Sipas raportit 24 orësh të Policisë së Kosovës bëhet e ditur se rasti ka ndodhur të enjten rreth orës 08:30 në Prizren.

Tutje bëhet e ditur se me vendim të prokurorit trupi i pajetë i vitkimës është dërguar në IML për obduksion.

“Është raportuar se viktima mashkull kosovar i cili ishte duke u trajtuar në spital, derisa ishte duke shëtitur në parkun e spitalit, i është keqësuar gjendja dhe ka ndërruar jetë në emergjencën e spitalit. Me vendim të prokurorit trupi i pa jetë i viktimës është dërguar në IML për obduksion. Rasti duke u hetuar”, thuhet në raport.

The post Ndërron jetë në urgjencë pasi i përkeqësohet gjendja shëndetësore gjatë një shëtitjeje në parkun e spitalit në Prizren, rasti po hetohet appeared first on Prizreni Sot.

Ushtari i lindur në vitin 1992, është transportuar në spital nga Forca e Sigurisë së Kosovës (FSK) pas një ataku kardiak.

“Më datë 31.08.2024, rreth orës 11:35, emergjenca e spitalit të Prizrenit ka informuar policinë se FSK-ja ka dërguar një ushtar ukrainas të lindur në vitin 1992, i cili kishte pësuar arrest kardiak dhe, sipas mjekut kujdestar në emergjencë, ishte pranuar pa shenja jete,” tha Bytyqi.

Prokurori i shtetit është njoftuar dhe rasti është klasifikuar si “Hetim i Vdekjes”, raporton Klan Kosova.

The post Ushtari ukrainas dërgohet pa shenja jete në Spitalin e Prizrenit, Prokuroria nis hetimet appeared first on Prizreni Sot.

Në raportin 24 orësh të Policisë së Kosovës bëhet e ditur se ngjarja ka ndodhur të mërkurën rreth orës 09:30, në Prizren.

Po ashtu bëhet e ditur se rasti është në procedurë hetimore.

“Dy ankuese femra kosovare kanë njoftuar se viktimat kosovare ishin larguar nga shkolla dhe se nuk ishin kthyer në shtëpi. Rasti ne procedure hetimore”, thuhet në raport.

The post Ishin larguar nga shkolla dhe nuk janë kthyer, Policia në kërkim të dy të miturave appeared first on Prizreni Sot.

Zëdhënësi i Policisë për Rajonin e Prishtinës, Baki Kelani konfirmoi për Telegrafin se operacioni u realizua sot paradite.

“Sot, në orët e paradites Policia e Kosovës në bashkëpunim dhe koordinim me organet e drejtësisë, ka realizuar një operacion policorë, i cili përfshinë katër lokacione në rajonin e Prizrenit.
Operacioni policor ka të bëjë me hetimin dhe luftën kundër trafikimit me narkotik, i cili ka rezultuar me arrestimin e katër personave të dyshuar”, konfirmoi ai.

Policia në vazhdimësi është kryer operacione në luftë kundër substancave narkotike.

The post Policia aksion kundër drogës në Prizren, arrestohen katër persona appeared first on Prizreni Sot.

Siç njofton policia në raportin 24 orësh, vëllai i viktimës ka denoncuar rastin dje, duke bërë të ditur se nuk ka informacion nga vëllai që nga data 10 korrik, kur ai kishte shkuar për punë të përkohshme në Gjermani.

Rasti bëhet e ditur se është raportuar edhe tek autoritetet gjermane, shkruan gazeta online Reporteri.net.

“Fsh. Lubizhdë, Prizren 19.07.2023 – 01:35. Ankuesi mashkull kosovar ka raportuar se prej datës 10.07.2023 i ka shkëputur lidhjet me vëllain e tij viktimën mashkull kosovar i cili ka shkuar për punë të përkohshme në Gjermani për të cilin rast shokët e viktimës e kanë raportuar te autoritetet Gjermane dhe ende nuk ka ndonjë informatë për të”, thuhet në njoftimin e plotë të Policisë së Kosovë.

The post Shkoi për punë sezonale në Gjermani, zhduket një person nga Prizreni appeared first on Prizreni Sot.

Të drejtuar nga trajneri Bekim Bakaj, FC Prizreni ka bërë të ditur se objektivi i vetëm i klubit për stinorin 2023/24 është sigurimi i Ligës së Parë të Kosovës!

