërrinit, por në gjendje jo të mirë janë edhe rrugët e qytetit. Deri në hapjen e kutive për votim, në rrugët e qytetit e aq më pak në rrugët e fshatrave, nuk është parë asnjë borëpastruese. Mosangazhimi i kompanive përgjegjëse për pastrimin e rrugëve as në këtë ditë të shënuar për Kosovën, dëshmon për papërgjegjësinë e pushtetit lokal, të udhëhequr nga Lëvizja Vetëvendosje dhe Kryetari i Komunës z.Mytaher Haskuka. Rrugët në këtë gjendje jo të mirë, i’a pamundësojnë qytetarëve të komunës, për ta shfrytëzuar të drejtën e tyre dhe për t’i zgjedhur të preferuarit e tyre.

Partia Demokratike e Kosovës Dega në Prizren, i bashkëngjitet shqetësimit të qytetarëve, për këtë mosgatishmëri të pushtetit lokal dhe i bën thirrje organeve kompetente të komunës, që ta kryejnë obligimin e tyre ndaj qytetarëve, për pastrimin dhe mirëmbajtjen e rrugëve, të paktën në ditën e zgjedhjeve.

The post PDK: NË DITËN E ZGJEDHJEVE NË KOMUNËN E PRIZRENIT SHUMË RRUGË TË BLLOKUARA appeared first on Prizreni Sot.

