Një punë e jashtëzakonshme që gati prekë shejtërinë.

Ju faleminderit për emocionin që më dhuruat me gjithë atë dashuri dhe çiltërsi.

Gjatë qeverisjes time do të mbështesim këto inciativa, duke ngritur ura komunikimi e bashkëpunimi, sepse nuk ka gjë më njerëzore se sa ti shtrihet dora një komuniteti që ka nevojë për integrim, arsimim e stehë.

Ne do të kthejmë vëmendjen e komunës nga këto grupe shoqërore, me gjetjen e formave të ngjashme për përmirësimin afatgjat të situatës së tyre.

Prizreni për të gjithë.

LDK për të gjithë.

#160

The post Anton Quni: Gjatë qeverisjes time do të mbështesim iniciativat, duke ngritur ura komunikimi e bashkëpunimi appeared first on Prizreni Sot.

Kjo qeveri lokale që i tepronin milionat, nuk ka pasur ide, kreativitet e as vullnet që; qytetarëve të komunës tonë t’ua përmirësoi standardin jetësor, prandaj meriton të ndëshkohet me votë.

Së bashku do ti rregullojmë cfarë kanë prishur e do te investojmë në infrastrukturë nëpër gjithë fshatrat e komunës, ku ka nevojë.

Nasheci, meriton më mirë.

Nasheci është ndër prioritet e mia për ta bërë, jo vetëm të jetueshëm për banorët e fshatit, por edhe një ndër atraksionet turistike për vizitorët.

Ne kemi ekspertizë, vullnet dhe kompetencën e duhur për ta bërë ndryshimin pozitiv për të mirën e përgjithshme.

#BashkohuniMeNe

#AtaIProvuatNukDinëMëMirëSeKaq

#LDK160

The post Anton Quni: Nasheci, meriton më mirë appeared first on Prizreni Sot.

-“Vatan-Beko”, “Arti” dhe “Kosova-Pack”, janë shembulli më i mirë i të bërit biznes. E para me teknikë të bardhë, e dyta me frutat Aronia dhe e treta me paketim kartoni, janë kompani që kane hapur vende te reja pune dhe suksesi i tyre vjen nga angazhimi, menaxhimi dhe përkushtimi për punë.

Me Vatanin, Rasimin dhe Tafilin biseduam rreth sfidave të të bërit biznes, si dhe u njoha nga afër me kërkesat, nevojat dhe vështërsitë përkatëse.

Gjatë mandatit tim, afaristët do të marrin mbështetje në veprimtarit e tyre biznesore, në mënyrë që tu krijojmë lehtësira drejt sukseseve më të mëdha.

Hapja e vendeve të reja të punës, të cilën ne e synojmë, është e lidhur drejtpërdrejt me suksesin dhe rritjen e ndërmarrësive private, prandaj me bashkepunim të ngushtë me afaristët aktual dhe ndërmarrësit e ri, ne do ti ulim shifrat e të papunëne në komunën e Prizrenit.

Do ti subvencionojmë dhe mbështesim vecanërisht ata që punësojnë gra e vajza dhe të rinjë.

#BashkohuniMeNe

#PërPrizreninQëDuam

#BiznesetJanëShtyllëEKomunës

#LDK160

The post Anton Quni: Gjatë mandatit tim, afaristët do të marrin mbështetje në veprimtarit e tyre biznesore appeared first on Prizreni Sot.

– Tre partnerët ndërmarrës, Shpendi, Ramadani dhe Yrani, na kanë njohur me sfidat e kompanisë së tyre ndër vite, hapat e veprimtarisë, problemet dhe vështërsitë të cilat nuk janë të pakta, në rrugëtimin e tyre të të bërit biznes.

– Tre persona të dashur, modest e të përkushtuar në punën që bëjnë, kanë arritur që suksesshëm të hapin dhjetra vende pune, kryesisht për gra dhe vajza të reja.

– Biznese të tilla, që krijojnë vende pune për gra e vajza, gjatë qeverisjes time, do ta kenë mbështetjen e veçantë duke i  subvencionuar dhe stimuluar për më shumë vende pune.

– Parkun e Biznesit, që do t’ua lehtësonte zhvillimin e veprimtarisë, do ta finalizojmë në afat rekord duke e paisur me infrastrukturën e nevojshme që nuk e ka momentalisht, si dhe duke e bërë parcializimin në bashkëpunim me bizneset, sipas nevojave dhe specifikave të veprimtarive përkatëse.

– Ndërmarrësve, ne do t’u krijojmë sa më shumë lehtësira, sepse ata janë bartësit e zhvillimit të Prizrenit dhe uljes së papunësisë.

– Me Hanefiun dhe ekipin tim kemi listuar të gjitha ankesat e kërkesat e tyre, dhe me to, ne do të merremi seriozisht qysh në fillim të mandatit tonë.

