“Kjo situatë mundet fare lehtë të përmbyset duke parë qarkullimin e Omicron në Shtetet e tjera të Europës dhe në vendet tona fqinje në rajon. Ne duhet të jemi të përgatitur për çdo variant të mundshëm”, thotë Krasniqi.

“Ende janë studimet e para që flasin për to. Nuk ka saktësisht të informuara por këto janë disa karakteristika që duket se i ka fituar ky virus’, shton ai.

Por a ka SHSKUK kapacitete për tu përballur me një valë të mundshme të Omicron?

“Besoj që si Kosovë por edhe si shërbim spitalor ne kemi dëshmuar që mund të organizohemi dhe mund të mobilizohemi për tu përballur me valë të tilla të mundshme”, shpjegon Krasniqi për RTV Dukagjini.

“Në rast se veç përkeqësohet situata, sigurisht që mund të priten edhe masa të reja. Në fund të fundit ne të gjithë e kemi obligim që në radhë të parë ta ruajmë shëndetin e qytetarëve”, thotë Krasniqi.

“Tani për tani situatën e kemi të qetë. Është duke u monitoruar situata nga institucionet përkatëse të cilat e kanë për obligim të monitorojnë situatën dhe varësisht nga gjendja në të cilën do të futemi në ditët në vijim, Instituti i Shëndetit Publik, nëse do të ketë nevojë, do të rekomandojë masa të tjera. Tani për tani duhet të theksojmë nevojën për zbatimin e masave aktuale që janë në përputhje me situatën në të cilën jemi”, shpjegoi Krasniqi

The post Krasniqi: Nëse përkeqësohet situata me Covid-19 mund të priten masa të reja appeared first on Prizreni Sot.

E kjo situatë e qetë pandemike Krasniqi thotë se iu ka ofruar mundësi që tashmë fokusi i punës të kthehet edhe tek listat e gjata të pritjeve për operime të pacientëve në klinikat e QKUK-së.

Krasniqi ka deklaruar se tash e sa kohë trajtimi klinik i pacientëve me COVID-19 po bëhet vetëm në Klinikën Infektive dhe atë të Pulmologjisë, në këtë të fundit ai thotë se kryesisht trajtohen vetëm pacientët post-COVID.

Gjendje shumë e qetë konsiderohet të jetë edhe në spitalet e përgjithshme.

“Gjendja sa i përket rasteve me pacientë të shtrirë nëpër klinikat e QKUK-së dhe spitalet e përgjithshme është jashtëzakonisht stabile, kemi numër të vogël të pacientëve që janë të shtrirë në QKUK tani për tani kemi vetëm në dy klinika që janë duke u trajtuar në Klinikën Infektive dhe Pulmologji. Në fakt në Pulmologji tani të gjithë pacientët janë post-COVID të cilët pasi e kanë kaluar COVID-in për shkak të komplikimeve të ndryshme kryesisht në mushkëri. Ndërsa, në spitalet e përgjithshme kemi numër fare simbolik të pacientëve që janë duke u trajtuar”, tha ai.

Kreu i QKUK-së derisa shpreson që Kosova nuk do goditet edhe nga ndonjë valë tjetër e pandemisë, bënë thirrje për kujdes dhe respektim të masave anti-COVID që janë në fuqi.

“Është e vështirë të parashikohet gjëra se si do rrjedhim sidoqoftë ne jemi duke e përcjell situatën me vëmendje dhe institucionet përkatëse janë duke e përcjell situatën epidemiologjike. Ne jemi duke u marr me situatën klinike dhe jemi duke përcjell po ashtu rastet klinike që kanë nevojë për trajtim spitalor edhe në shtetet tjera dhe varësisht nga situata që do na paraqitet neve. Megjithatë shpresojmë që nuk do na paraqitet ndonjë valë tjetër e ardhshme për këtë arsye duhet të kemi kujdes ende sepse virusi është ende prezent dhe përkundër lirim të masave qytetarët në mënyrë individuale dhe kolektive duhet të jenë të vëmendshëm”, tha ai për kp.

Lidhur me listat e gjata të pritjeve për ndërhyrje kirurgjike por edhe për analiza të ndryshme, Krasniqi thotë se në këtë situatë ka ndikuar edhe pandemia. I pari i SHSKUK-së, Valbon Krasniqi deklaron se situata e qetë epidemiologjike në vend tashmë u ka krijuar mundësi që të adresohet ky problem.

Si shkaktar të krijimit të listave të gjata të pacientëve për të kryer ndonjë operim apo analiza ai rendit mungesën e sallave kirurgjike dhe mungesën e materialeve shpenzuese që kanë kosto të lartë.

“Listat e pritjeve nuk janë krijuar vetëm për shkak të pandemisë, por listat e pritjeve nëpër disa klinika të QKUK-së sidomos për intervenime kirurgjike janë të vjetëra disa klinika kanë lista të pritjes që nga viti 2017, 2018 e më tutje sigurisht që edhe pandemia ka përkeqësuar këtë situatë megjithatë ne këtë javë dhe këtë muaj që po e kalojmë të qetë nga COVID-19 jemi duke punuar jashtëzakonisht shumë në zvogëlimin e këtyre listave të pritjes. Megjithatë ne jemi të vetëdijshëm që këto lista të pritjes nuk mund të zvogëlohen në një periudhë të shkurtër por në një periudhë më të gjatë kohore sigurisht do vijë edhe deri tek eliminim i plotë i tyre…Në shumicën e tyre më shumë nevojitet hapësira të sallave kirurgjike dhe më tepër material shpenzues pasi disa nga to kushtojnë edhe shtrenjtë”, ka thënë Krasniqi.

The post Valbon Krasniqi: Situatë e qetë me Covid-19, shpresojmë që nuk paraqitet edhe një valë tjetër appeared first on Prizreni Sot.

Kështu bën të ditur  drejtori i Shërbimit Spitalor Klinik Universitar të Kosovës, Valbon Krasniqi i cili thotë se gjendja aktuale në aspektin klinik të pacientëve është e qetë dhe stabile.

Ai thotë se në të ardhmen duhet të mendohet për trajtimin e ndërlikimeve te pacientët që e kanë kaluar COVID-19.

“Si rezultat i zvogëlimit të rasteve të reja të të infektuarve nuk ka pasur fluks të pacientëve që kanë ardhur për t’u shtrirë në spitalet tona…03\13 Tani ne po ballafaqohemi gjithnjë e më shumë me kërkesa për shërbime spitalore për pacientët që kanë kaluar COVID-in dhe që kanë pasur komplikime ose ndërlikime sidomos në organet e mushkërive dhe nga një numër për shembull prej 65 pacientëve që i kemi sot të shtrirë në Klinikën e Pulmologjisë, 49 prej tyre i kemi negative sa i përket testin PCR për COVID. Por për shkak të gjendjes së përgjithshme vazhdojnë të qëndrojnë më tutje në Klinikën e Pulmologjisë ose janë liruar më herët por përsëri janë thyer. Duket që në të ardhmen duhet të mendohet edhe për shërbimet të ashtu quajtura për pacientët post-COVID në mënyrë që të mjekohen komplikimet ose ndërlikimet që kanë mundur të ndodhin tek këta pacientë“, tha ai.

Për lirim të masave antiCOVID drejtori i SHKSUK-së, Valbon Krasniqi thotë se këto masat janë në përputhje me situatën epidemiologjike.