“Në klub këto ditë është duke u punuar rreth transferimeve të reja, me biseda intenzive me lojtarë nga jashtë shtetit si dhe mbrenda Kosovës. Bëhet fjalë për lojtarë shumë kualitativ. Ditet ne vijim do të ju prezantojmë perforcimet e reja, gjithashtu klubi do ti lirojë disa lojtar që kan qenë pjesë e klubit një kohë të gjatë. Njëherit klubi ynë i falenderon per kontributin e tyre deri me tani dhe i uron shum suksese në aventurat e tyre të mëtutjeshme.” — ka mbyllur njoftimin klubi prizrenas.

The post FC Prizreni synon Ligën e Parë appeared first on Prizreni Sot.

Vetëm gjatë ditës së djeshme, kur ishte edhe festa e Kurbanit të Bajramit, në qytetin e Prizrenit kanë ndodhur dy raste ku janë dëgjuar të shtëna armësh. Si pasojë e kësaj, ka pasur dëme materiale në një shtëpi dhe në një veturë.

Rasti i parë ka ndodhur në orët e paradites, kur një plumb qorr ka goditur xhamin e një shtëpie. Brenda saj ndodhej një grua e cila derisa po qëndronte në shtëpi, është tmerruar kur ka dëgjuar krismën që e shkaktoi thyerja e xhamit. Pasi ajo ka gjetur një plumb në tokë në oborrin e saj, ka njoftuar menjëherë Policinë.

Në vendin e ngjarjes kanë dalë njësitë policore të cilët kanë gjetur dhe konfiskuar gëzhojën e cila dyshohet të jetë e armës që u përdor në rast, ndërsa momentalisht nuk ka persona të dyshuar.

E disa orë më vonë, sërish u dëgjuan të shtëna, që kësaj here dëmtuan xhamin e një veture që ndodhej e parkuar në rrugën ‘Zenun Çoçaj’. Pronari i veturës ka denoncuar rastin në Polici dhe tashmë kanë nisur hetimet lidhur me rastin.

Në të dyjat raste veç e veç, Prokurori i Shtetit ka urdhëruar që rastet të cilësohen ‘Shkaktim i rrezikut të përgjithshëm’./GazetaSinjali/

The post Në ditën e Bajramit u dëgjuan të shtëna në Prizren, plumbat dëmtuan xhamin e një shtëpie dhe një veture appeared first on Prizreni Sot.

Në fillim të vitit, Qeveria/Ministria e Financave i dyfishon faturat e tatimit në pronë (veçanërisht për zonat urbane).
Komuna e Prizrenit nuk ka të bej asgjë me këtë veprim të pamatur të Qeverise së z. Kurti.

Në krizën më të madhe të çmimeve, në 15 vitet e fundit, e vështirë të kuptohet dhe e pamundur të arsyetohet!!!

Shtetasit e punësuar në sektorin publik nuk e dinë sa do ta kenë pagën, por, faturat e tatimit në pronë tashmë i kanë të dyfishuara.

Veprime të këtilla nuk duhet bërë jashtë kontekstit të zhvillimeve ekonomike dhe sociale në vend, sepse, nuk kalon pa pasoja, të cilat mund të jenë serioze.

The post Prizreni thotë se tatimi në pronë u rrit nga qeveria, në krizën më të madhe të çmimeve appeared first on Prizreni Sot.

Sipas njoftimit të komunës rruga do të jetë e mbyllur nga 29 gushti deri më 2 shtator.

Po ashtu, bëhet e ditur se rruga do të jetë e mbyllur për qarkullim të automjeteve, për shkak të punimeve në kuadër të “Rehabilitimi i rrugëve, trotuareve dhe shesheve në Komunën e Prizrenit”.

Komuna nëpërmjet njoftimi ka kërkuar edhe mirëkuptim nga qytetarët.

The post Rruga e Farkëtarëve në Prizren mbyllet për qarkullim nga 29 gushti deri më 2 shtator appeared first on Prizreni Sot.

Një rast i tillë ka ndodhur së fundi në Prizren, ku dy burra janë rrahur mes vete pas një mosmarrëveshjeje për parkingje.