Shpend, Ramadan e Yran, ju faleminderit  për pritjen e suksese pa fund juve e PUNTEX-it.

#BashkePerPrizrenin

#ProdhimiZhvillonKomunen

The post Anton Quni: Biznese që krijojnë vende pune për gra e vajza, gjatë qeverisjes time, do ta kenë mbështetjen e veçantë duke i subvencionuar dhe stimuluar appeared first on Prizreni Sot.

Me kryetarin, Lumirin, Hanefiun, me një armatë profesionistësh, gra e burra, djem e vajza të devotshme, kaluam një ditë të mrekullueshme.

 Vizituam lagje të tëra, gjithandej takuam qytetarë të mirë, të urtë e fisnik të Prizrenit.

Na përshëndetën përzemërsisht, na ftuan bujarisht e bashkëbiseduan me ne ngrohtësisht.

Te rrapi shekullor, nënkala, buzë Lumbardhit, kalldërmave të Shatërvanit, e nëpër rrugët katakteristike të ngushta, shëtitë dhe kahdo që shkuam e ndiem rikthimin tonë të madh.

Takuam edhe afaristë të suksesshëm, zejtarë e njerëz të profesioneve të ndryshme.

Çajtoret e vogla e qebaptoret tradicionale i vizituam, shijuam caj e qebapa, e me pronarët bashkëbiseduam.

Kudo ndjehej fryma e nevojës për ndryshim.

U zotuam se së bashku me ta, do ta bëjmë kapërcimin e madh, që qyteti i LIDHJES ti rikthehet LIDHJES, për t’ja rikthyer namin e zanin e mirë që kishte, jo vetëm në Kosovë, por në rajon e më gjerë kur qeverisej nga LDK-ja.

Faleminderit kryetar Lumir që Prizrenin tonë e ke për zemër, dhe e ke vënë në qendër të fokusit tënd e të gjithë LDK-së.

Faleminderit gra e burra, djem e vajza për një ditë fantastike, për angazhimin dhe punën e palodhshme për fitoren tonë të madhe.

#LDK160

#LidhjaPoRikthehetNëQytetineLidhjes

The post Anton Quni: Rikthimi i LIDHJES po fillon nga qyteti i LIDHJES appeared first on Prizreni Sot.

Postimi i plotë:

Gjithmonë është kënaqësi me i taku qytetarët e fshatit Korishë.

Aktivistët e Nëndegës tonë atje janë duke punuar çdo ditë në shpalosjen e programit për qeverisjen e komunës.

Në një bashkëbisedim që zhvillova me banorët, së bashku me kandidatin për Kuvendar nga ky fshat, Latif Dakaj, edhe njëherë u zotova se gjatë mandatit tim do ta perfundojmë rregullimin e shtratit të lumit te fshatit, rregullimin e rrugës Korishe- Grikoc, zgjerimin e rrjetit të kanalizimit për ato biznese e familje që nuk janë të kyqura si dhe rregullimin e rruges per Kabash e shtratin e Përroit te lagja e Zekajve.

Së bashku do ti ndëshkojmë me votë, ata që nuk punuan asgjë dhe do ta bëjmë ndryshimin pozitiv, për të mirën e përgjithshme.

Ju faleminderit për pritjen!

#LDK160

#PërPrizreninQëDuam

The post Anton Quni: Së bashku do ta bëjmë ndryshimin pozitiv, për të mirën e përgjithshme. appeared first on Prizreni Sot.

Pas një dite të lodhshme e të gjatë, mbushur me aktivitet politik-informues rreth programit tonë, gjithandej komunës, djemtë e mirë të listës sime, dhuruan nje spektakël të bukur futbolli.

Lodhje, garë dhe argëtim e kënaqësi pa fund.

-Sporti do të merr vëmendjen e plotë përgjatë qeverisjes time. Ne do ti mbështesim në maksimum, me forma të ndryshme, klubet, organizmat dhe ngjarjet sportive.

Faleminderit për organizimin, Florent e Astrit dhe gjithë të tjerëve.

#NeJemiLDK

#NeEDuamSportin

#PerSportinPrizrenas

#VotoLDK160

The post Anton Quni: Sporti do të merr vëmendjen e plotë përgjatë qeverisjes time appeared first on Prizreni Sot.

Ne zotohemi se do tu qëndrojmë afër, do të jemi të hapur vazhdimisht për bashkëbisedim, do tu japim mbështetje në krijimin e lehtësirave të nevojshme për veprimtarinë e tyre, si dhe do ti konsiderojmë partner në zhvillimin e komunës dhe në zvogëlimin e papunësisë.

Ju faleminderit për pritjen.

#PërPrizreninQëDuam

#LDK160

#BiznesetPartnerPerZhvillimKomune

The post Anton Quni: Bizeneset do ti konsiderojmë partner në zhvillimin e komunës dhe në zvogëlimin e papunësisë appeared first on Prizreni Sot.