“Masat duhet të jenë gjithmonë̈ në harmoni ose në përputhje me situatën epidemiologjike në të cilën kalojmë. Nëse në situata të rënduara kur kemi numër të madh të rasteve të infektuara dhe kur kemi stërngarkim të spitaleve me raste të spitalizuarve sigurisht që kërkojmë shtrëgnim të masave, dhe normalisht kur kemi situatë më të qetë edhe masat duhet të jenë në përputhje me këtë situatë“, theksoi Krasniqi.

Por ai kërkon respektim të masave në fuqi nga të gjitha palët.

Sipas Krasniqit ardhja e mërgatës nuk paraqet shumë rrezik për përhapje të infeksionit pasi tashmë edhe vendet ku ndodhet mërgata janë në proces të mbarë të vaksinimit antiCOVID.

“Tani ne jemi në një situatë tjetër jemi në proces të vaksinimit si Kosovës, ndërkohë që edhe shumica e shteteve të tjera në rajon dhe Evropë kanë ecur mirë me vaksinim dhe nëse i referohemi mërgimtarëve që mund të vijnë në Kosovë ata mund të paraqesin edhe në anën tjetër rrezik ta marrin infeksionin këtu dhe ta dërgojnë në vendin e tyre. Pra, nuk mund të shihen vetëm nga njëra anë. Me rendësi është që sidomos në shtetet ku ekziston popullata e mërgatës sonë tashmë ka ecur mjaftë mirë dhe po shpresojmë që pjesa më e madhe janë vaksinuar që të jemi më të mbrojtur…Edhe lirimi i masave që është paralajmëruar duhet të jetë i respektueshëm nga të gjithë edhe nga qytetarët individët, por edhe nga bizneset dhe organizatat biznesore që do rifillojnë punën. Nëse ka respektim të masave, nëse ka kujdes të shtuar nga të gjithë me siguri që ne mund ta mbajmë këtë situatë. Nëse kësaj i shtojmë edhe procesin e vaksinimit që është duke ndodhur dhe pritet të përshpejtohet në muajt në vijim atëherë mund të marrim frymë më lirshëm”, theksoi Krasniqi.

Për shkak të rënies së shifrave të të infektuarve me koronavirus tanimë janë mbyllur tri klinikat COVID, ajo Internistike, e Mjekimit Intensiv Qendror edhe ajo e Mjekimit Sportiv e cila ishte hapur enkas vetëm për shtrimin e pacientëve me COVID-19.

E për këtë objekt i cili është i mbyllur, Krasniqi thotë se 95 shtretërit e kësaj klinike do të vazhdojnë të jenë të gatshëm nëse do të ketë nevojë për shtim të kapaciteteve spitalore për pacientët e prekur me koronavirus.

“Ne ende jemi në pandemi me gjithë numrin e zvogëluar të rasteve që vërejmë këtë muaj, megjithatë virusi është ende prezent dhe nuk mund të lirohemi në tërësi dhe të themi se shkoi pandemia dhe nuk do të na duhen në të ardhmen këto kapacitet. Prandaj edhe projekti i Mjekësisë Sportive por edhe klinikat tjera të cilat janë shfrytëzuar për trajtimin e pacientëve ne e kemi në planin tonë të punës në mënyrë që nëse paraqitet nevoja ne duhet përsëri të zgjerojmë kapacitete. Pra, tani për tani do të qëndrojë ashtu ende nuk kanë përfunduar të gjitha punimet ai objekt ka qenë në ndërtim e sipër do të vazhdojnë punimet në pjesët e tjera të këtij objekti në mënyrë që të përfundojë në tërësi dhe nëse paraqitet nevoja ne përsëri do ta shfrytëzojmë për trajtimin e pacientëve”, tha Krasniqi.

Kosova ka nënshkruar kontratën me Pfizer dhe deri në fund të vitit pritet arrijnë e 1.2 milion doza të kësaj vaksine. Kurse deri në fund të vitit Kosova synon të vaksinoj 60 për qind të popullatës.

Ndërsa, tutje po vazhdon procesi i vaksinimit anit-COVID me vaksinat AstraZeneca të cilat janë dhuruar për qytetarët e Kosovës nga COVAX-i. Po nga kjo Aleanca gjatë kësaj jave janë pranuar edhe mbi 100 mijë vaksina Pfizer.

The post Lirimi i masave anti-covid, flet Valbon Krasniqi appeared first on Prizreni Sot.

Ai shton se mbi 80 për qind e pacientëve me COVID-19 të shtrirë në spitalet dhe klinikat e QKUK-së, po trajtohen me oksigjenoterapi.

Krasniqi, kërkon që të respektohen masat, siç është mbajtja e maskës, distanca fizike dhe higjiena personale. Sipas tij, nëse këto nuk japin rezultatin e vet, atëherë duhet të mendohet edhe për masa të tjera se si të ulet lakorja e të infektuarve.

Zoti Krasniqi, Kosova po shënon çdo ditë numër të lartë të rasteve të reja me COVID -19. Të mërkurën (31 mars) u shënuan katërmbëdhjetë viktima dhe 923 raste të reja me koronavirus. A është duke dalur jashtë kontrollit situata me pandeminë COVID-19?

Valbon Krasniqi: Në fakt, ky numër shënon numër rekord sa i përket rasteve të reja me të infektuar. Por, ne kemi më se tri javë si Kosovë që po shënojmë numër të madh të rasteve të reja të të infektuarve që po përcillet edhe me numër të madh të të hospitalizuarve. Kjo po tregon që masat nuk janë duke u respektuar dhe kjo po reflektohet në këtë numër të madh të rasteve të reja. Ne po bëjmë thirrje dhe po kërkojmë me ngulm që të respektohen masat që janë në fuqi, përndryshe, ky numër është jashtëzakonisht i madh dhe shumë shqetësues, kur kemi parasysh kapacitetet tona si sistem shëndetësor në përgjithësi.

Çfarë duhet të bëhet që të vihet nën kontroll përhapja e koronavirusit?

Valbon Krasniqi: Tash, bota dhe Kosova ka më shumë se një vit që po përballet me pandeminë COVID-19 dhe të gjithë ne e dimë që masat më të mira për parandalimin e përhapjes, janë ato që i kemi proklamuar tash e një vit: mbajtja e maskës, distanca fizike dhe higjiena personale.

Tani është fat që Kosova më në fund ka marrë dozat e para të vaksinës dhe ka filluar vaksinimi, fillimisht i punëtorëve shëndetësorë për të vazhduar pastaj me kategoritë sipas planit të vaksinimit, mirëpo derisa të bëhet vaksinimi i një mase të madhe të popullatës, ne duhet patjetër të respektojmë masat anti-COVID-19.

Jemi të vetëdijshëm që vaksinimi merr kohë dhe do të duhen disa muaj derisa të bëhet vaksinimi i një numri më të madh të qytetarëve tanë. Patjetër duhet ta ulim këtë lakore të të infektuarve, sepse tani seriozisht janë duke i rrezikuar kapacitet spitalore, të cilat janë buzë limitit.

Çfarë po ndikon në rritjen e numrit të rasteve me COVID-19?

Valbon Krasniqi: Çdo mosrespektim i masave do të reflektohet në rritjen e numrit të rasteve, grumbullimi në masë është faktor më i rëndësishëm në përhapjen e virusit. Pastaj mosmbajtja e maskës, mosmabjtja e distancës fizike, grumbullimet e çfarëdo natyre, duke filluar nga ato famijare deri te grumbullimi i lokaleve nëpër ambiente të ndryshme, rritë numrin e rasteve me COVID-19.

Nëse kapacitetet spitalore janë të stërngarkuara dhe numri i rasteve të reja është i lartë, a rekomandoni kufizimin e lëvizjes apo mbylljen?

