Krahasuar me qytetin e Shtimes, Totaj ka thënë se komuna që ai e drejton ka marrë më pak se 1 milion euro.

I pari i Prizrenit e quan jo profesionale qasjen karshi komunave që nuk udhëhiqen nga Lëvizja Vetëvendosje, ndërsa apelon që të jetë më “profesionale dhe më gjithëpërfshirëse”.

“Ato që ne i paraqesim janë të dhëna nuk janë ankesa, janë një reflektim apo një paraqitje e gjendjes faktike. Ne e dimë që grandi kryesor vjen nga Qeveria dhe ajo është në bazë të numrit të banoreve dhe territorit. Mirëpo pjesa tjetër e investimeve që do të duhej të vinin nëpër komuna përmes ministrive, aty komunat diskriminohen. E keni parë para disa muajve ka qenë publike, ku një paradoks për shembull ku komuna e vogël e Shtimes merr më shumë mjete se sa Prishtina ose edhe se sa Prizreni bashkë. Prandaj është një qasje, kisha me thanë jo profesionale edhe një qasje e cila nuk i bënë nderë as vetë qeverisë, as komunave, sepse me pas një qasje me konstruktive, më profesionale, më gjithëpërfshirëse kishe me u pa ndikimi më i madh i qeverisë qendrore nëpër komuna sepse tek e fundit edhe qeveria qendrore votat i ka marr nëpër komuna se nuk ka pasur ka t’i shpikë ato”.

“Është një vlerë shumë e vogël prej qeverisë që është ndarë diku as një milion euro nuk është. Kurse Shtimja ka marr më tepër se Prishtina. Gjilani për shembull që është komune sa gjysma e Prizrenit ka marr gjashtë milionë e kusur, kurse Prizreni as një milion. Unë nuk po them diskriminim se për më thënë diskriminim i qëllimshëm duhet me pasur argumente, por po them jo profesionalizëm edhe mungesë e sensit për realitet me ditë se cila komunë çfarë trajtimi duhet të këtë”, ka thënë Totaj.

Kreu i Prizrenit ka folur edhe për projektet që kanë nisur në këtë qytet. Krahas rregullimit të sheshit të Shatërvanit, po punojnë edhe për ndërtimin e teleferikut në Kala. Vonesat për këtë projekt, ia faturon kompanisë franceze të specializuar për projektimin e teleferikëve, “Swiss Contact”.

“Shikoni në Prizren janë disa projekte në vazhdimësi e sipër. Për momentin jemi duke u marr me rregullimin e sheshit të Shatërvanit edhe aty kemi vonese e kemi ngecje për shkak të një mungese të fleksibilitetit të Qendrës Rajonale për Trashëgimi Kulturore Historike si pjesë e qeverisë që është po na ngadalësojnë tempon. Mendoj se do të duhej të ishin më fleksibil edhe më konstruktiv edhe në bashkëpunim edhe me KEK-un edhe me Komunën që të adresojmë të rregullojmë atë punë. Në anën tjetër, jemi po ashtu në proces të implementimit të projektit për teleferikun për në Kalanë e Prizrenit, edhe aty kemi ngecje por këtu nuk po e fajësoj Qeverinë, më tepër Swis contaktin që me siguri i ka pengesat e veta sepse Komuna ka marrëveshje tri paleshe, me ‘Swis Contact’ dhe me Qeverinë, ku e para e bën studimin e fizibilitetit dhe e paraqet projektin në detaje, Qeveria i ndan mjetet kurse komuna e implementon projektin”, u shpreh Totaj.

Totaj ka kërkuar që përkatësia politike të mos jetë pengesë sa i përket ndihmesës nga niveli qendror. E sheh të rëndësishme bashkëpunimin ndërmjet Qeverisë dhe komunave.

“Ne kemi shumë kërkesa për Qeverinë që nëse nuk na aprovohen projektet, të paktën të marrim pjesë në bashkëfinancim për ato projekte të cilat janë në vijim e sipër. Një qasje të tillë e kemi kërkuar dhe e kemi has në bashkëpunim të pjesërishëm, mirëpo ngadalë po shkon ekzekutimi tek renovimi i Shtëpisë së Kulturës. Pra nuk ka një ekspeditivitet në kryerjen e obligimeve të cilat i kanë marrë përgjegjësitë edhe kjo nuk i kontribuon përformancës së mirë të Qeverisë. Unë mendoj që çështja e bashkëpunimit ndërmjet Qeverisë qendrore dhe lokale, nuk duhet të jetë e ndikuar nga begraundi politik apo partiak sepse është e rëndësishme për qytetarët që t’i shohin rezultatet e punës e bashkëpunimit të qeverive qendrore e lokale, e këtu ka hapësirë të madhe për përmirësim”, u shpreh Totaj.

The post Totaj ankohet për mungesë përkrahje: Investimet s’janë as 1 milion euro appeared first on Prizreni Sot.

Ai ka theksuar se gjatë dy vjetëve të qeverisjes së tij në Prizren, kanë pasur më shumë prezencë diplomatësh ndërkombëtarë në zyrën e tij sesa ministrave të kryeministrit Albin Kurti.

Kështu, Totaj ka marrë dy shembuj të bashkëpunimit dhe mosbashkëpunimit të nivelit qendror me atë lokal.

Sipas tij, zëvendësministri i Infrastrukturës, Hysen Durimi, është shembull i mirë i bashkëpunimit, ndërsa shembull i keq është ministri i Kulturës, Hajrullah Ceku.

“Unë e kam përshtypjeje e huta ka ardhë si pasojë e mos njohjes së materies dhe si pasojë e një qasje jo bashkëpunuese dhe jo bashkëpunuese mes Qeverise qendrore dhe asaj lokale. Po du me qene optimist që në të ardhëm nuk duhet të kemi kësi veprime por duhet të komunikojmë dhe bashkëveprojmë. Qeveria lokale dhe ajo qendrore mund ti ndihmojë njëra tjetrës. Unë jam përafërsisht gati 2 vjet kryetar i Prizrenit, kam një komunikim shumë të mirë me diplomatë ndërkombëtar, të shteteve të QUINT-it ShBA-së etj…, të cilët vijnë ka dy herë në zyre në Prizren, nuk mund të them të njëjtën gjë për ministrat. Po du me marre një shembull pozitiv te zëvendësministri i Infrastrukturës me të cilin kemi një bashkëpunim të mirë dhe është gatshëm për bashkëpunime…po u jap një shembull të keq ministri i Kulturës që vjen nga Prizreni, pese herë i kam shkuar i kam kërkuar takim për tema që janë me interes për zhvillim e Priernit, lerë që nuk pranon takim po as nuk ma kthen email-in. Mendoj që është nj shembull jo i mire është një qasje jo e mirë”, ka thënë Totaj.

Gjithashtu, Totaj ka folur edhe për dorëzimin e kërkesës në Gjykatë Kushtetuese për vlerësimin e ligjshmërisë së Ligjit për tatimin në pronë të paluajtshme, i cili parasheh faljen e 100 eurove të tatimit për qytetarët.