– Mungesa e ujit të pijës, reduktimet e shpeshta dhe shtypja e ulët, ua ka vështirësuar jashtëzakonisht shumë jetën, qytetarëve që jetojnë në këtë zonë.

– Infrastruktura rrugore e pamirëmbajtur, puseta të hapura, punime të stërzgjatura e kaos gjithandej.

– Orëmatësit e energjisë elektrike ka kohë që janë lënë me kapak të hapur. Ato të vendosura përgjatë rrugës, paraqesin rrezik të lartë për jetën e secilit, por sidomos të fëmijëve që frekuentojnë këtë rrugë.

– Investimi i bërë në vlerë mbi 200 mijë euro, në ndërtimin e një Qendreje Rekreative Sportive, është shkatërruar ende pa e futur në fuksion.

Ky ambient ka krijuar papastërti dhe strehë për grupe vandale e përdorues të narkotikëve. Qeveria komunale ka dështuar të lujdeset për mirëmbajtje, duke ju hapur telashe të mëdha banorëve përreth.

Është i madh zhgënjimi dhe dëshpërimi i qytetarëve të kësaj zone, me injorimin që u ka bërë ky pushtet në ikje.

Se bashku do ti ndëshkojmë me votë, e do ta bëjmë ndryshimin pozitiv për të mirën e përgjithshme.

Ne e kemi projektin e detajuar që do të zgjidhë problemin e furnizimit me ujë për të gjithë banorët e Prizrenit.

Problemet tjera infrastrukturore, zotohemi se do ti rregullojmë që në vitin e parë të qeverisjes tonë.

Prizreni dhe prizrenasit meritojnë më mirë!

#HajdeBashkoMeNe

#PërPrizreninQëDuam

#LDK160

The post Anton Quni: Pritje e ngrohtë në lagjen “11 Marsi” appeared first on Prizreni Sot.

Përgjatë mandatit tim, këto biznese do ta kenë mbështetjen e pakusht me forma të ndryshme të lehtësimeve tatimore, subvencionimin e atyre që punësojnë praktikant dhe rregullimin e infrastrukturës së nevojshme për zhvillimin e veprimtarisë së tyre.

Faleminderit për pritjen, Albana Susuri e Afrim Çakalli.

Së bashku do ta bëjmë më të mirë jetën në Prizren.

#LDK160

#PërPrizreninQëDuam

The post Anton Quni: Së bashku do ta bëjmë më të mirë jetën në Prizren appeared first on Prizreni Sot.

Punimet e stërzgjatura në shkollë, kanalizim i hapur që kundërmon në gjithë fshatin, moskompensimi i dëmeve që në kultura agrare u ka shkaktuar vërshimi, janë vetëm disa nga lista e problemeve të shumta të cilat banorët i ndan me mua.

Me ne në qeverisje lokale, nuk do të ket ë fshatra që do të flasin për mungesa të  infrastrukturës bazike.

Së bashku do të mbidhemi e të flasim  për zhvillim e avancim të standardit jetësor.

Vlashnja dhe fshatrat gjithandej komunës meritojnë më mirë. 

Më mirë do ta bëjmë së bashku!

#LDK160

#PërKomunënQëDuam

The post Anton Quni: Vlashnja dhe fshatrat gjithandej komunës meritojnë më mirë appeared first on Prizreni Sot.

Jo më gropa e kubëza të parregullta, ato do të vendosen në standardin e mozaikut, dhe vazhdimisht do të mirëmbahen e mbushen me rërë, që ecja mbi to të bëhet shumë e rehatshme.

Qytet pa mbeturina, më shumë gjelbrim, zgjerim e lirim të hapësirave publike për qytetarët e vizitorët, është zotim që do të realizohet që në fillim të mandatit tim.

Prizreni i bukur meriton më mirë.

#LDK160

#PërPrizreninQëDuam

The post Anton Quni: Prizreni i bukur meriton më mirë. appeared first on Prizreni Sot.

– Edhe këtu qeveria lokale ka dështuar të ofroj përkujdesjen e nevojshme.

– Projekti i ndërtimit të stadiumit dhe objekteve përcjellëse është stopuar nga komuna, pa dhënë asnjë shpjegim.

– Objektet e ndërtuara po shndërrohen në gërmadhë dhe strehë e përdoruesve të narkotikëve dhe gjërave tjera devijante.

Kjo qeveri që; në gjithcka e gjithkund ka dështuar, me votë duhet ndëshkuar.

Ne do të bëjmë të pamunduren të mundur që KF “Liria” të merrë trajtimin e duhur, në mënyrë që “Liria” të ketë mundësinë infrastrukturore të arrijë suksese me të cilat do të krenohemi të gjithë.

