Arrestohet një person në Rahovec, dyshohet se në gjendje të dehur e ka sulmuar fizikisht gruan e tij

Një person është arrestuar dje në fshatin Xërxë të Rahovecit pasi dyshohet se nën ndikimin e alkoolit e ka sulmuar fizikisht bashkëshorten e tij.

Viktima ka pranuar tretman mjekësor, ndërsa i dyshuari është dërguar në mbajtje.

“DHUNË NË FAMILJE/ Fsh. Xërxë, Rahovecë, 27.03.2023-16:50. Është arrestuar i dyshuari mashkull kosovar pasi që ai nën ndikim të alkoolit ka sulmuar fizikisht bashkëshorten e tij viktimën femër kosovare. Viktima ka pranuar tretman mjekësor. I dyshuari me vendim të prokurorit dërgohet në mbajtje.”