Sipas tij, me këtë vendim do të dëmtohen buxhetet e komunave të Kosovës, respektivisht, buxheti i komunave të vogla./Dukagjini

The post Totaj: Ministrit Çekut pesë herë i kam shkruar, lëre që nuk pranon takim, po as nuk ma kthen emailin appeared first on Prizreni Sot.

Ndërtimi i kësaj rruge kishte filluar në prill të vitit 2013 dhe u lëshua për përdorim dy vite më vonë (2015), edhe pse nuk ishte përfunduar e gjitha.

Në atë kohë komuna nuk ia kishte arritur të bijë dakord me një nga pronarët e tokave, mbi të cilën rruga duhej të kalonte. Bëhet fjalë për tokën dhe shtëpinë e Faik Kryeziut që gjendet në parcelën ku rruga ishte planifikuar të vazhdonte.

Insajderi ka kontaktuar kryetarin e Prizrenit, Shaqir Totaj për të marrë një përgjigje se a është marrur ndonjë veprim lidhur me këtë çështje.

Totaj tha se komuna tashmë ka marrë të gjitha veprimet ligjore për të zhbllokuar rrugën tranzit. Por, tha se vlerësimin e pronës të Faik Kryeziut, e ka bërë Ministria e Financave dhe jo komuna.

“Komuna e Prizrenit tashmë ka ndërmarrë të gjitha veprimet ligjore procedurale për të debllokuar rrugën tranzite. Vlerësimin e pronës nuk e ka bërë Komuna për Divizioni i Vlerësimeve qe është pjesë e Departamentit të Tatimin në Prone në kuadër të Ministrisë së Financave. Komuna vepron vetëm sipas vlerësimit të bazuar në ligj që është bërë nga ministria e financave, pronari e ka të drejtën ligjore të kontestoj këtë vlerësim përmes rrugëve ligjore“, tha Totaj për Insajderin.

Më tej, Totaj tregoi se rruga transit do të lirohet në muajin shkurt të 2023’ës.

Kujtojmë se, kryetari Totaj, është kërcënuar të martën mbrëma nga pronari i kësaj toke, Faik Kryeziu.

Rastin dy ditë më parë e ka konfirmuar zëdhënësi i Policisë për Rajonin e Prizrenit, Shaqir Bytyqi, i cili ka ka thënë se Totaj është kërcënuar për shkak se i dyshuari ishte i pakënaqur me vlerësimin e pronës së tij nga komuna.

“Fjala është për një pronë-shtëpi e cila ka disa vite që pengon përfundimin e rrugës “tranziti i ri” në Prizren”, ka thënë Bytyqi për Gazetën Insajderi.

Ndërsa, sot Gjykata Themelore në Prizren i ka caktuar një muaj paraburgim të dyshuarit Faik Kryeziu për kërcënimin që i ka bërë kryetarit Totaj.

Sipas njoftimit të Gjykatës, i pandehuri i kishte dërguar porosi djalit të Totajt përmes një personi të tretë, ku kishte thënë “thuaj djalit të Kryetarit le ti thotë babës vet le të ndalet sepse nëse ai nuk ndalet edhe ma rrezon shtëpinë unë djalin e tij ose e rrahi ose e mys krejt”.

“I pandehuri F.K., me datë 24 janar 2023, me qëllim të frikësimit dhe shkaktimit të ankthit, seriozisht e kanos personin zyrtar në lidhje me punën e tij zyrtare dhe atë te dëmtuarin Sh.T.,– Kryetar i Komunës së Prizrenit, në atë mënyrë që për shkak mosmarrëveshjeve paraprake ne lidhje me një kontest pronësor me komunën e Prizrenit, i pandehuri F.K., ditën kritike përmes një personi të tretë, i dërgon porosi djalit të të dëmtuarit me fjalët se “thuaj djalit të Kryetarit le ti thotë babës vet le të ndalet sepse nëse ai nuk ndalet edhe ma rrezon shtëpinë unë djalin e tij ose e rrahi ose e mys krejt”, me çka me këtë veprim tek i dëmtuari Sh.T., dhe familja e tij ka shkaktuar frikë, ankth dhe pasiguri për jetë”, thuhet në komunikatë.

Në komunikatën e Gjykatës thuhet se i pandehuri e kishte kërcënuar edhe më herët Totajn.

“Gjykata ka ardhur në konstatimin se ekzistojnë arsye për caktimin e paraburgimit, pasi që edhe me datë 06 dhjetor 2022, ndaj të pandehurit është iniciuar hetim për veprën penale të natyrës së njëjtë (Kanosje) ndaj të dëmtuarit të njëjtë (Kryetarit të Komunës së Prizrenit), dhe i pandehuri është edhe përsëritës i veprave penale në tre (3) aktgjykime të plotfuqishme”, thuhet në komunikatë.

The post Prapaskenat e konfliktit për një pronë, pse u kërcënua kryetari i Prizrenit appeared first on Prizreni Sot.

Në një intervistë për KosovaPress, Totaj thotë se te kategoria tjetër e buxhetit që përfshin mallrat dhe shërbimet është shpenzuar në përqindje më të madhe, rreth 90%.

“Buxheti për investime kapitale është një indikator shumë i rëndësishëm, ne kemi filluar me shpenzime të buxhetit për investime kapitale diku ka fundi i prillit sepse gjendja që e kemi trashëguar ka qenë se nuk e kemi pasur të miratuar buxhetin, pasi e kemi miratuar derisa na është aprovuar nga qeveria ka marrë kohë, nga fundi i prillit kemi filluar të shpenzojmë mjete buxhetore dhe unë e kam pas bërë një farë kriteri të vlerësimit të performancës tonë duke marrë parasysh se kemi filluar vonë diku dy të tretat e buxhetit për investime kapitale do të mund t’i shfrytëzojmë, për momentin jemi diku nga 60%”, thotë Totaj.

Kryetari i Prizrenit vlerëson se me një bashkëpunim më të mirë në mes të qeverisë dhe pushtetit lokal, do mund të realizoheshin projekte, që sipas tij, do të ndikonin në përmirësimin e jetës së qytetarëve por edhe të përformancës së dy niveleve.

“Po ju jap një statistikë me të dhëna të cilat dalin nga vet buxheti i aprovuar për vitin 2023, 52% të investimeve të reja shkojnë për 10% të banorëve dhe 10% të territorit të Kosovës aty ku kryetarët e komunave janë nga partia që është në pushtet, kurse 48% të investimeve të reja shkojnë për 90% të banorëve dhe 90% të territorit të Kosovës, është pak a shumë praktikë normale që partia në pushtet i përkrah pak më shumë komunat ku i ka kryetarët e vet mirëpo një diskrepancë kaq e madhe nuk i shkon në favor as partisë që është në pushtet dhe as kryetarëve të komunave. Prandaj ajo çka ne kemi pritur ka qenë pak më tepër kurse ajo që ka ndodhur është më pak, nuk dua të besoj që dikush e ka bërë me qëllim por dua të shpresoj që do të ketë përmirësime në këtë drejtim nëse do ta kemi prap këtë qeveri”, thotë ai.