1 ENVER HOXHAJ

2 URAN ISMAILI

3 ELIZA HOXHA

4 BEDRI HAMZA

5 MEMLI KRASNIQI

6 EVGJENI THAÇI-DRAGUSHA

7 XHAVIT HALITI

8 BAJRUSH XHEMAILI

9 BLERTA DELIU-KODRA

10 ABELARD TAHIRI

11 MËRGIM LUSHTAKU

12 GANIMETE MUSLIU

13 RASHIT ÇALAJ

14 FERAT SHALA

15 ARIANA MUSLIU-SHOSHI

16 RAMIZ KELMENDI

17 ELMI REÇICA

18 BESA ISMAILI-AHMETI

19 SYLEJMAN ÇERKEZI

20 NEZIR ÇOÇAJ

21 VALDETE IDRIZI

22 KUJTIM GASHI

23 KURTAN KAJTAZI

24 LULJETA VESELAJ-GUTAJ

25 RAMË VATAJ

26 RRUSTEM MUSA

27 MEXHIDE MJAKU-TOPALLI

28 HAJDAR BEQA

29 ILIR TAHIRI

30 KRISTINA GASHI-BYTYQI

31 FATON ABDULLAHU

32 ARDIAN KASTRATI

33 FLORETË ZEJNULLAHU

34 ISAK SHABANI

35 SEJDI HOXHA

36 XHEVAHIRE IZMAKU

37 ILIR KURTISHI

38 MENDUH ABAZI

39 DONJETA BYTYQI

40 IMRI ILAZI

41 ARBEN FETOSHI

42 ALBINA LLESHI

43 HYZER RIZANI

44 RRAHMAN JAKUPI

45 GRESË BARALIU

46 GËZIM KRASNIQI

47 SKENDER UKAJ

48 BESA BUÇINCA

49 VALON GRABOVCI

50 FADIL NURA

51 VESA BROJA

52 ISA HAJDARI

53 HISEN BERISHA

54 HYRIJE XHEMAJLAJ-THAQI

55 FADIL BEKA

56 BESIM HALIMI

57 AGIME ROSHAJ

58 ARBEN GECAJ

59 ASLLAN BAJRAMI

60 SHQIPE ZOGU

61 QAZIM QESKA

62 SABEDIN VISHI

63 KOSOVARE MURSELI

64 NAIM MUSLIU

65 KADRI KRYEZIU

66 ARTA NALLBANI

67 SADIK HALITJAHA

68 ISA HAJRIZI

69 SAFETE MALIQI-QORMEMETI

70 PETRIT HAJDARI

71 ARGJENT TASHOLLI

72 JONA ARIFI

73 ABDYL BAJRAMI

74 MEVLEDIN MAZREKU

75 DIANA SHEHU-DEVAJA

76 BETIM ELEZAJ

77 FITIM SELIMI

78 PRANVERA MEROVCI

79 ARBEN DAUTAJ

80 HEVZI XHELILI

81 JETMIRE SKERAJ

82 MUSLI GUCATI

83 BUJAR KUKLECI

84 RAJMONDA KRASNIQI

85 HAKI MORINA

86 MUHAMET GUBETINI

87 FLUTRA HOTI

88 VETON FIRZI

89 FATMIR DUGOLLI

90 LUMTURIJE BYTYQI-HASANI

91 RUZHDI KURTISHAJ

92 KASTRIOT KRASNIQI

93 FLORIDA BAJRAKATRI

94 SHABAN KASTRATI

95 IBRAHIM CEKA

96 MIHANE KODRA-BEKTESHI

97 SEVDI DERNJANI

98 ALI STUBLLA

99 ADELINA GRAINCA

100 BUJAR CAKOLLI

101 FLORIM KRYEZIU

102 ZIJUSH AHMETI

103 SAMI HOXHA

104 AVDULLAH MUSLIU

105 GANI NEZIRI

106 GARIP SAHITI

107 GAZMEND BYTYQI

108 LULZIM ABAZI

109 BEKIM HAXHIU

110 DONJET BISLIMI

The post PDK publikon listën e plotë të kandidatëve për deputetë appeared first on Prizreni Sot.

Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, kanë mbajtur sot një konferencë për media.

Gjatë kësaj konference, nënkryetari i PDK-së, Shaqir Totaj, ka kritikuar Komunën e Prizrenit për të gjithë procesin në lidhje me vendosjen e shtatores së Gjergj Kastriotit Skënderbeut.

Totaj ka thënë se duke filluar nga vlera artistike e shtatores e deri te lokacioni ku komuna ka vendosur shtatoren e Skënderbeut, janë jo të denja për heroin tonë kombëtar.

“E para, lokacioni i përzgjedhur nuk është i denjë për vendosjen e shtatores së Skenderbeut. Ai është i izoluar dhe shumë hapësirë e fshehur e qytetit. E dyta, për shkak të trafikut të dendur në atë rrethrrotullim ku është vebdosur shtatorja, shumë lehtë mund të shkaktohen aksidente dhe rrezikohet jeta e vizitorëve të mundshëm. E treta, dega e PDK-së në Prizren përmes asambleistëve të saj në fazën e parë, para së të merret vendimi, ka tërhequr vëmendjen për lokacionin jo adekuat dhe ka kërkuar lokacion tjetër më të përshtatshëm por që është injoruar nga kryetari Mytaher Haskuka.”, ka thënë Totaj.

Nnëkryetari Totaj ka shtuar se pushteti lokal i Vetëvendosjes me kokëfortësinë e vet, duke injoruar tërësisht sugjerimet dhe rekomandimet nga qytetarët dhe opozita, po tregohet mospërfillëse edhe ndaj figurave të tilla të historisë kombëtare sikur që është Skënderbeu.

“Madje kryetari Mytaher Haskuka u përpoq një ditë më herët nëpër studio televizive ta largoj përgjegjësinë nga vetja duke gënjyer publikisht se ai nuk ka qenë shumë në rrjedha për shtatoren sepse për pamjen e tij finale është përkujdesur një shoqatë e komuna ka caktuar veç lokacionin. Keqqeverisja perveç pothuajse të gjitha fushave tjera ku ka dështuar, shkon aq larg sa që tallet edhe me vet figurën e Skenderbeut e rrejedhimisht edhe me historinë e ndritshme kombëtare simbol i të cilës është vet Gjergj Kastrioti.”, ka shtuar ai.

Totaj ka bërë të ditur se PDK në Prizren do të filloj me mbledhjen e nënshkrimeve për një seancë te jashtëzakonshme të Asamblesë Komunale ku do të kërkohet rimodelim i shtatores se Skenderbeut dhe ndryshimin e lokacionit, sepse figura e tij meriton lokacionin më të mirë të qytetit.

Eliza Hoxha: “Përjetimi kryesor do të jetë nga makinat në lëvizje. Trajtimi i tillë i hapësirës urbane nuk prodhon asgjë më shumë se sa momente monumentaliteti për konsum ditor dhe konsum politik.

Ndërkohë, deputetja e Kuvendit të Kosovës nga radhët e PDK-së, Eliza Hoxha, ka thënë se veprat e artit publik zakonisht janë produkt i relacioneve të pushtetit, relacioneve shoqërore, identitare të përmbledhura në reflektimin e kujtesës kolektive brenda strukturës hapësinore urbane.