Mësohet se rastin në Polici e ka denoncuar njëri nga të dyshuarit, i cili ishte paraqitur si viktimë dhe kishte deklaruar se është sulmuar fizikisht nga një person.

Njësitet policore kishin ftuar për intervistim të dyshuarin tjetër, i cili pasi ishte paraqitur në stacion është vërejtur se ka lëndime të dukshme. Si rrjedhojë atij i është ofruar tretmani mjekësor dhe rezultoi se kishte frakturë në hundë për shkak të përfshirjes në rrahje.

Pas përfundimit të procedurave policore, Prokurori i Shtetit ka urdhëruar që ndaj dy të dyshuarve të iniciohet rasti për veprën ‘Lëndim i lehtë trupor’.

The post Burrat në Prizren bëhen llom mes vete për parking, njëri nga ta përfundon me hundë të thyer appeared first on Prizreni Sot.

Një rast i tillë ka ndodhur mbrëmë rreth orës 22:50 në rrugën ‘Adem Jashari’ në Prizren, ku tre persona dyshohet se kanë sulmuar fizikisht një tjetër.

Mwsohet se e gjithë ngjarja ka ndodhur si pasojë e një mosmarrëveshjeje të momentit, ku tre të dyshuarit kanë nisur ta sulmojnë fizikisht duke e goditur me shufra të hekurit viktimën, të cilit i kanë shkaktuar lëndime trupore.

Si pasojë e plagëve të marra, prizrenasi është dërguar në Emergjencën e Spitalit Rajonal në Prizren, ku ka kërkuar ndihmë mjekësore. Ndërkohë rasti është denoncuar edhen në Polici, me ç’rast njësitet policore kanë marrë të gjitha veprimet hetimore për të identifikuar personat e dyshuar.

Me urdhër të prokurorit, rasti është iniciuar ‘Lëndim i lehtë trupor’, ndërsa veprimet tjera ligjore do merren posa të kapen të dyshuarit.

The post Tre të panjohur e bëjnë llom me shufra metalike prizrenasin, përfundon në spital appeared first on Prizreni Sot.

Siç raporton mediumi malazez “Vijesti”, pas mbërritjes në vendngjarje, ekipi mjekësor i urgjencës ka tentuar reanimimin, por pa rezultat.

Ai ishte në pushime në Ulqin me vëllanë e tij dhe kunatën, por asnjëri prej tyre s’e kishte vënë re kur ai ishte mbytur.

Ai është nxjerrë në breg nga një turist nga Kosova, i cili ka vërejtur se fëmija në mënyrë të panatyrshme po notonte cekët.

The post Mbytet në Ulqin një 12 vjeçar nga Prizreni appeared first on Prizreni Sot.

Një rast i tillë ka ndodhur edhe mbrëmë pas mesnate në Prizren, ku nën kërcënimin e armës është grabitur pompa ‘Exfis’

Në këtë pompë në Piranë të Prizrenit hajni ka plaçkitur rreth 3 mijë euro.

Sipas burimeve brenda Prokurorisë, një person i veshur me ‘duks’ të zi, me armë automatike ka hyrë në pompë dhe nën kërcënimin e armëve i ka marrë paratë.

Policia i është përgjigjur thirrjes për ndihmë nga personat përgjegjës të pompës, por përkundër kësaj akoma nuk ka arrestuar askënd lidhur me rastin.

Sinjali mëson se është bërë analizimi i provave dhe video incizimeve dhe pritet që së shpejti të ketë rezultat konkret në zbardhjen e krimit.

The post Grabitet një pompë e derivateve në Prizren, hajni merr rreth 3 mijë euro appeared first on Prizreni Sot.

Derisa rritje të madhe të migrimit ka shënuar komuna e Gjilanit me 4 mijë e 320 qytetarë, të cilët kanë ‘braktisur’ vendin. Tetë komunat më të prekura nga migrimi janë: Gjilani, Prizreni, Prishtina, Vushtrria, Suhareka, Malisheva, Gjakova dhe Podujeva, raporton KosovaPress.

Sipas të dhënave nga Agjencia e Statistikave të Kosovës (ASK) për vlerësimin e popullsisë për vitin 2021, thuhet se pjesa dërmuese e emigrantëve për vitin 2021 ishin emigrantët legal.