Valbon Krasniqi: Sa i përket masave që kanë të bëjnë me shëndetin publik është IKSHPK-ja që të bëjë rekomandime. Ne si Shërbim Spitalor dhe Klinik Universitar i Kosovës, informojmë me kohë lidhur me kapacitetet tona dhe mundësitë tona. Një nga indikatorët ose treguesit më të mirë të situatës me pandeminë është edhe numri i të shtrirëve në spitale dhe numri i atyre që shënojnë forma të rënda të sëmundjes. Prandaj, duhet që të gjithë t’i marrin parasyshë këta faktorë, e para së gjithash faktorin e kapaciteteve spitalore, në mënyrë që të rekomandojnë masa të caktuara në përputhje me situatën në të cilën gjendemi.

Por, patjetër nevojitet respektimi i masave dhe nëse këto nuk japin rezultatin e vet, atëherë duhet të mendohet edhe për masa tjera se si ta ulim lakoren.

Edhe për sa pacientë ka kapacitete spitalore?

Valbon Krasniqi: Ne e kemi bërë të ditur që çdo pacient që shtrohet në spitalet e përgjithshme dhe në klinikat e QKUK-së që tash i kemi shndërruar për COVID-19, kushtimisht ja zë vendin një pacienti tjetër. Ne jemi të shtrënguar që për çdo pacient që ka nevojë për hospitalizim, të bëjmë shtretër dhe të krijojmë hapësira, në mënyrë që të marrin trajtimin e duhur, por në të njëjtën kohë, ne një mënyrë cenojmë shërbimet tjera.

Tash të shtatë spitalet nga dy tre reparte i kanë të mbushura me pacientët me COVID-19, ndërkohë që në QKUK pesë klinika janë duke trajtuar raste me COVID-19: Klinika Infektive si klinikë primare, Klinika e Sëmundjes të Mushkërive në Dermatologji, Qendra Sportive dhe tash edhe klinikat e bllokut internistik, ndërkohë që rastet më të rënda i trajtojmë nëpër repratet e kujdesit intensiv.

Vazhdimisht po raportohet se numri i pacientëve edhe në spitale po rritet. Po raportohet edhe nga vet familjarë për mungesën e medikamenteve, madje edhe të gjërave tjera elementare të mjekësisë. Çka po mungon në këto klinika, aty ku po trajtohen të infektuarit me COVID-19?

Valbon Krasniqi: Sa i përket situatës, është e rënduar në kuptim të numrit të madh të pacientëve që i kemi të shtrirë dhe po ashtu të gjendjes së rënduar të tyre. Pothuajse, mbi 80 për qind e të hospitalizuarve po kërkojnë oksigjenoterapi dhe janë në oksigjenoterapi të vazhdueshme. Sa i përket medikamenteve, tash e kemi stabilizuar furnizimin me medikamente në masë të madhe, e në veçanti ato që janë bazike dhe që janë në udhërrëfyesin e protokollit klinik. Pothuajse të gjitha barnat në përjashtim të Remdesivirit dhe të një apo dy antibiotikëve, të tjerat janë të disponueshme në klinikat dhe spitalet e QKUK-së. Keni parasysh se këta pacientë, në veçanti të moshuarit, përveç COVID-19, kanë edhe sëmundje tjera dhe marrin edhe terapi tjetër dhe sigurisht që ato që nuk janë në lista kanë nevojë që t’i blejnë. Por, barnat të cilat përdoren për mjekimin e COVID-19, i kemi të siguruara, përveç atyre përjashtimeve që ju thash.

Por, ka kritika që në dhomat e spitaleve mungojnë pajisjet. A ka problem me distribuim apo ku qëndron problemi?

Valbon Krasniqi: Unë mund të ju them që pajisjet e nevojshme ekzistojnë për pacinetët që trajtohen nga COVID-19, duke filluar nga ato më të domosdoshmet që përdoren në repartet e kujdesit intenziv siç janë ventilatorët apo respiratorët që i kemi në sasi të mjaftueshme, po ashtu, pajisjet tjera siç janë monitorët që përcjellin parametrat e pacientëve. Kemi në dispozicion oksigjen. Tani e kemi zgjedhur këtë problem me instalimin dhe shtrirjen e rrjetit të oksigjenit. Kemi rritur kapacitetet e shtertërve që janë të lidhur direkt me oksigjen, po ashtu edhe pajisjet tjera. Kemi rentgena mobil në të gjitha klinikat. Po ashtu bëhen analizat siç është edhe D- Dimer. Qëndrojmë jashtëzakonisht mirë sa i përket pajisjeve dhe kjo falë bashkëpunimit të mirë që kemi pasur me donatorët.

Kur pritet të fillojë vaksinimi i qytetarëve?

Valbon Krasniqi: Ne po presim që të vijnë edhe vaksinat tjera. Për informata më të sakta mund të kontaktoni Institutin Kombëtar të Shëndetësisë Publike dhe Ministrinë e Shëndetësisë. Por, ne do të donim që kjo të ndodh sa më parë që të jetë e mundur.

The post Valbon Krasniqi flet për arsyet e rritjes së rasteve dhe kapacitetet spitalore appeared first on Prizreni Sot.

Kapacitetet spitalore, pothuajse janë në limit.

Kështu thotë drejtori i përgjithshëm i Shërbimit Spitalor dhe Klinik Universitar të Kosovës, Valbon Krasniqi.

Ai shton se mbi 80 për qind e pacientëve me COVID-19 të shtrirë në spitalet dhe klinikat e QKUK-së, po trajtohen me oksigjenoterapi.

“Ne kemi më se tre javë si Kosovë që po shënojmë numër të madh të rasteve të reja të të infektuarëve që po përcillet edhe me numër të madh të të hospitalizuarëve. Kjo po tregon që masat nuk janë duke u respektuar dhe kjo po reflektohet në këtë numër të madh të rasteve të reja. Ne po bëjmë thirrje dhe po kërkojmë me ngulm që të respektohen masat që janë në fuqi, përndryshe, ky numër është jashtëzakonisht i madh dhe shumë shqetësues, kur kemi parasysh kapacitetet tona si sistem shëndetësor në përgjithësi, ka thënë ai.

Ai ka thënë se është fat që Kosova tashmë ka marrë dozat e para të vaksinës dhe ka filluar vaksinimin.

“Tani është fat që Kosova më në fund ka marrë dozat e para të vaksinës dhe ka filluar vaksinimi, fillimisht i punëtorëve shëndetësorë për të vazhduar pastaj me kategoritë sipas planit të vaksinimit, mirëpo derisa të bëhet vaksinimi i një mase të madhe të populates, ne duhet patjetër të respektojmë masat anti-COVID-19”, ka deklaruar ai për Radio Evropën e Lirë.

Krasniqi ka folur edhe për masat Anti-COVID, me çrast ka thënë se mosrespektimi i masave do të reflektohen në rritjen e numrit të rasteve të infektuara.

“ Sa i përket masave që kanë të bëjnë me shëndetin publik është ISHPK-ja që të bëjë rekomandime. Ne si Shërbim Spitalor dhe Klinik Universitar i Kosovës, informojmë me kohë lidhur me kapacitetet tona dhe mundësitë tona. Një nga indikatorët ose treguesit më të mirë të situatës me pandeminë është edhe numri i të shtrirëve në spital dhe numri i atyre që shënojnë forma të rënda të sëmundjes. Prandaj, duhet që të gjithë t’i marrin parasysh këta faktorë, e para së gjithash faktorin e kapaciteteve spitalore, në mënyrë që të rekomandojnë masa të caktuara në përputhje me situatën në të cilën gjendemi”, ka shtuar ai.