#LDK160

#PërPrizreninQëDuam

The post Anton Quni: Ne do të bëjmë të pamunduren të mundur që KF “Liria” të merrë trajtimin e duhur appeared first on Prizreni Sot.

Tash e sa javë, çdo ditë timen po vizitoj fshatra e lagje gjithandej. Po ju dëgjoj, po mësoj e po zotohem para jushë se, me secilin problem e hall që ju shqetëson do të mirrem. Lista e nevojave imediate është e gjatë. Por, nuk ka problem pa zgjidhje. Duhet vetëm durim e vullnet. Të dyja këto i kam. Kam edhe ekipin e profesionistëve më të mirë, e më kompetent për secilin dikaster.

Do ti rregullojmë cfarë kanë prishur, do të ndërtojmë çfarë nuk kanë ndërtuar. Këta që qeverisen deri tash, ju kanë zhgënjyer shumë. E kam parë dhe vetë gjendjen e keqe në të cilën ju kanë lënë. Dështimin e tyre e kam pasqyruar e dokumentuar me fotografi. Por, më nuk kemi kohë të mirremi me ta. Koha tyre po mbaron,  e jona po fillon. Sot dhe këtu.

Të dashur qytetarë të komunës time,

Premtimin tuaj se do t’më jeni përkrahë për ta bërë ndryshimin e madh, e kam motiv për ta nisur e mbaruar ditën me energji pozitive e elan për punë.

Së bashku mundemi, së bashku i ndreqim dhe i rregullojmë të gjitha.

Ju do të jeni në qendër të qeverisjes time. Ju do të bëheni pjesë e vendimarrjes. Unë nuk ua mbylli derën, nuk fyej as nuk injoroj. Unë do të ju vlerësoj e do t’bashkëpunoj me ju, me grupe interesi, shoqëri civile e iniciativa qytetare.

Prizreni është i të gjithëve!

Unë do të jem i hapur dhe i përkushtuar për secilën lagje e secilin fshat, për të gjithë qytetarët pa dallim etnie, feje e orientimi politik.

Diversiteti dhe harmonia kulturore, e bënë Prizrenin qytetin më unik në Kosovë e më gjerë. Kjo është vlerë e jona kombëtare me të cilën mburremi e krenohemi.

Trashëgimia kulturore e historike dhe gjeografia e veçantë natyrore, do të jenë prioritet e mia për ta bërë Prizrenin qendër turistike më të vizituaren në rajon.

Prizreni meriton të qeveriset mirë.

Hajdeni të gjithë të bëhemi bashkë për ndryshim.

Ne, çdo ditë po rritemi.

Ne do të fitojmë.

Ne po rikthehemi.

Rikthimi i Lidhjes do të fillon nga qyteti i LIDHJES.

#LDK160

#PërPrizreninQëDuam

The post Anton Quni: Së bashku mundemi, së bashku i ndreqim dhe i rregullojmë të gjitha appeared first on Prizreni Sot.

Sot kam kaluar kohë në Parkun e Qytetit, të vetmin ku qytetarët prizrenas, mund të kalojnë kohën e tyre të lirë, por fatkeqësisht, parku dukej si mos më keq.

Mbeturina gjithandej, drurë që u thyhen degët dhe bien përtoke duke rrezikuar jetërat e qytetarëve, tualetet jashtë funksionit, ndriçim që punon pjesërisht brenda dhe jashtë parkut, ura e shkatërruar, lumi i mbushur me mbeturina që notojnë mbi të, si dhe kaos e parregullsi gjithandej në parkimin e veturave mbi hapësirën e gjelbëruar të parkut…

Është për keqardhje se si me neglizhencën e paaftësinë e pushtetit aktual, Prizreni u shndërrua nga një qyteti që konsiderohej ndër më të pastërtit në vend, në qytetin më të ndotur!

Si është e mundur me qenë kaq të paaftë e të painteresuar për të ofruar një shërbim minimal për qytetarët që mes tjerash njihen si taksapaguesit ndër më të rregullt në vend.

Prizreni dhe prizrenasit nuk e meritojnë një trajtim të tillë, prandaj po afron koha kur ata vet do ti ndëshkojnë me votën e tyre këta që dështuan plotësisht në përmbushjen e obligimeve dhe përgjegjësive të veta karshi qytetarëve.

Ne zotohemi se parkut dhe hapësirave publike do t’u japim rëndësinë e merituar me përkujdesje maksimale.

LDK160

BashkohuniMeNePërPrizreninQëDuam

Vaksinohuni

The post Anton Quni: Parku i qytetit duket si mos më keq appeared first on Prizreni Sot.

Njoftimi i plotë:

– Qendra Sportive “Sezair Surroi” në Prizren, gjithashtu po i vuan pasojat e qeverisjes amatoreske.