Totaj thotë se për më shumë se një vit, që kur mori mandatin për të udhëhequr me Prizrenin, është vizituar vetëm nga tre ministra të Qeverisë së Kosovës, çka sipas tij, dëshmon mungesën interesimit për bashkëpunim nga ana e ekzekutivit.

“Prej se unë e kam marrë pushtetin këtu, diku afër 40 diplomatë ndërkombëtarë kanë ardhur pë r të vizituar mua në këtë zyre, ambasadorë, presidentë, diplomatë të rangut, nënkryetar i Parlamentit Evropian, kryetar i Parlamentit të Austrisë, ambasadori i Shteteve të Bashkuara të Amerikës… kjo është një tregues që fokusi apo vëmendja është kthyer nga Prizreni kurse në anën tjetër vetëm tre ministra na kanë vizituar deri më tani në këtë zyre këtu, që është indikator që këtu ka mundësi por ka edhe nevojë për një përmirëism që kjo nuk është as në favor të qeverisë sepse qeveria nëse do të përmirësojë diçka në Prizren, duhet të bashkëpunojë me pushtetin lokal, kjo nuk ka ndodhur, nuk është në nivelin e pritjeve të mija por dua të besoj që në të ardhmen do të jetë më mirë”, thotë kryetari i Prizrenit.

Në anën tjetër, Totaj shprehet se në katër vjetët e fundit para se ai të marrë drejtimin e komunës, në pushtet ka qenë një qeverisje që nuk ka qenë në nivel të pritjeve të qytetarëve.

“Ne nuk e kemi traget me përmirësu imazhin e askujt, ne e kemi traget me bë punën tonë në mënyrën më të mirë të mundshme, vet rezultatet e punës ndikojnë pastaj në mënyrë direkte tek përmirësimi i imazhit të qeverisë lokale por në mënyrë indirekte edhe të partisë prej nga unë vi”, thotë Totaj.

Derisa flet për projektet në këtë komunë, kryetari i Prizrenit i jep rëndësi rrugës transite për çka thotë se lidhja e saj do të shkarkojë trafikun në qytet, që sipas tij do të realizohet gjatë këtij viti.

“Një projekt shumë i rëndësishëm është rruga e transitit, e dini se ekziston një rrugë e cila e ka një shtëpi në mes dhe për 120 metra nuk po mund të lidhim dy anët e rrugës, ne jemi në hapin e fundit për të bërë lidhjen e asaj rruge, proceduralit e kemi përmbyllur, na ka mbetur vetëm të bëjmë alokimin e mjeteve dhe definitivisht të largojmë shtëpinë prej aty dhe me lidhë rrugën. Lidhja e asaj rruge transite do ta shkarkojë qytetin, do ta shkarkojë trafikun urban për qytet dhe autobusët, të cilët për momentin vijnë nëpër qytet, do të shkojnë nga ajo rrugë transite kurse në anën tjetër e kemi një projekt tjetër që e bën shkurtimin e qasjes në autostradë nga qendra e qytetit, aty jemi në fazën e vlerësimit të ofertave dhe do të fillojmë me ndërtimin e asaj rruge”, thotë ai.

Gjithashtu, Totaj shprehet se janë në kërkim të një partneri për të bërë studimin e fizibilitetit të trafikut brenda qytetit.

“Jemi në fazën e kërkimit të një partneri për të bërë studimin e fizibilitetit të trafikut urban brenda në qytet për me pa sa stacione të trafikut urban ka nevojë, sa stacione të reja na duhen, sa lidhje na duhen dhe sa shpesh duhet të nisen autobusët dhe pastaj ajo kompani nëse ka gatishmëri të merr implementimin e atij projekti, jemi në fazë ne negociatave dhe besoj që do të kemi lajme më konkrete me ja dhënë një mundësi një kompanie me autobusë të vegjël deri 20 persona të lëvizin më shpesh në qytet dhe t’i inkurajojmë njerëzit që të përdorin transport publik dhe mos të lëvizin me makina pa pasur ndonjë nevojë shumë të madhe”, thotë ai.

E shtigjeve për biçikleta, Totaj potencon se do të shtojnë edhe në hyrje-dalje të qytetit, krahas atyre që janë në unazën e Prizrenit.

Totaj, gjithashtu pret që gjatë këtij viti të rregullohen hapësirat publike që përfshijnë tavolinat dhe çadrat e lokaleve, shitësit ambulantë si dhe kiosqet.

Në vitin 2022, Asambleja e Prizrenit e ka miratuar si zyrtare gjuhën rome, krahas asaj boshnjake e turke që njihen në këtë komunë.

The post Totaj: Qeveria të bashkëpunojë me nivelin lokal, nuk jemi të kënaqur me përkrahje appeared first on Prizreni Sot.

Njoftimi i plotë:

Kryetari i Komunës së Prizrenit, Shaqir Totaj, do të mbajë takime individuale apo grupore me qytetarë, çdo të enjte nga ora 13:00 – 16:00, për t’u informuar rreth problemeve me të cilat ballafaqohen ata në Komunën e Prizrenit.

The post Çdo të enjte, kryetari i Prizrenit, Shaqir Totaj i takon qytetarët appeared first on Prizreni Sot.

Kryetari Totaj theksoi se kjo Shkollë Verore është ndër ngjarjet më të rëndësishme që kontribuon në edukimin, arsimimin dhe rrjetizimin e fëmijëve tanë, për më tepër, mundëson shkëmbimin e ideve dhe të përvojave si dhe shërben për hapjen e horizonteve të reja për fëmijët tanë dhe për fëmijët evropian.

Kryetari Shaqir Totaj shprehu mirënjohje të veçantë për kryetaren e Education Unlimited, znj. Kerstin Zielosko dhe anëtarin e nderit të Education Unlimited, z. Luan Krasniqi.

Kryetari Totaj tha se fëmijët e adoleshentët tanë duhet të bashkëveprojnë, të mësojnë së bashku, të njihen e të shkëmbejnë përvojat e dijet e tyre, që në këtë mënyrë të ndërtohet mendësi e re në shoqeritë tona, ku këta të rinjë, do t’i zhvillojnë vendet tona dhe do të kontribuojnë për integrimin dhe bashkërendimin e vendeve të Ballkanit Perëndimor në Evropë.

Mbështetja e këtij aktiviteti është bërë nga Qeveria e Kosovës dhe Ministria Federale për Familje, të Moshuar, Gra dhe të Rinj e Gjermanisë.

Kryetari Totaj nxënësve u uroi suksese ndërsa organizatorët i përgëzoi për këtë iniciativë që shërben në ngritjen intelektuale dhe argëtimin e të rinjve!