Tutje ai ka thënë se gjendja me pandeminë është rënduar dhe se pothuajse mbi 80 për qind e pacientëve të hospitalizuar po kërkojnë oksigjenoterapi.

“Sa i përket situatës është e rënduar në kuptim të numrit të madh të pacientëve që i kemi të shtrirë dhe po ashtu të gjendjes së rënduar të tyre. Pothuajse, mbi 80 për qind e të hospitalizuarëve po kërkojnë oksigjenoterapi dhe janë në oksigjenoterapi të vazhdueshme. Sa i përket medikamenteve tash e kemi stabilizuar furnizimin me medikamente në masë të madhe, e në veçanti ato që janë bazike dhe që janë në udhërrëfyesin e protokollit klinik. Pothuajse të gjitha barnat në përjashtim të REMDESIVIRIT dhe të një apo dy antibiotikëve, të tjerat janë të disponueshme në klinikat dhe spitalet e QKUK-së. Keni parasysh se këta pacientë, në veçanti të moshuarit, përveç COVID-19, kanë edhe sëmundje tjera dhe marrin edhe terapi tjetër dhe sigurisht që ato që nuk janë në lista kanë nevojë që t’i blejnë. Por, barnat të cilat përdoren për mjekimin e COVID-19, i kemi të siguruara, përveç atyre përjashtimeve që ju thashë”, ka shtuar ai.

The post Krasniqi: Situata me COVID-19 është e rënduar, mbi 80 për qind e pacientëve janë me oksigjen appeared first on Prizreni Sot.

Drejtori i ShSKUK-së, Valbon Krasniqi, ka deklaruar se sot është ditë e mbarë për Kosovën pasi vendi po i bashkëngjitet shteteve të tjera në luftën kundër Covid-19.

Ai ka thënë se vaksina është e sigurt dhe se çdo qytetarë duhet duhet të ndihet i sigurt për ta marrë atë.

“Deri më tani, bota ka pasur në përdorim vetëm metoda parandaluese ato që edhe ne i kemi përmendur dhe tani përmes vaksinimit po synohet që t’i jepet fund pandemisë. Unë kam një mesazh të qartë që virusi është ende prezent. Vaksina është e sigurt dhe çdo qytetarë duhet të ndihet i sigurt për ta marrë këtë vaksinë”, ka thënë ai.

Krasniqi ka kërkuar nga qytetarët që të respektojnë masat mbrojtëse. Ai ka thënë se jemi në një fazë të rëndë të pandemisë.

“Ju lutem respektoni masat. Jemi në një fazë të rëndë me virusin, sot kemi mbi 900 pacientë që janë të shtrirë. Duhet patjetër të respektohen masat”, tha Krasniqi.

Krasniqi tha se edhe pse punëtorët shëndetësor janë lodhur, ata nuk e kanë ndërmend të dorëzohen.

“Është e vërtetë që punëtorët shëndetësor janë të lodhur por nuk do të dorëzohen asnjëherë. Nuk dorëzohemi para këtij virusi megjithatë lusim qytetarët që të na ndihmojnë sado pak në respektimin e masave në mënyrë që t’ua bëjmë më të lehtë punën e punëtorëve shëndetësor”, ka shtuar ai.

The post Krasniqi: Mbi 900 pacientë janë të hospitalizuar, qytetarët të ndihen të sigurtë në marrjen e vaksinës appeared first on Prizreni Sot.

Gjatë takimit të Komitetit për menaxhim të pandemisë së koronavirusit, Krasniqi ka thënë se vetëm gjatë tre javëve të fundit, ka pasur rritje prej 66 për qind të pacientëve që janë hospitalizuar. Ai ka njoftuar se aktualisht janë 798 pacientë të shtrirë në klinikat rajonale dhe në ato të Qendrës Klinike Universitare të Kosovës.

“Nëse vazhdon ky trend i rritjes e të hospitalizuarve, mbase brenda muajit mars do të tejkalohen kapacitetet e planifikuara”, ka deklaruar ai.

Krasniqi u bëri thirrje Ministrisë së Shëndetësisë dhe ekzekutivit që të bëjnë planifikime për rritjen e numrit të shtretërve dhe kapaciteteve të tjera.

“Gjendemi para një situate ku shumë shpejt spitalet tona nuk do të mund të përballojnë fluksin e pacientëve që do të kërkojnë trajtim spitalor”, ka thënë mes tjerash ai.

Edhe ministri në detyrë i Shëndetësisë, Armend Zemaj ka thënë se nëse vazhdohet me mbingarkesën e spitaleve, do të ketë vështirësi të menaxhimit të rasteve klinike.

“Mbingarkesa që është tash në SHSKUK, për një kohë të shkurtër, nëse vazhdon kështu, do të jetë e papërballueshme dhe profesionistët shëndetësorë do të përballen me situata të vështira të menaxhimit të rasteve spitalore”, ka thënë Zemaj.

Ndërkaq, drejtori i Institutit Kombëtar të Shëndetësisë Publike të Kosovës, Naser Ramadani ka thënë se vetëm në dy javët e fundit ka pasur rritje të numrit të rasteve të reja për 27.6 për qind, duke shtuar se mesatarisht brenda një dite janë raportuar 619 infektime të reja dhe tetë të vdekur.

“Ne po shkojmë drejt një normaliteti të ri, por ky normalitet paraqet ndërrimin e sjelljeve tona për të mirë, për të mbajtur higjienën, distancën e maskën”, ka porositur Ramadani.

Të premten, më 19 mars, Kosova ka regjistruar numrin më të lartë të infektimeve ditore gjatë vitit 2021, përkatësisht 828 raste të reja.

Prej regjistrimit të rasteve të para me koronavirus në Kosovë, më 13 mars të vitit të kaluar, autoritetet shëndetësore kanë regjistruar 80.621 raste të infektimit.

Prej tyre 1.744 pacientë kanë vdekur./rel/

The post Krasniqi: Shumë shpejt spitalet nuk do ta përballojnë fluksin e pacientëve appeared first on Prizreni Sot.

Krasniqi theksoi se aktualisht rreth 800 pacientë me Covid-19 që janë të shtrirë në Spitalet Rajonale dhe në qendrat për Covid në QKUK.

“Tash e pothuajse tri javë, ShSKUK-ja është duke u ngarkuar me numër të madh të rasteve të hospitalizuar. Numri i të shtrirëve sot ka arritur në 800. Kemi saktësisht 798 pacientë që po marrin shërbime në spitalet rajonale dhe në qendrat Covid. Kjo i bjen që brenda 18 ditëve të muajit mars kemi rritje të hospitalizuarve pre 66%”, ka thënë Krasniqi.

Për sa i përket rritjes së rasteve të reja me koronavirus, Krasniqi theksoi se është mjaft shqetësuese për ta.

“Kjo rritje për neve në një periudhë kaq të shkurtër kohore për ne është mjaft shqetësuese. Nëse vazhdon ky trend i rritjes së të hospitalizuarve nënkupton që mbase brenda muajit mars do të tejkalohen kapacitetet e planifikuara. Ne si ShSKUK u bëjmë thirrje këtij Komitetit dhe Qeverisë që të rrisin kapacitetet në shtretër”, ka thënë më tutje Krasniqi.

“Ne nuk kemi spital rezervë e as të veçantë për Covid. Shifrat janë shqetësueses dhe nëse i kushtojmë një vëmendje të veçantë të dhënave që u paraqiten nga IKSHPK-ja i bie se 1/3 e qytetarëve që janë konfirmuar pozitiv janë të moshës mbi 50 vjeçare. Një pjesë e madhe e këtyre të infektuarve kanë mundësi që të sëmuren dhe të kërkojnë ndihmë mjekësore”, ka deklaruar shefi i ShSKUK-së.