“Si të tilla, këto projekte duhet të kalojnë nëpërmes një debati publik jo vetëm në raport me vet monumentin por edhe me vet lokacionin ku do të vendoset ajo. Andaj, për të pasur besimin e qytetarëve, arti publik duhet të synojë të përsosurën në aspektin e reprezentimit.”, ka thënë Hoxha.

Sipas deputetes Hoxha, vendosja e Skenderbeut në një rreth rrotullim, i pamundëson qytetarit prizrenas të jetë pranë tij, ta përjetojë atë pa zhurmë akustike dhe vizuale për shkak të kontekstit të dhënë.

“Përjetimi kryesor do të jetë nga makinat në lëvizje. Trajtimi i tillë i hapësirës urbane nuk prodhon asgjë më shumë se sa momente monumentaliteti për konsum ditor dhe konsum politik. Casjet të tilla si këto kanë krijuar vazhdimisht hapësira monumentale të cilat nuk i ndjejmë si pjesë të jetës sonë të përditshme dhe i vizitojmë sa për të thënë e për të bërë një foto në ditën e caktuar.”, ka shtuar deputetja Hoxha.

Deputetja Hoxha ka thënë se e kaluara duhet të bashkjetojë me ne dhe si e tillë të formësoj përditë krenarinë tonë kolektive për veten dhe identitetin tonë. Sipas saj, është e turpshme dhe e dhimbshme se si e kaluara jonë dhe akterët kryesor të saj vijnë të formësuar e portretizuar përpara syve tanë.

“Arti nuk ka me të njofshëm. Arti është dicka që përjetohet nga të gjithë dhe qytetarët nuk janë naiv sa pushteti komunal i Vetëvendosjes mund t’i cilësoj. Përmendorja e Skenderbeut e shpalosur para nesh është fyrje për vet ‘figurën e Skenderbeut por edhe për Prizrenin.”, ka thënë më tej Hoxha.

Në fund, Eliza Hoxha ka thënë se memorialet dhe përmendoret e këtilla do të duhej të na mbushnin plot jetë e frymëzim për shkak të idealeve të larta dhe jetën e dhënë për liri dhe si të tilla ato janë jeta vet.

The post PDK kritikon vendosjen e shtatores së Skenderbeut appeared first on Prizreni Sot.

Në njërën anë, kur tashmë çdo ditë po flitet për masa të reja e mbyllje nga infektimi, qeverisja e degraduar e Prizrenit, planifikon dekorim të qytetit, që në fakt është dëshmia e radhës për keqmenaxhim të parasë së qytetarëve.

Në kohën kur gjithnjë e më shumë raportohet për shtim të rasteve me të infektuar dhe të vdekur, ndërsa shumë familje janë në gjendje të rëndë ekonomike për shkak të situatës së krijuar dhe kur shumë dasma e gëzime nuk janë mbajtur apo janë shtyrë, shtrohet pyetja se kush do të mendojë për ndonjë atmosferë në qytet, aq më tepër për të shpenzuar një shumë kaq të lartë të buxhetit për dekor.

Në vend se të mendohet për përballimin e situatës, që po rëndohet edhe në Komunën e Prizrenit, qeverisja e Vetëvendosjes, nuk mendon për prioritete që nxjerr situata, por mendon vetëm si t’i harxhojë paratë.

PDK, i’a kujton kryetarit Haskuka dhe axhami-qeverisjes së Prizrenit, se kjo është kohë për të shpëtuar jetë dhe asesi nuk ka luks, që paratë të shpenzohen për argëtim.

Shpallja e tenderit për dekorim, ndërkohë që mijëra familje po mendojnë si ta kalojnë këtë dimër të veçantë shkaku i papunësisë së krijuar dhe kur qindra nxënës e studentë nuk janë në gjendje t’i ndjekin mësimet përmes internetit shkaku i mungesës së kushteve dhe pajisjeve teknologjike, përbën edhe një paradoks në Prizren.

Për këtë PDK kërkon që mjetet për dekorimet e Vitit të Ri, të përdoren për të ndihmuar familjet me asistencë sociale dhe për të siguruar laptopë për nxënës e studentë, që nuk kanë kushte për t’i ndjekur mësimet cilësore. Konsiderojmë se një sasi duhet mbajtur rezervë, për mbështetjen e njerëzve të prekur më shumë nga humbja e të ardhurave, papunësia dhe falimentimi.