– Punimet e filluara në projektin e një pishine sportive dhe ato në një fushë për apasionantët e rroshullave, tash më janë shndërruar në gërmadha.

 – Kështu si në shumë dështime të tjera, edhe këtu, paratë e taksapaguesve prizrenas janë derdhur kot, sepse Qendra Sportive, e vetmja në Prizren, është ngulfatur nga gërmadhat, balta dhe demolimet, pa investime, pa mirëmbajtje, e lënë si mos më keq.

Të dashur qytetarë të Prizrenit,

– ju meritoni më mirë e më shumë se kaq. Ne do tu japim rinisë dhe klubeve e ekipeve sportive vendin e merituar duke investuar në infrastrukturë, mirëqenje dhe në zhvillimin e aktiviteteve të tyre sportive.

– Kjo qeverisje është e mbaruar dhe duhet ndëshkuar!

#ZgjedhjetKomunale

#LDK

Anton Quni e ka vizituar edhe fshatrat Sërbicë e Ulët dhe Sërbicë e Lartë…

Njoftimi i plotë:

– Pas ankesave të shumta të banorëve të fshatrave; Sërbicë e Ulët dhe Sërbicë e Lartë, së bashku me ekipin tim, kryesuesin e listës, ekspertin e infrastrukturës rrugore, Hanefi Muharremin, kemi vizituar për të parë nga afër devijimin e projektit të rrugës që ishte paraparë të lidhte Sërbicën e poshtme me atë të lartën.

– Qeveria lokale, pa parametra, e ka ndryshuar projektin dhe e ka devijuar rrugën për tek lokacioni i ri i varrezave.

– Shqetësimeve dhe indinjatës së banorëve të këtij lokacioni u bashkangjitemi dhe ne, duke i bërë thirrje zëshëm Prokurorisë, që të dalin në teren dhe ta hulumtojnë këtë rast të dyshimt.

The post Anton Quni: Qyteti po i vuan pasojat e keq qeverisjes appeared first on Prizreni Sot.

– sheshi i Shadërvanit, përgjatë gjithë verës, ngjante në kantier ndërtimi dhe vizitorët e shumtë nga brenda dhe jashtë vendit, nuk arritën ta shijojnë kënaqësinë e ecjes mbi kalldrëmet karakteristikë të lashtësisë së Prizrenit.

– Qeveria lokale, pasë përfundimit të punimeve të projektit të intalimit nëntokësor të kabllove elektrike, nuk është përkujdesur fare që kubëzat e kalldrëmit të rikthehen në gjendje të rregullt

– Sot deri sa ecja sheshit, ai dukej si mos më keq. Mosngjeshja e tamponit me standardet e duhura, kubëzat e hedhura njëra pranë tjetrës në mënyrë të parregullt pa e përcjellur mozaikun dhe parregullësi të tjera që përgjatë gjithë mandatit të kryetarit Haskuka nuk e kanë marrë vëmendjen e merituar, janë pasqyra më e qartë e dështimit të plotë të qeverisjes së tij skandaloze.

Prizreni, qyteti i trashëgimis tonë kulturore, i lashtësisë qe flet në çdo rrugë e rrugicë, qendra e turizmit dhe bukurisë natyrore, kryeqyteti i dashurisë shpirtërore të gjeografisë shqiptare, nuk e ka merituar këtë degradim të skajshëm.

Zgjedhjet e tetorit do të jenë rast i mirë që të ndëshkohet ky kabinet i paaftë për të menaxhuar me Prizrenin.

Antoni

The post Anton Quni: Zgjedhjet e tetorit do të jenë rast i mirë që të ndëshkohet ky kabinet i paaftë për të menaxhuar me Prizrenin appeared first on Prizreni Sot.

Në zgjedhjet e 2017-ës, Mytaher Haskuka i VV-së kishte arritur ta fitojë Prizrenin me 372 vota diferencë pas balotazhit me Shaqir Totajn e PDK-së.

Kësaj radhe gara për këtë qytet pritet të jetë edhe më e fortë mes tri partive politike, LDK-së, PDK-së dhe VV-së.

Ish-ministri i Mbrojtjes, Anton Quni thotë se Vetëvendosje e ka përmbyllur mandatin në Prizren me zhgënjime të mëdha dhe sipas tij qyetarët duhet ta penalizojnë këtë qeverisje tek kutitë e votimit më 17 tetor.