The post Krasniqi: Me këtë trend të infektimeve gjatë muajit mars tejkalohen kapacitetet spitalore appeared first on Prizreni Sot.

Ai në mbledhjen e  e Komitetit për Koordinimin dhe Vlerësimin e situatës me Covid-19, shtoi se nëpër spitale  tani janë duke u trajtuar 573 pacientë.

Krasniqi ka kërkuar respektim të masave në mënyrë që të mos lihen anash edhe shërbimet e tjera.

“Nga mesi i javës së kaluar ne vërejmë rritje të pacientëve që kërkojnë spitalizim dhe kemi 573 pacientë të shtrirë në klinikat tona”.

“…ne kemi ndërmarr masa që i kemi paraparë në menaxhimin e pandemisë duke përmirësuar sistemin e furnizimit me oksigjen dhe duke destinuar klinikat dhe në të njëjtën kohë do të detyrohemi të trajtojmë pacientët me Covid dhe duke lënë anash shërbimet e tjera dhe për të mos vazhduar kjo ne duhet t’i shikojmë me ngul zbatimin e masave”.

Major Arbnesh Ajvazi, drejtor i Divizionit për Siguri Publike në Policinë e Kosovës, tha se nga fillimi i pandemisë kanë shqiptuar 142 mijë fletëparaqitje.

“Policia e Kosovës ka vazhduar prej fillimit të pandemisë në respektimin e Qeverisë së Kosovës duke hartuar edhe planin Covid dhe jemi duke kryer me përpikëri punën tonë”.

“Kemi shqiptuar 142 mijë fletëparaqitje. 1 529 policë kemi pasur të infektuar”.

Kurse Sazan Ibrahimi, kryetar i Asociacionit të Komunave të Kosovës, tha se situata me Covid-19 në nivelin lokal është e menaxhueshme.

“Gjitha komunat shtabet emergjente i kanë aktive dhe kanë takime të shpeshta dhe në kontaktet që i kemi pasur me kryetarët e komunave në nivelin lokal situata me Covid-19 është e menaxhueshme dhe kryetarët kërkojnë që mos të ketë ndryshim të masave”.

The post 573 pacientë me Covid-19 po trajtohen nëpër spitale – Krasniqi: Kemi lënë anash shërbimet e tjera appeared first on Prizreni Sot.

Krasniqi në Argument Plus gjithashtu tha se, kjo rritje ka qenë edhe e paralajmëruar nga ta pasi që javët e fundit nuk janë respektuar aspak masat.

Ndryshe si pasojë e rritjes së rasteve, Ministria e Shëndetësisë ka njoftuar se ka bërë rangimin e ri të komunave bazuar në rezultatet e IKSHPK-së, përkatësisht numrin e rasteve të reja të COVID-19 në 100.000 banorë në intervalin kohor prej shtatë ditësh.

Me katergorizimin e ri, në zonën e kuqe janë gjashtë komuna: Prishtina, Fushë Kosova, Obiliqi, Zveçani, Peja dhe Lipjani.

The post Valbon Krasniqi: Rritja e rasteve me Covid-19 ka qenë e pritshme appeared first on Prizreni Sot.

Megjithatë, Krasniqi thotë se tubimet që kanë mbajtur subjektet politike para dhe gjatë fushatës zgjedhore paraqesin rrezik potencial që të ndikohet në përhapjen e virusit.

Sa i përket variantit të ri të COVID-19, Krasniqi tha se tashmë në Kosovë janë vetëm tri raste të konfirmuara.

“Zyrtarisht deri tani kemi tri raste të variantit të ri në Kosovë, nga 30 mostra që janë dërguar më herët në Gjermani, ndërkohë që rastet e tjera të konfirmuara me variantit të ri të COVID-19 nuk kemi. Në përgjithësi viruset si COVID-19, njihen për ndryshimet që mund të pësojnë gjatë kalimit nga njerëzit te njerëzit dhe në përgjithësi në shumicën e rasteve këta virus mund edhe të dobësohen dhe të humbin virulencën (aftësia e virusit për të shkaktuar sëmundje). Është herët të thuhet nëse ka ndodhë një gjë e tillë, por këtyre ditëve ne nuk kemi parë ashpërsim të sëmundjes në raport me muajt paraprak”, ka thënë Krasniqi.

Krasniqi foli edhe për masat antiCOVID, duke shtuar se duhet të vazhdohet më vëmendje pasi që virusi është aktiv.

“Kosova ka kohë që është në mesin e vendeve me masat më të lira, në fakt pothuajse jemi duke jetuar sikurse të kemi një situatë normale, sidoqoftë ne duhet ta bëjmë thirrje që të kemi vëmendje kolektive dhe individuale për respektim të masave antiCOVID, ne ende e kemi prezent virusin në Kosovë, ende është virusi edhe në shtetet përreth dhe në Evropë është duke bërë dëme të mëdha. Prandaj, duhet të jemi të kujdesshëm dhe në asnjë moment të mos e shpërqendrojmë vëmendjen nga masat antiCOVID. Tani për tani përgjegjësia individuale duhet të jetë e lartë dhe po ashtu përgjegjësia kolektive”, potencoi ai për Telegrafin.

Për tubimet e subjekteve politike që kanë mbajtur para dhe gjatë fushatës zgjedhore, Krasniqi tha se ajo çfarë ka ndodhur në mjekësi njihet si ‘super shpërndarës të infeksionit’.

“Çdo mos respektim i masave antiCOVID bartë në vetë rrezikun për përhapjen në masë të madhe të virusit, dhe grumbullimi në masë të madhe. Ato çfarë kemi parë gjatë ditëve të kaluara në mjekësi njihen si super shpërndarës të infeksionit. Pra, ka rrezik potencial të ndikohet në përhapje më të madhe të virusit, tash mbetet të shihet ditët në vijim se si do të evoluojë më tutje pandemia”, theksoi ai.

The post Valbon Krasniqi: Tubimet e partive politike paraqesin rrezik në përhapjen e COVID-19 appeared first on Prizreni Sot.

Në takimin e Komitetit për Koordinim dhe Vlerësim të Situatës me COVID-19, Krasniqi tha se nga 1 janari deri më sot, numri i pacientëve në këto klinika dhe spitale sillet rreth 500.

“Situata paraqitet e menaxhueshme dhe nën kontroll. Nga 1 janari deri më sot numri i pacientëve në klinika COVID në QKUK dhe në spitalet rajonale sillet rreth 500. Sot më 22 shkurt janë të shtrirë 526 pacientë, prej tyre 370 me oksigjeno terapi, 21 në gjendje me të rëndë, 7 në respiratorë në gjendje më të rëndë dhe 24 ventilim mekanik”, ka treguar ai.

Krasniqi ka folur edhe për furnizimin me barna të cilat janë të nevojshme për pacientët me koronavirus, derisa ka thënë se kanë furnizim me barnat e nevojshme.

The post 21 pacientë më COVID-19 në gjendje të rëndë shëndetësore appeared first on Prizreni Sot.

Ai i pyetur për mundësinë e rritjes së numrit më të infektuar pas tubimeve që janë mbajtur gjatë fushatës zgjedhore, ka thënë se një gjë është vështirë të parashikohet, por ka thënë se  mosrespektimi i masave ka rritur numrin me të infektuar.