The post Kryetari Shaqir Totaj mori pjesë në hapjen e Education Unlimited – Kampit Veror 2022, që këtë vit po mbahet në Prizren appeared first on Prizreni Sot.

Prej tyre 10 premtime janë realizuar që në vitin e parë në zyre të Komunës së Prizrenit.

5 premtime janë gjysmë të përmbushura.

22 premtime ka filluar t’I realizoj.

41 premtime nuk kanë filluar ende të realizohen.

The post Nga 71 premtime të kryetarit të Prizrenit Shaqir Totajt, 10 i ka realizuar, 41 ende nuk kanë filluar appeared first on Prizreni Sot.

Kështu ka bërë të ditur ministri i financave, Hekuran Murati në një konferencë për media.

Pagesat për shërbyesit civilë nuk janë bërë në Komunën e Prizrenit.

Këtë e ka konfirmuar, krytari i Komunës së Prizrenit, Shaqir Totaj.

Ai thotë se për grevistët nuk janë bërë pagesat, gjë që e ka quajtur vendim të njëanshëm të qeverië.

“Nuk kam informatë të plotë, por për aq sa kam, nuk janë ekzekutuar pagat për shërbyesve civilë të cilët janë në grevë. Punëtorët, shërbyesit civilë janë të punësuar të Komunave, andaj veprimi i tillë i qeverisë është i njëanshëm, dhe si i tillë është i papranueshëm dhe nuk është mënyrë e mirë për të zgjidhë mosmarrëveshjet”, thotë Totaj.

Ai për  thekson se një gjë e tillë po ndodhë për herë të parë në Kosovën e pasluftës, derisa shton se me grevistë duhet biseduar dhe duhet gjetur kompromis.

“Me grevistë duhet biseduar dhe unë besoj se mund të gjendet kompromis. Vlen të theksohet se një veprim i këtillë i njëanshëm për herë të parë po ndodhë në Kosovën e pasluftës, dhe nuk është shembull i mirë”, deklaron ai.

The post Shaqir Totaj: Veprimi  i njëanshëm, dhe i papranueshëm që Qeveria nuk ua ekzekuton pagat shërbyesve civilë në Prizren appeared first on Prizreni Sot.

Kryetari i Komunës së Prizrenit, Shaqir Totaj, ka komentuar kërcënimin që ka marrë nga partneri i tij i koalicionit.

Ai ka thënë se nga kryetari i degës së Nismës në Prizren, Zafir Berisha, ka marrë një sms, i cili ka përmbajtur gjuhë të ulet.

Në një intervistë të shkurtër për gazetën Nacionale, Totaj ka thënë se rastin menjëherë e ka denoncuar të organet e rendi dhe se tani policia është duke u marrë më të.

Ai nuk ka komentuar pretendimet e Berishës së rastin është keqkuptuar dhe se nuk ka pasur kërcenim.

Pavarësisht kërcënimeve në mes të partnerëve, Totaj ka thënë se koalicioni në mes të dy partive politik është duke funksionuar normalisht.

I pari i Prizrenit ka treguar se ende nuk është takuar dhe nuk ka komunikuar me Zafir Berishën.

Nacionale:

Z. Totaj, në fund të muajit të kaluar është raportuar se keni denoncuar në polici për kërcenin kryetarin degës së Nismës në Prizren, z. Zafir Berisha, të cilin e keni partner koalicioni. Çka ndodhi në mes jush?

Totaj:

E kam pranuar një sms dhe gjuha e përdorur aty ka qenë e nivelit të ulet. Policia është lajmëruar dhe është duke u marrë me rastin.

Nacionale:

Prej atij rasti, keni folur, apo jeni takuar më për tu sqaruat me z. Berisha?

Totaj:

Nuk jemi takuar dhe nuk kemi komunikuar pas atij rasti.

Nacionale:

Pas këtyre deklarimeve për kërcënime sa stabil është koalicioni qeverisës në komunën e Prizrenit në mes të PDK-së dhe Nismës?

Totaj:

Koalicioni funksionon për momentin.

Opozita në Prizren ju ka akuzuar për emërime politike të drejtorëve të shkollave. Cili është komenti i juaj për këto akuza?

Totaj:

Opozita në këtë pikë improvizon dhe imagjinon!

Nacionale:

Kryetarët e komunave tjera të Kosovës janë ankuar për injorim nga qeveria Kurti. Cili është raporti i juaj me qeverinë qendrore. A është në nivelin e duhur ky bashkëpunim?

Totaj:

Do te doja të shihja qasje me konkrete dhe proaktive të qeverise ndaj Komunës së Prizrenit.

Nacionale:

Gjatë fushatës keni dhënë shumë premtime për këtë komunë. Cilat projekte deri me tani i keni filluar për të realizuar?

Totaj:

Kemi filluar shume projekte: riparimi gjeneral i rrugës kryesore, unazës së qytetit, ndërtimi i rreth 60 akseve rrugore neper fshatra, studimi i fizibilitetit të projektit për ujë të pijes për tërë qytetit 24/7 për 30 vitet e ardhshme, riparimi i qendrës sportive, anëtarësimi i Prizrenit në platformën “100 smart EU city’s”, zhvillime pozitive rreth debllokimit të rrugës së tranzitit, si dhe shumë projekte tjera./ nacionale.com

The post Totaj: Mora sms me gjuhë të ulët nga Berisha, s’kemi komunikuar më appeared first on Prizreni Sot.

Me këtë rast, Kryetari Totaj u shpreh se Prizreni ka nevojë të ketë vizitorë nga Shqipëria, që nxënësit shqiptarë të mund ta vizitojnë qytetin muze dhe t’i shohin nga afër monumentet historike e kulturore si dhe ta sodisin natyrën e pasur të Komunës së Prizrenit. Totaj, gjithashtu potencoi se zhvillimi i turizmit do të thotë, të kemi edhe zhvillim ekonomik në përgjithësi, shtim të kapaciteteve në vend, rritje të punësimit dhe shkëmbim të përvojave.

E në prag të fillimit të sezonit veror në Shqipëri, Ministrja Kumbaro, falënderoi Kryetarin e Prizrenit për takimin përmbajtësor dhe premtoi se ofrimi i cëlësisë së shërbimeve në rivierën shqiptare, vazhdon të jetë prioritet i institucioneve të Shqipërisë.

Kryetari Totaj, përmendi se, përveç qytetit të Prizrenit, tashmë për vizitorët nga Shqipëria, në hartën turistike, janë futur edhe malet në afërsi, Prevalla dhe Brezovica.

The post Kryetari Shaqir Totaj, priti në takim Ministren e Turizmit dhe Mjedisit të Shqipërisë, Mirela Kumbaro appeared first on Prizreni Sot.

Vlora Karavadaj, në zgjedhjet lokale të mbajtura gjatë vitit të kaluar, ishte kandidate për asamblenë komunale nga radhët e PDK-së në Prizren, post ky i cili nuk arriti ta fitoj për shkak të votave të pamjaftueshme.