Nëse Haskuka nuk do ta pranojë propozimin tonë, atëherë ekziston dyshimi se bëhet fjalë për interes biznesi në dekorimin e Prizrenit.

The post PDK: Dekorimi i qytetit i panevojshëm por edhe provokative në këtë situatë të izolimit pandemik appeared first on Prizreni Sot.

Konsiderojmë që kjo pamje dhe ky veprim i paraqitur aty, është politizim i investimit publik, i cili realizohet me taksat e qytetarëve të Komunës së Prizrenit, pa dallime politike.

Kjo shkon edhe më keq, për shkak se investimi në fjalë, është i destinuar t’i shërbej fëmijëve, andaj veprime të tilla tendencioze dhe politike, janë abuzim me investimin publik dhe me vet dinjitetin e fëmijëve.

The post PDK: Politizim i investimit publik, madje duke e shtrembëruar edhe gjuhën tonë shqipe appeared first on Prizreni Sot.

Sipas një komunikate të lëshuar nga PDK-ja, kapiteni i skuadrës KB Bashkimi, Qëndrim Biraj, trajneri i basketbollit Edon Godeni, profesoresha, Dardane Bojaxhiu, profesori Bujar Spahiu, mjekët Tyran Kosova, Artan Elshani e Halil Xhibexhiu; arkitekti Liridon Krasniqi, magjistri i IT, Ermal Ahmetaj dhe shumë biznesmen, gjeodetë, tifozë të “Arpagjikëve” e të rinjë entuziastë janë bërë pjesë e vizionit të PDK-së për Prizrenin.

Këto aderime të elitës sportive, kulturore, edukative dhe profesionale të Prizrenit, kanë tërhequr vëmendjen dhe kujdesin e kryetarit të Partisë Demokratike të Kosovës, Kadri Veseli, i cili mori pjesë në këtë aktivitet të rëndësishëm.

Ai tha se këto aderime në PDK janë dëshmia më e mirë se kjo parti është në rrugën e mirë të ndryshimit dhe tashmë po merr edhe më shumë besimin e qytetarëve për ta drejtuar vendin.

“Jam shumë krenar, që sot, 60 profesionistë të sferave të ndryshme po i bashkoheni Partisë Demokratike të Kosovës. Kështu, ju na ndihmoni ne, i ndihmoni Prizrenit, i ndihmoni Kosovës.”, ka thënë kryetari Veseli.

“Prizreni është qëndra kulturore dhe historike e vendit tonë. Prandaj, aderimi i juaj sonte këtu është i një rëndësie të vecantë sepse vetëm kështu, me ju, si profesionistë të dëshmuar, do ta ndryshojmë Prizrenin dhe Kosovën në të njëjtën kohë. Kemi shumë punë për të bërë së bashku dhe ju falënderoj secilin prej jush për besimin dhe angazhimin tuaj.”, ka thënë kryetari Veseli.

Kryetari Veseli u bëri thirrje të gjithë të aderuarve që të mos kursejnë asgjë për ndërtimin e Prizrenti dhe Kosovës sepse tani është koha kur më së shumti vendi ka nevojë për punë, për dallim prej të tjerëve që mëtojnë të shkatërrojnë të gjitha të arriturat e 21 viteve që janë bërë në Kosovë.

Kryetari i Degës së PDK-së në Prizren dhe nënkryetari i PDK-së, Shaqir Totaj, tha se aderimi i këtyre profesionsitëve është dëshmira më e mirë që PDK-ja është motorri i zhvillimeve pozitive në vend.

“Këta profesionistë të lëmive të ndryshme, po e begatojnë dhe fuqizojnë edhe ofertën tonë, por edhe po i japin profesionalizmin që ka nevojë ndryshimi i madh në Prizren.”, ka thënë Totaj.

Vetëm gjatë muajit tetor, Partisë Demokratike të Kosovës në nivel vendi i janë shtuar qindra të rinj, profesionistë dhe persona të dëshmuar në sfera të ndryshme, si adresa kryesore për të sjellë ndryshimin e dëshiruar në Kosovë. Aderimet në PDK-në e Prizrenit, por edhe në komunat tjera, do të vazhdojnë edhe gjatë ditëve në vijim.

​

The post Profesionistë të fushave të ndryshme aderojnë në Degën e PDK-së në Prizren appeared first on Prizreni Sot.