“Është e vështirë të parashikohet sa do të kemi rritje të numrit të rasteve të reja të infektuara, megjithatë pandemia na ka mësuar se çdo herë kur ka mosrespektim të masave dhe mund të pritet një numër i madh i të infektuarve sidomos grumbullimet e njerëzve në masë të madhe në mjekësi njihet si super shpërndarës i infeksionit ne po e përcjellim situatën epidemiologjike me vëmendje dhe varësisht nga situata që do të paraqitet ne do të kundër përgjigjemi. Sidoqoftë u bëjë thirrje qytetarëve që ti respektojnë masat anticovid në veçanti të vazhdojnë të bartin maska dhe të ruajnë higjienën”, shtoi Krasniqi.

Sipas tij, situata me pandeminë momentalisht është e menaxhueshme Ai tha se në të gjitha spitalet janë të shtrirë 485 pacientë, ku prej tyre 336 janë me oksigjenoterapi.

Krasniqi theksoi se 26 prej pacientëve janë në gjendje të rëndë shëndetësore.

“Aktualisht situata me pandeminë covid19 është e menaxhueshme dhe që nga fillimi i muajit janar ne kemi një situatë shumë më të favorshme nga aspekti epidemiologjik ku numri i rasteve të reja të infektuara ka arritur të stabilizohet rreth 300 në ditë ashtu edhe sa i përket aspektit klinik të të prekurve nga covid19. Aktualisht në spitalet tona kemi 485 pacientë të shtrirë në ditën e sotme prej tyre 336 janë me oksigejnoterapi ndërsa tek 26 paraqitet gjendja shumë e rëndë. pra numri it ë shtrirëve në klinikat tona është shtrirë rreth 500 ndonjëherë edhe më shumë ndonjëherë më pak”, shtoi Krasniqi.

Sipas tij, menaxhimi klinik i rasteve të prekura me covid19 konsiston në tri drejtime, sigurimin e shtretërve, sigurimin e stafit të nevojshëm mjekësor dhe sigurimin e barnave dhe materialit shpenzues.

Mes tjerash, Krasniqi shtoi se në QKUK klinika infektive, klinika e pulmologjisë dhe objekti i mjekësisë sportive është e para që trajton të prekurit nga covid19.

“Menaxhimi klinik i rasteve të prekura me covid19 konsiston në tri drejtime: në një sigurimin e shtretërve, sigurimin e stafit të nevojshëm mjekësor përfshirë mjekët dhe infermierët dhe sigurimin e barnave dhe materialit tjetër shpenzues përfshirë këtu edhe sigurimin e oksigjenit. Në këto tri fusha kemi siguruar përmisime të dukshme gjatë këtyre muajve. Në QKUK klinika infektive është klinika e parë primare që trajton të prekurit nga covid19, klinika e pulmologjisë dhe objekti i mjekësisë sportive. Në këto tri klinika kemi rreth 300 shtretër ndërkohë nëse paraqitet nevojë kemi hapur edhe klinikat e bllokut internistik. Sa i përket barnave dhe materialit tjetër shpenzues mjekësor poashtu kemi bërë përmisime të dukshme dhe të stabilizojmë furnizimin me shumicën e barnave që përdoren te trajtimi i pacientëve me përjashtim të rëndësisë që nuk e kemi në dispozicion ende por sa i përket oksigjenit kemi bërë përmisime të dukshme. Ndërsa sa i përket stafit mjekësor kemi numër të kufizuar të mjekëve specialistëve të anesteziologjisë, pulmologjisë”, shtoi ai.

Në muajin e kaluar në Kosovë janë identfikaur tri raste me varinaitn britanik te Covid-19, ndërsa Krasniqi ka thënë  se nga 30 mostrat e dërguara në gjermani nga IKSHPK-ja në bashkëpunim me ministrinë e Shëndetësisë, rezultuan tre të infektuar me variantin e ri britanik të cilët fatmirësisht tashmë janë shëruar.

“Nga 30 mostra të dërguara më herët në gjermani nga IKSHPK-ja në bashkëpunim me ministrinë e Shëndetësisë tri prej tyre rezultuan që kanë qenë të infektuar me variantin e ri britanik Sarscov2 dhe fatmirësisht tani më këta 3 pacientë janë shëruar. Ajo që duhet të dinë qytetarët është se pa marrë parasysh se cili variant dominon në rastet e infektuara s ai përket këtij virusi masat parandaluese janë të njëjta”.

Sa i përket vakisnës anti-Covid, ai ka thënë se institucionet janë duke punuar që sa më shpejtë ajo të arrijë në Kosovë.

“Vaksina vjen për qetarët e Kosovës. Ministria e shëndetësisë dhe IKSHPK janë në kontakt të përhershëm me prodhuesit e vaksinave dhe ne presim që vaksina të arrijë në Kosovë sa më shpejt që të jetë e mundur. Normalisht ndër kategoritë e para do të jenë punëtorët shëndetësor dhe personat e moshuar me sëmundje kronike”, tha ai.

The post A do të ketë rritje të rasteve me COVID-19, flet Valbon Krasniqi appeared first on Prizreni Sot.

Krasniqi nuk ka dashur të komentojë lehtësimin e masave kundër COVID-19 nga Qeveria në detyrë e Kosovë, por ka thënë se aktualisht situata me koronavirus është më e mirë sesa muajt e kaluar dhe se numri prej rreth 500 pacientëve të hospitalizuar është nën kontroll.

Ai ka folur për variantin e ri britanik si dhe për përgatitjet që kanë bërë për vaksinim.

 Zoti Krasniqi, si është gjendja në Kosovë sa i përket sëmundjes COVID -19 dhe sa po arrihet të menaxhohet situata epidemiologjike?

Valbon Krasniqi: Siç keni qenë të informuar në vazhdimësi, sidomos në muajt e fundit kemi një situatë më të qetë sa i përket situatës epidemiologjike të COVID-19 në Kosovë, përfshirë këtu edhe menaxhimin klinik të rasteve. Kur jemi të menaxhimi klinik i pacientëve të prekur nga COVID-19, në këto tri javët e fundit kemi pasur numër më të vogël të pacientëve të shtrirë, numri i tyre është sjellë diku rreth 480 deri në 530 pacientë të shtrirë nëpër të gjitha spitalet e përgjithshme dhe në QKUK.

Si rezultat i kësaj situate, më 5 janar kemi rikthyer të gjitha shërbimet specialistike nëpër ambulanca specialistike dhe po ashtu kemi rikthyer edhe operacionet në lëmi të caktuara dhe kemi vazhduar në rikthimin gradual të të gjitha shërbimeve.

A ka bërë që kjo situatë e qetë që po paraqiteni ju, që qeveria në detyrë të marrë masa lehtësuese kundër COVID-19?

Valbon Krasniqi: Në fakt, situatën e kemi më të mirë, më të favorshme sesa muajt e kaluar. Muajt nëntor -dhjetor ishin muaj të rëndë për sistemin tonë shëndetësor. Në javën e fundit të nëntorit, numri i pacientëve nëpër klinika tona kishte arritur deri në 1,010 edhe ky numër prej rreth 500 raste ende është i lartë, mirëpo është i menaxhueshëm dhe e kemi nën kontroll situatën.

Prisni që të ketë rritje të numrit të rasteve në javët në vijim?

Valbon Krasniqi: Ne po i përcjellim me vëmendje situatën epidemiologjike në nivel vendi dhe jo vetëm në vend, por edhe në shtetet përreth dhe më gjerë. Jemi dëshmitarë që në shumicën e shteteve janë duke përjetuar një valë të re të rasteve me numër të madh të të infektuarve.