Ajo po ashtu kishte punuar si profesoreshë në Shkollën e Mesme Ekonomike “Ymer Prizreni”, nga ku ishte dorëhequr për të ushtruar detyrën e dhënë nga kryetari Totaj, shkruan Insajderi.

Ndërkaq, depolitizomi i institucioneve arsimore nga politika, ishte njëra nga premtimet me të cilën Shaqir Totaj mori besimin e prizrenasve.

The post Harrohen premtimet e fushatës, Kryetari i Prizrenit fillon me rehatim të njerëzve të PDK-së nëpër pozita appeared first on Prizreni Sot.

Postimi i plotë:

“Sot së bashku me Drejtoreshën e DKA-së, Luljeta Gutaj Veselaj, Drejtoreshën e DKSH-së, Burbuqe Berisha dhe me bashkëpunëtor, vizituam disa shkolla dhe çerdhe në Komunën e Prizrenit.

Drejtoria e Shëndetësisë dhe Drejtoria e Arsimit dhe Shkencës, në bashkëpunim, kanë formuar ekipet mobile të QKMF-së dhe grupet e task forcave nëpër shkolla, këta akter po kujdesen për testimin me teste rapide për fëmijët me simptoma dhe për parandalimin e përhapjes së virusit COVID-19.

Këto teste realizohen brenda objekteve shkollore nga ana e ekipeve mobile të QKMF-së.

Të gjithë akterët relevant së bashku me drejtoreshat, janë 24 orë në shërbim për të siguruar mbarëvajtjen e procesit mësimor dhe për të mundësuar parandalimin e përhapjes së virusit me shpejtësi tek fëmijët.

Kujdesi ndaj fëmijëve është prioritet i ynë!

#vendosemaskën #ruanishëndetintuajdhetëfamiljes

The post Kryetari Totaj së bashku me drejtoreshën e Arsimit dhe atë të Shëndetësisë, vizituan disa shkolla dhe çerdhe në Prizren appeared first on Prizreni Sot.

Edhe ky takim sikurse ai i pari kishte karakter informativ.

Pas takimit nga kryetari Shaqir Totaj me përbërjen e kompletuar të kabinetit të tij qeverisës, zyrtarja për marrëdhenie me publik, Jona Hoxha, tha se në mbledhjen e dytë të kryetarit me ekzekutivin është prezantuar rregullorja e punës edhe për dy drejtorët komunal të emëruar të premten e fundit, si dhe është diskutuar me drejtorët edhe për ecurinë e pranim- dorëzimit të detyres nga qeverisja e kaluar.

Zyrtarja Hoxha, tha më tej se, lidhur me këtë çështje do të bëhen raporte dhe analiza pas pranimit te detyres nga ekzekutivi ri.

Sipas zyrtares, Hoxha, pas këtyre dy takimeve të para informuese nga kryetari Totaj me drejtorët e tij, nga javët në vijim mbledhjet e këtilla do të jenë me karakter punues ku do bëhen raportime për punën e dikasterëve komunal.

The post Kryetari Totaj, mbajti takimin e parë me kabinetin e tij të kompletuar qeverisës appeared first on Prizreni Sot.

Kryetari Totaj në këtë takim informues me drejtorët ka shpalosur para tyre proceset të cilat i presin ata në ditët në vazhim dhe ka kërkuar nga të gjithë të punojnë me përgjegjësi për interesin e përgjithshëm publik, të kenë transparencë në proceset e punës së tyre, komunikim me të gjithë akterët relevant, bashkëpunim dhe ndërveprim mes drejtorive dhe efektivitet në proceset që duhen shtyrë dhe punët që e presin qeverisjen lokale.

Kryetari Totaj është shprehur optimist për kabinetin e drejtorëve të sapo emëruar, prej të cilëve pret që të punojnë me dinjitet, integritet dhe të jenë në shërbim të qytetarëve në çdo kohë.

Në kabinetin Totaj tashmë janë njëmbëdhjetë drejtorë të emëruar. Në ditët në vazhdim pritet emërimi dhe i drejtorit të Inspektorateve dhe drejtorit të Ekonomisë dhe Financave.

The post Kryetari Shaqir Totaj ka mbajtur takimin e parë me kabinetin e drejtorëve komunal appeared first on Prizreni Sot.

Nga gjithsej trembëdhjetë drejtori, kryetari, Shaqir Totaj sot gjatë ditës ka emëruar njëmbëdhjetë, dy drejtoritë e tjera do të emërohen në ditët në vazhdim. 

Drejtorët e emëruar janë: 

Drejtoria e Arsimit dhe Shkencës – Luljeta Veselaj Gutaj

Drejtoria e Shërbimeve Publike – Çelë Lamaj

Drejtoria e Administratës – Edin Shehu 

Drejtoria e Urbanizmit dhe Planifikimit Hapësinor – Pranverim Berisha 

Drejtoria e Kadastrës dhe Gjeodezisë – Senxhar Karamuço 

Drejtoria e Shëndetësisë – Burbuqe Berisha

Drejtoria e Bujqësisë dhe Zhvillimit Rural – Bexhat Bytyqi

Drejtoria e Turizmit dhe Zhvillimit Ekonomik – Lirije Bytyqi

Drejtoria e Kulturës, Rinisë dhe Sportit – Adem Morina, 

Drejtora e Punës dhe Mirëqenies Sociale – Vjollca Kabashi

Drejtoria e Emergjencës dhe Sigurisë – Ramize Shala

The post Shaqir Totaj emëron drejtorët e drejtorive komunale appeared first on Prizreni Sot.

“LDK, nuk do të hyjë me ne në koalicion” thotë Shaqir Totaj, ndësra me Nismën dhe AAK-së e ka të ndarë “kulaqin”.

6 drejtori do t’i marrin Nisam e AAK, të tjerat…

Kush do t’i marr te tjerat apo a do t’i takojnë PDK-së mbetet të shihet.

Në lojë janë edhe minoritetet.

I duhen numrat në Kuvend Shaqir Totajt dhe që të mos përfundoj si Mytaher Haskuka, duhet t’I bëjë “pazaret” mirë…

Në ndërkohë siç duket Prizreni nuk do të ketë as në këtë mandat të Shaqir Totajt  opozitë e as Shoqëri Civile

Pa presione ai, kalon nga java në javë e drëjtorët askund.

Premtimet për eksperta po i “ha” koha dhe siç po duket do të na servohen emra të “poltikanëve” lokal pa ndonjë ekspertizë.

Thjeshtë do të mbulohen sektorët, dhe do të vijohet me tregimin e vjetër…

Numrat në Kuvend mbeten një pikëpyetje tjetër.

I ka apo s’i ka numrat në Kuvend Shaqir Totaj, mbetet të shihet në ditët në vijim, kur të caktohen emrat e drejtorëve.