“Për katër vitet e kaluara nuk ndodhi asgjë. Ishte qeverisje joprofesionale, pa një plan konkret për të përmirësuar situatën në Prizren e aq më shumë, nuk ishin në gjendje të përmbushin edhe minimumin e premtimeve elektorale, e madje edhe të mos jenë në gjendje të shpenzojmë ndarjet financiare të cilat i takuar në baza vjetore, sipas ligjit për ndarjet vjetore buxhetore. Kaluan katër vite fillimisht me pritje të mëdha por që përmbyllet me zhgënjime të mëdha. Thjesht, qytetarëve i është vjedhur koha. Për katër vjet koha ndaloi në Prizren dhe nuk ndodhi asgjë. Vjedhja e kohës me ligj nuk penalizohet, por kjo qeveri e papërgjegjshme duhet të penalizohet me votën e qytetarëve për vjedhjen e shpresës, pritjeve dhe mundësive”, tha Quni.

“Lucky Luke”, siç njihej me nofkën e luftës në Betejen e Koshares, nuk e përjashton bashkëpunimin me ata që i sigurojnë se janë të përgjegjshëm para qytetarëve.

“Si degë e LDK-së, ne e promovojmë vlerën e bashkëpunimit me të gjithë njerëzit e besimit të mirë. Me të gjithë ata që na sigurojnë se janë të përgjegjshëm para qytetarëve, ne do të bashkëpunojmë. Nuk kam besim tek ata që kanë arritur të marrin besimin e qytetarëve por që atë besim vetëm e kanë keqpërdorur”, ka thënë Quni për Express.

Tutje, Quni tha se LDK-ja në katër vitet e ardhshme do t’ia rikthejë vendimmarrjen qytetarëve në Komunë.

“Ne jemi duke bërë përgatitjet përfundimtare të programit qeverisës, për katër vitet e ardhshme,e tashmë i kemi hartuar projektet të cilat do të shpalosen para qytetarëve në kohën e duhur. Një program gjithëpërfshirës dhe jo selektues për të gjithë qytetarët e Prizrenit, ashtu siç i përfaqëson vlerat e diversitetit vet Prizreni. Jemi duke përgatitur një program që merr në konsideratë potencialin shumë të lartë të Prizrenit, për të rikthyer tek qytetarët vendimmarrjen dhe përfshirjen e tyre, për të rikthyer transparencën e vendimeve dhe për të rritur cilësinë e shërbimeve të munguara, tani e një kohë të gjatë. Unë me ekipin tim, kemi gjithë potencialin profesional dhe njerëzor që t’i shërbejmë qytetarëve prizrenas, ashtu siç e meritojnë: të kenë mirëqenie, të kenë shërbime cilësore, të jenë të përfaqësuar në mënyrë të dinjitetshme”, tha kryetari i degës së LDK-së në Prizren.

Sa i përket kryetarit të ardhshëm të Prizrenit, Quni u shpreh i bindur se do të zgjidhet pas balotazhit.

“Po, jam i bindur se nuk do të ketë fitues në raundin e parë. Gara do të jetë interesante pasi që Prizreni është i një rëndësie të veçantë për të gjitha partitë politike”, tha ai.

Ai mendon gjithashtu se LDK-ja do t’i fitojë komunat e Kosovës me të cilat ka qeverisur për katër vitet e kalura.

“Qeverisja e LDK-së në komunat e tanishme është dëshmuar si qeverisje e përgjegjshme, prandaj këto komuna vazhdojnë edhe në mandatin e ardhshëm të qeverisen nga subjeti ynë. Poashtu jam i bindur se edhe qytetarët e disa komunave tjera do e kenë fatin e mirë të qeverisen nga LDK-ja”, tha deputeti Quni.

The post Anton Quni beson që zgjidhet kryetar nga balotazhi: VV ua vodhi kohën qytetarëve të Prizrenit appeared first on Prizreni Sot.

Kjo degë, me anë të një postimi në ‘Facebook’, ka thënë se kryesia e LDK’së së Prizrenit ka vendosur unanimisht ta propozojë Qunin për kryetar të Prizrenit.

“Në takimin që ka mbajtur sot kryesia e LDK-së së Prizrenit, unanimisht ka dalur me propozimin që; kryetari Anton Quni, aktualisht deputet i Parlamentit të Kosovës, të jetë kandidati që do të garoi për kryetar të komunës së Prizrenit”, thuhet në postim.

“Në takim u diskutua edhe rreth përgaditjeve për mbajtjen e Konventës së Punës të LDK-së së Prizrenit, ku do të finalizohen të gjitha modalitetet për zgjedhjet lokale që do të mbahen në vjeshtë”, thuhet tutje.

Kandidati tjetër për kryetar që është zyrtarizuar për këtë komunë është nga radhët e PDK’së, Shaqir Totaj.

The post Anton Quni do jetë kandidat i LDK-së për kryetar të Prizrenit appeared first on Prizreni Sot.

Quni tutje është shprehur se ai është për një evoluim të LDK-së.

Ndërsa sa i përket rezultateve të zgjedhjeve të 14 shkurti ku LDK-ja është radhitë si subjekti i tretë me vetëm 12.6% Quni thotë se ende nuk kanë një analizë për këtë rezultat të dobët.