“Gjatë vitit 2021, popullsia e Kosovës pati një rritje natyrore për 14 391 persona. Është vlerësuar se gjatë këtij viti kanë: ndërruar vendbanimin (komunën) e tyre, 7 353 persona; imigruar (përfshi të kthyerit) në Kosovë, 4 122 persona dhe kanë emigruar 42 mijë e 728 persona”, thuhet në raportin e fundit të ASK-së.

Kurse, bilanci i migrimit ndërkombëtar (migrimi neto) për vitin 2021 ishte (-38 606 banorë). Ndërkaq, popullsia rezidente e Kosovës, për periudhën 01 janar – 31 dhjetor 2021, u zvogëlua për (-24 215 banorë).

Popullsia në Kosovë për vitin 2021 vlerësohet të jetë 1 milion e 773 mijë e 971 banorë rezidentë.

The post Prizreni ndër komunat më të prekura nga migrimi në vitin 2021 appeared first on Prizreni Sot.

Lajmin e ka konfirmuar Vesel Gashi, zëdhënës i Policisë së Kosovës për këtë rajon, i cili tha se një djalë ka deklaruar se nëna e tij gjatë operacionit ka ndërruar jetë,

Gashi tha se rasti është iniciuar si ‘trajtim i pandërgjegjshëm mjekësor’, ndërsa është njoftuar edhe prokurori.

“Me datë 23.06.2022 rreth orës 17:10 kemi pranuar një informatë se një person ka ndërruar jetë në ordinancë private e cila gjendjen në rrugën, “Gjeravica” në Prizren. Reagimi policor ishte i menjëhershëm, patrulla ka dalë në vendin e ngjarjes ku kanë kontaktuar me palën ankuese, i njëjti deklaron se nëna e tij gjatë operacionit ka ndërruar jetë. Po ashtu është njoftuar prokurori i shtetit i cili ka rekomanduar që rasti të iniciohet, “ Trajtim i pandërgjegjshëm mjekësor. Rasti po hetohet nga njesitet rajonale të hetimeve në Prizren.”, tha Gashi.

Trupi i viktimës është dërguar në Institutin e Mjekësisë Ligjore për obduksion.

The post Vdes një grua në sallën e operimit në një ordinancë private në Prizren, i biri ankohet në Polici appeared first on Prizreni Sot.

Rasti i fundit, sipas burimeve brenda Emergjencës ka ndodhur dje, pasi viktima kishte konsumuar një sasi të madhe të medikamenteve, duke iu përkeqësuar gjendja shëndetësore, me ç’rast është dërguar në spital për trajtim. Në bazë të informacioneve të para, përveç konsumimit të medikamenteve, gruaja ka tentuar edhe t’i prej venat dhe të hidhet nga ballkoni i banesës.

Gjatë kjo ngjarje e tmerrshme motiv ka mosmarrëveshjet që çifti ka pasur në vazhdimësi mes vete, për arsye ende të panjohura.

Pasi Policia është njoftuar për rastin nga spitali, Prokurori i Shtetit ka urdhëruar inicimin e rastit si “vetëvrasje në tentativë”, teksa kanë nisur hetimet.

The post E rëndë: 28-vjeçarja nga Prizreni tenton t’i jap fund jetës pas mosmarrëveshjeve me bashkëshortin appeared first on Prizreni Sot.

Sinjali mëson se këtë herë në rast janë përfshirë vjehrra (72-vjeçare) bashkë më djalin (54-vjeçar) një anë, dhe nusja (56-vjeçare) gruaja e djalit në anën tjetër. Kjo e fundit, viktimë e këtij rasti e ka denoncuar bashkëshortin dhe nënën e tij për dhunën që kanë ushtruar ndaj saj.

Në dëshminë e viktimës të dhënë në Polici, thuhet se vjehrra dhe burri i saj derisa ishin në gjendje të dehur, e kanë sulmuar fizikisht, duke e kapur për flokësh dhe përplasur përtokë.

Një situatë e tillë e ka shqetësuar gruan 56-vjeçare, e cila ka vendosur ta raportojë rastin dhe të kërkojë ndihmë nga Policia, pasi sipas saj të njëjtit shumë herë dehen dhe janë të dhunshëm.

Burimet brenda Prokurorisë thonë se njësitet policore janë vënë në veprim dhe kanë shoqëruar nënën me djalin në Polici, ku kanë dhënë deklaratat për rastin.