Nëse marrim parasysh ngjarjet të cilat kanë ndodhur në vendin tonë, përfshirë edhe rikthimin e nxënësve në shkolla, më pastaj fushata e partive politike, tubimet në masë, ne mund të presim që mund të kemi më shumë raste të reja në javët në vazhdim. Sidoqoftë, ne do ta përcjellim me vëmendje këtë situatë dhe karshi çdo ngjarje të reagojmë me kohë.

Në Kosovë javë më parë janë paraqitur edhe rastet e para me variantin e ri britanik të koronavirusit. Deri më tani, sa është numri i të infektuarve në Kosovë me këtë variant?

Valbon Krasniqi: Varianti i ri është një virus që është krijuar si rezultat i ndryshimeve mutative, pra mutacioneve që pësojnë viruset. Këto viruse janë të njohur për këto ndryshime dhe nuk është e re diçka për shkencën mjekësore. Deri më tani, kemi tri raste të konfirmuara nga 30 mostra që janë dërguar në Gjermani, tri kanë ardhur me këtë varianti të ri. Është e vështirë të thuhet për numrin e mundshëm të rasteve me këtë varianti të ri, pasi Kosova dhe shumica e shteteve përreth, nuk kanë mundësi të bëjnë sekuencat gjenetike, pra të tipizojnë virusin. Por, ajo që është me rëndësi është se për të njëjtin virus, masat parandaluese janë të njëjta dhe trajtimi është i njëjtë.

A po vazhdon Kosova t’i dërgojë mostrat për analiza jashtë vendit për identifikimin e variantit të ri britanik?

Valbon Krasniqi: Për këtë është përgjegjësi e Institutit Kombëtar të Shëndetësisë Publike dhe Ministrisë së Shëndetësisë, por mund të them se në aspektin klinik, ne nuk kemi parë ndonjë rëndësi të veçantë për sa i përket tipizimit të këtij varianti.

Kosova tani ka filluar trajtimin e pacientëve me COVID -19 edhe me plazmë konvalescente. Si po vazhdon ky trajtim, a prisni rezultate të efektshme?

Valbon Krasniqi: Është duke shkuar shumë mirë. Edhe ne si Kosovë, si shëndetësi, duke përcjellë të arriturat në nivel shkencor kemi filluar të trajtojmë pacientët me plazmë konvalescente. Çka është kjo plazmë? Është plazma e personave të cilët e kanë kaluar COVID-19, dhe të cilët kanë arritur të krijojnë antitrupa.

Deri më tani nuk kemi parë ndonjë efekt të dëmshëm, por për efekte terapeutike të saja mbetet të shihet në vazhdim, pasi që është herët të thuhet konkretisht. Megjithatë, plazma konvalesente nuk është diçka e panjohur për ne, është përdorur edhe më herët tek infeksionet e tilla të ngjashme dhe ne presim që megjithatë të ketë ndikim pozitiv sa i përket trajtimit të rasteve.

Ka interesim të personave që kanë kaluar COVID-19 të dhurojnë plazmën konvalesente?

Valbon Krasniqi: Po, ka interesim. Është duke u punuar shumë në këtë drejtim, përfshirë edhe IKSHPK-në, janë listat e pacientëve të cilët kanë qenë të infektuar që janë shëruara nga COVID-19, ata qoftë thirren në mënyra vullnetare, qoftë paraqiten në mënyrë personale… Por, ju bëj thirrje të gjithë atyre që kanë kaluar COVID-19 dhe që ndihen të shëndetshëm, të paraqiten vullnetarisht, pasi që ai mund të jetë i dobishëm për pacientët e tjerë.

Kur pritet saktësisht ardhja e vaksinës në Kosovë, a keni informacione për këtë?

Valbon Krasniqi: Ashtu siç edhe ka njoftuar ministri në detyrë i Shëndetësisë, Armend Zemaj, vaksinat kundër koronavirusit do të arrijnë në Kosovë gjatë këtij muaji.

A janë bërë të gjitha përgatitjet, kushtet që në momentin kur të vjen vaksina të fillohet vaksinimi?

Valbon Krasniqi: Qeveria me kohë ka marrë masat, ka hartuar planin detal të vaksinimit, përfshirë grupet e para me të cilët do të fillohet vaksinimi, ka siguruar zinxhirin e ftoftë, të ashtuquajtur në mjekësi, pra aparaturën apo frigoriferët e nevojshëm për të ruajtur vaksinën në kushtet çfarë kërkohet, ka përcaktuar edhe ambientet spitalore dhe ambientet tjera ku do të bëhet vaksinimi dhe tani pritet vetëm ardhja e vaksinës.

Doktor, pasi të fillojë vaksinimi kur Kosova mund të kthehet në normalitet?

Valbon Krasniqi: Atë çka kemi mësuar tash e një vit, që nga fillimi i pandemisë me COVID-19, kemi mësuar që duhet të jemi të kujdesshëm me parashikimet sa i përket pandemisë COVID-19. Ende mbetet të shihet efekti i vaksinës në nivel global dhe ende mbetet të shihet dobësimi eventual i virusit sa ka qarkulluar në botë. Vështirë të parashikohet, megjithatë një gjë është e sigurt se vaksinimi do të ndikojë pozitivisht dhe do t’i ndihmojë shteteve që ta kontrollojnë dhe menaxhojnë shumë më mirë përhapjen e virusit./REL/

The post Valbon Krasniqi: Nga java e ardhshme mund të rriten rastet me COVID-19 appeared first on Prizreni Sot.

Ai ka thënë se ka hapësira të mjaftueshme për t’u trajtuar pacientët.

 “Piku më i madh ishte gjatë muajit nëntor ku numri i të shtrirëve e kishte kaluar shifrën prej 1000 pacientëve”, ka thënë ai për KTV-në.

Ai tutje ka thënë se institucionet shëndetësore rekomandojnë që të ndalohen vizitat në klinikat ku janë duke u trajtuar pacientët për covid-19.

Krasniqi ka thënë se me rënien e numrit të rasteve me COVID kanë filluar rikthimin e shërbimeve tjera.

“Aktualisht në QKUK kemi kliniken e Pulmologjisë, Klinikën infektive, objektin e mjekësisë sportive dhe anesteziologjisë. Ne kemi pas dje 532 pacientë të shtrirë në nivel të vendit. Numri i të shtrirëve në klinikën infektive shkon nga 90 deri 100 në pacientë”, ka thënë ai.

The post Valbon Krasniqi: Rreth 500 pacientë janë të shtrirë nëpër spitale appeared first on Prizreni Sot.

Por ushtruesi i detyrës së drejtorit të Shërbimit Spitalor Klinik Universitar të Kosovës, Valbon Krasniqi thotë se ngjarjet e fundit si fushata zgjedhore dhe zgjedhjet e jashtëzakonshme të 14 shkurtit, mund të ndikojnë në rritjen e rasteve me koronavirus në vend.

Krasniqi tha se meqenëse tashmë ka rënë numri i pacientëve me koronavirus që janë duke u trajtuar në QKUK, është liruar edhe Klinika Internistike dhe së shpejti do nis trajtimi i pacientëve jo Covid në këto klinika.

“Kemi një numër realtivisht më të ulur në krahasim me javët e kaluara dhe kjo po na mundëson që të rikthejmë shërbimet tjera, ashtu siç kemi bërë me shërbimet e Ambulancat Specialistike dhe nga kjo javë ne kemi liruar edhe Klinikat Internistike, njësia COVID-3 që quhej dhe tani jemi në proces të pastrimit, dezinfektimit dhe përgatitjes që edhe ato klinika të rikthejnë shërbimet e tyre dhe të kthejnë shërbimet për pacientët jo Covid”, tha ai për KosovaPress.