Ai shpreson se me zgjedhjen e kryetarit të ri të partisë do të arrijnë të përmirësojnë gabimet, duke shtuar se brenda partisë nuk duhet të ketë më mendime asimetrike.

“Besoj që çdo kandidat deri më tani i nominuar ushqen shpresën që të bëhet kryetar i ardhshëm i LDK-së. Kemi te bëjmë me personalitete që kanë profil të lartë, moral e politik. Por me siguri do të jetë një garë interesante dhe e ngushtë. Nga fakti që kam shprehur gatishmërinë për të garuar. Besoj që me zgjedhjen time shumë gjëra do të jenë në të mirën e LDK-së”.

“Unë jam për një evoluim të LDK-së. Një mbarëvajtje e kontuniutetit të saj gjithnjë duke ndërtuar një qasje të re ndaj proceseve dhe zhvillimeve te cila do të jenë të pranueshme për qytetarët dhe trupin votues të LDK-së”.

“Tani pas publikimit të rezultateve natyrisht që nga anëtaret e kryesisë kryetarët e dëmeve e deri te kryetari i LDK-së e ndjejmë veten pjesë të përgjegjësisë për këtë rezultat. Por nuk e kemi një analizë të mirëfilltë. Besoj se kryetari i radhës me kryesinë dhe me strukturat e LDK-së në bazë të një analize sa më konkrete do të arrijnë në konkludime ku pastaj ne duhet t’i kemi në të ardhmen në konsideratë si mësime të mësuara”.

“Tani edhe për vendime të tilla mendoj që këto tema duhet të konsumohen mirë brenda LDK-së që në të ardhmen mos të na ndodh që grupi parlamentar apo deputet të kenë mendime asimetrike. Është mirë me ruajt unitetin e grupit parlamentar po edhe të LDK-së”, ka thënë Quni për EO.

Teksa ka folur për bashkëpunim nëse do të ketë me partinë fituese, Quni ka thënë se kjo varet nga VV-ja nëse ata kanë nevojë për ndonjë partneritet.

“Tani varet edhe nga qasja e VV-së a do të ketë nevojë për partneritet me ndonjë parti politike apo jo. Nëse e shprehin nevojë LDK-ja duhet ta ketë në konsideratë dhe dalë me ndonjë vendim nëse është me ndonjë nëse është në benefit të shtetit qeverisë dhe LDK. Konsumohet kjo temë brenda LDK-së. Besoj që me gërshetimin e vendimeve të ndryshme ne do të arrijmë deri në një konkludim të përbashkët”.

LDK-ja të dielën mban Kuvendin zgjedhor ku pritet të votohet për të parin e partisë dhe udhëheqësinë e re.

The post Anton Quni: Nëse LVV-ja shpreh nevojë për partneritet, LDK-ja duhet ta ketë në konsideratë appeared first on Prizreni Sot.

Kryeministri Avdullah Hoti e konsideron një hap jashtëzakonisht të rëndësishme në rrugën e afirmimit dhe forcimit të rolit ndërkombëtar të Republikës së Kosovës.

Ministri i Mbrojtjes i Kosovës, Anton Quni tha për Euronews Albania se kjo është një ngjarje historike për kombin dhe shtetit e Kosovës.

Sipas tij, me këtë hap të fundit, Kosova është duke përmbushur të gjitha parakushtet që në momente të caktuara të garojë si anëtare e NATO-s.

Ministri tregoi se ftesa për këtë mision është bërë nga komanda qendrore amerikane që ka përgjegjësi për një rajon të gjerë gjeografik ku përfshihet disa vende të Lindjes së mesme, Afrikës e Azisë ku mund të zbarojnë forcat e FSK.

“Ftesën e kemi marrë nga komanda qendrore amerikane, që ka përgjegjësi për një regjion të gjerë gjeografik ku përfshihen disa vende të Lindjes së Mesme, Afrikës e Azisë ku mund të zbarkojnë forcat tona.

Nëse çdo gjë shkon sipas planit, në mars shkojnë për përgatitjet përfundimtare që do të zhvillohen në bazat përgatitore amerikane. Ministria e Mbrojtjes dhe FSK kanë kaluar në realizimin e planit gjithëpërfshirës të tranzicionit duke nisur nga përgatitja e trupave, kuadrove dhe mjeteve teknike dhe besoj se jemi në rrugë të mirë të zhvillimit të këtyre kapaciteteve”, tha ministri.

The post FSK në misione paqeruajtëse, Quni: Po përmbushim të gjitha parakushtet për të qenë në NATO appeared first on Prizreni Sot.