I dyshuari, burri i viktimës, është ndaluar me urdhër të Prokurorit, teksa nëna e tij është liruar për shkak të moshës.

The post Prizren: Vjehrra 72-vjeçare bashkë me djalin të dehur rrahin nusen appeared first on Prizreni Sot.

Viktimat kanë deklaruar se njëri prej tyre ka pasur edhe armë. Sipas tyre, pas grabitjes të dyshuarit janë larguar në drejtim të panjohur.

Siç njofton Policia, viktimat nuk kanë pësuar ndonjë lëndim dhe nuk kanë pasur nevojë për tretman mjekësor.

The post Nën kërcënimin e armës, dy persona kryejnë grabitje në Prizren appeared first on Prizreni Sot.

Megjithatë, jo gjithçka po del se shkoi sipas planit. Një pjesë e këtyre familjeve nuk e përfituan materialin ndërtimor si donacion nga komuna e Prizrenit. Kjo pavarësisht, se paratë e shtetit ishin paguar për kompaninë e kontratuar.

Kështu të paktën ka gjetur Auditori në raportin e publikuar për vitin 2021. Nga 37 përfitues, Auditori kishte hetuar shtatë përfitues, ku kishte gjetur se në dy raste, materiali ndërtimor nuk ishte dërguar te personat përfitues.

Si pasojë, vlera e materialit të paguar por që skamnorët nuk e morën ishte mbi 10 mijë e 500 euro, raporton gazeta Nacionale.

“Për kontratën “Furnizimi me material ndërtimor për familjet skamnore dhe rasteve sociale”, për 37 përfitues, më datë 16.12.2021 është kryer pagesa në shumën 98,235€, për të cilën komisioni për pranimin e materialit, më datë 10.12.2021, ka konstatuar se materiali është pranuar si në sasi ashtu edhe në cilësi. Dokumenti i pranimit ishte nënshkruar edhe nga mbikëqyrësi kryesor. Sipas ekzaminimit (për shtatë përfitues), kemi vërejtur se në dy raste, materiali ndërtimor nuk ishte dërguar tek përfituesit edhe pse ekziston fletëdërgesa në emër të tyre. Vlera e materialit të paguar dhe pa pranuar të rasteve të ekzaminuara është 10,783€”, thuhet në raportin e Zyrës Kombëtare te Auditimit.

Komisioni që ishte verifikues, kishte dhënë një arsyetim pse një gjë e tillë ka ndodhur.

“Sipas komisionit të pranimit të mallit është nënshkruar raporti për pranim pa verifikuar paraprakisht duke konsideruar se fatura duhet të paguhet me qëllim që mjetet të mos shkojnë si suficit”, thuhet në raport.

Por, cili është rreziku që të paguhen kompanitë, e punët të mos kryhen? “Ekzekutimi i pagesave për rastet e cekura më sipër është në kundërshtim më rregullat/ kontratën, po ashtu, rritë rrezikun që përkundër pagesës së materialit të mos furnizohen fare. Në këto raste rrezikohet arritja e vlerës për para dhe llogaridhënia ndaj qytetarëve”, ka evidentuar Auditori.

“Kryetari duhet të sigurojë mbikëqyrje dhe kontrolle adekuate/ rigoroze mbi kontratat për projekte kapitale dhe mbi komisionet/organet mbikëqyrëse të punëve/materialit të furnizuar. Po ashtu, menaxhmenti të shtojë mekanizmat për kontroll më të avancuar në mbikëqyrjen e kontratave dhe pagesave për projektet e tilla”, thekson raporti.

Në fakt, pagesa e kontratave të ndryshme pa u përmbushur të gjitha kriteret, është evidentuar edhe në disa raste tjera në raportin e Zyrës Kombëtare të Auditimit.

Një automjet për fikjen e zjarrit në vlerë mbi 100 mijë euro, ishte paguar pa raport vlerësimi nga Komisioni përkatës.