Meqenëse vendet e botës tashmë janë duke u përballuar me shifra të larta të qytetarëve të infektuar me COVID-19, u.d të drejtorit të SHSKUK-së për KosovaPress, thotë se këtë situatë po e përcjellin me shqetësimë, pasi që ngjarjet që e presin vendin mund të ndikojnë në rritje të rasteve me koronavirus.

“Ne po e përcjellim me shqetësim situatën epidemiologjike edhe në vendet në rajon dhe është më të vërtetë një situatë jo e mirë për të mos thënë një situatë e rënduar sa i përket rikthimit të rasteve, fatmirësisht ne si Kosovë kemi një numër relativisht të ulur do dëshironim që qytetarët të vazhdojnë t’i respektojnë masat në masë të madhe, por ngjarjet që i kemi përpara në vazhdim si Kosovë janë shqetësuese dhe mund të ndikojnë në rritjen e rasteve sërish”, tha ai.

U.d të drejtorit të SHSKUK-së, Valbon Krasniqi tha se nga 5 janar kur janë rifunksionalizuar shërbimet në Ambulancat Specialistike interesimi i pacientëve është i madh.

“Ne me 5 janar rikthyer shërbimet specialistike në kuadër të Ambulancave Specialistike në këtë ndërtesë dhe vërehet që ka nevojë shumë, ka numër që kërkojnë ndihmë dhe deri më tani e kemi një mesatare prej rreth 130 pacientëve në ditë që marrin shërbime specialistike”, u shpreh Krasniqi.

Derisa shprehet optimistë që tashmë Kosova ka bërë një plan për mënyrën e organizimit të vaksinimit kundër COVID-19, u.d të drejtorit të Shërbimit Spitalor Klinik Universitar të Kosovës, Valbon Krasniqi beson se vetëm vaksinimi i gjithë popullatës mund të ndikojë në menaxhim të pandemisë.

“Është me rëndësi që të bëhet vaksinimi i përgjithshëm i popullatës, pra vaksinimi i një numri të vogël të qytetarëve, qoftë personel shëndetësor apo qytetarë të tjerë, të moshuar apo me sëmundje kronike nuk është që mund të ketë efekt të madh në menaxhimin e pandemisë. Prandaj, ne presim që vaksina të arrijë sa më shpejt që të jetë e mundur dhe të filloj vaksinimi i përgjithshëm i popullatës”, u shpreh Krasniqi.

The post Krasniqi: Vetëm vaksinimi i përgjithshëm ndikon në menaxhim të pandemisë appeared first on Prizreni Sot.

Edhe pse thotë se nuk mund të bëhen parashikimi në këtë drejtim, ai shprehet i bindur se zbulimi i vaksinave do të mundësojë që të menaxhohet me këtë situatë.

“Tashmë as shkencëtarët botërorë nuk po kanë guxim për të bërë parashikime sa i përket ecurisë së mëtutjeshme të kësaj pandemie. Është fat i mirë që tani kemi vaksinën në përdorim dhe ka filluar të aplikohet në disa shtete dhe presim që edhe Kosova ta marrë atë shpejt dhe presim që vaksinimi të ulë trendin e kësaj pandemie”.

“Megjithatë përderisa nuk e kemi vaksinën në përdorim dhe e kemi virusin prezent neve na mbetet vetëm t’i zbatojmë masat. Kështu që mund të jetë e pritshme që të kemi prapë faza të tilla të rritjes së numrit të pacientëve, por kjo do të varet nga aplikimi i vaksinës në vendin tonë”.

Tutje, ai ka folur edhe për masat që kanë marrë sa i përket menaxhimit me pandeminë, ku përmendi shtimin e numrit të shtretërve dhe sigurimin e oksigjenit.

“Ne qysh gjatë korrikut dhe gushtit kur u ballafaquam me fluksin e dytë të numrit të madh të pacientëve bëmë identifikimin e hapësirave të cilat do të mund t’i përdorim tash në nëntor dhe dhjetor. Kështu bëmë një plan detal dhe arritëm që vetëm në QKUK të shtojmë këtë kapacitet të shtretërve për 200 shtretër të kyçen në oksigjen qendror”.

“Përforcuam sistemin e oksigjenit, siguruam oksigjenin dhe identifikuam rreth 90 shtretër dhe 100 shtretër të tjerë. Më të ngarkuara gjatë kësaj kohe ishin spitalet e mëdha sidomos ai i Prizrenit, i Gjakovës dhe Pejës. Varësisht nga nevoja ne do të shtojmë shtretër”.

Krasniqit shtoi se QKUK-ja ka siguruar pajisje shtesë mjekësore, ku mund të bëhen analizat e diagnostikimit të kancerit të gjirit.

Poashtu, sipas tij, një shërbim që ofrohet për herë të parë në QKUK është Brahiterapia që nuk gjendet as në klinikat private në Kosovë.

Ai tha se gjatë vitit 2021 do të fillojnë edhe me shërbimet e IVF-së, mirëpo nevojitet edhe staf shtesë.

“Ne qysh në fillim kemi prioritizuar aktivitet që do t’i ndërmarrim, si furnizimin me oksigjen, riorganizimin komplet të stafit shëndetësor për ti riorganizuar mjekët, infermierët dhe shërbimet tjera mbështetëse në funksion të trajtimit të pacientëve me Covid-19 dhe poashtu në marrjen e veprimeve për të siguruar furnizime me barna ato që janë më të domosdoshme për trajtimin e pacientëve me Covid. Ne kemi siguruar pajisje shtesë mjekësore dhe tash aty mund të bëhen analizat e diagnostikimit të kancerit të gjirit qysh në fazat e hershme të kancerit”.

The post Valbon Krasniqi paralajmëron rritje të numrit të të infektuarve gjatë këtij muaji appeared first on Prizreni Sot.

Ai tha se deri tani numri i pacientëve që po trajtohen për COVID-19 ka kaluar shifrën mbi 1 mijë.

‘Spitalet tona janë të stërngarkuar me pacientë, ka kaluar shifrën mbi 1 mijë. Rreth 700 persona janë me oksigjenoterapi”, tha Krasniqi në një konferencë për media.

Ai shtoi se situata me pandeminë është rënduar shumë dhe nevojitet kujdes shtesë.

The post Krasniqi: Spitalet janë të stërngarkuara me pacientë, situata është rënduar shumë appeared first on Prizreni Sot.

Lajmi për Krasniqin është dhënë sot nga ana e Institutit Kombëtar të Shëndetit Publik pas analizave të bëra në laboratorët e këtij Instituti.

E në Qendrën Klinike Universitare të Kosovës janë infektuar me COVID-10 një numër i madh i stafit shëndetësor.

Në Klinikën e Anestezionit dhe Mjekimit Intensiv janë të sëmurë aktivë me COVID-19 anesteziologë dhe 12 infermierë.

Këto shifra janë konfirmuar nga drejtori i Klinikës Dr. Nehat Baftiu. “Mbrëmë janë konfirmuar edhe dy infermierë. Në total janë 12 infermierë të sëmurë dhe 10 anesteziologë”, ka deklaruar Baftiu.

Klinika e KAM-it është e dyta për nga numri më i madh i punëtorëve në QKUK, por megjithatë ka mungesë të anesteziologëve. Aktualisht janë 57 specialistë të anestezionit, pasi pesë anesteziologë e kanë lënë punën në QKUK gjatë muajve të fundit.

E deri më tash në nivel vendi janë mbi 700 mjekë që janë prekur nga koronavirusi. Ndërkohë mbi dhjetëra të tjerë tashmë kanë ndërruar jetë.

The post Infektologu Valbon Krasniqi infektohet me Covid 19 appeared first on Prizreni Sot.