Nezir Çoçaj e “braktisi” PDK-në i “pakënaqur” me këtë ndarje dhe pritet që të ketë të kënaqur e të pakënaqur edhe në ditët në vijim.

Mbete në dorën e Shaqir Totajt se kujt do të ia besoj detyrat e drejtorëve…cilat do të jenë kënaqësitë dhe pakënaqësitë që do të shfaqen…

Mbete të shihet…

The post Java iku, drejtorët e Shaqir Totajt askund… appeared first on Prizreni Sot.

Totaj thotë se në kabinetin e tij qeverisës nuk do të ketë vend për njerëz me probleme me ligjin, ndryshe nga qeveria lokale e Mytaher Haskukës.

Totaj flet për synimet për të funksionalizuar zonën ekonomike të Prizrenit dhe turizmin.

“Fakti që kemi pasur disa drejtorë të akuzuar për keqpërdorim të detyrës zyrtare dhe tash para disa ditëve janë shpallur disa aktakuza të reja, tregon se nuk kemi pasur qasje profesionale ndaj obligimeve të punës. Çka unë premtoj që asnjë person i cili ka ose ka pasur probleme me ligjin nuk do të mund të avancohet në pozitë të drejtorit. Natyrisht nëse në ndërkohë ndodh një gjë e tillë që ndaj dikujt të hapet aktakuzë ata persona nuk do të kenë vend në kabinetin qeverisës”, thotë ai për kp.

Totaj premton qeverisje më ndryshe se çfarë është mësuar deri më tani Prizreni, me synim për të rritur cilësinë e jetesës në këtë komunë.

“Unë premtoj ulje apo zvogëlim të dukshëm të dukurive negative, do të thotë burokracisë, korrupsionit, nepotizmit. Të kemi një energji pozitive dhe një qasje proaktive dhe të lëvizim drejt ngritjes së cilësisë së jetës në Komunën e Prizrenit. Qeverisja ime do të jetë profesionale, korrekte, transparente dhe do të jetë një lidership pak më ndryshe se çka parë deri më tani Prizreni”, thotë ai.

Totaj zotohet se do t’i shtyjë përpara të gjitha projektet e premtuara gjatë fushatës zgjedhore, ndërsa tregon se cili prej tyre do të ketë prioritet me nisjen e punimeve.

“Si projekti i parë më i rëndësishëm, funksionalizimi i rrugës tranzitore nga lagjja ‘Dardania’ në lagjen ‘Arbana’, aty është një shtëpi në mes të rrugës, si dhe lidhjen e autostradës me atë rrugë tranzitore që do ta mundësonte shumë më shpejtë kyçje në autostradën e cila çon për Shqipëri ose për Prishtinë, kjo është më e rëndësishmja. Kurse, ne e kemi futur në buxhet të vitit të ardhshëm studimin e fizibilitetit të projektit të ndërtimit të nënkalimit nga ish-BVI deri tek Shtëpia e Bardhë ku aktualisht është rezidenca e kryetarit të komunës. Si dhe një projekt tjetër të studimit të mundësisë së rifreskimit apo ristrukturimit të trafikut urban në qytetin e Prizrenit, ku përfshihet edhe çështja e parkingjeve, sepse nuk ka pasur një studim të kësaj natyre”, thotë ai.

Për krijim të vendeve të punës e rritjen ekonomike të komunës, Totaj thotë se së shpejti do të funksionalizojnë zonën ekonomike të Prizrenit, raporton Telegrafi.

“E kemi si projekt shumë të rëndësishëm funksionalizimin e zonës ekonomike dhe besojmë që shumë shpejtë do të funksionalizohet. Pastaj aty do të kemi mundësi që të kemi investitorë apo biznese të cilët duan të investojnë dhe të hapin vende të reja të punës, t’u ofrohet lokacion, t’u ofrohet tokë dhe infrastruktura e cila ju duhet për t’u kyçur. Ata pastaj me investimet e tyre t’i rrisin kapacitetet dhe të hapin vende të reja të punës”, shprehet Totaj.

I pari i Prizrenit thotë se fokus të punës së tij e ka edhe zhvillimin e turizmit, që pastaj do të kishte ndikim edhe në rritje ekonomike.

“Prizreni si qytet me trashëgimi kulturore, historike ka çka ju ofron vizitorëve. Ka shumë objekte të cilat ia vlen të shihen, ka shumë xhamia, ka shumë kisha, është Sahatkulla ku është investuar dhe është shndërruar në muze. Është po ashtu Hamami, është Lidhja e Prizrenit dhe mendoj që të gjitha këto do të jenë dhe mund të jenë atraksionet për t’i vizituar nga ana e të gjithë qytetarëve që duan të vijnë dhe të vizitojnë Prizrenin. Ne planifikojmë që të ndërtojmë një kalendar të eventeve që do të ndodhin gjatë vitit. Të gjitha këto ne do t’i shfrytëzojmë për të promovuar qytetin tonë dhe përmes kësaj të arrijmë zhvillimin ekonomik sepse të gjithë ata vizitorë që vijnë këtu natyrisht se do të shpenzojnë diçka”, thotë ai.

Për katër vitet e ardhshme, kreu i Prizrenit premton se do të angazhohet në krijimin e një jete më të mirë për qytetarët e kësaj komune. Po ashtu, ai thotë se kujdes të veçantë do t’i kushtojë investimeve në fushën e arsimit, kulturës, sportit e trashëgimisë kulturore.

The post Totaj: S’ka vend në kabientin tim për njerëz me probleme me ligjin appeared first on Prizreni Sot.

I pari i Prizrenit në një prononcim për Indeksonline ka treguar se çka po ndodhë me koalicionin e mundshëm me LDK-në në këtë komunë dhe sa drejtori do t’i kenë Aleanca për Ardhmërinë e Kosovës dhe Nisma Socialdemokrate.

“Maksimumi brenda një jave e përfundojmë. Sa i përket Lidhjes Demokratike të Kosovës na ka mbet edhe njëherë me u konsultu me ta, por ata nuk po duan të hyjnë në koalicion me ne”, ka thënë Totaj për Indeksonline.

Më tutje, ai ka thënë se marrëveshjet e nënshkruara para balotazhit do të respektohen. AAK e Nisma, Totaj ka bërë me dije se do t’i kenë secila prej tyre nga tri drejtori.

“Dy koalicionet që kemi pasur para balotazhit do të jenë pjesë e qeverisjes, na ka mbet me bisedu me minoritetet dhe brenda javës e përfundojmë. AAK e Nisma do t’i kenë nga 3 drejtori. Ndërsa, AKR nuk ka drejtori”, ka theksuar Totaj.

Kujtojmë se kryesuese e Kuvendit Komunal është zgjedhur Antigona Bytyqi nga radhët e Partisë Demokratike të Kosovës. /Indeksonline/

The post Kryetari Totaj thotë se brenda javës do t’i emëroj drejtorët e rinj appeared first on Prizreni Sot.