“Më datë 25.02.2021, Komuna kishte lidhur kontratë me Operatorin ekonomik për “Furnizim me automjet special për zjarrfikës”, në shumën 119,000€. Operatori ekonomik nëpërmjet procedurës përmbarimore ka kërkuar nga Thesari në Ministrinë e Financave për pagesën e faturës. Fatura ishte e pa nënshkruar nga zyrtarët e Komunës dhe e pa protokoluar në Komunë. Thesari, më 30.12.2021, kishte realizuar pagesën në shumën 121,746€, përfshirë shpenzimet e procedurës përmbarimore në shumën 2,746€”, ka bërë të ditur raporti.

“Komisioni i caktuar nga Komuna nuk kishte bërë pranimin e automjetit me arsyetimin se nuk janë kompetent për pranimin teknik të automjetit”, theksohet më tutje.

Raste të tilla sipas Auditorit, janë rrezik që kontrata të mos zbatohet ashtu siç duhet. “Mos pranimi i automjetit nga komisioni mund të ketë rrezik se automjeti i paguar, mund të mos i plotësoj kushtet dhe kriteret e specifikuara. Më tutje, shpenzimet për përmbaruesin privat e dëmtojnë buxhetin komunal, duke krijuar shpenzime të paplanifikuara të projektit”, thotë raporti.

Auditori në komunën e Prizrenit ka gjetur edhe keqklasifkim të shpenzimeve, tejkalim të furnizimeve etj./ nacionale.com

The post A pati dallavere me skamnorët në Prizren në kohën e Mytaher Haskukës? Komuna i pagoi 10 mijë euro ‘në të thatë’ për material ndërtimor appeared first on Prizreni Sot.

Rasti u zbulua derisa policia ishte duke patrulluar në një pikë kontrolli, në rrugën “Ekrem Rexha”, në Prizren, ku ndaloi veturën që e drejtonte i dyshuari.

Pas verifikimit dhe mbledhjes së informacioneve fillestare, rezultoi se e mitura që u kap në veturë me 52 vjeçarin dyshohet se është dhunuar nga i njëjti.

Dy palët janë shoqëruar në stacion policor për intervistim, ku kanë dhënë deklaratat e tyre për rastin.
Prokurori i Shtetit ka urdhëruar nisjen e hetimeve për veprën penale “dhunimi” për zbardhjen e rrethanave në të cilat dyshohet se është kryer vepra.

The post 52 vjeçari kapet nga policia në Prizren me 15 vjeçaren në veturë appeared first on Prizreni Sot.

Në raportin 24 orësh të Policisë thuhet se të gjitha palët janë intervistuar dhe më pas janë liruar në procedurë të rregullt.

Policia njofton se rasti është hapur si “Kanosje”.

The post Prizrenasi kërcënon motrën dhe dhëndrrin appeared first on Prizreni Sot.

Hetuesit dhe teknika kriminalistike kanë dalë në vendngjarje ku është bërë këqyrja e vendit të ngjarjes, por nuk është arritur të gjendet mjeti me të cilin dyshohet të jetë kryer vepra. Patrulla policore ka arritur që t’i identifikojë dhe arrestojë dy të dyshuar:

• R.G., i datëlindjes 2003 m/sh/k dhe
• R.M., i datëlindjes 2002,m/sh/k

Të njëjtit janë shoqëruar në stacionin policor në Prizren dhe janë intervistuar lidhur me rastin. Për këtë vepër është njoftuar prokurori i shtetit cili ka urdhëruar që të dyshuarit të dërgohen në mbajtje për 48 orë.

Rasti po hetohet nga sektori i hetimeve të stacionit policor në Prizren, thuhet në njoftim.

The post Arrestohen dy të dyshuar nga Prizreni për veprën penale “Vrasje në tentativë” appeared first on Prizreni Sot.

Rasti dyshohet te ketë derisa viktima ka qenë duke kaluar rrugën, kur papritmas është ndaluar nga një i dyshuar, i cili ia ofroi për shitje një armë të zjarrit.

Në deklaratën e dhënë në Polici, viktima ka deklaruar se në momentin që refuzoi ta blejë armën e zjarrit, i dyshuar e sulmoi me shishe qelqi në kokë dhe iku.

Si pasojë e lëndimeve, i riu ka marrë trajtim mjekësor, ndërsa Policia ka nisur hetimet për identifikimin e sulmuesit.

The post Prizrenasi del ta shes armën e zjarrit në pikë të natës, sulmon me shishe qelqi një person që refuzoi ta blejë appeared first on Prizreni Sot.