Anton Quni, ish-komandant në Ushtrinë Çlirimtare të Kosovës, thotë se nuk i është gëzuar arrestimit që Specialja i ka bërë Hashim Thaçit dhe Kadri Veselit, dhe uron që UÇK të vazhdojë ruajtjen e imazhit të mirë, pavarësisht ngjarjeve me Gjykatën Speciale. Në një intervistë për KosovaPress, kryetari i degës së Lidhjes Demokratike të Kosovës në Prizren, flet edhe për zgjedhjet e jashtëzakonshme që pritet të mbahen në Kosovë, të ardhmen e tij politike dhe mundësinë e bashkëpunimit me Vjosa Osmanin.

Anton Quni i cili vjet më parë kishte deklaruar që Thaçi e Veseli e kanë vendin në burg dhe se do të qëndrojë në politikë derisa të dy të i shoh prapa grilave, thotë se nuk i është gëzuar arrestimit të asnjërit prej tyre.

Ministri i Mbrojtjes, duke mos dashur të flas më shumë rreth kësaj çështje, për shkak të postit që ushtron e edhe të situatës në Hagë, thotë se në këtë periudhë duhet përmbajtur nga deklaratat.

“Pasi zoti Thaçi e zoti Veseli janë duke u përballë me drejtësinë nuk do te ishte e ndershme nga kjo pozitë unë të rëndoj edhe më shumë situatën, ne tani duhet të përmbahemi nga deklaratat, posaçërisht nga pozita e ministrit të Mbrojtjes, por asesi nuk i jam gëzuar për cilindo autoritet të Ushtrisë Çlirimtare të Kosovës që duhet me u përballë me autoritetet e gjykatës ndërkombëtare”, thotë Quni.

Ish-luftëtari i Betejës së Kosharës thotë se brenda organizimit ushtarak ekziston një kulturë e përkrahjes reciproke.

)

“Askush nuk i gëzohet nëse një pjesëtar i Ushtrisë Çlirimtare të Kosovës duhet me u përballë me gjykatën ndërkombëtare. Ne urojmë që gjithë ato veprime të UÇK-së pa marrë parasysh si do të jetë epilogu individual për të akuzuarit, të ruaj imazhin e mirë qe e ka të qytetarët por edhe në përgjithësi nga komuniteti ndërkombëtar. Tek e fundit ka qenë një luftë çlirimtare që është zhvilluar në Kosovë, jo jashtë kufijve të Kosovës, kur qenia e popullit shqiptar ka qenë në pikëpyetje nga agresioni serb”, thotë ai.

Qunin nuk e kanë befasuar zhvillimet e fundit rreth mundësisë së shpalljes së zgjedhjeve të jashtëzakonshme. Ai thotë se kjo është pritur dhe LDK është e gatshme për një situatë të tillë.

Quni tregon nëse pret që ndarja e LDK-së me Vjosa Osmanin të ndikojë në rezultatin zgjedhor të kësaj partie.

“Zonja Vjosa Osmani gëzon një autoritet tek një pjesë e votuesve të LDK-së dhe nëse qëndrojmë në këto pozita do të ketë pasoja edhe për LDK-në, por urojmë që në ditët në vijim do të gjendet gjuha e përbashkët dhe të gjithë ata qe kanë çfarëdo arsye që të mbajnë ndonjë distancë me LDK-në, në të ardhmen ta gjejnë vetën brenda saj”, thotë Quni.

Sa i përket qëndrimeve personale të Qunit, nuk do të kishte ndonjë pengesë që LDK dhe Vjosa Osmani të vazhdojnë rrugëtimin politik së bashku.

Anton Quni synon qëndrimin në skenën politike në Kosovë, veçse për këtë i duhet besimi i organeve të larta të partisë.

“Nuk varet çdo gjë vetëm nga unë, nga dëshirat dhe vullneti im, shumë gjëra determinohen edhe nga dispononi i familjes, unë jam edhe kryetar i degës së LDK-së në Prizren, më duhet edhe besimi i tyre, por më duhet edhe besimi i autoriteteve më të larta të LDK-së. Nëse te gjitha këto adresa ka mendim pozitiv pse jo edhe në të ardhmen të jem pjesë e politikës në Kosovë. Mendoj që ende mund të jap kontribut në disa çështje posaçërisht politikat qe mbrojnë fushën e sigurisë”, thotë Quni kur pyetet se a do të jetë pjesë e listës zgjedhore të LDK-së.

Anton Quni ishte emëruar ministër i Mbrojtjes në qeverinë e koalicionit në mes të LDK-së dhe Vetëvendosjes, post të cilin e ka mbajtur edhe në qeverinë e udhëhequr nga Avdullah Hoti, por vendi pritet të shkojë në zgjedhje meqë Gjykata Kushtetuese ka vendosur që Qeveria Hoti është zgjedhur në mënyrë jo-kushtetuese.

The post Anton Quni thotë se nuk i është gëzuar arrestimit të Thaçit dhe Veselit appeared first on Prizreni Sot.