Shaqir Totaj po haron se është zgjedhur kryetar i Prizrenit duke goditur Mytaher Haskukën “nën brez”, duke ia përqeshur tenderët… e tash i pëlqejnë… krijojnë atmosferë.

Për atmosferë janë “dalluar” zytarët e Mytaher Haskukës, e kanë “qarë këngën” sa herë kanë “hapur e mbyllur” tender.

Të flasësh “mirë” për tenderët e Mytaher Haskukës, nuk është shenjë e mirë…

A do të vazhdojë e njëjta melodi, mbetet të shihet.

Dita e mirë shihet në mëngjes thotë populli.

The post Ka punuar mirë apo keq Mytaher Haskuka, sipas Shaqir Totajt… appeared first on Prizreni Sot.

Nga postimi I fundit I kryetarit të Komunës së Prizrenit tingëllon kështu, ngase edhe në postimin në faqen e tij, edhe në postimin në faqen e Komunës filtet në vetën e parë.

“Sot prita në takim…” thotë Shaiqr Totaj në faqen e tij personale dhe krejt në rregull, ka pritur mysafirë …

“Sot prita në takim…” edhe në faqen e Komunës së Prizrenit…

Ai që e sheh vetëm faqen e Komunës duhet të ia qëlloj se kush e priti…kë…Ndërsa ai që nuk e njeh Shaqir Totajn…

Fotoja është e njëjtë…

The post Shaqir Totaj në faqe të Komunës pret mysafirë në vetën e parë appeared first on Prizreni Sot.

Haskuka fillimisht i uroi punë të mbarë Totajt në menaxhimin e qytetit.

“Patëm një takim pak më të gjatë sepse ne e kemi pasur edhe një takim javën e kaluar lidhur me projektet të cilat i ka komuna dhe z. Totaj duhet me i pasë parasysh çështjet problematike”, tha Haskuka.

Ndërsa Totaj, i cili e falenderoi Haskukën duke e quajtur “kryetar”, tha se i është mirënjohës atij për punën që e ka bërë gjatë mandatit katërvjeçar.

“Së pari dua t’ju falenderoj për një mikpritje shumë të mirë sot që na e keni bë. Njëkohësisht dua t’ju falenderoj për punën që e keni bë katër vitet e fundit, sepse nuk është e lehtë me e udhëheq një qytet si Prizreni. Unë personalisht ju jam mirënjohës”, tha Totaj.

Ai po ashtu e falenderoi Haskukën, për, siç tha, “mundësinë që drejtorët aktualë eventualisht ta vazhdojnë punën”.

Kjo, Totaj tha se do të siguronte një kontinuitet të punëve për të cilat tha se komuna dhe qyteti ka shumë nevojë.

The post Totaj e merr detyrën e kryetarit të Prizrenit: Mirënjohës për punën 4-vjeçare të Haskukës, por ne do të punojmë pak më ndryshe appeared first on Prizreni Sot.

Shaqir Totaj bashkë me bshkëshorten e tij dhe me kryrtaron e Shtabit Zgjedhor Kujtim Gashin kanë hyrë në zyrën e ish kryetarit.

Ata janë pritur nga ish kryetari i Komunës Mytaher Haskuka, më bashkpëpunëtorët e tij.

The post Shaqir Totaj në këto momente pranon detyrën e kryetarit appeared first on Prizreni Sot.

Ky njoftim vjen pas vendimit të djeshëm të Komisionit Qendror Zgjedhor për certifikimin e rezultatit të raundit të dytë të zgjedhjeve në Prizren.

Kryetari i sapozgjedhur Shaqir Totaj nga Partia Demokratike e Kosovës do ta pranojë detyrën nga kryetari i deritanishëm Mytaher Haskuka i Lëvizjes Vetëvendosje, ndaj të cilit fitoi me 51.01% të votave më 14 nëntor.

The post Shaqir Totaj do ta pranojë detyrën e kryetarit të Prizrenit të hënën appeared first on Prizreni Sot.

Shaqir Totaj, nga Partia Demokratike e Kosovës do ta drejtojë këtë komunë për një mandat.
Në bazë të të dhënave që Klankosova.tv ka gjetur në Agjencinë Anti-Korrupsion, Totaj ka mbajtur edhe pozita të tjera si atë të drejtorit regjional të Administratës Tatimore të Kosovës dhe atë të nënkryetarit të Federatës së Basketbollit të Kosovës.

Ai në deklarimin e pasurisë që ka bërë në vitin 2019-të, ka një pasuri të paluajtshme në vlerë prej 1 milion eurosh.

Totaj po ashtu në bazë të deklarimit të bërë në atë kohë ka thënë se posedon dy vetura një në emër të tij dhe një në emër të fëmijëve, të cilat i ka në vlerë prej 13 mijë eurosh.

Tashmë kryetari i ri i Prizrenit të hyra vjetore ka deklaruar se i ka 25 mijë euro nga qeraja dhe kishte marrë 10 mijë euro nga pagë nga ATK-ja derisa ai ishte në krye të këtij institucioni në Prizren.

Ai theksoi se ka të hyra vjetore 7 mijë e 200 euro në emër të fëmijëve të punësuar në Agjensionin “Republika”.

Shaqir Totaj ka deklaruar se gëzon një pension nga Qeveria e Kosovës në vlerë prej 1 mijë e 80 eurosh në vit.

Totaj ka thënë se punën në Federatën e Basketbollit e bën në mënyrë vullnetare, pra nuk gjeneron të hyra nga ky aktivitet.

Nuk dihet nëse ka të dhëna të tjera rreth pasurisë së kryetarit të ri të Prizrenit.

Deklarimin pranë AKK-së ai e ka bërë në vitin 2019-të.

The post Kjo është pasuria e kryetarit të ri të Prizrenit, Shaqir Totaj appeared first on Prizreni Sot.

Shaqir Totaj, në fjalën e tij para strukturave dhe simpatizantëve të lagjes “28 Nëntori” ka theksuar se “Fitorja jonë është më e sigurtë, sepse këtu në mesin tonë e kemi arkitetktin e fitoreve në Prizren Prof.Dr. Ramadan Mujën dhe Minir Krasniqin e shumë të tjerë, të cilët që nga themelimi kanë qenë në ballë të PDK-së.” Më pas Kryetari i ardhshëm i Prizrenit Shaqir Totaj, ka  thënë se “Kur  shoh entuziazmin e madh të kësaj lagje, e shoh fitoren e sigurt të 17 tetorit. “As kush më mirë se banorët  e kësaj lagje, por  edhe të gjithë Prizrenit nuk e dinë për dështimet e qeverisjes katër vjeçare të VV-së, ku çdo gjë mund të thuhet  veç qeverisje jo, sepse  ishte një dështim. Prandaj,ne do të jemi ata, që nga 18 tetori, do ta kthejmë buzëqeshjen e qytetarëve, do t’ia kthejmë krenarinë  qytetit  dhe  do ta  vazhdojmë punën ashtu siç kemi lidhur  aleancë me qytetarin.”