Sipas raportit të policië, ngjarja ka ndodhur në Prizren, ku raportohet se viktima mashkull përderisa ka qenë duke punuar në kulmin e një pike të derivateve është rrëzuar dhe ka pësuar lëndime trupore.

I lënduari ka marrë trajtim mjekësor, derisa rasti është duke u hetuar.

Njoftimi i plotë i policisë:

ASGJËSIMI, DËMTIMI OSE HEQJA E PAJISJEVE MBROJTËSEDHE RREZIKIMI I SIGURISË NE VENDIN E PUNËS & LËNDIM I RËNDË TRUPOR

Rr. Besim Shala, Prizren 13.05.2022 – 14:20. Raportohet se viktima mashkull kosovar përderisa ka qenë duke punuar në kulmin e një pike të derivateve është rrëzuar dhe ka pësuar lëndime trupore. Viktimës iu është ofruar trajtim mjekësor, rasti vazhdon të hetohet.

The post Bie nga kulmi ku ishte duke punuar-edhe një rast i lëndimit në vendin e punës në Prizren appeared first on Prizreni Sot.

Sipas njoftimit të MF’së, vlera e kësaj marrëveshje është 6 milionë e 315 mijë eurove, prej të cilave 20% janë grant.

“Me rastin e nënshkrimit të Marrëveshjes, Ministri Murati ka vlerësuar lartë bashkëpunimin e vazhdueshëm me BERZh-in, si një partner i rëndësishëm për avancimin e tranzicionit energjetik të Kosovës dhe zhvillimin e qëndrueshëm ekonomik.

Në anën e tij, Zëvendës Presidenti i BERZh z. Alain Pilloux u shpreh se për një shtet i cili deri vonë nuk mund ta imagjinonte të ardhmen e energjisë pa linjit, progresi i Kosovës nuk mund të ishte më i madh se kaq. Gjithashtu, ai theksoi se Kosova tashmë është duke punuar intenzivisht në një model të cilin çdo shtet duhet ta ndjek, përkatësisht kombinimin e energjisë efiçiente me energji të ripërtrishme”, thuhet në njoftim.

Projekti i cili financohet nga kjo marrëveshje parasheh implementimin e masave të efiçiencës në 100 objekte komunale, duke përfshirë kopshte, shkolla dhe qendra të kujdesit shëndetësor parësor. Masat e propozuara për efiçiencë përfshijnë përmirësimin dhe ndërrimin e sistemeve të ngrohjes, izolimin termik të ndërtesave dhe instalimin e dritareve dhe dyerve me efiçiencë të energjisë.

Njoftimi i plotë:

Ministri Murati dhe Zëvendës Presidenti i BERZh nënshkruajnë marrëveshjen për Energji Efiçiente për Prizrenin

Ministri i Financave, Punës dhe Transfereve, z. Hekuran Murati dhe Zëvendës Presidenti i Bankës Evropiane për Rindërtim dhe Zhvillim z. Alain Pilloux në javën e takimeve pranverore në Marakesh kanë nënshkruar Marrëveshjen për Energji Efiçiente për Prizrenin. Kjo marrëveshje që kap vlerën prej 6 milionë e 315 mijë euro, prej të cilave 20% janë grant, synon investimet në Efiçiencën e Energjisë së Ndërtesave Publike në Prizren.

Me rastin e nënshkrimit të Marrëveshjes, Ministri Murati ka vlerësuar lartë bashkëpunimin e vazhdueshëm me BERZh-in, si një partner i rëndësishëm për avancimin e tranzicionit energjetik të Kosovës dhe zhvillimin e qëndrueshëm ekonomik.

Në anën e tij, Zëvendës Presidenti i BERZh z. Alain Pilloux u shpreh se për një shtet i cili deri vonë nuk mund ta imagjinonte të ardhmen e energjisë pa linjit, progresi i Kosovës nuk mund të ishte më i madh se kaq. Gjithashtu, ai theksoi se Kosova tashmë është duke punuar intenzivisht në një model të cilin çdo shtet duhet ta ndjek, përkatësisht kombinimin e energjisë efiçiente me energji të ripërtrishme.

