Në trajnim kanë marrë pjesë 25 profesionistë shëndetësorë, mjekë-e dhe infermierë-e, nga repartet Emergjencë, Psikiatri, Pediatri, Neonatologji dhe Gjinekologji-Obstetrikë.

Trajnimi është inspektuar edhe nga menaxhmenti i spitalit, i cili ka shprehur përkushtimin dhe gatishmërinë për të ndihmuar të gjitha projektet dhe trajnimet që kanë për qëllim aftësimin e kuadrit shëndetësor dhe ngritjen e cilësisë së shërbimeve shëndetësore ndaj pacientëve.

Trajnimi është përcjellur edhe nga Znj. Nagihan Xërxa, menaxhere e projektit THTP, që është pjesë e implementimi të programit në Kosovë, që ka filluar në vitin 2018 dhe përfshin dy komuna: Prizrenin dhe Gjakovën, me mundësi zgjatjeje edhe në komuna tjera të Kosovës.

“Programi synon të përmirësojë qasjen në shërbimet shëndetësore të ndjeshme ndaj stresit dhe traumave për gratë dhe vajzat e prekura nga dhuna në baza gjinore dhe dhuna seksuale. Ky trajnim është i një rëndësie të veçantë edhe për faktin se ligjëratat dhe trajnimi është kryer nga trajnerët e spitalit, të cilët më parë janë trajnuar nga trajnerët e “Medica Gjakova” në tri tema: “Stresi dhe Trauma”, “Dhuna në baza Gjinore dhe Dhuna Seksuale”, “Vetëkujdesi”, – theksoi znj. Zërxa

Në fund të gjithë pjesmarrësit janë pajisur me certifikata për trajnimin e kryer.

The post Mbahet trajnimi ”Dhuna në baza gjinore dhe dhuna seksuale” appeared first on Prizreni Sot.

Të enjten, pjesë e lansimit të projektit ndërkombëtar për Edukimin Dual në Kosovë, i cili implementohet nga Oda e Prizrenit në bashkëpunim me shkollën “11 marsi“, “Loyola Gymnasium” dhe Oda e Zejtarëve të Koblenzit nga Gjermania dhe DKA-në, ishin drejtuesit më të lartë të komunës së Prizrenit, përfaqësues të institucioneve të ndryshme, ndërmarrës dhe nxënës.

Drejtuesit i Odës së Ndërmarrësve dhe Zejtarëve të Prizrenit, Afrim Tejeci, tha se kjo ngjarje ka rëndësi të madhe që nxënësit të aftësohen për tregun e punës në profile të ndryshme.

Kryetari i Prizrenit, Mytaher Haskuka, tha se ndihma më e madhe për vendin tonë është marrja e përvojave nga vendet e zhvilluara,  dhe se aktivitete të këtilla janë në shërbim edhe të ngritjes së kapaciteteve njerëzore të komunës sonë.

Ndërkaq, drejtoresha e përgjithshme e Agjencisë për Arsim dhe Aftësim Profesional dhe Arsim për të Rritur, Fikrije Zymberi, tha se kjo Agjenci i kushton rëndësi  të madhe edukimit dual, ndërsa kërkoi më shumë bashkëpunim dhe interesim pëer punësim të atyre që përfundojnë aftësimin profesional.

Përfaqësuesi i Odës Zejtare të Koblenzit, Emil Vasilev, pati sugjerime për ndërmarrësit e pranishëm, por në radhë të parë për nxënësitE aftësimi profesional përmes kësilloj aktiviteteve po shihet si mundësi e artë për të ardhmen e  të rinjve në tregun e punës, thotë nxënësi Endrit Elmazi.

Trajnimi do të mbahet për tre ditë rresht nga 4 instruktorë nga Gjermania dhe një nga Bullgaria./Tv Prizreni

The post Filloi trajnimi treditor në Prizren për aftësim të nxënësve për tregun e punës appeared first on Prizreni Sot.