Memli Krasniqi, kryetari PDK-së në fjalën e tij përshëndetëse, ka theksuar se sa herë vjen në Prizren  dhe takohet me  qytetarë në sytë e  të gjithëve e sheh  fitoren e PDK-së më 17  tetor  dhe  nuk ka  si të jetë  ndryshe, sepse PDK-ja  është oferta më e mirë dhe më e sigurte për  qytetarët  e Prizrenit, pa dallim komuniteti e partie. Andaj, marr të drejtën, që këtu  nga  Ortokolli i shpresës, ta  shpall fitoren ende pa u mbajtur  zgjedhjet, sepse këtë po e shoh në gatishmërinë dhe mobilizimin tuaj.

Edhe strukturat e  nëndegës  “28 Nëntori”  kanë shprehur  gatishmërinë që  fitorja  e 17 tetorit  të jetë sa më e thellë dhe atë pa balutazh, sepse këtë mendim e ka populli për ta ndalur  orën e prishur  të VV dhe keqqeverisjen e saj në Prizren

The post Totaj dhe Krasniqi në Ortakoll: Prizreni meriton më mirë dhe më shumë appeared first on Prizreni Sot.

Në këtë tubim,që ishte tubim i shpresës, pos kandidatit për kryetar  të Prizrenit, Shaqir Totaj, i pranishëm ishte edhe  Kryetari i PDK-së Memli Krasniqi  si dhe ish krytari Dr. Ramadan Muja, ish kryetari i PDK-së për Prizren Minir Krasniqi, kandidatët për Kuvendin e Prizrenit dhe struktura tjera të PDK-së.

Memli Krasniqi  në këtë tubim madhështor ka thënë se gjatë katër viteve të kaluara për Prizrenin është ndalur ora në vend, andaj më 17 tetor, me angazhimin tuaj dhe me votën e qytetarëve, Prizreni do të nisë sërish ta përjetojë ndërtimin dhe  zhvillimin. Mobilizimi juaj, në njërën anë dhe në anën tjetër  prania e juaj  edhe pse  e kufizuar për  shkak të masave, dëshmon se  ora  e  Prizrenit  do të  aktivizohet me  PDK-në, me kryetarin e ardhshëm Shaqir Totajn.

Ndërsa Shaqir Totaj, pasi ka falënderuar kryetarin e Komunës së Prizrenit për dhjetë vite me radhë Prof. Ramadan Mujën e kryetarin e PDK-së Minir Krasniqin, ka theksuar se  PDK-ja kur është e bashkuar dhe unike  fitoret i ka të sigurta, andaj sonte jemi mbledhur  që në një mënyrë ta kremtojnë fitoren e 17 tetorit, sepse kështu ka vendosur Prizreni. Për fitore të PDK-së kanë vendosur biznesmenët, kanë vendosur mjekët e infermierët, kanë vendosur mësimdhënësit  dhe qytetarët, që për katër  vite kanë përjetuar secili në formën e vet tmerrin institucional. Andaj, fitorja  jonë  do të jetë fitore për  qytetin, për ardhmërinë  dhe për një zhvillim të hovshëm në të  gjitha  segmentet e jetës.

Entuziazmi i të pranishmëve  dhe mbështetja  e gjerë popullore e  prizrenasve është garanci e  fitores  së PDK-së më 17  tetor.

The post Shaqir Totaj në tubimin përmbyllës: Prizreni do ta hap kapitullin e zhvillimit të dielën appeared first on Prizreni Sot.

Lagjja “Bajram Curri” është e vendosur në përkrahjen për PDK-në e programin tonë për Prizrenin. Qytetarët e kësaj lagje me mikëpritje të jashtëzakonshme u zotuan para PDK-së për mbështetje dhe përkrahje deri në fitoren e madhe.

“Jemi bashkë sot për fitore që nesër të qeverisim për qytetarët dhe bashkë me ta. Andaj, vota e juaj për vizionon tonë me 17 tetor, hapë një epokë të re zhvillimi për Prizrenin” u shpreh Kujtim Gashi Shefi i Shtabit zgjedhor para mbështetësve tanë në këtë lagje.

The post Lagjja “Bajram Curri” në përkrahje të Shaqir Totaj, për Kryetar të Prizrenit appeared first on Prizreni Sot.

“Me Nevzat Sundon biseduam për artin si shprehje universale e shpirtit të njeriut dhe për Prizrenin si hapësira e duhur për art që kapërcen kufijtë e qytetit.

Prizreni është qytet multikulturor dhe një gjë e tillë është pasuri shumë e çmueshme, të cilën duhet ta kultivojmë tutje. Arti i Prizrenit, sikurse vet qyteti, është i të gjithëve. Prandaj si kryetar i ardhshëm i komunës do të përkrahi të gjitha shoqatat kulturore e ansamblet ekzistuese të Prizrenit. Teşekkürler”- u shpreh Totaj në këtë takim.

Përkrahja e komunës me fitoren e PDK-së do të jetë e fokusuar për të gjithë mbrojtësit dhe kultivuesit e përhapësit e trashëgimisë kulturore pa dallim komunitesh e besimesh, sepse komunitet në Prizren janë thesar dhe pasuri me vlerë për qytetin tonë të bukur.

The post Shaqir Totaj takon shoqatën kulturore e artistike turke “Doğru Yol”:Mbështetja për kulturën nuk bëhet veç me fjalë, por me punë konkrete appeared first on Prizreni Sot.

Postimi i plotë

Bashkëshortja Flutura së bashku me nënkryetaren Vlora Çitaku, deputeten tonë Blerta Deliu-Kodra, ish-deputetën nga Prizreni, Luljeta Gutaj-Veselaj e kandidatet tona për asamble, Ymran Fusha realizuan takime të shumta me biznese të ndryshme në “Abi Çarshi”.

Gratë e PDK-së kanë një rol të pazëvendësueshëm dhe kontributi i tyre është i jashtëzakonshëm për fitoren në zgjedhjet e 17 tetorit.

Gruaja e angazhuar është shtyllë e një shoqërie të qëndrueshme e të barabartë. Ne do të kujdesemi që barazia gjinore të respektohet gjatë mandatit tonë nëpër institucionet komunale. Përveç planeve konkrete në fuqizimin e gruas, gjatë qeverisjes sonë gjysma e drejtorive do të udhëhiqen nga gratë. Sepse vetëm bashkë e ndërtojmë Prizrenin e të gjithëve

#votopdk177 #votoshaqirtotaj

The post Gratë e PDK-së kanë një rol të pazëvendësueshëm dhe kontributi i tyre është i jashtëzakonshëm për fitoren në zgjedhjet e 17 tetorit appeared first on Prizreni Sot.

The post Shaqir Totaj në takim me komunitetin boshnjak: Do të qeverism bashkë me Prizrenin appeared first on Prizreni Sot.