Projekti i cili financohet nga kjo marrëveshje parasheh implementimin e masave të efiçiencës në 100 objekte komunale, duke përfshirë kopshte, shkolla dhe qendra të kujdesit shëndetësor parësor. Masat e propozuara për efiçiencë përfshijnë përmirësimin dhe ndërrimin e sistemeve të ngrohjes, izolimin termik të ndërtesave dhe instalimin e dritareve dhe dyerve me efiçiencë të energjisë.

The post Kosova nënshkruan marrëveshje mbi 6 milionë euroshe me BERZH’in për Energji Efiçiente për Prizrenin appeared first on Prizreni Sot.

Burimet e Sinjalit brenda Prokurorisë kanë bërë me dije se e reja tentoi ta vras veten duke prerë venat me shiringë dhe gjilpërë. Ajo më pas u dërgua nga familjarët e saj në Spitalin rajonal të Prizrenit, për të marrë trajtim mjekësor.

Nga aty, Sinjali mëson se u njoftua Policia, me ç’rast një patrullë policore ka dalë deri në vendin e ngjarjes.

Sipas të njëjtave burime, 26-vjeçarja ka tentuar të kryej vetëvrasje për herë të tretë, ndërkohë që është transferuar për në Psikiatri, ku do të trajtohet më tutje.

The post E rëndë: 26 vjeçarja nga Prizreni tenton ta vras veten për herë të tretë duke prerë venat appeared first on Prizreni Sot.

Me vendim të prokurorit, të dy janë dërguar në mbajtje.

“Rr. Adem Jashari, Prizren 28.04.2022 – 13:10. Janë arrestuar një mashkull dhe një femër kosovar-e, pasi që nga lokali i viktimës femër kosovare, kanë vjedhur stoli ari me vlerë rreth 1539 euro. Me vendim të prokurorit, të dyshuarit janë dërguar në mbajtje”, thuhet në raport.

The post Arrestohen burrë e grua në Prizren pasi vodhën stoli ari në vlerë gati 1 mijë e 600 euro appeared first on Prizreni Sot.

Siç mësohet nga burimet brenda Policisë, 36-vjeçari është kapur dje, pas mesnate në rrugën “Besim Shala”.

Gjatë kontrollit nga njësia policore dhe verifikimit të tij, ka rezultuar se i njëjti është në stop listë dhe ndaj tij ka urdhër arrest aktiv.

Lidhur me këtë rast është kontaktuar kryetari i Gjykatës Themelore në Prizren, i cili ka kërkuar që të dyshuarit t’i merret ID kartela dhe patentë shoferi.

Po ashtu është urdhëruar që i dyshuari të paraqitet në gjykatë gjatë ditës së nesërme.

The post Bie në pranga të Policisë i kërkuari nga Prizreni appeared first on Prizreni Sot.

Rasti është duke u hetuar.

Njoftimi i plotë i policisë:

PERSON I ZHDUKUR /Prizren 16.04.2022 – 12:00. Ankuesja femër kosovare ka informuar se dy fëmijët e saj janë larguar nga shtëpia dhe nuk dihet vend-ndodhje e tyre. Rasti është duke u hetuar.

The post Zhduken dy fëmijë nga Prizreni, nëna e tyre e lajmëron policinë appeared first on Prizreni Sot.

Dy nga të lënduarit janë dërguar në QKUK për trajtim të mëtejshëm mjekësor, ndërsa dy të tjerë gjenden në arrati.

Policia ka arrestuar dy të dyshuar dhe të njëjtit me vendim të prokurorit janë dërguar në mbajtje.

Njoftimi i plotë i policisë:

LËNDIM I RËNDË TRUPOR /Landovicë, Prizren , 13.03.2022-03:30.  Është raportuar se gjashtë  të dyshuar meshkuj kosovarë,  pas një mosmarrëveshje janë rrahur mes veti dhe si pasojë pesë prej tyre kanë pësuar lëndime trupore dhe kanë pranuar trajtim mjekësor.  Si dëshmi materiale është sekuestruar një shufër metalike. Dy  prej tyre janë dërguar në QKUK për trajtim të vazhdueshëm mjekësor, dy gjenden në arrati, ndërsa dy të tjerët janë arrestuar dhe më vendim të prokurorit  pas intervistimit dërgohen në mbajtje

The post Rrahje në Prizren, pesë persona përfundojnë të lënduar appeared first on Prizreni Sot.